ބޮޑެތި މަރުތަކާ ގުޅިގެން ސަރުކާރުން ގެންގުޅޭ ސިޔާސަތު ހޯމް މިނިސްޓަރަށް ވެސް ނޭނގޭ

ހޯމްލޭންޑް ސެކިއުރިޓީ މިނިސްޓަރު އަލީ އިހުސާން: ބޮޑެތި މަރުތަކާ ގުޅިގެން ސަރުކާރުން ގެންގުޅޭ ސިޔާސަތު ހޯމް މިނިސްޓަރަށްވެސް ނޭނގޭ - ފޮޓޯ: މަޖިލިސް އިދާރާ

ހޯމްލޭންޑް ސެކިއުރިޓީ މިނިސްޓަރު އަލީ އިހުސާން: ބޮޑެތި މަރުތަކާ ގުޅިގެން ސަރުކާރުން ގެންގުޅޭ ސިޔާސަތު ހޯމް މިނިސްޓަރަށްވެސް ނޭނގޭ - ފޮޓޯ: މަޖިލިސް އިދާރާ

ރާއްޖޭގައި މީގެ ކުރިން ހިނގާފައިވާ ބޮޑެތި މަރުތަކުގެ މައްސަލަތަކުގައި މި ސަރުކާރުން ގެންގުޅޭ ސިޔާސަތު ޖެހޭނީ ސާފުކޮށްލަން ކަމަށް ހޯމްލޭންޑް ސެކިއުރިޓީ މިނިސްޓަރު އަލީ އިހުސާން ވިދާޅުވެއްޖެ އެވެ.

މިނިސްޓަރު މިހެން ވިދާޅުވީ މިއަދުގެ ރައްޔިތުންގެ މަޖިލީހުގެ ޖަލްސާގައި އުނގޫފާރު ދާއިރާގެ މެންބަރު މުހައްމަދު ވަހީދު ކުރެއްވި ސުވާލަކަށް ޖަވާބުދެއްވަމުންނެވެ.

ވަހީދުގެ ސުވާލުގައި ފާހަގަކުރެއްވި މަރުތަކުގެ ތެރޭގައި އެ ދާއިރާގެ ކުރީގެ މެންބަރު އަފްރާޝީމް އަބްދުﷲގެ އިތުރުން، ނޫސްވެރިޔާ އަހުމަދު ރިލްވާން އަދި, ބްލޮގަރު ޔާމީން ރަޝީދުގެ މަރު ހިމެނެ އެވެ.

Advertisement

"އެކަމަށްޓަކާ [ބޮޑެތި މަރުތައް ބެލުމަށް] ކުރީ ސަރުކާރުން މަރު ކޮމިޝަނެއް ވެސް އެކުލަވާލި އެހެންނަމަވެސް ވަރަށް ބޮޑަށް މި މަރުތައް ބެލުމުގަ އިހުމާލުވެގެންދިޔަތަން ފެނުނީ" ވަހީދު ވިދާޅުވި އެވެ.

ކުރީ ސަރުކާރުގެ އިހުމާލު ފާހަގަކުރައްވާ މެންބަރު ވަނީ މި ސަރުކާރުން އެ މަރުތަކަށް އިންސާފު ހޯދުމަށް ކުރެވޭނެ ކަންކަމަކީ ކޮބާތޯ އަދި މަސައްކަތް ކުރިއަށް ގެންދާނެ ގޮތަކީ ކޮބާތޯ ވަޒީރުގެ އަރިހުން އައްސަވާފަ އެވެ.

ޖަވާބުގައި މިނިސްޓަރު އިހުސާން ވިދާޅުވީ، "ސްޕެސިފިކަލީ އެ ކުރެއްވި ސުވާލުގަ މި ވަގުތު ޕޮލިސީ އޮތްގޮތް އަޅުގަނޑު ޖެހޭނީ ސާފުކޮށްލާފަ އިއްޒަތްތެރި މެންބަރަށް އަރުވަން" މިފަދައިންނެވެ.

ނަމަވެސް އިހުސާން ވަނީ ފުލުހުން އަދި އޭނާގެ ވުޒާރާގެ ދަށުން ހިނގާ އެހެން އިދާރާތަކުން ވެސް ބަލާ ކޮންމެ މައްސަލައެއްގެ އެންމެ އަޑިއަށް ތަހުގީގުކުރާނެ ކަމުގެ ޔަގީންކަން ދެއްވާފަ އެވެ. އަދި މައްސަލަތަކުގެ މައުލޫމާތު ރައްޔިތުންނަށް ހާމަކުރާނެ ކަމަށް ވެސް ވިދާޅުވި އެވެ.

މިދިޔަ ސަރުކާރުގެ މަރު ކޮމިޝަނުން ނޫސްވެރިޔާ އަހުމަދު ރިލްވާންގެ މައްސަލައިގައި ރިޕޯޓެއް ނެރެފައިވެ އެވެ. އަދި, ބްލޮގަރު ޔާމީން ރަޝީދުގެ މައްސަލަ އާއި ރިލްވާންގެ މައްސަލައާ ގުޅިގެން ތިން މީހެއްގެ މައްޗަށް ދައުވާ އުފުލި އެވެ.

މި ރިޕޯޓުތައް އާންމުކޮށް އެ ކަމުގައި އިހުމާލުވާ ދައުލަތުގެ އިދާރާތަކާ ދެކޮޅަށް ފިޔަވަޅު އެޅުމަށް ހަ ޖަމިއްޔާއަކުން ސަރުކާރަށް ގޮވާލާފައިވެ އެވެ.

ކޮމެންޓް

ފަހުގެ ޚަބަރު

ދިރާގު ރޯޑް ރޭސް 5،500އަށްވުރެ ގިނަ ދުވުންތެރިންނާއެކު ބާއްވައިފި

ދިރާގު މޯލްޑިވްސް ރޯޑް ރޭހުގެ 17 ވަނަ އެޑިޝަން 5،500 އަށްވުރެ ގިނަ ދުވުންތެރިންނާއެކު ހުޅުމާލެ ސެންޓްރަލް ޕާކުގައި ވަނީ ބާއްވާފައެވެ. މި ދުވުމުގެ ލައިވް އަޕްޑޭޓްތަކާއި، ނަތީޖާ އަދި ދުވުންތެރިންގެ ރޭންކިންގ ބަލައިލުމުގެ ފުރުސަތު ދިރާގުން ވަނީ ޚާއްޞަ މޮބައިލް އެޕްލިކޭޝަނެއް މެދުވެރިކޮށް ފަހިކޮށްދީފައެވެ.

ޕީއެންސީގެ މެންބަރުންގެ އަދަދު ލައްކައަކަށްވުރެ ދަށަށް

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އެރިތާ 24 ގަޑިއިރު ނުވަނީސް، އަލުން އެ އަދަދު ލައްކައަކަށް ވުރެ ދަށަށް ގޮސްފިއެވެ. އިދިކޮޅު ފަރާތްތަކުން ތުހުމަތުކުރާ ގޮތުގައި މި އަދަދު ހަމަކުރުމަށްޓަކައި ވަޒީފާގެ ބިރުދެއްކުމާއި ރިޝްވަތުގެ ގޮތުގައި ފައިސާ ބޭނުންކޮށްފައިވެއެވެ. އީސީގެ ތަފާސްހިސާބުތަކުން ދައްކާގޮތުގައި އެ ޕާޓީގެ މެންބަރުންގެ އަދަދު މިހާރު ވަނީ 99,930 އަށް ތިރިވެފައެވެ.

ރަސްމާލޭގެ ޑީލުގައި ސޮއިނުކުރަން އެދި އަލައްބާރަށް ސިޓީއެއް

ރަސްމާލެ މަޝްރޫއުގެ މިހާރުގެ ޝަރުތުތަކާއި ގާނޫނުއަސާސީއާ ފުށުއެރުންތަކެއް ހުރި ކަމަށާއި، އެކަމުގައި އެކަށީގެންވާ ގޮތެއްގައި ރައްޔިތުންގެ ހިޔާލު ހޯދާފައި ނުވާތީ، ދެން އަންނަ ސަރުކާރަކުން ވެސް މި މަޝްރޫއުގެ އެއްބަސްވުން އަލުން މުރާޖައާކުރުމަށް ނުވަތަ އެއްކޮށް ބާތިލުކުރުމުގެ ފުރުސަތު އޮތް ކަމަށް އެ ސިޓީގައި ބުނެފައިވޭ.

"ރަސްމާލެ މައްސަލައިގައި މުއިއްޒު ވަނީ އަނގަވަތަށް ވެއްޓިފައި"

ރަސްމާލެ މަޝްރޫއަކީ ރާއްޖޭގެ ސިޔާދަތަށް އުނިކަންލިބޭ، ބޭރުގެ ފަރާތްތަކަށް ބިން ދިނުމަށް ހިންގާ ހީލަތްތެރި ރޭވުމެއް ކަމަށް ވިދާޅުވެ ކުރީގެ ރައީސް ޔާމީން ސަރުކާރަށް ވަރަށް ބޮޑަށް ފާޑުވިދާޅުވެއްޖެއެވެ. މި މަޝްރޫއުގެ ސަބަބުން ރައީސް މުއިއްޒު ރައްޔިތުންގެ ކުރިމަތީގައި ބޭޒާރުވެފައިވާ ކަމަށާއި، މި ސަރުކާރަށް ދެވަނަ ދައުރެއް ރައްޔިތުން ނުދޭނެ ކަމަށް ޔާމީން ވިދާޅުވިއެވެ.

ރަސްމާލެ ދޫކޮށްލުމާ ދެކޮޅުވެރިކަމެއް ނެތްކަމުގެ އިޝާރާތެއް

ރަސްމާލެއިން ބައެއް ބޭރުގެ ކުންފުންޏަކަށް ދޫކޮށްލުމާ ދެކޮޅު ހަދަނީ މަދު ބަޔަކު ކަމަށާއި، ދިވެހިން އަބަދުވެސް އިސްކުރަނީ ގައުމީ ތަރައްގީކަން މުއިއްޒު ފާހަގަކުރެއްވި. މީގެކުރިންވެސް ރާއްޖެއަށް އައި ބޮޑެތި ބަދަލުތަކާ ބައެއް މީހުން ދެކޮޅު ހެދި ނަމަވެސް، ގިނަ ރައްޔިތުން ތާއީދުކުރީ ގައުމީ ކުރިއެރުމަށްކަން އެމަނިކުފާނު ބަޔާންކޮށްދެއްވި.

ހުލާސާކޮށް އިއްޔެ: ސިޔާސީ ޕާޓީތަކުގެ ދަފްތަރަށް އައި ބޮޑު ބަދަލު

ޕީއެންސީގެ މެންބަރުންގެ އަދަދު އެއްލައްކައަށް އެރުމާއެކު، ޖުމްހޫރީ ޕާޓީ އާއި އަދާލަތު ޕާޓީ ފަދަ ދުވަސްވީ ޕާޓީތަކުން ގިނަ އަދަދެއްގެ މެންބަރުންނާއި އިސް ބޭފުޅުން ވަނީ ވަކިވެފައެވެ. މީގެ އިތުރުން، ރަސްމީ ޖަލްސާތަކުގެ ޕްރޮޓޮކޯލަށް ބަދަލުތަކެއް ގެނެސްފައިވާއިރު، ރަސްމާލެ މަޝްރޫއާ ގުޅޭގޮތުން އިލްމުވެރިންނާއި ސިޔާސީ ފަރާތްތަކުގެ މެދުގައި ވަނީ ޚިޔާލުތަފާތުވުންތަކެއް އުފެދިފައެވެ.

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

Newsletter

Get the latest news delivered straight to your inbox