ސިފައިން ބާލާ ވާހަކަ ދައްކަވަމުން ރައީސް މިހާރު ވިދާޅުވަނީ ރުންކުރުވެގެން ކަންކަން ހާސިލު ނުވާނެ ކަމަށް

ރައީސް ތ. އަތޮޅަށް ކުރައްވާ ދަތުރުގެ ތެރެއިން: ވިދާޅުވީ ކަންކަން ހާސިލުވާނީ އޮންނަ އުސޫލަށް މަސައްކަތްކޮށްގެން ކަމަށް -- ފޮޓޯ: ރައީސް އޮފީސް

ރައީސް ތ. އަތޮޅަށް ކުރައްވާ ދަތުރުގެ ތެރެއިން: ވިދާޅުވީ ކަންކަން ހާސިލުވާނީ އޮންނަ އުސޫލަށް މަސައްކަތްކޮށްގެން ކަމަށް -- ފޮޓޯ: ރައީސް އޮފީސް

އިންޑިއާ ސިފައިން ރާއްޖެއިން ބޭލުމުގެ ވާހަކަ ދައްކަވަމުން، ރުންކުރުވެގެން ކަންކަން ހާސިލު ނުކުރެވޭނެ ކަމަށް ރައީސުލްޖުމްހޫރިއްޔާ ޑރ. މުހައްމަދު މުއިއްޒު ރޭ ވިދާޅުވެއްޖެ އެވެ.

"ރުންކުރު އުސޫލު ބޭނުންކޮށްގެން" ކަންކަން ހާސިލު ނުވާނެ ކަމަށް ތ. ވޭމަންޑޫގައި ވާހަކަ ދައްކަވަމުން ރައީސް މުއިއްޒު ވިދާޅުވީ، ޗައިނާއަށް ކުރެއްވި ދަތުރަށްފަހު ރާއްޖެ ވަޑައިގެން އިންޑިއާއަށް ވަރުގަދަ ބަހުގެ ހަމަލާތަކެއް ދެއްވާފައި އޮއްވަ އެވެ.

"މިއީ ރީތިކޮށް ވާހަކަ ދައްކައިގެން، އަޅުގަނޑުމެންގެ ގައުމަކީ މިނިވަން ޑިމޮކްރެޓިކް ގައުމެއްކަން އެންމެނަށް ވެސް ގަބޫލު ކުރެވޭ ގޮތަށް ރަނގަޅަށް ކިޔައިދީގެން ހާސިލު ކުރެވޭ ކަންކަން،" ވޭމަންޑޫގައި ވާހަކަ ދައްކަވަމުން ރައީސް ވިދާޅުވި އެވެ. "ރުންކުރު އުސޫލު ބޭނުންކޮށްގެނެއް ކަންކަމެއް ހާސިލެއް ނުވާނެ."

Advertisement

ރައީސް ވިދާޅުވީ ކަންކަން ހާސިލުވާނީ ކަންކަން އޮންނަ އުސޫލުން މަސައްކަތް ކޮށްގެން ކަމަށެވެ.

"ވަރަށް ފަސޭހަވާނެ ދުރުގައި ހުރެގެން ގޮތް ކިޔަން، ގޮތްފާޑު ކިޔަން. އެއީ ކޮންމެ މީހަކަށް ވެސް ކުރެވިދާނެ ކަމެއް. އެކަމަކު ކަންކަމުގެ ހަގީގަތް އެ ގޮތްފާޑު ކިޔާ ކިޔުމަކުންނެއް ގެއްލިގެނެއް ނުދާނެ. ކަންކަން ކުރަން އޮންނަ ގޮތަށް ކުރީމަ ކަންކަން ހާސިލުވާނީ،" އެމަނިކުފާނު ވިދާޅުވި އެވެ.

ޖެނުއަރީ 13، ގައި ޗައިނާއަށް ކުރެއްވި ދަތުރަށްފަހު އިންޑިއާގެ ސަފީރު މުނޫ މަހާވަރުގެ ހާޒިރުގައި ރައީސް އިނގިރޭސި ބަހުން ވިދާޅުވީ "ދިވެހިރާއްޖެ ކިތަންމެ ކުޑަ ނަމަވެސް ގަނާ ކުރުމުގެ ހައްގު އެއްވެސް ބަޔަކަށް ނުލިބޭ" ކަމަށެވެ.

"އަޅުގަނޑުމެންނަކީ ވަކި ގައުމެއްގެ ބެކްޔާޑުގައި އޮތް ގައުމެއް ނޫން. އަޅުގަނޑުމެންނަކީ މިނިވަން މުސްތަގިއްލު ގައުމެއް. އެހެންވީމާ މި ޓެރިޓޯރިއަލް އިންޓަގްރިޓީ އަސާސްއަކީ ޗައިނާއިން ވަރަށް ބޮޑަށް އަޅުގަނޑުމެންނަށް އިހުތިރާމް އަދާ ކުރާ އަސާސެއް،" އެ ދުވަހު ރައީސް ވިދާޅުވެފައިވެ އެވެ.

ރައީސް ވިދާޅުވެފައި އޮތީ ކުރީގެ ސަރުކާރުގައި "އެއް ގޮނޑިން ތެދުވެ، އަނެއް ގޮނޑީގައި އިށީންދެވެނީ ވަކި ބައެއްގެ ހުއްދަ ހޯދައިގެން" ކަމަށެވެ. އަދި ވިދާޅުވީ "އަޅުގަނޑުމެންގެ އަމިއްލަ ފައިމައްޗަށް ތެދުވާނީ ވަކި ބަޔަކަށް ބަރޯސާވުމެއް ނެތި" ކަމަށެވެ.

އިންޑިއާއަށް ދެއްވި ބަހުގެ ހަމަލާތަކަށްފަހު، ވަރަށް ގިނަ ބައެއްގެ ފާޑުކިޔުން ރައީސް މުއިއްޒަށް އަމާޒުވި އެވެ. ރައީސް އެ ދުވަހު ވާހަކަ ދެއްކެވީ ޑިޕްލޮމަސީގެ އެންމެ ރީތި އުސޫލުން ނޫން ކަމަށް ބައެއް މީހުން ފާހަގަ ކުރި އެވެ.

ނަމަވެސް ރޭ ވޭމަންޑޫގައި ރައީސް ވިދާޅުވީ އެއްވެސް ގައުމަކާ އެމަނިކުފާނު ދުޝްމަނު ނޫން ކަމަށެވެ. ސަރުކާރުގައި އެ ލޭބަލް އަޅުވަން އުޅެނީ އެހެން ބައެއް ކަމަށް ވެސް ރައީސް މުއިއްޒު ވިދާޅުވި އެވެ.

"އަޅުގަނޑުމެނެއް ނޫޅެން ދުޝްމަން ވެގެނެއް. އެ ދުޝްމަންކަން އުފައްދަން އެހެން ބަޔަކު މި ބޭނުންވަނީ. އެ ލޭބަލް ކުރުވަން ބޭނުންވަނީ. އަޅުގަނޑު ދައްކާ ވާހަކައެއް ދައްކަނީ ވަރަށް ސާފުކޮށް، ސީދާކޮށް، އޭގަ ދެ ވަނަ މާނައެއް ނުނެގޭހާ ސާފުކޮށް،" ރައީސް ވިދާޅުވި އެވެ.

ކޮމެންޓް

ފަހުގެ ޚަބަރު

ރަސްމާލޭގެ ބަދަލު ދޭނީ މެންބަރުންނާއި ވެރިންގެ މުދަލުން: ފައްޔާޒު

ފައްޔާޒު ވަނީ މި މަޝްރޫއަށް މަގުފަހިކުރަން ހުށަހަޅާފައިވާ ބިލަކީ ގާނޫނުއަސާސީއާ ހިލާފަށް، ބޭރުގެ ފަރާތްތަކަށް ރާއްޖޭގެ ބިންތައް ދާއިމީކޮށް މިލްކުވާ ގޮތަށް އޮތް ބިލެއް ކަމަށް ވިދާޅުވެފަ. އަދި މިނިވަން ކޯޓެއް އޮތް ނަމަ ވުޖޫދުކުރަން އުޅޭ ގާނޫނާއީ ބިލު ވެސް ބާތިލުކުރާނެ ކަމަށް އޭނާ ވިދާޅުވި.

ކްރެކް ނުކުރެވިގެން ޖުމާންގެ ފޯނު ރާއްޖެއިން ބޭރަށް ފޮނުވަނީ

ޓެރަރިޒަމްގެ ތުހުމަތުގައި ހައްޔަރުކުރި އަލީ ޖުމާންގެ ފޯނު ހުޅުވަން އޭނާ އިންކާރުކުރުމުން، އެ ފޯނު ތަހުލީލުކުރުމަށް ރާއްޖެއިން ބޭރަށް ފޮނުވުމުގެ މަސައްކަތް ފުލުހުން ދަނީ ކުރަމުން. ސޯޝަލް މީޑިއާގައި ހުޅުޖެހުމަށާއި މުދަލަށް ގެއްލުންދޭން ހިތްވަރުދިން ކަމުގެ ތުހުމަތު އޮތް ޖުމާން، ބަންދުގައި ބެހެއްޓުމަށް ކޯޓުން ވަނީ އިތުރު 15 ދުވަސް ދީފަ.

މިއީ މިހާރު ހަމަ ކާޓޫނަކަށް ވެއްޖެ: ނަޝީދު

ނަޝީދު ވަނީ މި މައްސަލައިގައި ސަރުކާރަށް ފާޑުވިދާޅުވަމުން ވެރިކަމަށް ވަޑައިގަތީ ރައީސް ޔާމީންގެ ނަންފުޅު ބޭނުންކުރައްވައިގެން ކަމަށާއި، ނަމަވެސް މިހާރު ޔާމީނާއި ތަޖުރިބާކާރު ބޭފުޅުން އެއްކައިރިކޮށްފައިވާ ކަމަށް ވެސް ތުހުމަތުކުރައްވާފަ.

ނުރައްކާވާ މިންވަރަށް އުތުރާއި މެދުރާއްޖެއަށް ދުންފުހުގެ އަސަރު

ސިއްހަތަށް ނުރައްކާވާ މިންވަރަށް މާލެއާއި ކުޅުދުއްފުއްޓަށް ދުންފުނީގެ އަސަރުކޮށް، ވައި ނުސާފުވެފައިވާތީ ރައްކާތެރިކަމުގެ ފިޔަވަޅުތައް އެޅުމަށް އެޗްޕީއޭއިން ވަނީ އިލްތިމާސްކޮށްފައި. މެޓް އޮފީހުން ލަފާކުރާ ގޮތުގައި ކުރިއަށް އޮތް ދުވަސްތަކުގައިވެސް ރާއްޖޭގެ އެކި ސަރަހައްދުތަކަށް ދުންފުނީގެ އަސަރު ފޯރާނެ.

އީގަލް ހިލްސްއާއެކު ސޮއިކުރި ކޮމާޝަލް ޓާމްސް އެގްރީމެންޓެއް ނެތް

މި މައުލޫމާތު ހޯދަން "އަދަދު" ނޫހުން އެދުމުން މިނިސްޓްރީން ޖަވާބު ދިނީ އެއީ އެ މިނިސްޓްރީން ބަލަހައްޓާ މައުލޫމާތު ނޫން ކަމަށާއި، މަޝްރޫއުގެ މައިގަނޑު އެއްބަސްވުމުގައި އަދި ސޮއިނުކުރާ ކަމަށް ބުނެ އެވެ.

ނޮވެމްބަރު 26، ގައި އެމްޑީޕީން މަގުމައްޗަށް ނުކުންނަނީ

ރަސްމާލެ މަޝްރޫޢުގެ ބޮޑު ބައެއް ބޭރު ކުންފުންޏަކަށް ދޫކޮށްލުމާ ގުޅޭގޮތުން ރައްޔިތުންގެ ފެންނަ ނުފެންނަ ވޯޓެއް ނެގުމަށް ގޮވާލައި، މި މަހުގެ 26 ގައި މަގުމައްޗަށް ނުކުމެ އިހުތިޖާޖުކުރަން އެމްޑީޕީން ވަނީ ނިންމާފައި. އެ ޕާޓީން ބުނާގޮތުގައި މި މަޝްރޫޢަކީ ރައްޔިތުންނަށް ސާފުނުވާ ގިނަ ކަންތައްތަކެއް ހުރި މަޝްރޫއެއް.

މުއިއްޒު އަންނަ މަހު ބަންގްލަދޭޝްއަށް ވަޑައިގަންނަވަނީ

ރައީސް މުޙައްމަދު މުޢިއްޒު އަންނަ ޑިސެމްބަރު މަހުގެ 13 ވަނަ ދުވަހު ބަންގްލަދޭޝްއަށް ފުރަމާނަ ދަތުރުފުޅެއް ކުރެއްވުމަށް ވަނީ ހަމަޖެހިފައެވެ. ތިން ދުވަހުގެ މި ދަތުރުފުޅުގައި ދެ ގައުމުގެ ގުޅުން ބަދަހިކުރުމަށާއި، ރާއްޖޭގައި އުޅޭ ބަންގްލަދޭޝް މަސައްކަތްތެރިންގެ ހައްގުތަކާ ގުޅޭގޮތުން މަޝްވަރާކުރުމަށް ވަނީ ރޭވިފައެވެ.

Newsletter

Get the latest news delivered straight to your inbox