ސަރުކާރު ހިއްސާވާ ކުންފުނިތަކުގެ ބޯޑަށް މި ސަރުކާރުން ގެންނަމުން އަންނަ ބަދަލުތަކުގެ ތެރެއިން ނިމުނު ހަފުތާގެ ތެރޭގައި ކުންފުނިތަކަށް އައްޔަނުކުރި ބޯޑު މެމްބަރުންގެ ނަންތައް މިއަދު އާންމުކޮށްފި އެވެ.
ސަރުކާރު ކުންފުނިތަކުގެ ބެލެނިވެރި އިދާރާ، ޕްރައިވެޓައިޒޭޝަން އެންޑް ކޯޕަރަޓައިޒޭޝަން ބޯޑު (ޕީސީބީ) އިން މިއަދު ކުރި އިއުލާނެއްގައި ވަނީ 11 ކުންފުންޏެއްގެ ބޯޑަށް އައްޔަންކުރި މީހުންނާއި، މުޅިން އަލަށް އެކުލަވާލި މޯލްޑިވްސް ފިޝަރީޒް އެންޑް އޯޝަން ރިސޯސަސް މާކެޓިން އެންޑް ޕްރޮމޯޝަން ކޯޕަރޭޝަން (އެމްއެފްއޯއާރުއެމްޕީސީ)ގެ ބޯޑަށް އައްޔަނުުކުރި މީހުންގެ ނަންތަން ހާމަކޮށްފަ އެވެ.
ޕީސީބީން އާންމުކުރި ލިސްޓުން ފާހަގަކޮށްލެވޭ އެންމެ ބަދަލަކީ ގަން އިންޓަނޭޝަނަލް އެއާޕޯޓު ހިންގާ އައްޑޫ އިންޓަނޭޝަނަލް އެއާޕޯޓު ޕްރައިވެޓް ލިމިޓެޑު (އޭއައިއޭ)އަށް އާ މެނޭޖިން ޑިރެކްޓަރަކު ހަމަޖެއްސުމެވެ. އޭއައިއޭގެ އާ މެނޭޖިން ޑިރެކްޓަރަކަށް އައްޔަނުކުރީ މުހައްމަދު ވަހީދު ހުސެއިނެވެ. އޭނާއަކީ ޔާމީންގެ ސަރުކާރުގައި މޯލްޑިވްސް ކޮލިފިކޭޝަން އޮތޯރިޓީ (އެމްކިޔުއޭ)ގެ ސީއީއޯ އެވެ.
ސަރުކާރު ކުންފުނިތަކަށް އައްޔަނުކުރި އެހެން ބޯޑު މެމްބަރުންގެ ތެރޭގައި ހިމެނެނީ:
- ބޭންކް އޮފް މޯލްޑިވްސް (ބީއެމްއެލް) - އަލީ ފާރިސް
- އެސްއެމްއީ ޑިވެލޮޕްމަންޓް އެންޑް ފައިނޭންސް ކޯޕަރޭޝަން (އެސްޑީއެފްސީ) - މުހައްމަދު މާއިޒު މުނާޒު
- ފަހި ދިރިއުޅުން ކޯޕަރޭޝަން (އެފްޑީސީ) - މުހައްމަދު ސައީދު
- މޯލްޑިވްސް އިސްލާމިކް ބޭންކް (އެމްއައިބީ) - އަހުމަދު ސިރާޖު
- ރީޖަނަލް އެއާޕޯޓްސް ކޮމްޕެނީ ލިމިޓެޑް (އާރުއޭސީއެލް) - އައިޝަތު ވަފާ މުހައްމަދުމަނިކު
- މޯލްޑިވްސް އިންޑަސްޓްރިއަލް ފިޝަރީޒް ކޮމްޕެނީ ލިމިޓެޑް (މިފްކޯ) - ޝަޒްނާ މުހައްމަދާއި ޒުލައިހާ ޔޫމީ ރަޝީދު
- ބިޒްނަސް ސެންޓާ ކޯޕަރޭޝަން (ބީސީސީ) - އަލީ މައުސޫމް
- މޯލްޑިވްސް އެއާ ޓްރެފިކް ސާވިސަސް ލިމިޓެޑް - ހަސަން މިރާސް
- ސްޓޭޓް އިލެކްޓްރިކް ކޮމްޕެނީ ލިމިޓެޑް (ސްޓެލްކޯ) - ޔޫސުފް ވަހީދު
އޭގެ އިތުރުން ހައްޖު ކޯޕަރޭޝަން ލިމިޓެޑުގެ ޗެއާމަނަކަށް މުހައްމަދު ރަޝީދު އިބްރާހިމް ރަޝީދު ހަމަޖައްސާފައިވާ ކަމަށް ވެސް ޕީސީބީން ބުންޏެވެ.
