ރާއްޖޭގައި ޓެކްސީ ހިދުމަތް ދެމުންދާ އެންމެ ބޮޑު ކުންފުނި އަވަސް ރައިޑްގެ މޯބައިލް އެޕްލިކޭޝަން, އިތުރު ހިދުމަތް ތަކާއެކު އަވަސް އެޕަށް ރީބްރޭންޑް ކޮށްފި އެވެ.
އަވަސް އެޕްގެ މައިގަނޑުގެ ހިދުމަތް ކަމަށްވާ ޓެކްސީ ހިދުމަތުގެ ފެންވަރު އިތުރަށް ރަނގަޅުކޮށް ކަސްޓަމަރުންނާއި ޑްރައިވަރުންނަށް ފަސޭހައިން ހިދުމަތުގެ އަގު ދެއްކޭ ގޮތަށް ޕޭމަންޓް ގޭޓްވޭ ތައާރަފު ކުރުމަށް ވަނީ ނިންމައިފަ އެވެ.
އަވަސް އެޕަށް ރެޖިސްޓާވާ ޑްރައިވަރުންނަށް ތިން މަސް ދުވަސް މުޅިން ހިލޭ ޕްރޮމޯޝަނެއް ވެސް މިހާރު ވަނީ ފަށައިފަ އެވެ.
އަވަސް އެޕް މިހާރު ގޫގުލް ޕްލޭ ސްޓޯ އަދި އެޕަލް އެޕް ސްޓޯއިން ޑައުންލޯޑު ކުރެވޭނެ އެވެ. އާ އެޕް ތައާރަފު ކުރިޔަސް، ކުރީގެ އެޕް ވެސް އަދި ބޭނުން ކުރެވެ އެވެ. ނަމަވެސް، ދުވަސްތަކަކަށް ފަހު މުސްކުޅި އެޕް ދޫކޮށްލާނެ އެވެ.
ހިދުމަތް ތަކާއި ގުޅޭ އިތުރު މައުލޫމާތު އަވަސް އެޕްގެ ސޯޝަލް މީޑިޔާ ޕޭޖްތަކުން ލިބޭނެ ކަމަށް އެ ހިދުމަތުން ބުނެ އެވެ.
އަވަސް ރައިޑު މެދުވެރިކޮށް ކާރުގެ އިތުރުން، ޕިކަޕާއި ސައިކަލުވެސް އޯޑަރު ކުރެވެއެވެ. އަދި ޓެކްސީ ބޯޑު ނުޖަހާ ޕްރައިވެޓް ކާރުތަކަށް ވެސް ދަތުރުތައް ނެގެ އެވެ.
އަވަސް ރައިޑްގެ ހިދުމަތް 2019 ވަނަ އަހަރު މާލެ ސިޓީގައި ފެށިއިރު، މި ހިދުމަތް ފުޅާކޮށް ރާއްޖޭގެ އެކި ކަންކޮޅުން ވެސް ހިދުމަތް މިހާރު އަންނަނީ ދެމުންނެވެ. މިހާރު ވެސް 2500 ވެހިކަލް އަވަސް އެޕް ބޭނުންކުރެ އެވެ.
