ސަފީރުންގެ ފުރަތަމަ ބެޗުގައި ފޮނުވާ ނުވަ ބޭފުޅުންނަށް ފަތްކޮޅު ހަވާލުކޮށްފި

މިއަދު ރައީސް އޮފީހުގައި އެ ސަފީރުންނާ ރައީސް ބައްދަލުކުރައްވަނީ: މިއީ މި ސަރުކާރުން ބޭރު ގައުމުތަކަށް ފޮނުވާ ސަފީރުންގެ ފުރަތަމަ ބެޗު --- ފޮޓޯ: ރައީސް އޮފީސް

މިއަދު ރައީސް އޮފީހުގައި އެ ސަފީރުންނާ ރައީސް ބައްދަލުކުރައްވަނީ: މިއީ މި ސަރުކާރުން ބޭރު ގައުމުތަކަށް ފޮނުވާ ސަފީރުންގެ ފުރަތަމަ ބެޗު --- ފޮޓޯ: ރައީސް އޮފީސް

ދިވެހި ސަރުކާރުގެ ފަރާތުން ނުވަ ގައުމަކަށާއި ބައިނަލްއަގްވާމީ ޖަމިއްޔާއަކަށް އައްޔަނުކުރާ ސަފީރުންނާ މިއަދު ސަފީރު ކަމުގެ ފަތްކޮޅު ހަވާލުކޮށްފި އެވެ.

ރައީސް އޮފީހުގައި ބޭއްވި ރަސްމިއްޔާތެއްގައި އެ ނުވަ ބޭފުޅުންނާ ސަފީރުކަމުގެ ފަތްކޮޅު ހަވާލުކޮށްދެއްވީ ރައީސް ޑރ. މުހައްމަދު މުއިއްޒެވެ. މިއީ މި ސަރުކާރުގެ ފަރާތުން ބޭރަށް ފޮނުވާ ސަފީރުންގެ ފުރަތަމަ ބެޗެވެ.

ބޭރަށް ފޮނުވާ ސަފީރުން

  • ޗައިނާ ސަފީރު - ޑރ. ފަޒީލް ނަޖީބް
  • ޔޫއޭއީގެ ސަފީރު - މުހައްމަދު ހުސެއިން ޝަރީފު (މުންދު)
  • ޔޫއެންގެ ދާއިމީ މަންދޫބު - ޑރ. އަލީ ނަސީރު މުހައްމަދު
  • އިނގިރޭސިވިލާތުގެ ސަފީރު - ޑރ. އިރުތިޝާމް އާދަމް
  • ސްރީލަންކާގެ ސަފީރު - މަސްއޫދު އިމާދު
  • މެލޭޝިޔާގެ ސަފީރު - ޑރ. މަރިޔަމް ޝަބީނާ އަހުމަދު
  • ބެލްޖިއަމް, ޔޫރަޕިއަން ޔޫނިއަންގެ ސަފީރު - ގީލާ އަލީ
  • ޖެނީވާ ޔޫއެން އޮފީހުގެ ދާއިމީ މަންދޫބު - ޑރ. ސަލްމާ ރަޝީދު
  • ސިންގަޕޫރު ސަފީރު - މުހައްމަދު ލުވެއިޒް

ޗައިނާއަށް ހަމަޖެއްސި ފަޒީލް ނަޖީބު ހުންނެވީ އެމްބެސެޑާ އެޓް ލާޖުގެ މަގާމުގަ އެވެ. ފޮރިން މިނިސްޓްރީގެ ސްޓޭޓް މިނިސްޓަރު ކަމާއި އެމްއެމްއޭގެ ގަވަރުނަރުކަން ވެސް އޭނާ ކުރިން ކުރެއްވި އެވެ.

Advertisement

ޔޫއޭއީއަށް އައްޔަނުކުރި މުންދު ވަނީ ރައީސް މައުމޫނާއި ރައީސް ޔާމީންގެ ސަރުކާރުގައި އިސް މަގާމުތަކެއް ފުރުއްވާފަ އެވެ. އެގޮތުން, ރައީސް އޮފީހުގެ ސްޕޯކްސްޕާސަން ކަމާއި, ޔޫތު މިނިސްޓަރު ކަމާއި, ރައީސް އޮފީހުގެ މިނިސްޓަރުކަން ވެސް ކުރެއްވި އެވެ.

އދ. އަށް ފޮނުވާ ދާއިމީ މަންދޫބު ޑރ. އަލީ ނަސީރަކީ ހާރިޖީ ދާއިރާގައި ތަޖުރިބާކާރު ބޭފުޅެކެވެ. އޭނާ ވަނީ ފޮރިން ސެކްރެޓަރީ ކަމާއި އެމެރިކާއަށް ކަނޑައަޅާފައި ހުންވާ ސަފީރު ކަމާއި އދ. ގެ ދާއިމީ މަންދޫބުކަން މީގެކުރިން ވެސް ކުރައްވާފަ އެވެ.

ޖެނީވާ އދ. އޮފީހަށް ފޮނުވާ ޑރ. ސަލްމާ ވަނީ އެ ޖަމިއްޔާގެ ދަށުން ހިންގަމުންދާ ޔޫއެންއެފްޕީއޭ އަދި ޑަބްލިއުއެޗްއޯއަށް އެކި މަގާމުތަކުގައި 17 އަހަރަށް ވުރެ ގިނަ ދުވަހު ހިދުމަތް ކުރެއްވި އެވެ. އެގޮތުން, ނައިޖީރިއާ, އިންޑިއާ, މިޔަންމާ, އިންޑޮނޭޝިއާ އަދި ސްވިޓްޒަލޭންޑުގައި މަސައްކަތް ކުރެއްވި އެވެ.

ސިންގަޕޫރަށް އައްޔަނުކުރި ލުވެއިޒް ވަނީ ބޭންކް އޮފް މޯލްޑިވްސް (ބީއެމްއެލް) ގެ ބޯޑު މެމްބަރު ކަމާއި ރައީސް އޮފީހުގެ ސްޓޭޓް މިނިސްޓަރުކަން ކުރައްވާފަ އެވެ.

އިނގިރޭސިވިލާތަށް ހަމަޖެއްސި އިރުތިޝާމް އާދަމް ވަނީ ޔާމީންގެ ސަރުކާރުގައި ހެލްތު މިނިސްޓަރު ކަމާއި ޔޫތު މިނިސްޓަރުކަން ކުރައްވާފަ އެވެ. ސްވިޓްޒަލޭންޑަށް ކަނޑައަޅާފައި ހުންނަ ސަފީރުގެ މަގާމާއި އދ. އަށް ހުންނަ ދާއިމީ މަންދޫބުގެ މަގާމު ވެސް އޭނާ އަދާކުރެއްވި އެވެ.

މެލޭޝިއާގެ ސަފީރަކަށް ފޮނުވާ ޑރ. ޝަބީނާއަކީ މައިކްރޯބަޔޮލޮޖިސްޓެކެވެ. އޭނާ ވަނީ މޯލްޑިވްސް ފުޑް އެންޑް ޑްރަގު އޮތޯރިޓީގައި ސީނިއާ ސައިންޓިފިކް އޮފިސަރުގެ މަގާމު ވެސް އަދާކުރައްވާފަ އެވެ.

ސްރީލަންކާއަށް އައްޔަނުކުރި މަސްއޫދަކީ ކުރީގެ ރައީސް ޑރ. މުހައްމަދު ވަހީދުގެ ސަރުކާރުގައި ރައީސް އޮފީހުގައި މީޑިއާ ސެކްރެޓަރީކަން ކުރެއްވި ބޭފުޅެކެވެ. އޭގެ ކުރިން މަސައްކަތް ކުރެއްވީ އެމްއޭސީއެލްގަ އެވެ.

ގީލާއަކީ ވެރިކަން ކުރާ ޕީޕަލްސް ނޭޝަނަލް ކޮންގްރެސް (ޕީއެންސީ) ގެ ސެކްރެޓަރީ ޖެނެރަލްގެ މަގާމު އަދާކުރެއްވި ބޭފުޅެކެވެ. އޭގެ އިތުރުން, އޭނާ ވަނީ ކުރީގެ ރައީސް އަބްދުالله ޔާމީންގެ ވެރިކަމުގައި ހެލްތު މިނިސްޓްރީގެ ޕާމަނަންޓް ސެކްރެޓަރީ ކަމާއި ފޮރިން މިނިސްޓްރީގެ އެޑިޝަނަލް ސެކްރެޓަރީގެ މަގާމު ފުރުއްވާފަ އެވެ.

ކޮމެންޓް

ފަހުގެ ޚަބަރު

ދިރާގު ރޯޑް ރޭސް 5،500އަށްވުރެ ގިނަ ދުވުންތެރިންނާއެކު ބާއްވައިފި

ދިރާގު މޯލްޑިވްސް ރޯޑް ރޭހުގެ 17 ވަނަ އެޑިޝަން 5،500 އަށްވުރެ ގިނަ ދުވުންތެރިންނާއެކު ހުޅުމާލެ ސެންޓްރަލް ޕާކުގައި ވަނީ ބާއްވާފައެވެ. މި ދުވުމުގެ ލައިވް އަޕްޑޭޓްތަކާއި، ނަތީޖާ އަދި ދުވުންތެރިންގެ ރޭންކިންގ ބަލައިލުމުގެ ފުރުސަތު ދިރާގުން ވަނީ ޚާއްޞަ މޮބައިލް އެޕްލިކޭޝަނެއް މެދުވެރިކޮށް ފަހިކޮށްދީފައެވެ.

ޕީއެންސީގެ މެންބަރުންގެ އަދަދު ލައްކައަކަށްވުރެ ދަށަށް

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އެރިތާ 24 ގަޑިއިރު ނުވަނީސް، އަލުން އެ އަދަދު ލައްކައަކަށް ވުރެ ދަށަށް ގޮސްފިއެވެ. އިދިކޮޅު ފަރާތްތަކުން ތުހުމަތުކުރާ ގޮތުގައި މި އަދަދު ހަމަކުރުމަށްޓަކައި ވަޒީފާގެ ބިރުދެއްކުމާއި ރިޝްވަތުގެ ގޮތުގައި ފައިސާ ބޭނުންކޮށްފައިވެއެވެ. އީސީގެ ތަފާސްހިސާބުތަކުން ދައްކާގޮތުގައި އެ ޕާޓީގެ މެންބަރުންގެ އަދަދު މިހާރު ވަނީ 99,930 އަށް ތިރިވެފައެވެ.

ރަސްމާލޭގެ ޑީލުގައި ސޮއިނުކުރަން އެދި އަލައްބާރަށް ސިޓީއެއް

ރަސްމާލެ މަޝްރޫއުގެ މިހާރުގެ ޝަރުތުތަކާއި ގާނޫނުއަސާސީއާ ފުށުއެރުންތަކެއް ހުރި ކަމަށާއި، އެކަމުގައި އެކަށީގެންވާ ގޮތެއްގައި ރައްޔިތުންގެ ހިޔާލު ހޯދާފައި ނުވާތީ، ދެން އަންނަ ސަރުކާރަކުން ވެސް މި މަޝްރޫއުގެ އެއްބަސްވުން އަލުން މުރާޖައާކުރުމަށް ނުވަތަ އެއްކޮށް ބާތިލުކުރުމުގެ ފުރުސަތު އޮތް ކަމަށް އެ ސިޓީގައި ބުނެފައިވޭ.

"ރަސްމާލެ މައްސަލައިގައި މުއިއްޒު ވަނީ އަނގަވަތަށް ވެއްޓިފައި"

ރަސްމާލެ މަޝްރޫއަކީ ރާއްޖޭގެ ސިޔާދަތަށް އުނިކަންލިބޭ، ބޭރުގެ ފަރާތްތަކަށް ބިން ދިނުމަށް ހިންގާ ހީލަތްތެރި ރޭވުމެއް ކަމަށް ވިދާޅުވެ ކުރީގެ ރައީސް ޔާމީން ސަރުކާރަށް ވަރަށް ބޮޑަށް ފާޑުވިދާޅުވެއްޖެއެވެ. މި މަޝްރޫއުގެ ސަބަބުން ރައީސް މުއިއްޒު ރައްޔިތުންގެ ކުރިމަތީގައި ބޭޒާރުވެފައިވާ ކަމަށާއި، މި ސަރުކާރަށް ދެވަނަ ދައުރެއް ރައްޔިތުން ނުދޭނެ ކަމަށް ޔާމީން ވިދާޅުވިއެވެ.

ރަސްމާލެ ދޫކޮށްލުމާ ދެކޮޅުވެރިކަމެއް ނެތްކަމުގެ އިޝާރާތެއް

ރަސްމާލެއިން ބައެއް ބޭރުގެ ކުންފުންޏަކަށް ދޫކޮށްލުމާ ދެކޮޅު ހަދަނީ މަދު ބަޔަކު ކަމަށާއި، ދިވެހިން އަބަދުވެސް އިސްކުރަނީ ގައުމީ ތަރައްގީކަން މުއިއްޒު ފާހަގަކުރެއްވި. މީގެކުރިންވެސް ރާއްޖެއަށް އައި ބޮޑެތި ބަދަލުތަކާ ބައެއް މީހުން ދެކޮޅު ހެދި ނަމަވެސް، ގިނަ ރައްޔިތުން ތާއީދުކުރީ ގައުމީ ކުރިއެރުމަށްކަން އެމަނިކުފާނު ބަޔާންކޮށްދެއްވި.

ހުލާސާކޮށް އިއްޔެ: ސިޔާސީ ޕާޓީތަކުގެ ދަފްތަރަށް އައި ބޮޑު ބަދަލު

ޕީއެންސީގެ މެންބަރުންގެ އަދަދު އެއްލައްކައަށް އެރުމާއެކު، ޖުމްހޫރީ ޕާޓީ އާއި އަދާލަތު ޕާޓީ ފަދަ ދުވަސްވީ ޕާޓީތަކުން ގިނަ އަދަދެއްގެ މެންބަރުންނާއި އިސް ބޭފުޅުން ވަނީ ވަކިވެފައެވެ. މީގެ އިތުރުން، ރަސްމީ ޖަލްސާތަކުގެ ޕްރޮޓޮކޯލަށް ބަދަލުތަކެއް ގެނެސްފައިވާއިރު، ރަސްމާލެ މަޝްރޫއާ ގުޅޭގޮތުން އިލްމުވެރިންނާއި ސިޔާސީ ފަރާތްތަކުގެ މެދުގައި ވަނީ ޚިޔާލުތަފާތުވުންތަކެއް އުފެދިފައެވެ.

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

Newsletter

Get the latest news delivered straight to your inbox