ހުޅުމާލެއިން ނުހައްގުން 50 ބިން ދީފައި އެބަހުރި، އެ ބިންތައް އަތުލާނަން: ފަޒުލް

އެޗްޑީސީގެ މެނޭޖިން ޑިރެކްޓަރު ފަޒުލް: އޭނާ އަންނަނީ ކުރީގެ މެނޭޖުމަންޓުން ގޯސްހަދާފައިވާ ކަމަށް ތަކުރާރުކޮށް ވިދާޅުވަމުން -- ފޮޓޯ: އެޗްޑީސީ

އެޗްޑީސީގެ މެނޭޖިން ޑިރެކްޓަރު ފަޒުލް: އޭނާ އަންނަނީ ކުރީގެ މެނޭޖުމަންޓުން ގޯސްހަދާފައިވާ ކަމަށް ތަކުރާރުކޮށް ވިދާޅުވަމުން -- ފޮޓޯ: އެޗްޑީސީ

ވިޔަފާރި އުސޫލުން ހުޅުމާލެއިން 50 ބިން އޭގެ ހައްގުވެރިނޫން ފަރާތްތަކަށް ދީފައިވާ ކަމަށް އެޗްޑީސީގެ މެނޭޖިން ޑިރެކްޓަރު އިބްރާހިމް ފަޒުލް ރަޝީދު ރޭ ވިދާޅުވެއްޖެ އެވެ.

ރައީސް ޑރ. މުހައްމަދު މުއިއްޒު މިހާރު އަތޮޅުތެރެއަށް ކުރައްވަމުން ގެންދަވާ ދަތުރުގެ ތެރެއިން ވ. ފުލިދޫގައި ބޭއްވި ޖަލްސާގައި ވާހަކަދައްކަމުން ފަޒުލް ވިދާޅުވީ އެޗްޑީސީ ތެރޭގައި ކޮރަޕްޝަނަށް މަގުފަހިވާ އެތައް ކަމެއް ހިންގާފައިވާ ކަމަށާއި ވިޔަފާރި އުސޫލުން ހުޅުމާލޭގެ އިތުރުން ވަގުތީގޮތުން ކަމަށް ބުނެ ތިލަފުށިންވެސް 35 ބިމެއް ނުހައްގުން ދީފައިވާ ކަމަށެވެ.

"ހުޅުމާލޭގެ 50 ހަކަށް ބިން ނުހައްގުން ބޭނުންކުރާ ވާހަކަ އަޅުގަނޑު ދެންނެވިން، އެހެން ދެންނެވީ ހަގީގަތުގައި ވެސް އެކަން ހިނގާތީވެ، މިހާރު އެތަންތަން ނެގުމުގެ މަސައްްކަތް އަޅުގަނޑުމެން އެބަކުރަން،" އޭނާ ވިދާޅުވި އެވެ.

Advertisement

ފަޒުލް ވިދާޅުވީ ތިލަފުށީގެ 35 ބިން ދީފައިވަނީ ވަގުތީގޮތުން އެއް އަހަރު ދުވަހުގެ މުއްދަތަކަށް ކަމަށާއި އުސޫލުތަކާއި ހިލާފަށް ބިންތައް ދޫކުރުމުން އެޗްޑީސީއަށް ލިބެންޖެހޭ ވަރަށް ބޮޑު އާމްދަނީއެއް ގެއްލިގެން ގޮސްފައިވާ ކަމަށެވެ. އަދި މިހާރު އެ ބިންތަކުގައި ވިޔަފާރިތަކުގެ ވެސް ހައްގެއް ހިމެނޭތީ، ގާނޫނީ އިމުގެ ތެރެއަށް ވެއްދުމުގެ މަސައްކަތް ކުރަމުންދާ ކަމަށް ފަޒުލް ވިދާޅުވި އެވެ.

"އެއް އަހަރުދުވަހުގެ މުއްދަތަށް ދީފައި ހުންނަ ތަންތަން ހެދުމުގެ ހުއްދަ އެޗްޑީސީއަކުން ނުދޭނެ، ނަމަވެސް އެ ހުއްދަ އަނގަ ބަހުން ދީފައި އެބަހުރި، އޭގެ ސަބަބުން ވިޔަފާރިވެރިންގެ ހައްގުތައް އެބަގެއްލޭ... އުސޫލާ އެއްގޮތްވާ ގޮތުގެ މަތިން، 35 ބިން ހުރިހާ ވިޔަފާރިތަކަކަށް ފުރުސަތު ނުލިބި ނޫނީ އާންމު ރައްޔިތުންނަށް ފުރުސަތު ނުލިބި ގެއްލިގެން ދިޔައީ،" ފަޒުލް ވިދާޅުވި އެވެ.

ފަޒުލް ވިދާޅުވީ އެކަމާ ގުޅޭ އޮޑިޓުތައް ހަދަން ޖެހޭ ކަމަށާއި ނުހައްގުން ބިން ދިނުމުގެ ޒިންމާ ކުރީގެ މެނޭޖްމަންޓުން ނަޖަންޖެހޭނެ ކަމަށެވެ. އަދި މި މައްސަލަތައް އޭސީސީއަށާއި ކަމާއިގުޅޭ އެހެން އިދާރާތަކަށް ހުށަހަޅާނެ ކަމަށް އޭނާ ވިދާޅުވި އެވެ.

ބިން ދިނުމުގެ މައްސަލައިގެ އިތުރުން އެހެން ކަންކަމުގައި ވެސް އެޗްޑީސީގެ ކުރީގެ މެނޭޖުމަންޓުން އުސޫލުން ބޭރުން ކޮރަޕްޝަނަށް ފަހިވާ ގޮތަށް އެތައް ކަމެއް ނިންމާފައިވާ ކަމަށް މިހާރުގެ މެނޭޖުމަންޓުން އަންނަނީ ތުހުމަތުކުރަމުންނެވެ.

ކޮމެންޓް

ފަހުގެ ޚަބަރު

ރަސްމާލޭގެ ބަދަލު ދޭނީ މެންބަރުންނާއި ވެރިންގެ މުދަލުން: ފައްޔާޒު

ފައްޔާޒު ވަނީ މި މަޝްރޫއަށް މަގުފަހިކުރަން ހުށަހަޅާފައިވާ ބިލަކީ ގާނޫނުއަސާސީއާ ހިލާފަށް، ބޭރުގެ ފަރާތްތަކަށް ރާއްޖޭގެ ބިންތައް ދާއިމީކޮށް މިލްކުވާ ގޮތަށް އޮތް ބިލެއް ކަމަށް ވިދާޅުވެފަ. އަދި މިނިވަން ކޯޓެއް އޮތް ނަމަ ވުޖޫދުކުރަން އުޅޭ ގާނޫނާއީ ބިލު ވެސް ބާތިލުކުރާނެ ކަމަށް އޭނާ ވިދާޅުވި.

ކްރެކް ނުކުރެވިގެން ޖުމާންގެ ފޯނު ރާއްޖެއިން ބޭރަށް ފޮނުވަނީ

ޓެރަރިޒަމްގެ ތުހުމަތުގައި ހައްޔަރުކުރި އަލީ ޖުމާންގެ ފޯނު ހުޅުވަން އޭނާ އިންކާރުކުރުމުން، އެ ފޯނު ތަހުލީލުކުރުމަށް ރާއްޖެއިން ބޭރަށް ފޮނުވުމުގެ މަސައްކަތް ފުލުހުން ދަނީ ކުރަމުން. ސޯޝަލް މީޑިއާގައި ހުޅުޖެހުމަށާއި މުދަލަށް ގެއްލުންދޭން ހިތްވަރުދިން ކަމުގެ ތުހުމަތު އޮތް ޖުމާން، ބަންދުގައި ބެހެއްޓުމަށް ކޯޓުން ވަނީ އިތުރު 15 ދުވަސް ދީފަ.

މިއީ މިހާރު ހަމަ ކާޓޫނަކަށް ވެއްޖެ: ނަޝީދު

ނަޝީދު ވަނީ މި މައްސަލައިގައި ސަރުކާރަށް ފާޑުވިދާޅުވަމުން ވެރިކަމަށް ވަޑައިގަތީ ރައީސް ޔާމީންގެ ނަންފުޅު ބޭނުންކުރައްވައިގެން ކަމަށާއި، ނަމަވެސް މިހާރު ޔާމީނާއި ތަޖުރިބާކާރު ބޭފުޅުން އެއްކައިރިކޮށްފައިވާ ކަމަށް ވެސް ތުހުމަތުކުރައްވާފަ.

ނުރައްކާވާ މިންވަރަށް އުތުރާއި މެދުރާއްޖެއަށް ދުންފުހުގެ އަސަރު

ސިއްހަތަށް ނުރައްކާވާ މިންވަރަށް މާލެއާއި ކުޅުދުއްފުއްޓަށް ދުންފުނީގެ އަސަރުކޮށް، ވައި ނުސާފުވެފައިވާތީ ރައްކާތެރިކަމުގެ ފިޔަވަޅުތައް އެޅުމަށް އެޗްޕީއޭއިން ވަނީ އިލްތިމާސްކޮށްފައި. މެޓް އޮފީހުން ލަފާކުރާ ގޮތުގައި ކުރިއަށް އޮތް ދުވަސްތަކުގައިވެސް ރާއްޖޭގެ އެކި ސަރަހައްދުތަކަށް ދުންފުނީގެ އަސަރު ފޯރާނެ.

އީގަލް ހިލްސްއާއެކު ސޮއިކުރި ކޮމާޝަލް ޓާމްސް އެގްރީމެންޓެއް ނެތް

މި މައުލޫމާތު ހޯދަން "އަދަދު" ނޫހުން އެދުމުން މިނިސްޓްރީން ޖަވާބު ދިނީ އެއީ އެ މިނިސްޓްރީން ބަލަހައްޓާ މައުލޫމާތު ނޫން ކަމަށާއި، މަޝްރޫއުގެ މައިގަނޑު އެއްބަސްވުމުގައި އަދި ސޮއިނުކުރާ ކަމަށް ބުނެ އެވެ.

ނޮވެމްބަރު 26، ގައި އެމްޑީޕީން މަގުމައްޗަށް ނުކުންނަނީ

ރަސްމާލެ މަޝްރޫޢުގެ ބޮޑު ބައެއް ބޭރު ކުންފުންޏަކަށް ދޫކޮށްލުމާ ގުޅޭގޮތުން ރައްޔިތުންގެ ފެންނަ ނުފެންނަ ވޯޓެއް ނެގުމަށް ގޮވާލައި، މި މަހުގެ 26 ގައި މަގުމައްޗަށް ނުކުމެ އިހުތިޖާޖުކުރަން އެމްޑީޕީން ވަނީ ނިންމާފައި. އެ ޕާޓީން ބުނާގޮތުގައި މި މަޝްރޫޢަކީ ރައްޔިތުންނަށް ސާފުނުވާ ގިނަ ކަންތައްތަކެއް ހުރި މަޝްރޫއެއް.

މުއިއްޒު އަންނަ މަހު ބަންގްލަދޭޝްއަށް ވަޑައިގަންނަވަނީ

ރައީސް މުޙައްމަދު މުޢިއްޒު އަންނަ ޑިސެމްބަރު މަހުގެ 13 ވަނަ ދުވަހު ބަންގްލަދޭޝްއަށް ފުރަމާނަ ދަތުރުފުޅެއް ކުރެއްވުމަށް ވަނީ ހަމަޖެހިފައެވެ. ތިން ދުވަހުގެ މި ދަތުރުފުޅުގައި ދެ ގައުމުގެ ގުޅުން ބަދަހިކުރުމަށާއި، ރާއްޖޭގައި އުޅޭ ބަންގްލަދޭޝް މަސައްކަތްތެރިންގެ ހައްގުތަކާ ގުޅޭގޮތުން މަޝްވަރާކުރުމަށް ވަނީ ރޭވިފައެވެ.

Newsletter

Get the latest news delivered straight to your inbox