ޕީއެންސީގެ ކެންޑިޑޭޓަކު ހުއްޓައި ސަރުކާރުގެ ތާއިދު މެމްބަރު ޣަނީ އަށް!

މެމްބަރު ޣަނީ އާއި ޕީއެންސީގެ ކެންޑިޑޭޓު ތައުފީގު

މެމްބަރު ޣަނީ އާއި ޕީއެންސީގެ ކެންޑިޑޭޓު ތައުފީގު

ޕީއެންސީގެ ކެންޑިޑޭޓަކު ހުއްޓައި، އަމިއްލަ ގޮތުން ކުރެންދޫ ދާއިރާއަށް ވާދަ ކުރައްވާ އެ ދާއިރާގެ މިހާރުގެ މެމްބަރު އަބްދުލްޣަނީ އަބްދުލްހަކީމް އަށް ސަރުކާރުން ތާއިދުކުރާ ކަމަށް ތުހުމަތުކޮށް، ޕީއެންސީގެ މެމްބަރުން ކަންބޮޑުވުން ފާޅުކޮށްފި އެވެ.

"އަދަދު" ނޫހާ ވާހަކަ ދެއްކި ކުރެންދޫ ދާއިރާގެ ޕީއެންސީގެ އިސް ބައެއް މެމްބަރުން ބުނީ "ރައީސް [ޑރ. މުއިއްޒު]ގެ ތާއިދު އޮތީ ޣަނީއަށް" ކަމަށާއި އެއީ ބޮޑު މައްސަލައެއް ކަމަށެވެ.

"ޑިމޮކްރެޓިކް އުސޫލުން ޕްރައިމަރީ ބާއްވައި މެމްބަރުން މި ބުނަނީ މީނައޭ [އާދަމް ތައުފީގު] އޭ ތިމަންނަމެންގެ ފަރާތުން މަޖިލީހުގައި މި ފަހަރު ވާދަ ކުރާނީ. އެހެންވީމަ އެ ނޫން ގޮތަކަށް އަމަލެއް ނުކުރެވޭނެ،" އޭނާ ބުންޏެ އެވެ.

Advertisement

ރައީސް ޑރ. މުހައްމަދު މުއިއްޒު ޅ. އަތޮޅަށް ކުރައްވާ ދަތުރުގައި ކުރެންދޫ އަށް ވަޑައިގަންނަވަ އެވެ. ނަމަވެސް ޕީއެންސީގެ އިސް މެމްބަރުން ބުނި ގޮތުގައި ރައީސްގެ ދަތުރުގެ މައުލޫމާތު ކެންޑިޑޭޓަށް ރަސްމީކޮށް، އަދި ނުރަސްމީކޮށް ވެސް ހިއްސާކޮށްފައި ނެތެވެ.

"ރައީސް މުއިއްޒު ތާއިދު މި ކުރަނީ އެމްޕީ ޣަނީ އަށްކަން ކަށަވަރު. މިއީ ޑިމޮކްރަސީއާ ހިލާފު ކަމެއް،" ކުރެންދޫން ވާހަކަ ދެއްކި ޕީއެންސީގެ އެހެން މެމްބަރަކު ބުންޏެވެ.

މި އަހަރުގެ ޖެނުއަރީ މަހު ބޭއްވި ޕީއެންސީގެ ޕްރައިމަރީ ތައުފީގު ކާމިޔާބު ކުރީ ފަރަގު ބޮޑުކޮށެވެ. އޭނާއާ ވާދަކުރި ކެންޑިޑޭޓަށް 71 ވޯޓު ލިބުނުއިރު ތައުފީގަށް ލިބުނީ 296 ވޯޓެވެ.

ކުރެންދޫ ކައުންސިލްގެ ރައީސް އިސްމާއީލް މަދީހު ވިދާޅުވީ ޕްރައިމަރީ ކާމިޔާބުކޮށް ރައީސް މުއިއްޒު ސޮއި ކުރައްވާފައިވާ ޓިކެޓު ދެއްވި ކެންޑިޑޭޓު ނޫން ގޮތެއް ނެތް ކަމަށެވެ.

މިކަމާ ގުޅޭ ގޮތުން ޕީއެންސީ އަދި ކުރެންދޫ ދާއިރާގެ ޕީއެންސީ ކެންޑިޑޭޓު އާދަމް ތައުފީގު ވެސް ރަސްމީކޮށް ވާހަކަ ދައްކަން ބޭނުމެއް ނުވި އެވެ.

ތައުފީގަށް ޕީއެންސީގެ ޓިކެޓު ލިބުމުގެ ކުރިން، ކުރީގެ ރައީސް އަބްދުﷲ ޔާމީނާއެކު ވެސް އޭނާ ފެނިގެން ދިޔަ އެވެ.

ކުރެންދޫ ދާއިރާގެ އިތުރުން އެހެން ބައެއް ދާއިރާތަކުގައި ވެސް ޕީއެންސީގެ ކެންޑިޑޭޓު ހުއްޓައި، އަމިއްލަ ގޮތުން ވާދަކުރާ ކެންޑިޑޭޓުންނަށް ރައީސް މުއިއްޒު ތާއިދު ކުރައްވާތީ ދަނީ ކަންބޮޑުވުން ފާޅުކުރަމުންނެވެ.

ކޮމެންޓް

ފަހުގެ ޚަބަރު

ދިރާގު ރޯޑް ރޭސް 5،500އަށްވުރެ ގިނަ ދުވުންތެރިންނާއެކު ބާއްވައިފި

ދިރާގު މޯލްޑިވްސް ރޯޑް ރޭހުގެ 17 ވަނަ އެޑިޝަން 5،500 އަށްވުރެ ގިނަ ދުވުންތެރިންނާއެކު ހުޅުމާލެ ސެންޓްރަލް ޕާކުގައި ވަނީ ބާއްވާފައެވެ. މި ދުވުމުގެ ލައިވް އަޕްޑޭޓްތަކާއި، ނަތީޖާ އަދި ދުވުންތެރިންގެ ރޭންކިންގ ބަލައިލުމުގެ ފުރުސަތު ދިރާގުން ވަނީ ޚާއްޞަ މޮބައިލް އެޕްލިކޭޝަނެއް މެދުވެރިކޮށް ފަހިކޮށްދީފައެވެ.

ޕީއެންސީގެ މެންބަރުންގެ އަދަދު ލައްކައަކަށްވުރެ ދަށަށް

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އެރިތާ 24 ގަޑިއިރު ނުވަނީސް، އަލުން އެ އަދަދު ލައްކައަކަށް ވުރެ ދަށަށް ގޮސްފިއެވެ. އިދިކޮޅު ފަރާތްތަކުން ތުހުމަތުކުރާ ގޮތުގައި މި އަދަދު ހަމަކުރުމަށްޓަކައި ވަޒީފާގެ ބިރުދެއްކުމާއި ރިޝްވަތުގެ ގޮތުގައި ފައިސާ ބޭނުންކޮށްފައިވެއެވެ. އީސީގެ ތަފާސްހިސާބުތަކުން ދައްކާގޮތުގައި އެ ޕާޓީގެ މެންބަރުންގެ އަދަދު މިހާރު ވަނީ 99,930 އަށް ތިރިވެފައެވެ.

ރަސްމާލޭގެ ޑީލުގައި ސޮއިނުކުރަން އެދި އަލައްބާރަށް ސިޓީއެއް

ރަސްމާލެ މަޝްރޫއުގެ މިހާރުގެ ޝަރުތުތަކާއި ގާނޫނުއަސާސީއާ ފުށުއެރުންތަކެއް ހުރި ކަމަށާއި، އެކަމުގައި އެކަށީގެންވާ ގޮތެއްގައި ރައްޔިތުންގެ ހިޔާލު ހޯދާފައި ނުވާތީ، ދެން އަންނަ ސަރުކާރަކުން ވެސް މި މަޝްރޫއުގެ އެއްބަސްވުން އަލުން މުރާޖައާކުރުމަށް ނުވަތަ އެއްކޮށް ބާތިލުކުރުމުގެ ފުރުސަތު އޮތް ކަމަށް އެ ސިޓީގައި ބުނެފައިވޭ.

"ރަސްމާލެ މައްސަލައިގައި މުއިއްޒު ވަނީ އަނގަވަތަށް ވެއްޓިފައި"

ރަސްމާލެ މަޝްރޫއަކީ ރާއްޖޭގެ ސިޔާދަތަށް އުނިކަންލިބޭ، ބޭރުގެ ފަރާތްތަކަށް ބިން ދިނުމަށް ހިންގާ ހީލަތްތެރި ރޭވުމެއް ކަމަށް ވިދާޅުވެ ކުރީގެ ރައީސް ޔާމީން ސަރުކާރަށް ވަރަށް ބޮޑަށް ފާޑުވިދާޅުވެއްޖެއެވެ. މި މަޝްރޫއުގެ ސަބަބުން ރައީސް މުއިއްޒު ރައްޔިތުންގެ ކުރިމަތީގައި ބޭޒާރުވެފައިވާ ކަމަށާއި، މި ސަރުކާރަށް ދެވަނަ ދައުރެއް ރައްޔިތުން ނުދޭނެ ކަމަށް ޔާމީން ވިދާޅުވިއެވެ.

ރަސްމާލެ ދޫކޮށްލުމާ ދެކޮޅުވެރިކަމެއް ނެތްކަމުގެ އިޝާރާތެއް

ރަސްމާލެއިން ބައެއް ބޭރުގެ ކުންފުންޏަކަށް ދޫކޮށްލުމާ ދެކޮޅު ހަދަނީ މަދު ބަޔަކު ކަމަށާއި، ދިވެހިން އަބަދުވެސް އިސްކުރަނީ ގައުމީ ތަރައްގީކަން މުއިއްޒު ފާހަގަކުރެއްވި. މީގެކުރިންވެސް ރާއްޖެއަށް އައި ބޮޑެތި ބަދަލުތަކާ ބައެއް މީހުން ދެކޮޅު ހެދި ނަމަވެސް، ގިނަ ރައްޔިތުން ތާއީދުކުރީ ގައުމީ ކުރިއެރުމަށްކަން އެމަނިކުފާނު ބަޔާންކޮށްދެއްވި.

ހުލާސާކޮށް އިއްޔެ: ސިޔާސީ ޕާޓީތަކުގެ ދަފްތަރަށް އައި ބޮޑު ބަދަލު

ޕީއެންސީގެ މެންބަރުންގެ އަދަދު އެއްލައްކައަށް އެރުމާއެކު، ޖުމްހޫރީ ޕާޓީ އާއި އަދާލަތު ޕާޓީ ފަދަ ދުވަސްވީ ޕާޓީތަކުން ގިނަ އަދަދެއްގެ މެންބަރުންނާއި އިސް ބޭފުޅުން ވަނީ ވަކިވެފައެވެ. މީގެ އިތުރުން، ރަސްމީ ޖަލްސާތަކުގެ ޕްރޮޓޮކޯލަށް ބަދަލުތަކެއް ގެނެސްފައިވާއިރު، ރަސްމާލެ މަޝްރޫއާ ގުޅޭގޮތުން އިލްމުވެރިންނާއި ސިޔާސީ ފަރާތްތަކުގެ މެދުގައި ވަނީ ޚިޔާލުތަފާތުވުންތަކެއް އުފެދިފައެވެ.

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

Newsletter

Get the latest news delivered straight to your inbox