މަރުވި މީހާ ހާލުބޮޑުވިއިރު އެމްބިއުލާންސްގަ އޮކްސިޖަން ނެތް މައްސަލައެއް

އެމްބިއުލާންސެއް: އެ މީހާ މަރުވީ ސީ އެމްބިއުލާންސްގައި އުފުލަނިކޮށް -- ފޮޓޯ: އަދަދު

އެމްބިއުލާންސެއް: އެ މީހާ މަރުވީ ސީ އެމްބިއުލާންސްގައި އުފުލަނިކޮށް -- ފޮޓޯ: އަދަދު

ތ. ވޭމަންޑޫ ހޮސްޕިޓަލުގައި ފަރުވާދިނުމަށް ފަހު ހާލުދެރަވެގެން މާލެ ގެނައުމަށް ރޭ އެ އަތޮޅު ތިމަރަފުށީ ސިއްހީ މަރުކަޒަށް ފޮނުވި ބަލި މީހާގެ ހާލު ބޮޑުވިއިރު، އެމްބިއުލާންސްގައި އޮކްސިޖަން ނެތް ކަމަށް އާއިލާއިން ބުނެފި އެވެ.

ރޭގެ ވަގުތެއްގައި އޮކްސިޖަން ނުލިބުމުގެ ސަބަބުން ތިމަރަފުށީގައި ނިޔާވީ އެ އަތޮޅު ކިނބިދޫ، ހިތައްފިނިވާގޭ، އަޒީޒާ އިބްރާހީމް، 74 އެވެ.

މިކަމާ ގުޅޭ މައުލޫމާތު "އަދަދު" އަށް ދެމުން އަޒީޒާގެ އާއިލާއިން ބުނީ އޭނާއަކީ ނޭވާލުމުގެ މައްސަލަ ހުންނަ މީހެއް ކަމަށެވެ. އަދި ހާލުބޮޑުވެގެން އަޒީޒާ މާލެ ގެންދަން ވޭމަންޑޫ ހޮސްޕިޓަލުން ރިފާ ކުރީ އެ ހޮސްޕިޓަލުގައި ތިން ދުވަހު ފަރުވާދިނުމަށް ފަހުގައި ކަމަށް އާއިލާއިން ބުނެ އެވެ.

Advertisement

މާލެ ގެންދިޔުމަށް ސީ އެމްބިއުލާންސްގައި އަޒީޒާ ތިމަރަފުއްޓަށް ގެންދިޔައީ ވެސް އޮކްސިޖަން ގުޅައިގެނެވެ. އޭނާގެ ހާލު ބޮޑަށް ދެރަވީ އެމްބިއުލާންސްގައި އެއާޕޯޓަށް ގެންދިޔަ މަގުމަތީގަ އެވެ.

އާއިލާއިން މައުލޫމާތު ދިން ގޮތުގައި އޭރު ގުޅާފައި ހުރި އޮކްސިޖަން ފުޅިން އޮކްސިޖަން ހުސްވުމާއެކު ބަލި މީހާ ވަރަށް ބޮޑަށް ތެޅެންފެށި އެވެ. އަދި އޭރު އެމްބިއުލާންސްގައި ހުރީ އޮކްސިޖަންގެ ހުސް ފުޅިއެއް ކަމަށް އާއިލާއިން ބުނެ އެވެ.

"އެއާޕޯޓާ ވަރަށް ކައިރި ވެފަ ހުއްޓާ އޮކްސިޖަންފުޅި ހުސްވެގެން ބަލި މީހާ ތެޅެންފެށީ. ދެން އެމްބިއުލާންސްގަ ހުރި ފުޅީގަ ވެސް އޮކްސިޖަން ނެތީމާ އަނބުރާ ތިމަރަފުށީ ސިއްހީ މަރުކަޒަށް ގެންދިޔައީ،" އަޒީޒާގެ އާއިލާއިން ބުނެ އެވެ.

އަޒީޒާ މަރުވީ ތިމަރަފުށި ސިއްހީ މަރުކަޒަށް ގެންދިޔަ ފަހުންނެވެ.

އިހުމާލުގެ ސަބަބުން ފަރުވާ ލަސްވެގެން އަތޮޅު ތެރެއިން މާލެ ގެންނަ ގިނަ ބަޔަކު މީގެ ކުރިން ވެސް މަރުވެފައިވެ އެވެ. މިދިޔަ ޖެނުއަރީ މަހު ގއ. ވިލިނގިލިން މާލެ ނުގެނެވި ލަސްވެގެން އުމުރުން 13 އަހަރުގެ ކުޑަ ކުއްޖަކު ވެސް މަރުވި އެވެ.

ކޮމެންޓް

ފަހުގެ ޚަބަރު

ރަސްމާލޭގެ ބަދަލު ދޭނީ މެންބަރުންނާއި ވެރިންގެ މުދަލުން: ފައްޔާޒު

ފައްޔާޒު ވަނީ މި މަޝްރޫއަށް މަގުފަހިކުރަން ހުށަހަޅާފައިވާ ބިލަކީ ގާނޫނުއަސާސީއާ ހިލާފަށް، ބޭރުގެ ފަރާތްތަކަށް ރާއްޖޭގެ ބިންތައް ދާއިމީކޮށް މިލްކުވާ ގޮތަށް އޮތް ބިލެއް ކަމަށް ވިދާޅުވެފަ. އަދި މިނިވަން ކޯޓެއް އޮތް ނަމަ ވުޖޫދުކުރަން އުޅޭ ގާނޫނާއީ ބިލު ވެސް ބާތިލުކުރާނެ ކަމަށް އޭނާ ވިދާޅުވި.

ކްރެކް ނުކުރެވިގެން ޖުމާންގެ ފޯނު ރާއްޖެއިން ބޭރަށް ފޮނުވަނީ

ޓެރަރިޒަމްގެ ތުހުމަތުގައި ހައްޔަރުކުރި އަލީ ޖުމާންގެ ފޯނު ހުޅުވަން އޭނާ އިންކާރުކުރުމުން، އެ ފޯނު ތަހުލީލުކުރުމަށް ރާއްޖެއިން ބޭރަށް ފޮނުވުމުގެ މަސައްކަތް ފުލުހުން ދަނީ ކުރަމުން. ސޯޝަލް މީޑިއާގައި ހުޅުޖެހުމަށާއި މުދަލަށް ގެއްލުންދޭން ހިތްވަރުދިން ކަމުގެ ތުހުމަތު އޮތް ޖުމާން، ބަންދުގައި ބެހެއްޓުމަށް ކޯޓުން ވަނީ އިތުރު 15 ދުވަސް ދީފަ.

މިއީ މިހާރު ހަމަ ކާޓޫނަކަށް ވެއްޖެ: ނަޝީދު

ނަޝީދު ވަނީ މި މައްސަލައިގައި ސަރުކާރަށް ފާޑުވިދާޅުވަމުން ވެރިކަމަށް ވަޑައިގަތީ ރައީސް ޔާމީންގެ ނަންފުޅު ބޭނުންކުރައްވައިގެން ކަމަށާއި، ނަމަވެސް މިހާރު ޔާމީނާއި ތަޖުރިބާކާރު ބޭފުޅުން އެއްކައިރިކޮށްފައިވާ ކަމަށް ވެސް ތުހުމަތުކުރައްވާފަ.

ނުރައްކާވާ މިންވަރަށް އުތުރާއި މެދުރާއްޖެއަށް ދުންފުހުގެ އަސަރު

ސިއްހަތަށް ނުރައްކާވާ މިންވަރަށް މާލެއާއި ކުޅުދުއްފުއްޓަށް ދުންފުނީގެ އަސަރުކޮށް، ވައި ނުސާފުވެފައިވާތީ ރައްކާތެރިކަމުގެ ފިޔަވަޅުތައް އެޅުމަށް އެޗްޕީއޭއިން ވަނީ އިލްތިމާސްކޮށްފައި. މެޓް އޮފީހުން ލަފާކުރާ ގޮތުގައި ކުރިއަށް އޮތް ދުވަސްތަކުގައިވެސް ރާއްޖޭގެ އެކި ސަރަހައްދުތަކަށް ދުންފުނީގެ އަސަރު ފޯރާނެ.

އީގަލް ހިލްސްއާއެކު ސޮއިކުރި ކޮމާޝަލް ޓާމްސް އެގްރީމެންޓެއް ނެތް

މި މައުލޫމާތު ހޯދަން "އަދަދު" ނޫހުން އެދުމުން މިނިސްޓްރީން ޖަވާބު ދިނީ އެއީ އެ މިނިސްޓްރީން ބަލަހައްޓާ މައުލޫމާތު ނޫން ކަމަށާއި، މަޝްރޫއުގެ މައިގަނޑު އެއްބަސްވުމުގައި އަދި ސޮއިނުކުރާ ކަމަށް ބުނެ އެވެ.

ނޮވެމްބަރު 26، ގައި އެމްޑީޕީން މަގުމައްޗަށް ނުކުންނަނީ

ރަސްމާލެ މަޝްރޫޢުގެ ބޮޑު ބައެއް ބޭރު ކުންފުންޏަކަށް ދޫކޮށްލުމާ ގުޅޭގޮތުން ރައްޔިތުންގެ ފެންނަ ނުފެންނަ ވޯޓެއް ނެގުމަށް ގޮވާލައި، މި މަހުގެ 26 ގައި މަގުމައްޗަށް ނުކުމެ އިހުތިޖާޖުކުރަން އެމްޑީޕީން ވަނީ ނިންމާފައި. އެ ޕާޓީން ބުނާގޮތުގައި މި މަޝްރޫޢަކީ ރައްޔިތުންނަށް ސާފުނުވާ ގިނަ ކަންތައްތަކެއް ހުރި މަޝްރޫއެއް.

މުއިއްޒު އަންނަ މަހު ބަންގްލަދޭޝްއަށް ވަޑައިގަންނަވަނީ

ރައީސް މުޙައްމަދު މުޢިއްޒު އަންނަ ޑިސެމްބަރު މަހުގެ 13 ވަނަ ދުވަހު ބަންގްލަދޭޝްއަށް ފުރަމާނަ ދަތުރުފުޅެއް ކުރެއްވުމަށް ވަނީ ހަމަޖެހިފައެވެ. ތިން ދުވަހުގެ މި ދަތުރުފުޅުގައި ދެ ގައުމުގެ ގުޅުން ބަދަހިކުރުމަށާއި، ރާއްޖޭގައި އުޅޭ ބަންގްލަދޭޝް މަސައްކަތްތެރިންގެ ހައްގުތަކާ ގުޅޭގޮތުން މަޝްވަރާކުރުމަށް ވަނީ ރޭވިފައެވެ.

Newsletter

Get the latest news delivered straight to your inbox