އިންޑިއާގެ އާންމު އިންތިހާބުގެ ހަތަރުވަނަ ފޭސްގެ ވޯޓުލުން މިއަދު ފަށައިފި އެވެ.
މި ފޭސްގައި ވޯޓުލުން ކުރިއަށް ގެންދިޔުމަށް ހަމަޖެހިފައި ވަނީ ނުވަ ސްޓޭޓްގެ އިތުރުން އެއް ޔޫނިއަން ޓެރިޓަރީގައި ކަމަށްވާއިރު، 96 ގޮނޑިއަށް މެމްބަރުން އިންތިހާބު ކުރާނެ އެވެ.
ހަތަރުވަނަ ފޭސްގައި އަންދަރަ ޕްރަދޭޝް، ޓެލެންގަނާ، އޮޑިޝާ، އުއްތަރަ ޕްރަދޭޝް، މަދްޔާ ޕްރަދޭޝް، ބިހާރު، މަހާރަޝްޓްރާ، ވެސްޓް ބެންގާލް އަދި ޖަންމުއާއި ކަޝްމީރުގައި ވޯޓުލުން ކުރިއަށް ގެންދާނެ އެވެ.
ޖުމްލަ ހަތް ފޭސްއަކަށް ބަހާލައިގެން ކުރިއަށް ގެންދާ މި އިންތިހާބުގައި މިހާތަނަށް ތިން ފޭސްއެއްގެ ވޯޓުލުން ވަނީ ކުރިއަށް ގެންގޮސްފަ އެވެ. އެއީ އެޕްރިލް، 19 އާއި އެޕްރިލް، 26 އަދި މޭއި، 7 ގަ އެވެ.
އިންތިހާބުގައި 543 މެމްބަރުން އިންތިހާބު ކުރުމަށް ހަމަޖެހިފައިވާއިރު، ވޯޓުލުމުގެ ހައްގު 969 މިލިއަނެއްހާ މީހުންނަށް ވަނީ ލިބިފަ އެވެ.
އޭގެއިތުރުން މިފަހަރުގެ އިންތިހާބުގައި ފުރަތަމަ ފަހަރަށް 197 މިލިއަނެެއްހާ މީހުންނަށް ވޯޓުލުމުގެ ހައްގު ވަނީ ލިބިފަ އެވެ. އެއީ އަލަށް 20 އަހަރު ފުރުނު މީހުންނެވެ.
އިންޑިއާގެ އިންތިހާބުގައި 2019 ވަނަ އަހަރު 67 ޕަސަންޓު މީހުން ވޯޓުލާފައިވާއިރު، އެއީ 615 މިލިއަނެއްހާ މީހުންނެވެ.
