ދުނިޔޭގެ އެކި ކަންކޮޅުތަކަށް އިރު އޮއްސި، އިރު އަރާ ވަގުތު ތަފާތެވެ. ދުނިޔޭގައި ގާތްގަނޑަކަށް ދެ ބިލިއަން މުސްލިމުން އުޅޭއިރު، ދިރިއުޅޭ ގައުމުގެ ގޮތުން، މި މާތް މައްސަރުގައި ރޯދަ އަށް ތިބެންޖެހޭ ވަގުތު ތަފާތުވެ އެވެ. ޗިލީ އާއި ނިއުޒިލޭންޑުގައި ދިރިއުޅޭ މުސްލިމުން ރޯދަ އަށް ތިބޭ ވަގުތަކީ 12 ގަޑިއިރެވެ. ނަމަވެސް، އައިސްލޭންޑް އަދި ގްރީންލޭންޑަށް 17 ގަޑިއިރަށް ދުވާލުގެ ވަގުތު ދެމިގެންދެ އެވެ.
އެވްރެޖުކޮށް ގައުމުތަކުން ރޯދައަށް ތިބެންޖެހޭ ވަގުތު:
- ޗިލީ އާއި ނިއުޒިލޭންޑު - 12 ގަޑިއިރު
- ދިވެހިރާއްޖެ، ގަތަރު، ޔޫއޭއީ، ސޫދާން، ސައުދި އަރަބިއްޔާ، ނައިޖީރިއާ، ޔަމަން، ސެނެގާލް، އިތިއޯޕިއާ، އާޖެންޓީނާ، ސްރީލަންކާ، މެލޭޝިއާ، ސޯމާލިއާ، ޕެރެގުއޭ، ކެންޔާ ޒިމްބާބުވޭ، އިންޑޮނީޝިއާ، އެންގޯލާ، ތައިލޭންޑް، ބްރެޒިލް، ސައުތު އެފްރިކާ، އުރުގުއޭ، އޮސްޓްރޭލިއާ، ޗިލީ އަދި ނިއުޒިލޭންޑު - 13 ގަޑިއިރު
- ބެލްޖިއަމް، ޔޫކޭ، ސްވިޒަލޭންޑް، ސްވިޑެން، ރޮމޭނިއާ، ބޮސްނިއާ، ބަލްގޭރިއާ، އިޓަލީ، ސްޕެއިން، ފްރާންސް، ޕޯޗުގަލް، ތުރުކީ، ކެނެޑާ، ޖަޕާން، ޗައިނާ، ގްރީސް، އެމެރިކާ، ޓިއުނީޝިއާ، އަލްޖީރިއާ، އިރާން، އަފްގާނިސްތާން، އިންޑިއާ، ބަންގްލަދޭޝް، މޮރޮކޯ، ސީރިއާ، އިރާގު، ލެބެނާން، ޖޯޑަން، ފަލަސްތީން، އިޖިޕްޓު އަދި ޕާކިސްތާން - 14 ގަޑިއިރު
- ރަޝިއާ، ނެދަލޭންޑްސް، އަޔަލޭންޑު، ސްކޮޓްލޭންޑު، ފިންލޭންޑު، ޖަރުމަން، ނޯވޭ، ޕޮލެންޑު އަދި ކަޒަކިސްތާން - 15 ގަޑިއިރު
- ގްރީންލޭންޑު އަދި އައިސްލޭންޑު - 16 ގަޑިއިރު
ކޮންމެ އަހަރެއްގެ ވެސް ރޯދަ މަސް ފަށަނީ، މީލާދީ ކަލަންޑަރުން ބަލާއިރު، ފާއިތުވި އަހަރަށް ވުރެ 10 ނުވަތަ 12 ދުވަސް އަވަހަށެވެ. އެއީ އިސްލާމީ ކަލަންޑަރާ އެއްގޮތަށް ރޯދަ މަހުގެ ފުރަތަމަ ދުވަސް ކަނޑައަޅާތީ އެވެ.
މީލާދީ ކަލަންޑަރުން 2030 ވަނަ އަހަރު ދެ ފަހަރު ރޯދަ މަސް ބައްދަލު ކުރާނެ އެވެ. އެއީ ޖެނުއަރީ 5، ގައި ފެށޭ ރޯދަ މަހުގެ އިތުރުން އެ އަހަރުގެ ޑިސެމްބަރު 26، ގައި ފަށާ ރޯދަ މަހެވެ. މިއީ ފަހުގެ ތާރީހެއްގައި ރޯދަ މަސް އެއް އަހަރެއްގައި އޮންނަ ފުރަތަމަ ފަހަރެވެ.
