ދިރާސީ އައު އަހަރު ފެށެން ގާތްވުމާއި ގުޅިގެން ދިރާގުން "ބެކް ޓު ސްކޫލް" ހާއްސަ އޮފާއެއް ލޯންޗުކޮށްފި އެވެ.
ދިރާގުން ބުނީ މި އޮފާގެ ދަށުން އެކުންފުނިން ވަނީ އައު ދިރާގު ފައިބާ ބްރޯޑްބޭންޑް ކަނެކްޝަނަށް އެދޭ ކަސްޓަމަރުންނަށް ހިލޭ ރައުޓަރު އަދި ހިލޭ ސެޓް-އަޕް ލިބޭ ޚާއްސަ ޕްރޮމޯޝަނެއްވެސް ފަށާފައި ކަމަށެވެ.
މި ޕްރޮމޯޝަން މެއި، 31 ގެ ނިޔަލަށް ކުރިއަށްދާއިރު، ހާއްސަ އޮފާ ދިރާގުގެ ކޮންމެ ފައިބާ ބްރޯޑްބޭންޑް ޕެކޭޖެއް ނަގާ ފަރާތަކަށްވެސް ލިބިގެންދާނެ ކަމަށް ދިރާގުން ބުނެ އެވެ.
"ކުންފުނީގެ އަމާޒަކީ ރާއްޖޭގެ އެކި ކަންކޮޅުތަކުގައި ކިޔަވަމުންދާ ކުދިންނަށާއި މަސައްކަތްކުރާ ޓީޗަރުންނަށްވެސް ހައިސްޕީޑް އިންޓަނެޓްގެ ހިދުމަތް މެދުނުކެނޑި ފޯރުކޮށްދިނުން،" ދިރާގުން ބުންޏެވެ.
ދިރާގުން އަބަދުވެސް މަސައްކަތް ކުރަމުން ދަނީ ތަފާތު ގިނަ އައު އޮފާތައް ހުރިހާ އުމުރު ފުރައަކަށް އެކަށޭނެގޮތަށް ފަރުމާކޮށް އަދި ހެޔޮ އަގުގައި ކަސްޓަމަރުންނާ ހަމައަށް ގެނެސްދިނުން ކަމަށް އެ ކުންފުނިން ބުނެ އެވެ.
ދިރާގުން ވަނީ މިދިޔަ އަހަރު ބެކް ޓު ސްކޫލް ކެމްޕެއިނެއް ކުރިއަށް ގެންގޮސްފަ އެވެ. އެ ކެމްޕެއިނުގެ ދަށުން ވެސް ހާއްސަ އޮފާތަކެއް ލޯންޗުކުރި އެވެ.
