އިންޑިއާގެ އެއާޕޯޓްތަކުން ބެގެޖު ލިބުން ލަސްވާތީ އިންޑިއާގެ އެއާލައިންތަކުން ކަންބޮޑުވުން ފާޅުކޮށްފި އެވެ.
އިންޑިއާގެ ބިއުރޯ އޮފް ސިވިލް އެވިއޭޝަން ސެކިއުރިޓީ (ބީސީއޭއެސް) އިން ބުނީ، އިންޑިއާގެ އެއާލައިންތައް ކަމަށްވާ އެއާ އިންޑިއާ، ވިސްޓާރާ އަދި އިންޑިގޯ އިން ވަނީ ބެގެޖުތައް ފަސިންޖަރުންނަށް ވީހާވެސް އަވަހަށް ލިބޭނެ ގޮތްތަކެއް ހަމަޖައްސައި ދިނުމަށް އެދިފަ އެވެ.
އިންޑިއާގެ އިންޓަނޭޝަނަލް އެއާޕޯޓްތައް ހިމެނޭ ގޮތަށް ބޮޑެތި އެއާޕޯޓްތަކުން ބެގޭޖް ލިބުން ލަސްވަމުން އަންނަނީ ދިމާވެފައިވާ މައްސަލައަކުން ކަމަށް ރިޕޯޓްތައް ބުނެ އެވެ.
އިންޑިއާގެ ސިވިލް އެވިއޭޝަން މިނިސްޓްރީން ބުނީ، އެއާލައިންތަކުން ދަތުރުކުރާ ފަރާތްތަކުގެ ބެގޭޖްތައް ފްލައިޓް ލޭންޑުކޮށް އިންޖީނު ނިވާލާ 10 މިނެޓު ތެރޭގައި އަދި އެންމެ ފަހު ބެގޭޖް 30 މިނެޓު ތެރޭގައި ފަސިންޖަރަށް ލިބެން ޖެހޭނެ ކަމަށެވެ.
ނަމަވެސް ރިޕޯޓްތައް ބުނާގޮތުން ބެގޭޖްތައް ބައެއްފަހަރު ލަސްވަމުން ގޮސް ފްލައިޓް ލޭންޑްކުރާތާ އެއް ގަޑިއިރު ފަހުންވެސް ލިބޭ ކަމަށާއި، ބެގޭޖް ބެލްޓަކަށް ދިމާވާ ޓެކްނިކަލް މައްސަލައަކާ ގުޅިގެން އިތުރަށްވެސް ވަގުތު ނަގާ ކަމަށެވެ.
މިކަމާ ގުޅިގެން ފަސިންޖަރުންގެ ކަންބޮޑުވުންތައް އަންނަނީ ސޯޝަލް މީޑިއާ މެދުވެރިކޮށް ކުރަމުންނެވެ.
