ކުރީގެ ނައިބު ރައީސް ފައިސަލް އެމްޑީޕީއަށް ސޮއިކޮށްފި

ސޯލިހު އާއި ފައިސަލް ފޯމު ހަވާލުކުރާއިރު ކައިރީގައި ފައްޔާޒު. ފައިސަލްގެ ސިޔާސީ ހަޔާތުގައި ގިނަ ދުވަސް ހޭދަކުރެއްވީ ޖުމްހޫރީ ޕާޓީ (ޖޭޕީ) ގައި --- ފޮޓޯ: އަބްދުالله އިޔާން/އަދަދު

ސޯލިހު އާއި ފައިސަލް ފޯމު ހަވާލުކުރާއިރު ކައިރީގައި ފައްޔާޒު. ފައިސަލްގެ ސިޔާސީ ހަޔާތުގައި ގިނަ ދުވަސް ހޭދަކުރެއްވީ ޖުމްހޫރީ ޕާޓީ (ޖޭޕީ) ގައި --- ފޮޓޯ: އަބްދުالله އިޔާން/އަދަދު

ކުރީގެ ނައިބު ރައީސް ފައިސަލް ނަސީމް އިދިކޮޅު މައި ޕާޓީ މޯލްޑިވިއަން ޑިމޮކްރަޓިކް ޕާޓީ (އެމްޑީޕީ) އަށް މިއަދު ސޮއިކުރައްވައިފި އެވެ.

އެމްޑީޕީގެ އޮފީހުގައި މިއަދު އެ ޕާޓީއަށް ސޮއިކުރެއްވުމަށް ފަހު ފައިސަލްގެ ފޯމާ ހަވާލުވީ ކުރީގެ ރައީސް އިބްރާހިމް މުހައްމަދު ސޯލިހު އެވެ. އެ ބޭފުޅުންގެ އަރިހުގައި އެމްޑީޕީގެ ޗެއާޕާސަން ފައްޔާޒު އިސްމާއީލް އަދި އެ ޕާޓީގެ ރައީސް އަބްދުالله ޝާހިދު ވެއް ތިއްބެވި އެވެ.

"އަޅުގަނޑަކީ އަބަދުވެސް އެމްޑީޕީ ފިކުރުގެ, ސިޔާސަތުގެ މީހެއް. އެއީ ރައްޔިތުންނާ ގާތުން މަސައްކަތް ކުރެވޭނީ ރައްޔިތުންނަށް ހިތްހަމަޖެހޭ މިންވަރަށް ހިދުމަތް ކުރެވޭނީ މި ފިކުރުން. ރައްޔިތުންނާ މި ފިކުރު ގާތީ," ފައިސަލް ވިދާޅުވި އެވެ.

Advertisement

އާ ގާނޫނު އަސާސީގެ ދަށުން ވެރިކަމުގެ ދައުރެއް ފުރިހަމަ ކުރެއްވި ފުރަތަމަ އަދި ހަމައެކަނި ނައިބު ރައީސް އަކީ ފައިސަލް އެވެ. އޭނާ ނައިބު ރައީސްކަން ކުރެއްވީ އެމްޑީޕީ އިސްވެ އޮތް ކޯލިޝަން ސަރުކާރެއްގަ އެވެ.

ފައިސަލް ވިދާޅުވީ އޭނާ އަށް ނައިބު ރައީސް ކަމަށް ވަޑައިގެންނެވުނީ ރައްޔިތުންގެ މަޖިލީހުގެ އަދި ޖުމްހޫރީ ޕާޓީގެ މެންބަރެއްގެ ގޮތުގައި ހުންނެވުމުން ކަމަށެވެ.

"އަޅުގަނޑުގެ ނެތް އެހާބޮޑު ދަހިވެތިކަމެއް, ދެން ކުއްލިއަކަށް އަޅުގަނޑަށް އެންމެ މޮޅު ގޮތް ލިބޭނީ އެމްޑީޕީއަށް ސޮއި ކުރީމައޭ. އެ ވިސްނުމަށްވުރެ ބޮޑަށް ބެލީ ޖުމްހޫރީ ޕާޓީގައި ހުރެގެން ދައުރު ނިންނުމަށް," މިހާރު އެމްޑީޕީއަށް ސޮއިކުރެއްވީ ކީއްވެތޯ ސުވާލު ކުރުމުން ފައިސަލް ވިދާޅުވި އެވެ.

އެމްޑީޕީގެ ފޯމުގައި ފައިސަލް އިނގިލީގެ ނިޝާން ޖައްސަވަނީ. އޭނާގެ ފޯމާ ހަވާލުވީ ސޯލިހު --- ފޮޓޯ: އަބްދުالله އިޔާން/އަދަދު
އެމްޑީޕީގެ ފޯމުގައި ފައިސަލް އިނގިލީގެ ނިޝާން ޖައްސަވަނީ. އޭނާގެ ފޯމާ ހަވާލުވީ ސޯލިހު --- ފޮޓޯ: އަބްދުالله އިޔާން/އަދަދު

އެމްޑީޕީގެ ފޯމުގައި ފައިސަލް އިނގިލީގެ ނިޝާން ޖައްސަވަނީ. އޭނާގެ ފޯމާ ހަވާލުވީ ސޯލިހު --- ފޮޓޯ: އަބްދުالله އިޔާން/އަދަދު

އޭނާ ސިޔާސީ ހަޔާތް ފެއްޓެވީ ވެސް މިވަގުތު އޮތް އެންމެ ބޮޑު އިދިކޮޅު ޕާޓީ، އެމްޑީޕީންނެވެ. ފައިސަލް އެމްޑީޕީއާ ގުޅިވަޑައިގަތީ މިހާރު އަމަލުކުރާ ގާނޫނުއަސާސީ އެކުލަވާލި ހާއްސަ މަޖިލީހުގެ ކާށިދޫ ދާއިރާގެ މެމްބަރެއްގެ ގޮތުގައި ހުންނެވިއިރު، 2005 ގަ އެވެ. ނަމަވެސް 2008 ގެ ފަހުކޮޅު ޖޭޕީއާ ގުޅިވަޑައިގަތެވެ.

އަށާރަ ވަނަ ރައްޔިތުންގެ މަޖިލީހުގެ ކާށިދޫ ދާއިރާގެ މެމްބަރަކަށް ފައިސަލް ހޮވިވަޑައިގަތީ ޖޭޕީގެ މެމްބަރެއްގެ ގޮތުގަ އެވެ. އަދި 2018 ވަނަ އަހަރުގެ ރިޔާސީ އިންތިހާބުގައި ގުޅިފައިވާ ޕާޓީތަކުގެ ރިޔާސީ ކެންޑިޑޭޓަކަށް ކުރީގެ ރައީސް އިބްރާހިމް މުހައްމަދު ސޯލިހު ނެރުއްވިއިރު، އެ މަނިކުފާނުގެ ރަނިންމޭޓަކަށް ވުމަށް ޖޭޕީގެ ކައުންސިލްގައި ނެގި ވޯޓު ކާމިޔާބު ކުރެއްވީ ފައިސަލް އެވެ.

އޭނާ ޖޭޕީން ވަކިވެވަޑައިގެންނެވީ ވެރިކަމުގެ ދައުރު ފުރިހަމަ ކުރެއްވުމަށް ފަހު, ޖެނުއަރީ 21, 2024, ގަ އެވެ. އެމްޑީޕީން މާލެ ސިޓީގެ ކައުންސިލަށް ކުރި ކެމްޕޭނުގައި ވެސް އަމަލީ ގޮތުން ފައިސަލް ބައިވެރިވެވަޑައިގެންނެވި އެވެ.

އުމުރުން 50 އަހަރުގެ ފައިސަލް ސިޔާސީ ދާއިރާއާ ގުޅިވަޑައިގެންނެވުމުގެ ކުރިން، ޒުވާން ދުވަސްވަރުން ފެށިގެން ހޭދަކުރެއްވީ ރިސޯޓު ދާއިރާގަ އެވެ. ކުރެހުމާއި ޑިޒައިން ކުރެއްވުމުގެ މަސައްކަތް ވެސް އެމަނިކުފާނު ކުރައްވަ އެވެ.

ކޮމެންޓް

ފަހުގެ ޚަބަރު

ދިރާގު ރޯޑް ރޭސް 5،500އަށްވުރެ ގިނަ ދުވުންތެރިންނާއެކު ބާއްވައިފި

ދިރާގު މޯލްޑިވްސް ރޯޑް ރޭހުގެ 17 ވަނަ އެޑިޝަން 5،500 އަށްވުރެ ގިނަ ދުވުންތެރިންނާއެކު ހުޅުމާލެ ސެންޓްރަލް ޕާކުގައި ވަނީ ބާއްވާފައެވެ. މި ދުވުމުގެ ލައިވް އަޕްޑޭޓްތަކާއި، ނަތީޖާ އަދި ދުވުންތެރިންގެ ރޭންކިންގ ބަލައިލުމުގެ ފުރުސަތު ދިރާގުން ވަނީ ޚާއްޞަ މޮބައިލް އެޕްލިކޭޝަނެއް މެދުވެރިކޮށް ފަހިކޮށްދީފައެވެ.

ޕީއެންސީގެ މެންބަރުންގެ އަދަދު ލައްކައަކަށްވުރެ ދަށަށް

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އެރިތާ 24 ގަޑިއިރު ނުވަނީސް، އަލުން އެ އަދަދު ލައްކައަކަށް ވުރެ ދަށަށް ގޮސްފިއެވެ. އިދިކޮޅު ފަރާތްތަކުން ތުހުމަތުކުރާ ގޮތުގައި މި އަދަދު ހަމަކުރުމަށްޓަކައި ވަޒީފާގެ ބިރުދެއްކުމާއި ރިޝްވަތުގެ ގޮތުގައި ފައިސާ ބޭނުންކޮށްފައިވެއެވެ. އީސީގެ ތަފާސްހިސާބުތަކުން ދައްކާގޮތުގައި އެ ޕާޓީގެ މެންބަރުންގެ އަދަދު މިހާރު ވަނީ 99,930 އަށް ތިރިވެފައެވެ.

ރަސްމާލޭގެ ޑީލުގައި ސޮއިނުކުރަން އެދި އަލައްބާރަށް ސިޓީއެއް

ރަސްމާލެ މަޝްރޫއުގެ މިހާރުގެ ޝަރުތުތަކާއި ގާނޫނުއަސާސީއާ ފުށުއެރުންތަކެއް ހުރި ކަމަށާއި، އެކަމުގައި އެކަށީގެންވާ ގޮތެއްގައި ރައްޔިތުންގެ ހިޔާލު ހޯދާފައި ނުވާތީ، ދެން އަންނަ ސަރުކާރަކުން ވެސް މި މަޝްރޫއުގެ އެއްބަސްވުން އަލުން މުރާޖައާކުރުމަށް ނުވަތަ އެއްކޮށް ބާތިލުކުރުމުގެ ފުރުސަތު އޮތް ކަމަށް އެ ސިޓީގައި ބުނެފައިވޭ.

"ރަސްމާލެ މައްސަލައިގައި މުއިއްޒު ވަނީ އަނގަވަތަށް ވެއްޓިފައި"

ރަސްމާލެ މަޝްރޫއަކީ ރާއްޖޭގެ ސިޔާދަތަށް އުނިކަންލިބޭ، ބޭރުގެ ފަރާތްތަކަށް ބިން ދިނުމަށް ހިންގާ ހީލަތްތެރި ރޭވުމެއް ކަމަށް ވިދާޅުވެ ކުރީގެ ރައީސް ޔާމީން ސަރުކާރަށް ވަރަށް ބޮޑަށް ފާޑުވިދާޅުވެއްޖެއެވެ. މި މަޝްރޫއުގެ ސަބަބުން ރައީސް މުއިއްޒު ރައްޔިތުންގެ ކުރިމަތީގައި ބޭޒާރުވެފައިވާ ކަމަށާއި، މި ސަރުކާރަށް ދެވަނަ ދައުރެއް ރައްޔިތުން ނުދޭނެ ކަމަށް ޔާމީން ވިދާޅުވިއެވެ.

ރަސްމާލެ ދޫކޮށްލުމާ ދެކޮޅުވެރިކަމެއް ނެތްކަމުގެ އިޝާރާތެއް

ރަސްމާލެއިން ބައެއް ބޭރުގެ ކުންފުންޏަކަށް ދޫކޮށްލުމާ ދެކޮޅު ހަދަނީ މަދު ބަޔަކު ކަމަށާއި، ދިވެހިން އަބަދުވެސް އިސްކުރަނީ ގައުމީ ތަރައްގީކަން މުއިއްޒު ފާހަގަކުރެއްވި. މީގެކުރިންވެސް ރާއްޖެއަށް އައި ބޮޑެތި ބަދަލުތަކާ ބައެއް މީހުން ދެކޮޅު ހެދި ނަމަވެސް، ގިނަ ރައްޔިތުން ތާއީދުކުރީ ގައުމީ ކުރިއެރުމަށްކަން އެމަނިކުފާނު ބަޔާންކޮށްދެއްވި.

ހުލާސާކޮށް އިއްޔެ: ސިޔާސީ ޕާޓީތަކުގެ ދަފްތަރަށް އައި ބޮޑު ބަދަލު

ޕީއެންސީގެ މެންބަރުންގެ އަދަދު އެއްލައްކައަށް އެރުމާއެކު، ޖުމްހޫރީ ޕާޓީ އާއި އަދާލަތު ޕާޓީ ފަދަ ދުވަސްވީ ޕާޓީތަކުން ގިނަ އަދަދެއްގެ މެންބަރުންނާއި އިސް ބޭފުޅުން ވަނީ ވަކިވެފައެވެ. މީގެ އިތުރުން، ރަސްމީ ޖަލްސާތަކުގެ ޕްރޮޓޮކޯލަށް ބަދަލުތަކެއް ގެނެސްފައިވާއިރު، ރަސްމާލެ މަޝްރޫއާ ގުޅޭގޮތުން އިލްމުވެރިންނާއި ސިޔާސީ ފަރާތްތަކުގެ މެދުގައި ވަނީ ޚިޔާލުތަފާތުވުންތަކެއް އުފެދިފައެވެ.

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

Newsletter

Get the latest news delivered straight to your inbox