މީރާގެ ކުރީގެ ކޮމިޝަނަރު ފަތުހުﷲ ޖަމީލް އެމްޑީޕީގެ ޓިކެޓުގައި ތިމަރަފުށި ދާއިރާއަށް ވާދަކުރަނީ

މީރާގެ ކުރީގެ ކޮމިޝަނަރު، ފަތުހުﷲ ޖަމީލް؛ ފަތުހުﷲ ޖަމީލް އަކީ ޓެކުހާއި އޮޑިޓިންގެ އިތުރުން ރިސްކު މެނޭޖުމެންޓާއި އެކައުންޓިންގެ ދާއިރާގެ 17 އަށްވުރެ ގިނަ އަހަރުގެ ތަޖުރިބާ ހޯއްދަވާފައިވާ ބޭފުޅެއް --

މީރާގެ ކުރީގެ ކޮމިޝަނަރު، ފަތުހުﷲ ޖަމީލް؛ ފަތުހުﷲ ޖަމީލް އަކީ ޓެކުހާއި އޮޑިޓިންގެ އިތުރުން ރިސްކު މެނޭޖުމެންޓާއި އެކައުންޓިންގެ ދާއިރާގެ 17 އަށްވުރެ ގިނަ އަހަރުގެ ތަޖުރިބާ ހޯއްދަވާފައިވާ ބޭފުޅެއް --

މީރާގެ ކޮމިޝަނަރު ކަމުން އިސްތިއުފާދެއްވި ފަތުހުﷲ ޖަމީލް އެމްޑީޕީގެ ޓިކެޓުގައި ތިމަރަފުށީ ދާއިރާއަށް ވާދަ ކުރައްވަން ނިންމަވައިފި އެވެ.

މީރާގެ ކޮމިޝަނަރު ކަމުން ފަތުހުﷲ އިސްތިއުފާ ދެއްވީ މިދިޔަ ހަފުތާގަ އެވެ. ތިމަރަފުށީ ދާއިރާއަކީ މީގެ ކުރިން އެމްޑީޕީގެ ކެންޑިޑޭޓަކު ނެތް ދާއިރާ އެކެވެ. ފަތުހުﷲ އަކީ މާލެއަށް އުފަންވި ނަމަވެސް ތިމަރަފުށީ ބޭފުޅެކެވެ.

މުޅިން އަލަށް ސިޔާސީ މަސައްކަތަށް ނުކުމެވަޑައިގަންނަވާ ފަތުހުﷲ ޖަމީލް އަކީ ޓެކުހާއި އޮޑިޓިންގެ އިތުރުން ރިސްކު މެނޭޖުމެންޓާއި އެކައުންޓިންގެ ދާއިރާގެ 17 އަށްވުރެ ގިނަ އަހަރުގެ ތަޖުރިބާ ހޯއްދަވާފައިވާ ބޭފުޅެކެވެ.

ފަތުހުﷲ އެންމެ ފުރަތަމަ މަސައްކަތް ކުރައްވަން ފެށްޓެވީ ޑިޕާޓުމެންޓު އޮފް އިންލެންޑު ރެވެނިއު (ޑީއައިއާރު) ގައި ޓްރެއިނީއެއްގެ ގޮތުގައި 2003 ވަނަ އަހަރު އެވެ.

ޓްރެއިނީއެއްގެ މަގާމުން ކުރި ހޯއްދަވަމުން ގޮސް 2010 ވަނަ އަހަރު މޯލްޑިވްސް އިންލެންޑް ރެވެނިއު އޮތޯރިޓީގެ ނަމުގައި ވަކި އިދާރާއެއް އުފެއްދުމާއެކު އެތަނުގެ ރެވެނިއު ސާވިސްގެ ޑިރެކްޓާ ޖެނެރެލްގެ މަގާމު ފުރުއްވަން ފަތުހުﷲ ފެށްޓެވި އެވެ. އެއަށްފަހު މީރާގެ އޮޑިޓް އެންޑު އިންވެސްޓިގޭޝަންގެ ޑިރެކްޓާ ޖެނެރަލްގެ މަގާމު ވެސް އޭނާ ފުރުއްވި އެވެ.

ރާއްޖެއަށް ޓެކްސްގެ ނިޒާމު ތައާރަފު ކުރުމަށް އެކުލަވައިލި ޓީމުގައި ވެސް މުހިންމު ދައުރެއް އަދާ ކުރެއްވި ފަތުހުﷲ ވަނީ ޓެކުހާ ގުޅޭގޮތުން މީހުން ހޭލުންތެރިކުރުމާއި މައުލޫމާތު ދިނުމުގައި ފާހަގަކޮށްލެވޭ މަސައްކަތްތަކެއް ކުރައްވައިފަ އެވެ.

އެކައުންޓިން ދާއިރާއިން އެސޯސިއޭޝަން އޮފް ޗާޓާޑް ސާޓިފައިޑް އެކައުންޓެންޓްސް ހާސިލު ކުރައްވާފައިވާ ފަތުހުﷲ އެންމެފަހުން ހުންނެވީ މީރާގެ ކޮމިޝަނަރުގެ މަގާމުގަ އެވެ. އެ މަގާމަށް މީހަކު އައްޔަން ކުރުމަށް ރައީސް އޮފީހުން ވަނީ އިއްޔެ އިއުލާނު ކޮށްފަ އެވެ.

ކޮމެންޓް

ފަހުގެ ޚަބަރު

ދިރާގު ރޯޑް ރޭސް 5،500އަށްވުރެ ގިނަ ދުވުންތެރިންނާއެކު ބާއްވައިފި

ދިރާގު މޯލްޑިވްސް ރޯޑް ރޭހުގެ 17 ވަނަ އެޑިޝަން 5،500 އަށްވުރެ ގިނަ ދުވުންތެރިންނާއެކު ހުޅުމާލެ ސެންޓްރަލް ޕާކުގައި ވަނީ ބާއްވާފައެވެ. މި ދުވުމުގެ ލައިވް އަޕްޑޭޓްތަކާއި، ނަތީޖާ އަދި ދުވުންތެރިންގެ ރޭންކިންގ ބަލައިލުމުގެ ފުރުސަތު ދިރާގުން ވަނީ ޚާއްޞަ މޮބައިލް އެޕްލިކޭޝަނެއް މެދުވެރިކޮށް ފަހިކޮށްދީފައެވެ.

ޕީއެންސީގެ މެންބަރުންގެ އަދަދު ލައްކައަކަށްވުރެ ދަށަށް

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އެރިތާ 24 ގަޑިއިރު ނުވަނީސް، އަލުން އެ އަދަދު ލައްކައަކަށް ވުރެ ދަށަށް ގޮސްފިއެވެ. އިދިކޮޅު ފަރާތްތަކުން ތުހުމަތުކުރާ ގޮތުގައި މި އަދަދު ހަމަކުރުމަށްޓަކައި ވަޒީފާގެ ބިރުދެއްކުމާއި ރިޝްވަތުގެ ގޮތުގައި ފައިސާ ބޭނުންކޮށްފައިވެއެވެ. އީސީގެ ތަފާސްހިސާބުތަކުން ދައްކާގޮތުގައި އެ ޕާޓީގެ މެންބަރުންގެ އަދަދު މިހާރު ވަނީ 99,930 އަށް ތިރިވެފައެވެ.

ރަސްމާލޭގެ ޑީލުގައި ސޮއިނުކުރަން އެދި އަލައްބާރަށް ސިޓީއެއް

ރަސްމާލެ މަޝްރޫއުގެ މިހާރުގެ ޝަރުތުތަކާއި ގާނޫނުއަސާސީއާ ފުށުއެރުންތަކެއް ހުރި ކަމަށާއި، އެކަމުގައި އެކަށީގެންވާ ގޮތެއްގައި ރައްޔިތުންގެ ހިޔާލު ހޯދާފައި ނުވާތީ، ދެން އަންނަ ސަރުކާރަކުން ވެސް މި މަޝްރޫއުގެ އެއްބަސްވުން އަލުން މުރާޖައާކުރުމަށް ނުވަތަ އެއްކޮށް ބާތިލުކުރުމުގެ ފުރުސަތު އޮތް ކަމަށް އެ ސިޓީގައި ބުނެފައިވޭ.

"ރަސްމާލެ މައްސަލައިގައި މުއިއްޒު ވަނީ އަނގަވަތަށް ވެއްޓިފައި"

ރަސްމާލެ މަޝްރޫއަކީ ރާއްޖޭގެ ސިޔާދަތަށް އުނިކަންލިބޭ، ބޭރުގެ ފަރާތްތަކަށް ބިން ދިނުމަށް ހިންގާ ހީލަތްތެރި ރޭވުމެއް ކަމަށް ވިދާޅުވެ ކުރީގެ ރައީސް ޔާމީން ސަރުކާރަށް ވަރަށް ބޮޑަށް ފާޑުވިދާޅުވެއްޖެއެވެ. މި މަޝްރޫއުގެ ސަބަބުން ރައީސް މުއިއްޒު ރައްޔިތުންގެ ކުރިމަތީގައި ބޭޒާރުވެފައިވާ ކަމަށާއި، މި ސަރުކާރަށް ދެވަނަ ދައުރެއް ރައްޔިތުން ނުދޭނެ ކަމަށް ޔާމީން ވިދާޅުވިއެވެ.

ރަސްމާލެ ދޫކޮށްލުމާ ދެކޮޅުވެރިކަމެއް ނެތްކަމުގެ އިޝާރާތެއް

ރަސްމާލެއިން ބައެއް ބޭރުގެ ކުންފުންޏަކަށް ދޫކޮށްލުމާ ދެކޮޅު ހަދަނީ މަދު ބަޔަކު ކަމަށާއި، ދިވެހިން އަބަދުވެސް އިސްކުރަނީ ގައުމީ ތަރައްގީކަން މުއިއްޒު ފާހަގަކުރެއްވި. މީގެކުރިންވެސް ރާއްޖެއަށް އައި ބޮޑެތި ބަދަލުތަކާ ބައެއް މީހުން ދެކޮޅު ހެދި ނަމަވެސް، ގިނަ ރައްޔިތުން ތާއީދުކުރީ ގައުމީ ކުރިއެރުމަށްކަން އެމަނިކުފާނު ބަޔާންކޮށްދެއްވި.

ހުލާސާކޮށް އިއްޔެ: ސިޔާސީ ޕާޓީތަކުގެ ދަފްތަރަށް އައި ބޮޑު ބަދަލު

ޕީއެންސީގެ މެންބަރުންގެ އަދަދު އެއްލައްކައަށް އެރުމާއެކު، ޖުމްހޫރީ ޕާޓީ އާއި އަދާލަތު ޕާޓީ ފަދަ ދުވަސްވީ ޕާޓީތަކުން ގިނަ އަދަދެއްގެ މެންބަރުންނާއި އިސް ބޭފުޅުން ވަނީ ވަކިވެފައެވެ. މީގެ އިތުރުން، ރަސްމީ ޖަލްސާތަކުގެ ޕްރޮޓޮކޯލަށް ބަދަލުތަކެއް ގެނެސްފައިވާއިރު، ރަސްމާލެ މަޝްރޫއާ ގުޅޭގޮތުން އިލްމުވެރިންނާއި ސިޔާސީ ފަރާތްތަކުގެ މެދުގައި ވަނީ ޚިޔާލުތަފާތުވުންތަކެއް އުފެދިފައެވެ.

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

Newsletter

Get the latest news delivered straight to your inbox