ޖެމެއިކާގައި ކުރިއަށްދިޔަ ޖޭއޭއޭއޭ އޯލް ކަމާސްގެ އިވެންޓުގައި ދުވެ، ރާއްޖޭގެ އަންހެނުންގެ 100 މީޓަރު ދުވުމުގެ ގައުމީ ރެކޯޑް މުގުރާލައިފި އެވެ.
ސަތޭކަ މީޓަރު ދުވުމުގެ ރެކޯޑް މި މަހު ކުރީކޮޅުގައި މުގުރާލި، ރޫޔާ، މި ފަހަރު ރޭސް ނިންމީ، 11.87 ސިކުންތުންނެވެ. މިއީ، ރާއްޖޭގެ ތާރީހުގައި ވެސް އަންހެން އެތުލީޓަކު، 100 މީޓަރު ރޭސް 12 ސިކުންތަށް ވުރެ އަވަހަށް ނިންމި ފުރަތަމަ ފަހަރެވެ.
މި މަހުގެ ކުރީކޮޅުގައި ރޫޔާ، 100 މީޓަރު ދުވުމުގެ ރެކޯޑް ހެދީ، 12.02 ސިކުންތުން ދުވެގެންނެވެ.
އެ ރެކޯޑް، 21 އަހަރުން ވަންދެން މުގުރާނުލެވި އޮއްވައި، އެކަން ހާސިލްކުރީ، 2022 ވަނަ އަހަރުގެ ކޮމަންވެލްތު ގޭމްސްގައި، އައިޝަތު ހިމްނާ ހަސަން އެވެ. އެއީ، 12.17 ސިކުންތުން ރޭސް ނިންމައިގެންނެވެ. ހިމްނާ އަތުގައި ރެކޯޑް މާގިނަ އަހަރުތަކެއް ވަންދެން ނެތީ، ބެންކް އޮފް މޯލްޑިވްސްގެ އެތުލީޓްސް ސްކޮލަޝިޕެއްގައި، ޖެމެއިކާގައި ތަމްރީން ވަމުން އަންނަ ރޫޔާ ހޯދަން ފެށި ކުރިއެރުންތަކާ އެކު އެވެ.
ރޫޔާ، މި ވަނީ އެއް މަސް ތެރޭ ދަ ފަހަރު، 100 މީޓަރު ރެކޯޑް ހަދައި، ތާރީހު ބަދަލުކޮށްލައިފަ އެވެ.
