ފެކްޓް ޗެކް: މާޗުގެ ބިލުތަކުން ރޯދަ ޑިސްކައުންޓު ދިނީ ރައީސް އޮފީހާ މަޝްވަރާކޮށްފައި

ރައީސް ޑރ. މުހައްމަދު މުއިއްޒު: ރޯދަ ޑިސްކައުންޓު ދޭން ނިންމީ ރޯދަ މަހު ބޭނުންކުރާ ކަރަންޓާއި ފެން އިތުރުވާނީ ކަމަށް އެމަނިކުފާނު ވިދާޅުވި -- ފޮޓޯ: ރައީސް އޮފީސް

ރައީސް ޑރ. މުހައްމަދު މުއިއްޒު: ރޯދަ ޑިސްކައުންޓު ދޭން ނިންމީ ރޯދަ މަހު ބޭނުންކުރާ ކަރަންޓާއި ފެން އިތުރުވާނީ ކަމަށް އެމަނިކުފާނު ވިދާޅުވި -- ފޮޓޯ: ރައީސް އޮފީސް

ޔުޓިލިޓީ ކުންފުނިތަކުން ރޯދަ ޑިސްކައުންޓު ދިނީ ރައީސް އެދިވަޑައިގެންނެވި ގޮތަށް ނޫން ކަމަށް ސަރުކާރުން ބުނި ނަމަވެސް، މިހާރު ކަނޑައަޅާފައިވާ އުސޫލުގެ ތެރެއިން ޑިސްކައުންޓު ދޭން ނިންމީ ރައީސް އޮފީހާ މަޝްވަރާކުރުމަށް ފަހުގައި ކަން "އަދަދު" އަށް އެނގިއްޖެ އެވެ.

ޔުޓިލިޓީ ޑިސްކައުންޓު ލިބުނު ދުވަސްތަކުގެ ތެރޭގައި ރޯދަ މަހުގެ ދުވަސްތައް ނެތް ކަމަށް ބުނެ ރައްޔިތުންގެ ފާޑުކިޔުން އަމާޒުވަމުން ދިޔުމާ ގުޅިގެން ސަރުކާރުން ވަނީ ރޯދަ މަހު ބޭނުންކުރި ކަރަންޓަށް ލުޔެއް ލިބޭ ގޮތަށް ކަރަންޓާއި ފެން ބިލުން ޑިސްކައުންޓު ދޭން އަންގާފަ އެވެ.

ސަރުކާރުގެ މި ނިންމުން ހާމަކުރަމުން ރައީސް އޮފީހުގެ ތަރުޖަމާނު ހީނާ ވަލީދު އެކްސްގައި ކުރި ޕޯސްޓެއްގައި ވަނީ "ރަމަޟާންމަހު ފެނާއި ކަރަންޓު ބިލަށް ލުޔެއް ދެއްވުމަކީ ރައީސްގެ ވައުދެއް. ފެނާއި ކަރަންޓުބިލުތަކުން، ރައީސް މި އެދިވަޑައިގެންނެވި ގޮތަށް، ލުއިދެވިފައި ނުވާކަން ފާހަގަކުރެއްވޭތީ، މިކަން ހައްލުކުރުމަށް ކަމާއިބެހޭ ފަރާތްތަކަށް ރައީސުލްޖުމްހޫރިއްޔާ އަންގަވައިފި" މިހެންނެވެ.

ރައީސް އެދިވަޑައިގެންނެވި ގޮތަށް ލުއި ނުދެވޭ ކަމަށް ފާހަގަވެ، ރައްޔިތުން ބޭނުންވި ގޮތަށް ސަރުކާރުން ދީލާލާފައިވާއިރު މި ޑިސްކައުންޓު ދޭން ޔުޓިލިޓީ ރެގިއުލޭޓަރީ އޮތޯރިޓީ (ޔޫއާރުއޭ) އިން އެކުލަވާލީ ގައިޑްލައިނަކީ ރައީސް އޮފީހާ މަޝްވަރާކުރުމަށް ފަހު އެކުލަވާލި ގައިޑްލައިނެއް ކަމަށް، މި ނޫހުން ހުށަހެޅި އާރުޓީއައިއެއްގެ ޖަވާބުގައި އެ އިދާރާއިން ބުނެފައިވެ އެވެ.

ރައީސް އޮފީހާ މަޝްވަރާކުރުމަށް ފަހު ޔޫއާރުއޭ އިން އެކުލަވާލީ ގައިޑްލައިންގައި، 10 ޕަސެންޓުގެ ޑިސްކައުންޓު ދޭނީ، މާޗު މަހުގެ ކަރަންޓާއި ފެން ބިލުން ކަމަށް ސާފުކޮށް ބަޔާންކޮށްފައިވެ އެވެ.

ޔުޓިލިޓީ ކުންފުނިތަކަށް ފޮނުވި ގައިޑްލައިންގައި އިތުރަށް ވަނީ "އާންމު މަސް" ކަނޑައެޅުމުގައި އެވަރެޖު ހިސާބު ކުރާއިރު ޑިމާންޑު ބޮޑެތި މަސްތައް އުނިކުރުމަށާއި އާންމު މަހަކަށް ވުރެ ދަށްވެފައިވާ ކަސްޓަމަރުންނަށާއި މާޗު މަހުގައި އަލަށް ބިލުކުރާ ކަސްޓަމަރުންނަށް ވެސް 10 ޕަސެންޓުގެ ޑިސްކައުންޓެއް ދިނުމަށެވެ.

މި ނިންމުމާ އެއްގޮތަށް އަމަލުކުރުމުގެ ސަބަބުން ޔުޓިލިޓީ ކުންފުނިތަކަށް ލިބޭ ގެއްލުން ފޫބައްދައިދެނީ ސަރުކާރުންނެވެ.

ސަރުކާރުން ކުރިން މި ނިންމުން ދިފާއުކުރަމުން ބުނީ ޑިސްކައުންޓު ދޭން ބުނީ މާޗު މަހުގައި އަންނަ ބިލުން ކަމަށެވެ. ނަމަވެސް މާޗުގައި، އެއީ ރޯދަ މަހުގެ ތެރޭގައި، އައި ބައެއް ބިލުތަކަށް ރީޑިން ނަގާފައި ހުރީ ފެބްރުއަރީގެ ދުވަސްތައް ހިމެނޭހެންނެވެ. މިހެންކަމުން މާޗުގެ ގިނަ ދުވަސްތަކަށް ޑިސްކައުންޓު ނުލިބޭ ކަމަށް ސޯޝަލް މީޑިއާގައި އާންމުން ކޮށްފައި ހުރި ޕޯސްޓުތަކުން ފާހަގަވެ އެވެ.

ކޮމެންޓް

ފަހުގެ ޚަބަރު

ދިރާގު ރޯޑް ރޭސް 5،500އަށްވުރެ ގިނަ ދުވުންތެރިންނާއެކު ބާއްވައިފި

ދިރާގު މޯލްޑިވްސް ރޯޑް ރޭހުގެ 17 ވަނަ އެޑިޝަން 5،500 އަށްވުރެ ގިނަ ދުވުންތެރިންނާއެކު ހުޅުމާލެ ސެންޓްރަލް ޕާކުގައި ވަނީ ބާއްވާފައެވެ. މި ދުވުމުގެ ލައިވް އަޕްޑޭޓްތަކާއި، ނަތީޖާ އަދި ދުވުންތެރިންގެ ރޭންކިންގ ބަލައިލުމުގެ ފުރުސަތު ދިރާގުން ވަނީ ޚާއްޞަ މޮބައިލް އެޕްލިކޭޝަނެއް މެދުވެރިކޮށް ފަހިކޮށްދީފައެވެ.

ޕީއެންސީގެ މެންބަރުންގެ އަދަދު ލައްކައަކަށްވުރެ ދަށަށް

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އެރިތާ 24 ގަޑިއިރު ނުވަނީސް، އަލުން އެ އަދަދު ލައްކައަކަށް ވުރެ ދަށަށް ގޮސްފިއެވެ. އިދިކޮޅު ފަރާތްތަކުން ތުހުމަތުކުރާ ގޮތުގައި މި އަދަދު ހަމަކުރުމަށްޓަކައި ވަޒީފާގެ ބިރުދެއްކުމާއި ރިޝްވަތުގެ ގޮތުގައި ފައިސާ ބޭނުންކޮށްފައިވެއެވެ. އީސީގެ ތަފާސްހިސާބުތަކުން ދައްކާގޮތުގައި އެ ޕާޓީގެ މެންބަރުންގެ އަދަދު މިހާރު ވަނީ 99,930 އަށް ތިރިވެފައެވެ.

ރަސްމާލޭގެ ޑީލުގައި ސޮއިނުކުރަން އެދި އަލައްބާރަށް ސިޓީއެއް

ރަސްމާލެ މަޝްރޫއުގެ މިހާރުގެ ޝަރުތުތަކާއި ގާނޫނުއަސާސީއާ ފުށުއެރުންތަކެއް ހުރި ކަމަށާއި، އެކަމުގައި އެކަށީގެންވާ ގޮތެއްގައި ރައްޔިތުންގެ ހިޔާލު ހޯދާފައި ނުވާތީ، ދެން އަންނަ ސަރުކާރަކުން ވެސް މި މަޝްރޫއުގެ އެއްބަސްވުން އަލުން މުރާޖައާކުރުމަށް ނުވަތަ އެއްކޮށް ބާތިލުކުރުމުގެ ފުރުސަތު އޮތް ކަމަށް އެ ސިޓީގައި ބުނެފައިވޭ.

"ރަސްމާލެ މައްސަލައިގައި މުއިއްޒު ވަނީ އަނގަވަތަށް ވެއްޓިފައި"

ރަސްމާލެ މަޝްރޫއަކީ ރާއްޖޭގެ ސިޔާދަތަށް އުނިކަންލިބޭ، ބޭރުގެ ފަރާތްތަކަށް ބިން ދިނުމަށް ހިންގާ ހީލަތްތެރި ރޭވުމެއް ކަމަށް ވިދާޅުވެ ކުރީގެ ރައީސް ޔާމީން ސަރުކާރަށް ވަރަށް ބޮޑަށް ފާޑުވިދާޅުވެއްޖެއެވެ. މި މަޝްރޫއުގެ ސަބަބުން ރައީސް މުއިއްޒު ރައްޔިތުންގެ ކުރިމަތީގައި ބޭޒާރުވެފައިވާ ކަމަށާއި، މި ސަރުކާރަށް ދެވަނަ ދައުރެއް ރައްޔިތުން ނުދޭނެ ކަމަށް ޔާމީން ވިދާޅުވިއެވެ.

ރަސްމާލެ ދޫކޮށްލުމާ ދެކޮޅުވެރިކަމެއް ނެތްކަމުގެ އިޝާރާތެއް

ރަސްމާލެއިން ބައެއް ބޭރުގެ ކުންފުންޏަކަށް ދޫކޮށްލުމާ ދެކޮޅު ހަދަނީ މަދު ބަޔަކު ކަމަށާއި، ދިވެހިން އަބަދުވެސް އިސްކުރަނީ ގައުމީ ތަރައްގީކަން މުއިއްޒު ފާހަގަކުރެއްވި. މީގެކުރިންވެސް ރާއްޖެއަށް އައި ބޮޑެތި ބަދަލުތަކާ ބައެއް މީހުން ދެކޮޅު ހެދި ނަމަވެސް، ގިނަ ރައްޔިތުން ތާއީދުކުރީ ގައުމީ ކުރިއެރުމަށްކަން އެމަނިކުފާނު ބަޔާންކޮށްދެއްވި.

ހުލާސާކޮށް އިއްޔެ: ސިޔާސީ ޕާޓީތަކުގެ ދަފްތަރަށް އައި ބޮޑު ބަދަލު

ޕީއެންސީގެ މެންބަރުންގެ އަދަދު އެއްލައްކައަށް އެރުމާއެކު، ޖުމްހޫރީ ޕާޓީ އާއި އަދާލަތު ޕާޓީ ފަދަ ދުވަސްވީ ޕާޓީތަކުން ގިނަ އަދަދެއްގެ މެންބަރުންނާއި އިސް ބޭފުޅުން ވަނީ ވަކިވެފައެވެ. މީގެ އިތުރުން، ރަސްމީ ޖަލްސާތަކުގެ ޕްރޮޓޮކޯލަށް ބަދަލުތަކެއް ގެނެސްފައިވާއިރު، ރަސްމާލެ މަޝްރޫއާ ގުޅޭގޮތުން އިލްމުވެރިންނާއި ސިޔާސީ ފަރާތްތަކުގެ މެދުގައި ވަނީ ޚިޔާލުތަފާތުވުންތަކެއް އުފެދިފައެވެ.

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

Newsletter

Get the latest news delivered straight to your inbox