ކަސެމީރޯ، އެންތަނީ އަދި ޖީސޫސް އަށް ބްރެޒިލް ސްކޮޑުން ފުރުސަތު ނެތް

May 11, 2024, 4:22 AM
ކަސެމީރޯ، އެންތަނީ އަދި ޖީސޫސް އަށް ބްރެޒިލް ސްކޮޑުން ފުރުސަތު ނެތް

ރިއޯ ޑި ޖަނެއިރޯ، ބްރެޒިލް (މެއި 11) - މި އަހަރުގެ ކޮޕަ އެމެރިކާ ފުޓްބޯޅަ މުބާރާތަށް ބްރެޒިލުން ނެގި ސްކޮޑުން މެންޗެސްޓާ ޔުނައިޓެޑްގެ ކަސެމީރޯ އާއި އެންތަނީގެ އިތުރުން އާސެނަލްގެ ގަބްރިއެލް ޖީސޫސް ބާކީކޮށްފި އެެވެ.

މީގެ އިތުރުން، ބްރެޒިލްގެ ކޯޗު، ޑޮރިވާލް ނެގި ސްކޮޑުން، ޓޮޓެންހަމް ހޮޓްސްޕާސްގެ ފޯވާޑް، ރިޗާލިސަން އަށް ވެސް ފުރުސަތެއް ނެތެވެ.

އަންނަ މަހުގެ 20 އިން ޖުލައި 14 އަށް އެމެރިކާގައި ކުރިއަށްދާ ކޮޕަ އެމެރިކާ އަށް ބްރެޒިލުން ނެގި ސްކޮޑުން ކަސެމީރޯ އަށް ފުރުސަތު ނުލިބުން ވީ ގިނަ ބަޔަކަށް ހައިރާން ކަމަަކަށެވެ. އުމުރުން، 32 އަހަރުގެ ކަސެމީރޯ އަކީ ބްރެޒިލް ގައުމީ ޓީމަށް 75 މެޗު ކުޅެދީފައިވާ ކުޅުންތެރިއަކަށްވާއިރު، އޭނާ އަކީ ގަވާއިދުން ބްރެޒިލް ޓީމުގައި ހިމެނެމުން އައި ކުޅުންތެރިއެކެވެ.

Advertisement

ކަކުލުގެ ލިގަމެންޓަށް ލިބިފައިވާ އަނިޔާއާ ހެދި ކުޅުމާ ދުރުގައި ހުރި ނޭމާ ވެސް ސްކޮޑުގައި ނެތެވެ.

އިނގިރޭސި ޕްރިމިއާ ލީގުގެ ކްލަބްތަކަށް ކުޅޭ ނުވަ ކުޅުންތެރިއަކަށް ސްކޮޑުން ވަނީ ފުރުސަތު ލިބިފަ އެވެ. އެއީ، މެންޗެސްޓާ ސިޓީގެ ކީޕަރު އެޑަަސަން، ލިވަޕޫލްގެ ކީޕަރު އެލިސަން، އާސެނަލްގެ ފޯވާޑް ގަބްރިއެލް މާޓީނެލީ އާއި ޑިފެންޑަރު، ގަބްރިއެލް މަގާޅައެސް، ނިއުކާސަލްގެ މިޑްފީލްޑަރު، ބްރޫނޯ ގިމާރޭޒް، އެސްޓަން ވިލާގެ މިޑްފީލްޑަރު ޑަގްލަސް ލުއީޒް، ފުލަމްގެ މިޑްފީލްޑަރު އަންޑްރައެސް ޕެރޭރާ، ފުލަމްގެ މިޑްފީލްޑަރު ޖޮއާއޯ ގޯމޭޒް އަދި ވެސްޓް ހޭމްގެ މިޑްފީލްޑަރު ލޫކަސް ޕަކޭޓާ ހިމެނެ އެވެ.

ބްރެޒިލް ލީގުގައި ޕަލްމެއިރާސް އަށް ކުޅެމުން އަންނަ 17 އަހަރުގެ ފޯވާޑް، އެންޑްރިކް އަށް ވެސް ސްކޮޑުން ވަނީ ފުރުސަތު ދީފަ އެވެ. ރެއާލް މެޑްރިޑަށް ބަދަލުވާން ނިންމާފައިވާ އެންޑްރިކް ވަނީ މާޗް މަހުގެ އެކުވެރިކަމުގެ މެޗުތަކުގައި ބްރެޒިލަށް މޮޅު ކުޅުމެއް ދައްކައި، ލަނޑު ވެސް ޖަހައިފަ އެވެ.

މި ފަހަރުގެ ކޮޕަ އެމެރިކާގައި ބްރެޒިލް ހިމެނެނީ، ކޮސްޓަ ރިކާ، ޕެރަގުއޭ އަދި ކޮލަމްބިއާއާ އެއް ގްރޫޕެއްގަ އެވެ.

ފަހުގެ ޚަބަރު

ބްރޭކްތައް އަންނަ ގޮތުން "ލީގުގެ ފީލްއެއް ނީނދޭ": އާތީ

ދިވެހި ޕްރިމިއާ ލީގު މެދުކަނޑާލަން ޖެހުމުން ކުޅުންތެރިންގެ ފިޓްނަސް އާއި ޕާފޯމަންސަށް އަސަރުކޮށް، ލީގުގެ އަސްލު ފޯރި ނުލިބޭ ކަމަށް ޓީސީގެ ކޯޗު އާތީ ބުނެފި. އާތީ ފާހަގަކުރި ގޮތުގައި ގިނަ ދުވަސްތަކެއްގެ ބްރޭކްތަކުގެ ސަބަބުން ޓީމުތަކުގެ ކޮންޓިނިއުޓީ ގެއްލި، މެޗުތަކަށް ތައްޔާރުވުމުގައި ބޮޑެތި ގޮންޖެހުންތަކެއް ކުރިމަތިވޭ

ފީފާގެ އިންތިހާބުގައި އަރަބިންގެ ތާއީދު އިންފަންޓީނޯ އަށް

އަންނަ އަހަރު ބާއްވާ ފީފާގެ އިންތިހާބުގައި މިހާރުގެ ރައީސް ޖިއާނީ އިންފަންޓީނޯއަށް ތާއީދުކުރުމަށް 22 ގައުމު ހިމެނޭ އަރަބް ފުޓްބޯޅަ ޔޫނިއަން (ޔޫއޭއެފްއޭ) އިން ނިންމައިފިއެވެ. އިންފަންޓީނޯއާ އެކު ޖުމްލަ ތިން ކެންޑިޑޭޓުން ވާދަކުރާ މި އިންތިހާބުގައި، އޭޝިއާ އާއި އެފްރިކާގެ ގައުމުތަކުގެ ބޮޑު ތާއީދަކާއެކު އޭނާއަށް މަގާމު ދިފާއުކުރުމުގެ ފުރުސަތު ބޮޑުކަމަށް ބެލެވެއެވެ. ފީފާގެ އާ ރައީސަކު ހޮވުމަށް ވޯޓުލުން އޮންނާނީ އަންނަ އަހަރުގެ މާޗް މަހު މޮރޮކޯގައި ބާއްވާ ފީފާ ކޮންގްރެސްގައެވެ.

އިންޑިއާގެ ލެޖެންޑުން ފުޓްބޯޅަ ރައީސްގެ ޝަކުވާ ސަރުކާރަށް

އިންޑިއާގެ ފުޓްބޯޅަ ފެޑެރޭޝަންގެ ރައީސް ކަލްޔާން ޗޯބޭގެ އިތުބާރު ނެތްކަމުގެ މައްސަލަ، ބައިޗުން ބުޓިއާ ހިމެނޭހެން އެ ގައުމުގެ 14 ލެޖެންޑުން ސްޕޯޓްސް މިނިސްޓަރަށް ހުށަހަޅައިފި. މި ސިޓީގައި ފާހަގަކޮށްފައިވަނީ ފެޑެރޭޝަންގެ މާލީ ހާލަތު ގޯސްވެ ބަނގުރޫޓުވަމުންދާ ކަމަށް

ސުޒޭނާއި މޯހަންގެ ދުލުން: ބަދުނަސީބާއި ހައްލެއްގެ ވާހަކަ!

ސަރަހައްދުގެ އެހެން ގައުމުތަކުން ބޭރުގައި އުޅޭ އެ ގައުމުތަކުގެ ދަރިފަސްކޮޅުގެ ކުޅުންތެރިންނަށް ރަށްވެހިކަން ދީގެން ގައުމީ ޓީމުތައް ވަރުގަދަކުރަމުންދާއިރު، ރާއްޖެއަށް އެ ފުރުސަތު ކުޑަކަމަށް ކުރީގެ ކޯޗުން ފާހަގަކުރެއެވެ. މިކަމުގެ ސަބަބުން ރާއްޖޭގެ ފުޓްބޯޅައަށް ކުރިމަތިވެފައިވާ ގޮންޖެހުންތަކަށް ހައްލެއް ހޯދުމަށް އެކަށީގެންވާ ނިޒާމެއް ނެތްކަމުގެ ކަންބޮޑުވުން ވަނީ ފާޅުކޮށްފައެވެ.

ވޭގާގެ ނަމެއް ނެތް، ފީފާ އިންތިހާބުގައި ތިން ކެންޑިޑޭޓުން!

އަންނަ އަހަރު ބާއްވާ ފީފާގެ އިންތިހާބުގައި ވާދަކުރާ ތިން ކެންޑިޑޭޓުންގެ ނަން އިއުލާނުކުރިއިރު، ކުރީގެ ކުޅުންތެރިޔާ ރަމޮން ވޭގާގެ ނަން ޝަރުތު ހަމަނުވުމުގެ ސަބަބުން ވަނީ ބާކީވެފައި. މި އިންތިހާބުގައި ވާދަކުރައްވަނީ މިހާރުގެ ރައީސް އިންފަންޓީނޯގެ އިތުރުން ފްރާންސްގެ ފިލިޕޭ ޑިއާލޯ އަދި ޖަޕާނުގެ ކޯޒޯ ޓަޝީމާ

އަނިޔާއިން ރަނގަޅުވެ އިލާން އެނބުރި އަންނަން ތައްޔާރު

ކަކުލަށް ލިބުނު އަނިޔާއަކާ ގުޅިގެން ދެ މަހެއްހާ ދުވަހު ކުޅުމާ ދުރުގައި ހުރުމަށްފަހު، މާޒިޔާގެ ފޯވާޑް މުހައްމަދު އިލާން އިމްރާން އަލުން ކުޅުމަށް އެނބުރި އަންނަން ތައްޔާރުވެއްޖެ. މި އަނިޔާގެ ސަބަބުން އިލާނަށް ސާފް ޗެމްޕިއަންޝިޕާއި ލީގުގެ މުހިންމު މެޗުތަކެއް ގެއްލުނު ނަމަވެސް، އޭނާ މިހާރު ވަނީ ފަރިތަކުރުންތަކުގައި ބައިވެރިވާން ފަށާފައި

ފީފާ އިން ނޭޕާލްގެ ސަސްޕެންޝަން އުވާލަނީ؟

ފީފާގެ އެންގުންތަކަށް ބޯނުލެނބުމުގެ ސަބަބުން ނޭޕާލް ފުޓްބޯޅަ ފެޑެރޭޝަނަށް ދީފައިވާ ސަސްޕެންޝަން، ކުރިއަށް އޮތް މަހެއްހާ ދުވަސް ތެރޭގައި އުވާލާނެ ކަމަށް ނޭޕާލުން ވަނީ ބުނެފައި. މި ސަސްޕެންޝަން އުވާލުމަށް ނޭޕާލް ސަރުކާރުގެ މަންދޫބުން ފީފާ އާއި އޭއެފްސީއާ އެކު މަޝްވަރާކޮށްފައި

Newsletter

Get the latest news delivered straight to your inbox