ސެޓުލްމަންޓް ކޮމިޓީން ދިން ބަދަލާ ގުޅޭ އެއްވެސް ތަފުސީލެއް ހާމަކުރަން ސަރުކާރުން ދެކޮޅު ހަދައިފި

ރައީސް މުއިއްޒު ކެބިނެޓު ބައްދަލުވުމެއްގައި: ބަދަލު ދިނުމަށް އެދި ހުށަހެޅޭ އުސޫލު ރައީސް އުވާލައްވައިފި -- ފޮޓޯ: ރައީސް އޮފީސް

ރައީސް މުއިއްޒު ކެބިނެޓު ބައްދަލުވުމެއްގައި: ބަދަލު ދިނުމަށް އެދި ހުށަހެޅޭ އުސޫލު ރައީސް އުވާލައްވައިފި -- ފޮޓޯ: ރައީސް އޮފީސް

ސަރުކާރާ އަމިއްލަ ފަރާތްތަކާ ދެމެދު ވެފައިވާ އެއްބަސްވުންތަކާ ގުޅިގެން އުފެދިފައިވާ މައްސަލަތައް ހައްލުކުރަން ކަމަށް ބުނެ ކުރީ ސަރުކާރުން އެކުލަވާލި ސެޓުލްމަންޓް ކޮމިޓީން ބަދަލު ދިން ފަރާތްތައް ހާމަކުރަން މި ސަރުކާރުން ދެކޮޅު ހަދައިފި އެވެ.

މައުލޫމާތު ހޯދައި ލިބިގަތުމުގެ ހައްގުގެ ގާނޫނުގެ ދަށުން "އަދަދު" ނޫހުން ހުށަހެޅުމުން ދިން ޖަވާބުގައި ރައީސް އޮފީހުން ބުނީ ބަދަލު ދިނުމުގެ މައްސަލަތައް ބަލަން އެކުލަވާލި "ސަރުކާރާ އަމިއްލަ ފަރާތްކަކާ ދެމެދު ވެފައިވާ އެއްބަސްވުންތަކާ ގުޅިގެން އުފެދިފައިވާ މައްސަލަތައް ހައްލުކުރުމުގައި އަމަލުކުރުނާ ގޮތުގެ އުސޫލު" ގެ ދަށުން 34 މައްސަލައެއް ހުށަހެޅުނު ކަމަށެވެ.

ސެޓްލްމަންޓް ކޮމިޓީއަށް ހުށަހެޅި މައްސަލަތަކުގެ ތެރެއިން 11 މައްސަލައެއް ބެލުމަށް ފަހު ބަދަލު ހަމަޖައްސައިދިނީ ދިހަ ފަރާތަކަށެވެ. މިއިން އެއްވެސް ފަރާތެއްގެ ނަމެއް، ބަދަލުގެ ގޮތުގައި ދިން އެއްޗެއް، ބަދަލު ދިނުމަށް ހުށަހެޅި މައްސަލައެއް ހިއްސާކުރަން ރައީސް އޮފީހުން އިންކާރުކުރި އެވެ. ސަބަބަކަށް ދެއްކީ މައުލޫމާތު ހޯދައި ލިބިގަތުމުގެ ގާނޫނުގެ 23 ވަނަ މާއްދާގެ (ހ) އެވެ.

Advertisement

titledesc

މި މާއްދާއަކީ ޒާތީ މައުލޫމާތާ ގުޅޭ މާއްދާ އެވެ. މިއީ ތިންވަނަ މީހެއްގެ ޒާތީ މައުލޫމާތު އެ ފަރާތައްގެ ރުހުމާއެކުގައި މެނުވީ ހިއްސާކުރުން މަނާކުރާ މާއްދާ އެވެ. މިފަހަކަށް އައިސް މައުލޫމާތު ނުދޭން ނިންމާ ގިނަ މައްސަލަތަކުގައި ސަރުކާރުން ދައްކަނީ މި ސަބަބެވެ.

ރައީސް އޮފީހުން ދިން ޖަވާބާ ގުޅިގެން "އަދަދު" ނޫހުން ވާނީ މި މައްސަލައިގައި ހިމެނޭ މައުލޫމާތަކީ އާންމު މަސްލަހަތު ދެމެހެއްޓުމަށް މުހިންމު މައުލޫމާތެއް ކަމުގައި ދެކޭ ކަމަށް ބަޔާންކޮށް، ބަދަލު ދިން ފަރާތްތަކުގެ މައުލޫމާތު ހިއްސާކޮށްދިނުމަށް އެދި ޖަވާބު މުރާޖައާކުރަން އެދި އެ އޮފީހުގެ ރިވިއު ކޮމިޓީއަށް ހުށަހަޅާފަ އެވެ.

މައްސަލައިގެ ފަސްފަހަތް

ކުރީ ސަރުކާރުން އެކުލަވާލީ ސެޓްލްމަންޓް ކޮމިޓީން ނަހަމަ ގޮތުގައި އެތައް ބަޔަކަށް ބަދަލު ދީފައިވާ ކަމަށް ތުހުމަތުކުރީ މިހާރު ސަރުކާރުގައި ތިއްބެވި ބޭފުޅުން އިދިކޮޅުގައި ތިބި ދުވަސްވަރެވެ. އޭރު ބުނަމުން ދިޔައީ ވެރިކަމަށް އައިސް މި މައްސަލައިގައި ކަން ހިނގާފައިވާ ގޮތް ރައްޔިތުންނާ ހަމައަށް ތިލަކޮށް، ހުރިހާ ކަމެއް ހާމަކުރާނެ ކަމަށެވެ.

އެގޮތުން ވެރިކަމާ ހަވާލުވުމަށް ފަހު ރައީސް ޑރ. މުހައްމަދު މުއިއްޒު ސެޓްލްމަންޓް ކޮމިޓީ އުވާލެއްވި އެވެ. މި ކޮމިޓީ އުވާލަމުން ސަރުކާރުން ބުނީ ބަދަލު ދިނުމާ ގުޅޭ އުސޫލަކީ ގާނޫނީ އޮނިގަނޑެއް ނެތް، ގާނޫނީ ބާރެއް ނެތް އުސޫލެއް ކަމަށް ބަންޑާރަ ނައިބު އަހުމަދު އުޝާމް ލަފާދެއްވާފައިވާ ކަމަށެވެ.

އޭރު ނެރުނު ބަޔާނުގައި ރައީސް އޮފީހުން ބުނި ގޮތުގައި ބަދަލު ދިނުމުގެ އުސޫލުގެ ދަށުން ފަސް މައްސަލައެއް ނިންމާފައި އޮތީ ބަންޑާރަ ނާއިބުގެ ފަރާތްޕުޅުން ޝަރުއީ މަރުހަލާގައި ފާހަގަކުރަމުން ގެންދެވި ނުކުތާތަކަށް ރިއާޔަތްކުރުމަކާ ނުލައި ކަމަށެވެ. އޭރު ވެސް އެއީ ކޮން އެއްބަސްވުންތަކެއް ކަމެއް ހާމައެއް ނުކުރެ އެވެ.

ބަދަލު ދިން ބަޔަކު ހާމަ ނުކުރި ނަމަވެސް މި މައްސަލައިގައި ސަރުކާރުގެ ކަންބޮޑުވުން ހުރީ އިންތިހާގަ އެވެ. އިއްޔެ އިއްވި ރިޔާސީ ބަޔާނުގައި ވެސް ރައީސް ވަނީ ބަދަލު ދިނުމުގެ ނަމުގައި ބިލިއަނަކަށް ވުރެ ގިނަ ރުފިޔާގެ އަގުހުރި މުދަލާއި ފައިސާ ބަހާލާފައިވާ ކަމަށް ވިދާޅުވެފަ އެވެ.

"އެކިއެކި ކަންކަމަށް ބަދަލުދިނުމުގެ ނަމުގައި ދައުލަތުގެ ހަޒާނާއިން އެއް ބިލިއަން ރުފިޔާގެ އަގުހުރި ހަރުމުދަލާ ފައިސާ އެކި ފަރާތްތަކަށް ބަހާލައިފައިވޭ،" ރައީސް ވިދާޅުވި އެވެ.

އޭގެ ކުރިން ވެސް އެކި މަންސަތަކުގައި ރައީސް އާއި ސަރުކާރުގެ އިސްވެރިން މި މައްސަލައިގައި ކަންބޮޑުވުން ފާޅުކޮށްފައިވެ އެވެ. އޭގެ ތެރެއިން އެއް ބޭފުޅަކީ ރައީސް އޮފީހުގެ އިސް ވަޒީރު އަބްދުއްރަހީމް އަބްދުﷲ އެވެ. އޭނާ ތުހުމަތުކުރެއްވީ ބަދަލު ދިނުމުގެ ބައެއް އެއްބަސްވުންތަކުގައި ސޮއިކުރީ ދައުރުގެ ފަހު ދުވަހު ކަމަށެވެ.

މީގެ ކުރިން "އަދަދު" ނޫހުން ވާނީ މިގޮތަށް އެއްބަސްވުންތައް އެކުލަވާލާފައިވާ މިލޭނިއަމް ކުންފުންޏާ ގުޅޭ ރިޕޯޓެއް ކިޔުންތެރިންނާ ހަމައަށް ގެނެސްދީފަ އެވެ. ކުރިއަށް އޮތް ތަނުގައި އެހެން އެއްބަސްވުންތަކާ ގުޅޭ ރިޕޯޓުތައް ވެސް ޝާއިއުކުރެވޭނެ އެވެ.

ކޮމެންޓް

ފަހުގެ ޚަބަރު

ދިރާގު ރޯޑް ރޭސް 5،500އަށްވުރެ ގިނަ ދުވުންތެރިންނާއެކު ބާއްވައިފި

ދިރާގު މޯލްޑިވްސް ރޯޑް ރޭހުގެ 17 ވަނަ އެޑިޝަން 5،500 އަށްވުރެ ގިނަ ދުވުންތެރިންނާއެކު ހުޅުމާލެ ސެންޓްރަލް ޕާކުގައި ވަނީ ބާއްވާފައެވެ. މި ދުވުމުގެ ލައިވް އަޕްޑޭޓްތަކާއި، ނަތީޖާ އަދި ދުވުންތެރިންގެ ރޭންކިންގ ބަލައިލުމުގެ ފުރުސަތު ދިރާގުން ވަނީ ޚާއްޞަ މޮބައިލް އެޕްލިކޭޝަނެއް މެދުވެރިކޮށް ފަހިކޮށްދީފައެވެ.

ޕީއެންސީގެ މެންބަރުންގެ އަދަދު ލައްކައަކަށްވުރެ ދަށަށް

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އެރިތާ 24 ގަޑިއިރު ނުވަނީސް، އަލުން އެ އަދަދު ލައްކައަކަށް ވުރެ ދަށަށް ގޮސްފިއެވެ. އިދިކޮޅު ފަރާތްތަކުން ތުހުމަތުކުރާ ގޮތުގައި މި އަދަދު ހަމަކުރުމަށްޓަކައި ވަޒީފާގެ ބިރުދެއްކުމާއި ރިޝްވަތުގެ ގޮތުގައި ފައިސާ ބޭނުންކޮށްފައިވެއެވެ. އީސީގެ ތަފާސްހިސާބުތަކުން ދައްކާގޮތުގައި އެ ޕާޓީގެ މެންބަރުންގެ އަދަދު މިހާރު ވަނީ 99,930 އަށް ތިރިވެފައެވެ.

ރަސްމާލޭގެ ޑީލުގައި ސޮއިނުކުރަން އެދި އަލައްބާރަށް ސިޓީއެއް

ރަސްމާލެ މަޝްރޫއުގެ މިހާރުގެ ޝަރުތުތަކާއި ގާނޫނުއަސާސީއާ ފުށުއެރުންތަކެއް ހުރި ކަމަށާއި، އެކަމުގައި އެކަށީގެންވާ ގޮތެއްގައި ރައްޔިތުންގެ ހިޔާލު ހޯދާފައި ނުވާތީ، ދެން އަންނަ ސަރުކާރަކުން ވެސް މި މަޝްރޫއުގެ އެއްބަސްވުން އަލުން މުރާޖައާކުރުމަށް ނުވަތަ އެއްކޮށް ބާތިލުކުރުމުގެ ފުރުސަތު އޮތް ކަމަށް އެ ސިޓީގައި ބުނެފައިވޭ.

"ރަސްމާލެ މައްސަލައިގައި މުއިއްޒު ވަނީ އަނގަވަތަށް ވެއްޓިފައި"

ރަސްމާލެ މަޝްރޫއަކީ ރާއްޖޭގެ ސިޔާދަތަށް އުނިކަންލިބޭ، ބޭރުގެ ފަރާތްތަކަށް ބިން ދިނުމަށް ހިންގާ ހީލަތްތެރި ރޭވުމެއް ކަމަށް ވިދާޅުވެ ކުރީގެ ރައީސް ޔާމީން ސަރުކާރަށް ވަރަށް ބޮޑަށް ފާޑުވިދާޅުވެއްޖެއެވެ. މި މަޝްރޫއުގެ ސަބަބުން ރައީސް މުއިއްޒު ރައްޔިތުންގެ ކުރިމަތީގައި ބޭޒާރުވެފައިވާ ކަމަށާއި، މި ސަރުކާރަށް ދެވަނަ ދައުރެއް ރައްޔިތުން ނުދޭނެ ކަމަށް ޔާމީން ވިދާޅުވިއެވެ.

ރަސްމާލެ ދޫކޮށްލުމާ ދެކޮޅުވެރިކަމެއް ނެތްކަމުގެ އިޝާރާތެއް

ރަސްމާލެއިން ބައެއް ބޭރުގެ ކުންފުންޏަކަށް ދޫކޮށްލުމާ ދެކޮޅު ހަދަނީ މަދު ބަޔަކު ކަމަށާއި، ދިވެހިން އަބަދުވެސް އިސްކުރަނީ ގައުމީ ތަރައްގީކަން މުއިއްޒު ފާހަގަކުރެއްވި. މީގެކުރިންވެސް ރާއްޖެއަށް އައި ބޮޑެތި ބަދަލުތަކާ ބައެއް މީހުން ދެކޮޅު ހެދި ނަމަވެސް، ގިނަ ރައްޔިތުން ތާއީދުކުރީ ގައުމީ ކުރިއެރުމަށްކަން އެމަނިކުފާނު ބަޔާންކޮށްދެއްވި.

ހުލާސާކޮށް އިއްޔެ: ސިޔާސީ ޕާޓީތަކުގެ ދަފްތަރަށް އައި ބޮޑު ބަދަލު

ޕީއެންސީގެ މެންބަރުންގެ އަދަދު އެއްލައްކައަށް އެރުމާއެކު، ޖުމްހޫރީ ޕާޓީ އާއި އަދާލަތު ޕާޓީ ފަދަ ދުވަސްވީ ޕާޓީތަކުން ގިނަ އަދަދެއްގެ މެންބަރުންނާއި އިސް ބޭފުޅުން ވަނީ ވަކިވެފައެވެ. މީގެ އިތުރުން، ރަސްމީ ޖަލްސާތަކުގެ ޕްރޮޓޮކޯލަށް ބަދަލުތަކެއް ގެނެސްފައިވާއިރު، ރަސްމާލެ މަޝްރޫއާ ގުޅޭގޮތުން އިލްމުވެރިންނާއި ސިޔާސީ ފަރާތްތަކުގެ މެދުގައި ވަނީ ޚިޔާލުތަފާތުވުންތަކެއް އުފެދިފައެވެ.

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

Newsletter

Get the latest news delivered straight to your inbox