އޭވީސީ ބީޗް ޓުއާ: ފަހު މެޗުން ކުޑަކާއްޓެ އާއި އެޑަމްގެ ޕެއާ އަށް މޮޅެއް

Apr 14, 2024, 8:27 AM
ސަމިލާ އޯޕަން މުބާރާތުގެ މެޗެއްގެ ތެރެއިން އެޑަމް އާއި ކުޑަކާއްޓެ،--- ފޮޓޯ: އޭވީސީ

ސަމިލާ އޯޕަން މުބާރާތުގެ މެޗެއްގެ ތެރެއިން އެޑަމް އާއި ކުޑަކާއްޓެ،--- ފޮޓޯ: އޭވީސީ

ތައިލެންޑްގައި ކުރިއަށްދާ އޭވީސީ ބީޗް ޓުއާ ސަމިލާ އޯޕަން މުބާރާތުގެ ގްރޫޕް ސްޓޭޖުގައި ރާއްޖޭގެ އެއް ވަނަ ޕެއާ، އިސްމާއިލް ސާޖިދު (ކުޑަކާއްޓެ) އާއި އާދަމް ނަސީމް (އެޑަމް) ކުޅުނު ފަހު މެޗުން މޮޅުވެއްޖެ އެވެ.

މި މަހު 13-16 އަށް ތައިލެންޑްގެ ސޮންކްލާގައި ކުރިއަށްދާ ސަމިލާ އޯޕަންގައި ރާއްޖޭން ވާދަކުރަނީ އެޑަމް އާއި ކުޑަކާއްޓެގެ ޕެއާގެ އިތުރުން މުހައްމަދު އަލީ (ޑެންޒޯ) އާއި އަހުމަދު މުހައްމަދު (ކޯކޭ)ގެ ޕެއާ އެވެ. ދެ ޕެއާ އަށް ވެސް ގްރޫޕް ސްޓޭޖަށް ވުރެ ކުރިއަށް ނުދެވުނެވެ.

އެޑަމް އާއި ކުޑަކާއްޓެގެ ޕެއާ ގްރޫޕްގައި ކުޅުނު ފަހު މެޗުން މިއަދު ތައިލެންޑްގެ ނޮބްޕަދޯން އާއި ޗަޓްޗާވަންގެ ޕެއާ އަތުން މޮޅުވީ ދެ ސެޓު އެއް ސެޓުންނެވެ. މެޗުގެ ސެޓުތައް ދިޔައީ 18-21، 21-17 އަދި 15-09 އިންނެވެ.

Advertisement

ކުޑަކާއްޓެ އާއި އެޑަމްގެ ޕެއާ ހިމެނުނީ، ގްރޫޕް އެފްގަ އެވެ. މި ގްރޫޕްގައި ފުރަތަމަ ކުޅުނު މެޗުން ޖަޕާންގެ ޓަކަަހާޝީ އާއި އިކޭޑާގެ ޕެއާ އަތުން އެޑަމް އާއި ކުޑަކާއްޓެގެ ޕެއާ ބަލިވީ ސީދާ ދެ ސެޓުންނެވެ. ޓަކަހާޝީ އާއި އިކޭޑާގެ ޕެއާ ސެޓުތައް ގެންދިޔައީ، 21-14، 21-16 އިންނެވެ. ގްރޫޕްގެ ދެ ވަނަ މެޗުން އެޑަމް އާއި ކުޑަކާއްޓެގެ ޕެއާ ބަލިވީ، ނިއު ޒީލެންޑްގެ ރީޑް އާއި މެކްމަނަވޭގެ ޕެއާ އަތުންނެވެ. ރީޑް އާއި މެކްމަނަވާގެ ޕެއާ އިން ސެޓުތައް ގެންދިޔައީ، 21-19، 21-16 އިންނެވެ.

ކޯކޭ އާއި ޑެންޒޯގެ ޕެއާ އިން އިންޑިއާއާ ދެކޮޅަށް ކުޅުނު މެޗުގެ ތެރެއިން.--- ފޮޓޯ: އޭވީސީ

މެދުކެނޑުމަކަށް ފަހު، ޑެންޒޯ އާއި ކޯކޭގެ ޕެއާ ބައިނަލްއަގުވާމީ ލެވަލްގައި މުބާރާތެއްގައި ވާދަކުރިއިރު، އެ ޕެއާ އިން ގްރޫޕް ޑީގައި ވާދަކޮށް ތިން މެޗުން ވެސް ވަނީ ބަލިވެފަ އެވެ. އެ ގޮތުން ފުރަތަމަ މެޗުގައި ގަތަރުގެ އަހުމަދު އާއި އީހާބްގެ ޕެއާ އަތުން ޑެންޒޯ އާއި ކޯކޭގެ ޕެއާ ބަލިވީ 21-14، 21-08 އިންނެވެ. ދެ ވަނަ މެޗުގައި، އީރާންގެ ޕޫރާސްގާރީ އާއި އައްގާޖާނީގެ ޕެއާ އަތުން ޑެންޒޯ އާއި ކޯކޭގެ ޕެއާ ބަލިވީ 21-07، 21-13 އިންނެވެ.

ގްރޫޕްގެ ފަހު މެޗުގައި މިއަދު ޑެންޒޯ އާއި ކޯކޭގެ ޕެއާ ނުކުތީ އިންޑިއާގެ ރަވީ އާއި ބާރަތުގެ ޕެއާއާ ދެކޮޅަށެވެ. ރަވީ އާއި ބާރަތުގެ ޕެއާ ފުރަތަމަ ސެޓު، 21-12 އިން ގެންގޮސްފައިވަނިކޮށް ޑެންޒޯ އާއި ކޯކޭގެ ޕެއާ ދެ ވަނަ ސެޓު، 13-21 އިން ގެންގޮސް މެޗު އެއްވަރުކުރި އެވެ. ނަތީޖާ ނެރުނު ސެޓުން، ރަވީ އާއި ބާރަތުގެ ޕެއާ މޮޅުވީ 15-11 އިންނެވެ.

މި ފަހަރުގެ ގައުމީ ބީޗްވޮލީބޯޅަ ޓީމުގެ ސިލެކްޝަނުގައި ޒުވާން ކުޅުންތެރިޔާ، ޝަމާއިލް ހުސެއިން ނުހިމެނޭތީ ވަނީ ފާޑުކިޔުން އަމާޒުވެފަ އެވެ. ގައުމީ ބީޗްވޮލީބޯޅަ ޓީމުގެ ކޯޗަކަށް މަސައްކަތްކުރި ބްރެޒިލްގެ ތަޖުރިބާކާރު، ވިނީޝިއުސް ޖިއޯނީގެ އިރުޝާދުގެ ދަށުން ތަމްރީންވެ، ޝަމާއިލް ވަނީ، މިދިޔަ އަހަރުގެ ސެންޓްރަލް އޭޝިއަން ވޮލީބޯލް އެސޯސިއޭޝަންގެ ބީޗް ވޮލީބޯލް ޓުއާގައި ހިމެނުނު ރާއްޖޭގެ ބީޗްވޮލީ ޓީމަށް ކުޅެފަ އެވެ.

އެ މުބާރާތުން ކުޑަކާއްޓެ އާއި އެޑަމްގެ ޕެއާ ރަން މެޑަލް ހޯދިއިރު، ރާއްޖޭން ދެން ވާދަކުރި ޕެއާގައި ހިމެނެނީ ޝަމާއިލް އާއި އަހުމަދު މުހައްމަދު (ކޯކޭ) އެވެ.

ކޮމެންޓް

ފަހުގެ ޚަބަރު

ސިޓީ އާއި އާސެނަލަށް މޮޅެއް ނުލިބުނު، ޗެލްސީ ބަލިވެއްޖެ

އިނގިރޭސި ޕްރިމިއާ ލީގުގައި ރޭ ކުޅުނު މެޗުތަކުން މެންޗެސްޓާ ސިޓީ އާއި އާސެނަލް އެއްވަރުވިއިރު، ޗެލްސީ ވަނީ ލީޑްސް ޔުނައިޓެޑް އަތުން 4-1 އިން ބަލިވެފައި. ސިޓީ އާއި ފުލަމް ބައްދަލުކުރި މެޗު 1-1 އިން އެއްވަރުވިއިރު، އާސެނަލް އާއި ނިއުކާސަލް ބައްދަލުކުރި މެޗު ނިމުނީ 2-2 އިން އެއްވަރުވެގެން.

އޮޑިން ކޮންމެ މެޗެއްގައި ވެސް ޓީމު ވަރުގަދަކޮށްގެން ނަތީޖާ ނެރެން

ދިވެހި ޕްރިމިއާ ލީގުގައި އޮޑި ސްޕޯޓްސް ކްލަބުން ކޮންމެ މެޗަކަށް ވެސް ނުކުންނަނީ ޓީމު ވަރުގަދަކޮށް ރަނގަޅު ނަތީޖާއެއް ނެރުމުގެ އަމާޒުގައި ކަމަށް އެ ޓީމުގެ ކޯޗު ލޫޗޯ ބުނެފި. ލީގުގެ ބްރޭކުގެ ތެރޭގައި ޓީމުގެ ފިޓްނަސް އާއި ކުޅުން ރަނގަޅުކުރަން ގިނަ މަސައްކަތްތަކެއް ކޮށްފައިވާއިރު، މާދަމާ ޓީސީއާ ދެކޮޅަށް ނުކުންނާނީ މެޗުގެ ކޮންޓްރޯލް ހޯދައިގެން މޮޅުވާން

ނިއު ރޭޑިއަންޓް ބަލިކުރުން މުޅި ވިކްޓަރީ އަށް އިތުބާރަކަށްވާނެ

ދިވެހި ޕްރިމިއާ ލީގުގައި ނިއު ރޭޑިއަންޓާ ދެކޮޅަށް ކުޅޭ މެޗުން މޮޅުވުމަކީ ވިކްޓަރީގެ އިތުބާރު ބޮޑުވެ، ސަޕޯޓަރުންގެ ޝައުގުވެރިކަން އިތުރުވާނެ ކަމެއް ކަމަށް އެ ޓީމުގެ ކޯޗު މޯހަން ބުނެފި ލީގުގައި މިހާތަނަށް ބަލިނުވެ އޮތް މި ދެ ޓީމުގެ ކުރިމަތިލުމަށް ވިކްޓަރީ އޮތީ ވަރަށް ރަނގަޅަށް ތައްޔާރުވެފައި ކަމަށްވެސް އޭނާ ފާހަގަކުރި

މުޑްރިކް އާއި ޔޫކްރެއިން އެފްއޭގެ ކޯޅުމެއް

މަނާބޭހުގެ މައްސަލައެއްގައި 21 މަސް ދުވަހުގެ ސަސްޕެންޝަނެއް ފުރިހަމަކުރުމަށްފަހު، ޔޫކްރެއިންގެ މިހައިލޯ މުޑްރިކް އެ ގައުމުގެ ފުޓްބޯޅަ އެސޯސިއޭޝަނުން އިހުމާލުވި ކަމަށް ބުނެ ކުރި ތުހުމަތުތަކާ ގުޅިގެން މައްސަލަ ހޫނުވެއްޖެއެވެ. މުޑްރިކްގެ މި ވާހަކަތަކަށް ރައްދު ދެއްވަމުން ޔޫކްރެއިން އެފްއޭގެ ރައީސް އަންޑްރީ ޝެވްޗެންކޯ ވިދާޅުވީ މުޑްރިކް ހަދަނީ ދޮގު ކަމަށާއި، މިއީ އެސޯސިއޭޝަނުގެ އަގުވައްޓާލަން ކުރާ ކަމެއް ކަމަށެވެ.

ޓޮމް ބްރެޑީ ޗެލްސީގެ ހިއްސާއެއް ގަންނަނީ

އެމެރިކަން ފުޓްބޯޅަ ލެޖެންޑް ޓޮމް ބްރެޑީ، ކްލިއަލޭކް ކެޕިޓަލް މެދުވެރިކޮށް އިނގިރޭސި ކްލަބް ޗެލްސީގެ މައިނޯރިޓީ ހިއްސާއެއް ގަތުމަށް ދަނީ މަސައްކަތް ކުރަމުންނެވެ. މި އިންވެސްޓްމަންޓާއެކު އޭނާއަށް ވޯޓުލުމުގެ ހައްގު ނުލިބުނު ނަމަވެސް، ކުރިއަށް އޮތް ތަނުގައި ކްލަބުގެ ބޯޑުން ފުރުސަތު ލިބުމުގެ ފުރުސަތު އެބައޮތެވެ. ބްރެޑީ މި ފިޔަވަޅު އަޅަނީ ބާމިންހަމް ސިޓީގައި އޮތް އޭނާގެ ހިއްސާ ދޫކޮށްލުމަށްފަހުއެވެ.

ބަޔާން އެއްވަރުވި މެޗުގައި ކޭން އަށް ސީރިއަސް އަނިޔާއެއް

ޖަރުމަނު ލީގުގައި ކޮލޯންއާ ދެކޮޅަށް ކުޅުނު މެޗުގައި ބަޔާން މިއުނިކްގެ ފޯވާޑް ހެރީ ކޭންގެ ކުޑަހުޅަށް ލިބުނު ސީރިއަސް އަނިޔާއަކާ ގުޅިގެން، ތިން މަސް ދުވަހަށް އޭނާ ކުޅުމާ ދުރުގައި ހުންނަން ޖެހިއްޖެ. ބަޔާން މި މެޗުން 1-1 އިން އެއްވަރުވިއިރު، މި ނަތީޖާއާއެކު ލީގުގެ އެއްވަނަ މަގާމު ގެއްލުމުގެ ބިރު އެ ޓީމަށް ވަނީ ކުރިމަތިވެފައި

ސްޕެއިން ކައިރިން ބަދަލުހިފަން ޒިދާން ބޭނުމެއް ނޫން

ނޭޝަންސް ލީގުގެ ކުއާޓާ ފައިނަލުގައި ސްޕެއިނާ ދެކޮޅަށް ނުކުންނައިރު، ފްރާންސްގެ އަމާޒަކީ ވޯލްޑް ކަޕްގެ ބަލިވުމުގެ ބަދަލުހިފުމުގެ ބަދަލުގައި މުބާރާތުގެ ތަށި ހޯދުން ކަމަށް ކޯޗު ޒިދާން ބުނެފި. ޒިދާން ފާހަގަކުރި ގޮތުގައި މިއީ އާ މުބާރާތެއް ކަމަށާއި، އަންނަ މާޗް މަހު އޮންނަ މި މެޗުތަކަށް ޓީމު އޮތީ ވަރުގަދަ އަމާޒެއްގައި

Newsletter

Get the latest news delivered straight to your inbox