އިންޑިއާގެ ފުރަތަމަ ފެނު އަޑީގެ މެޓްރޯ އެ ގައުމުގެ ބޮޑުވަޒީރު ނަރެންދުރަ މޯދީ ފަށްޓަވައިދެއްވައިފި އެވެ.
ހިދުމަތް ފަށްޓަވައިދެއްވުމުގެ ގޮތުން މެޓްރޯއިން މޯދީ ކުރެއްވި ފުރަތަމަ ދަތުރުގައި އެމަނިކުފާނު ވިދާޅުވީ މިއީ އެ ގައުމަށް ލިބުނު ކުރިއެރުމެއް ކަމަށެވެ. އެ ދަތުރުގައި މޯދީއާއެކު ސްކޫލް ކުދިންތަކެއް ބައިވެރިވި އެވެ.
މި މެޓްރޯއިން ގުޅުވާލާފައި ވަނީ ކޯރަކުން ދެބައިވެފައިވާ އިންޑިއާގެ ކަލްކަތާ އާއި ހޮވްރާ އެވެ. އެއީ
އީސްޓަން ރެއިލްވޭސްގެ ޕީއާރް އޮފިސަރު ކައުޝިކް މިޓްރާ ވިދާޅުވީ މި ހިދުމަތާއެކު ދަތުރުކުރުމަށް ދާ ހަރަދު ކުޑަވެ، ފަސޭހަކަމާއެކު އެއް ސިޓީން އަނެއް ސީޓީއަށް ދަތުރު ކުރެވޭނެ ކަމަށެވެ.
އެ ހިދުމަތް ކުރިޔަށް އޮތް ދުވަސްތަކުގައި އާންމުންނަށް ހުޅުވާލާނެ ކަމަށް ކައުޝިކް ވިދާޅުވި އެވެ.
އިންޑިއާގެ 15 ސިޓީއަކުން މެޓްރޯގެ ހިދުމަތް ދެމުން އަންނައިރު، ކަލްކަތާއަކީ އިންޑިއާގައި 1984 ވަނަ އަހަރު އެންމެ ފުރަތަމަ މެޓްރޯގެ ހިދުމަތް ދޭން ފެށި ސިޓީ އެވެ.
