އިޒްރޭލާއި އިރާނަށް ދަތުރު ނުކުރަން ބައެއް ގައުމުތަކުން އެދިއްޖެ

އިޒްރޭލުން ހަމަލާދިން ސީރިއާގައި ހުންނަ އިރާނުގެ ކޮންސިއުލޭޓު ސާފުކުރަނީ -- ފޮޓޯ: ރޮއިޓާސް

އިޒްރޭލުން ހަމަލާދިން ސީރިއާގައި ހުންނަ އިރާނުގެ ކޮންސިއުލޭޓު ސާފުކުރަނީ -- ފޮޓޯ: ރޮއިޓާސް

އިޒްރޭލާއި އިރާނާ ދެމެދު ހަމަލާތައް ބަދަލުކޮށްފާނެތީ، ބައެއް ގައުމުތަކުން އެ ދެ ގައުމަށް ދަތުރު ނުކުރަން އެދިއްޖެ އެވެ.

އިޒްރޭލާއި އިރާނާ ދެމެދު ގުޅުން ގޯސްވެ ހަމަލާތައް ބަދަލުކޮށްފާނެ ކަމަށް ބެލެވިފައި ވަނީ އިޒްރޭލުން އޭޕްރީލް 1 ގައި ސީރިއާގައި ހުންނަ އިރާނުގެ ކޮންސިއުލޭޓަށް ދިން ހަމަލާއާ ގުޅިގެންނެވެ.

އެ ހަމަލާގައި އިރާނުގެ ދެ ޖެނެރަލުންނާއި ސިފައިންތަކެއް މަރުވެފައި ވާއިރު، އިރާނުން ވަނީ އިޒްރޭލަށް ހަމަލާ ދޭނެ ކަމުގެ އިންޒާރު ދީފަ އެވެ. އަދި އިޒްރޭލުން ވަނީ ރައްދުގައި ހަމަލާ ދޭނެ ކަމުގެ އިންޒާރު ދީފަ އެވެ.

މިކަމާ ގުޅިގެން ފްރާންސް، އިންޑިއާ، ރަޝިއާ، ޕޮލެންޑް، އިނގިރޭސިވިލާތް އަދި އެމެރިކާއިން ވަނީ އެ ގައުމުގެ ރައްޔިތުން އިރާން އަދި ފަލަސްތީނަށް ދަތުރު ނުކުރަން އެދިފަ އެވެ.

ފްރާންސްގެ ފޮރިން މިނިސްޓްރީން ބުނީ އެ ގައުމުގެ ރައްޔިތުން އިރާން، ލެބަނާން، އިޒްރާއިލް އަދި ފަލަސްތީނަށް ނުދިޔުމަށް އަންގާ ކަމަށެވެ. އަދި ރަޝިއާއިން ވެސް ވަނީ އެ ގޮތަށް އެދިފަ އެވެ.

ޕޮލެންޑުން އެ ގައުމުގެ ރައްޔިތުން ކިބައިން އެދިފައި ވަނީ އިޒްރޭލު، ފަލަސްތީން އަދި ލެބަނާނަށް ދަތުރު ނުކުރުމަށެވެ. އަދި އިންޑިއާއިން އެދިފައި ވަނީ އިރާނާއި އިޒްރޭލަށް ދަތުރު ނުކުރުމަށެވެ.

އިރާނުން އިޒްރޭލަށް ހަމަލާ ދީފަނެކަމުގެ ބިރު އޮތް ކަމަށް އެމެރިކާއިން ވަނި ބުނެފަ އެވެ. އެގޮތުން އެމެރިކާއިން އަންނަނީ އެފަދަ ހަމަލާއެއް ނުދިނުމަށް އިރާނުގައި އެދިފަ އެވެ.

އިރާނުން އިޒްރޭލަށް ހަމަލާދޭން ތައްޔާރުވަމުން އަންނައިރު، އިޒްރޭލުން އަންނަނީ އޮކްޓޫބަރު، 7 އިން ފެށިގެން ފަލަސްތީނަށް މެދުނުކެނޑި ހަމަލާދެމުންނެވެ.

އެ ހަމަލާތަކުގައި މިހާތަނަށް 33،600 ފަލަސްތީނު މީހުން ވަނީ މަރުވެފަ އެވެ. އޭގެ ތެރޭގައި ގިނައީ ކަމާ ނުބެހޭ ކުޑަކުދިންނާއި އަންހެނުންނެވެ.

ކޮމެންޓް

ފަހުގެ ޚަބަރު

ރަޝިޔާ އާއެކު މަޝްވަރާއަށް ތައްޔާރު: ޔޫރަޕުގެ ލީޑަރުން

ޔޫކްރެއިން ހަނގުރާމަ ހުއްޓާލުމަށް ރަޝިޔާއާއެކު މަޝްވަރާކުރުމަށް ތައްޔާރަށް ތިބިކަން ޔޫރަޕުގެ ލީޑަރުން ހާމަކޮށްފައިވާއިރު، މި މަޝްވަރާތަކުގައި ވިލާތުގެ ބައިވެރިވުން ހިމެނުމަށް އެމެރިކާއިން ދަނީ ބާރުއަޅަމުންނެވެ. ރަޝިޔާގެ ރައީސް ޕޫޓިން ވަނީ ވިލާތުގެ ގައުމުތަކުގެ ސިޔާސަތުތައް ސާފުކުރުމަށްޓަކައި މޮސްކޯއަށް ޒިޔާރަތްކުރުމަށް އެ ގައުމުތަކަށް ދައުވަތު ދެއްވާފައެވެ.

އެންތްރޮޕިކް 1.76 ޓްރިލިއަން ޑޮލަރުގެ ކުންފުންޏަކަށް

އޭއައި ކުންފުނި އެންތްރޮޕިކް ހިއްސާގެ ބާޒާރަށް ނުކުތުމާއެކު، އެ ކުންފުނީގެ އަގު 1.76 ޓްރިލިއަން ޑޮލަރަށް އަރައި ދުނިޔޭގެ އެންމެ އަގުބޮޑު ކުންފުނިތަކުގެ ތެރޭގައި ހިމެނިއްޖެއެވެ. ހިއްސާގެ އަގަށް އައި ކުރިއެރުމާއެކު އޭއައި ދާއިރާއަށް އޮތް ބޮޑު ޝައުގުވެރިކަން ހާމަވީ ނަމަވެސް، މިއީ އިގްތިސާދީ "ބަބުލް" އެއްގެ ގޮތުގައި ބައެއް މާހިރުން ސިފަކުރެއެވެ. ކްލޯޑް ޗެޓްބޮޓް އުފެއްދި މި ކުންފުނިން އެންމެ ބޮޑު އިސްކަމެއް ދެނީ އޭއައިގެ ރައްކާތެރިކަމަށެވެ.

ވެން ގޯގެ ކުރެހުމެއް 190 މިލިއަން ޑޮލަރަށް ވިއްކާލައިފި

ވިންސެންޓް ވެން ގޯގެ "ޗެސްޓްނަޓް ޓްރީޒް އިން ބްލޮސަމް" ކުރެހުން 190.4 މިލިއަން ޑޮލަރަށް ވިއްކާލައި، ދުނިޔޭގެ އާ ރެކޯޑެއް ގާއިމުކޮށްފިއެވެ. މި ކުރެހުން ނީލަމުގައި ވިއްކާލާފައިވަނީ، ނާޒީންގެ ދުވަސްވަރު މަޖުބޫރުވެގެން މި ކުރެހުން ވިއްކާލަން ޖެހުނު އާއިލާއާއި މިހާރުގެ މިލްކުވެރިންގެ މެދުގައި އުފެދުނު ގާނޫނީ މައްސަލައަށް ހައްލެއް ހޯދުމަށްފަހުގައެވެ.

ރޮހިންޔާ ގަތުލުއާންމުގައި މިޔަންމާ ކުށްވެރިވެއްޖެ

މި މައްސަލައިގައި ދަ ގެމްބިއާއަށް ތާއީދުކޮށް، ރާއްޖެއިން ވަނީ ބައިނަލްއަގުވާމީ ވަކީލުންނާއެކު ކޯޓުގައި މިޔަންމާއާ ދެކޮޅަށް ވަކާލާތުކޮށް އިސް ދައުރެއް އަދާކޮށްފަ. ކޯޓުގެ ހުކުމުގައި މިޔަންމާ ކުށްވެރިކޮށް، ގެއްލުމުގެ ބަދަލު ދިނުމުގެ ޕްރޮގްރާމެއް އެކުލަވާލުމަށް ވެސް ވަނީ އަމުރުކޮށްފަ.

ޕެޓިންސަން ހަތްވަނަ ބޮންޑަށް ހޮވުމުގައި ބޭޒޯސްގެ ބޮޑު ދައުރެއް

އާ ޖޭމްސް ބޮންޑުގެ ރޯލަށް އެކްޓަރު ރޮބަޓް ޕެޓިންސަން ހަމަޖެއްސުމުގައި އެމެޒޯންގެ ޗެއާމަން ޖެފް ބޭޒޯސް މުހިންމު ދައުރެއް އަދާކޮށްފައިވާކަން އޭނާ ހާމަކުރައްވައިފިއެވެ. ޑެނިއަލް ކްރެއިގްގެ ފަހުން ހަތްވަނަ ބޮންޑުގެ ގޮތުގައި ޕެޓިންސަން ފެނިގެންދާ 26 ވަނަ ފިލްމު، ޑެނިސް ވިލެނޫވްގެ ޑައިރެކްޝަނުގެ ދަށުން 2028 ވަނަ އަހަރު ރިލީޒްކުރުމަށް ވަނީ ތާވަލުކޮށްފައެވެ.

އެންތްރޮޕިކް އުފެއްދި 7 ބާނީން ބިލިއަނަރުންގެ ލިސްޓަށް

އޯޕަން އޭއައި އިން ވަކިވި ހަތް މީހަކު 2021 ވަނަ އަހަރު އުފެއްދި އެންތްރޮޕިކް ކުންފުނި ހިއްސާގެ ބާޒާރަށް ނެރުމާއެކު، އެ ކުންފުނީގެ ބާނީން ބިލިއަނަރުންގެ ލިސްޓަށް އެރުމަށް ވަނީ ތައްޔާރުވެފައެވެ. އޭއައިގެ ރައްކާތެރިކަމަށް އިސްކަންދޭ މި ޒުވާން ޓީމުގެ ކުންފުނިން އުފެއްދި "ކްލޯޑް" އާއެކު، އެންތްރޮޕިކް މިހާރު ވަނީ ޓެކްނޮލޮޖީގެ ދާއިރާގެ ބޮޑު ބާރަކަށް ބަދަލުވެފައެވެ.

ކްރައިމިއާ ބްރިޖަށް ހަމަލާދީ ބޮޑު ބައެއް ވައްޓާލައިފި

ރަޝިއާއިން ހިފާފައިވާ ކްރައިމިއާއާ ގުޅުވައިދޭ މުހިންމު ބްރިޖަށް ޔޫކްރޭނުން ވަރުގަދަ ހަމަލާއެއްދީ، ބްރިޖުގެ ބޮޑު ބައެއް ކަނޑަށް ވައްޓާލައި ރަޝިއާގެ ސިފައިންނަށް ބޭނުންވާ މައިގަނޑު ސަޕްލައި މަގަށް ބޮޑު ހުރަހެއް ކުރިމަތިކުރުވައިފިއެވެ. މި ހަމަލާއާ ގުޅިގެން ރަޝިއާއިން ބަދަލުހިފުމުގެ ގޮތުން ޔޫކްރޭނުގެ ވެރިރަށް ކީވްގެ އިންފްރާސްޓްރަކްޗަރަށް އަމާޒުކޮށް ވަރުގަދަ ހަމަލާތަކެއް ދީފައިވާއިރު، މިއީ ދެ ގައުމުގެ ދެމެދުގައި އޮތް ހަނގުރާމަ އިތުރަށް ވަރުގަދަވެގެންދިޔަ ކަމެކެވެ.

Newsletter

Get the latest news delivered straight to your inbox