ޔަންގް ޑެމްސް "ހުއްޓިފައި" އޮތުމުން ޒުވާން މެމްބަރުންގެ ނުރުހުން

ޑިމޮކްރެޓްސް އުފެއްދުމަށް ބޭއްވި ޖަލްސާގެ ތެރެއިން، ޕާޓީގެ ޒުވާނުންނަށް އެއްވެސް އަހަންމިއްޔަތުކަމެއް މިހާރު ނެތްކަމަށް ބުނެ ޕާޓީގެ ޒުވާން މެމްބަރުން އަންނަނީ ނުރުހުން ފާޅު ކުރަމުން -- ފޮޓޯ: އަދަދު ފައިލް

ޑިމޮކްރެޓްސް އުފެއްދުމަށް ބޭއްވި ޖަލްސާގެ ތެރެއިން، ޕާޓީގެ ޒުވާނުންނަށް އެއްވެސް އަހަންމިއްޔަތުކަމެއް މިހާރު ނެތްކަމަށް ބުނެ ޕާޓީގެ ޒުވާން މެމްބަރުން އަންނަނީ ނުރުހުން ފާޅު ކުރަމުން -- ފޮޓޯ: އަދަދު ފައިލް

މިދިޔަ އަހަރު ވުޖޫދުކުރި ދަ ޑިމޮކްރެޓްސްގެ ޒުވާނުންގެ ގޮފި, ޔަންގް ޑެމްސްގެ އިންތިހާބު އަލުން ބާއްވާނެ ކަމަށް ހާމަކުރުމަށް ފަހު، އެ އިންތިހާބު ދެ މަސްވީއިރު ވެސް ބާއްވާފައި ނުވާތީ އެ ޕާޓީގެ ޒުވާން މެމްބަރުން ޕާޓީގެ ލީޑަޝިޕާ މެދު ނުރުހުން ފާޅުކުރަން ފަށައިފި އެވެ.

ދަ ޑިމޮކްރެޓްސްގެ އަސާސީ ގަވާއިދުގެ ދަށުން ގައުމުގެ ސިޔާސީ، އިޖުތިމާއީ އަދި އިގްތިސާދީ ކަންކަމުގައި ޕާޓީ ރައީސަށް ލަފާ ދިނުމަށް އުފައްދާ ޕާޓީ ރައީސްގެ ކައުންސިލަށް، ޕާޓީގެ މަގާމުތަކަށް އިންތިހާބުވެފައިވާ މެމްބަރުން އެ ކައުންސިލަށް އައްޔަންކުރާނެ ކަން އެޕާޓީން މިދިޔަ ޖެނުއަރީ 31، ގައި އިއުލާން ކުރި އެވެ.

އިންތިހާބުކުރަން ޖެހޭ މަގާމުތަކުގެ ތެރޭގައި ޕާޓީގެ ޔަންގް ޑިމޮކްރެޓްސްގެ ލީޑަރު އަދި ޔަންގް ޑިމޮކްރެޓްސްގެ ނައިބު ލީޑަރު ވެސް ހިމެނެ އެވެ.

އެހެންނަމަވެސް ޑިސެމްބަރު 2، 2023، ގައި ބޭއްވި ޑިމޮކްރެޓްސްގެ އެތެރޭގެ އިންތިހާބުގައި އިންތިހާބު އިންތިޒާމް ކުރުމުގައި ހަރަކާތްތެރިވި ބޭފުޅުންނަށް ހެދިފައިވާ ގޯހަކުން ބައެއް ފޮށިތަކަށް ވޯޓު ލާން ޖެހޭ މިންވަރަށް ވުރެ ގިނައިން ވޯޓުކަރުދާސް ދޫކުރެވިފައި ޔޫތު ވިންގުގެ އިންތިހާބުގެ ނަތީޖާ ބާތިލުކުރީ އެވެ.

މިހާތަނަށް އައިއިރު އެ އިންތިހާބު ބާއްވާފައި ނުވާއިރު، އެ އިންތިހާބު ބާއްވާނެ ތާރީހެއް ވެސް އަދި ނުބުނެ އެވެ. އެހެންކަމުން، ޕާޓީގެ ރައީސް އުފައްދާ ކައުންސިލްގައި މި ދެ މަގާމަށް މީހަކު އައްޔަންކުރުމަށް އަލުން އިންތިހާބު ބާއްވަންދެން މި ދެ މަގާމު އޮންނާނީ ހުހަށެވެ.

މިކަމާ ނުރުހުން ފާޅުކޮށް، ޕާޓީގެ ޒުވާނުންގެ ލީޑަރު ކަމަށް ވާދަ ކުރެއްވި ކެންޑިޑޭޓެއް ކަމަށް ޔޫސުފް ޝާހު އެކްސް ގައި ކުރި ޕޯސްޓެއްގައި ބުނީ އިންތިހާބު އަލުން ބާއްވާނެ ދުވަހަކަށް ވަރަށް ކެތް ކުރެވިއްޖެ ކަމަށާއި އެކަމާ ވަރަށް ޝަކުވާ ވެސް ކުރެވިއްޖެ ކަމަށެވެ.

ޔަންގް ޑެމްސްގެ ލީޑަރަކަށް ވާދަކުރި ޔޫސުފް ޝާހު ވަނީ ނަން އަނބުރާ ނަގާފަ އެވެ.

"ސިޔާސީ ޕާޓީއެއްގައި, ޒުވާނުން ބާރުވެރިކުރުމަކީ ކޮބައިކަން މާނަކޮށްދީ, ތަރުތީބު ކޮށްދޭން އިންނަ ގުނަވަނަކީ ޒުވާނުންގެ ބޮޑީ. އެ ޒުވާނުންނަށް އެކަން އޮޅިގެން ނުވާނެ. ޔަންގް ޑެމްސްއަކީ ޕާޓީ ރަޖިސްޓްރީ ކުރުމުގެވެސް މާކުރީ ހިންގައިގަތް ގުނަވަނެއް. މި ހުއްޓުމުން އަރައިގަންނަން ޖެހޭ," ޝާހު ބުނެފައިވެ އެވެ.

ޕާޓީގެ ޒުވާނުންގެ ހަރަކާތްތަކުގައި ބައިވެރިވި މެމްބަރުން ވެސް މިކަމާ މެދު ނުރުހުން ފާޅުކޮށްފައިވެ އެވެ.

"ދޭން ބުނި ރެކޮގްނިޝަން، އުފުލާލަ ދޭން ބުނި އުސް މިން، ބަދަލުކޮށްލަ ދޭން ބުނި ޒުވާނުންގެ މާދަމާ މިހާރު ހަދަމުން ދަނީ ޖޯކަކަށް. ޒުވާނުންނާ ނުލާ ޒުވާނުންގެ ޕާޓީ ދެމިނޯންނާނެ ވާހަކަ ހަމަ ބުނެލީ. އަހަރެމެން ބިނާކުރީ އަހަރެމެންނަށް ގެއެއް. އަހަރެމެން ހަދާފައިވާ ގެއިން މަޑުމަޑުން އަހަރެމެން ނެރެމުން މިދަނީ، މިއީ ޓާމިނޭޝަނަށް ފަހު ތިމާގެ މަސައްކަތުގެ ކްރެޑިޓް ގޯސް ވެރިއެއް ނެގުން ފަދަ ކަމެއް،" ޕާޓީގެ ޒުވާން މެމްބަރަކު އެކްސްގައި ލިޔެފައިވެ އެވެ.

"އިންތިހާބު އަލުން ބޭއްވުން ލަސް ވަމުންދާ މިންވަރަކަށް އަޅުގަނޑުމެންނަށް ބޮޑެތި ގެއްލުންތަކެއް ވޭ. ވޭތުވެދިޔަ މަސްތަކުގެ ތެރޭގައި ޑެމްސް އަށް އަޅުގަނޑުމެން ކުރި ބުރަ މަސައްކަތާއި ހިދުމަތްތައް ބަލައި ނުގަންނަކަން ހާމަވާ ކަމެއް،" ޕާޓީގެ އިތުރު ޒުވާން މެމްބަރަކު ލިޔެފައިވެ އެވެ.

ޑިމޮކްރެޓްސްގެ މަސައްކަތްތައް ރިޔާސީ އިންތިހާބާ ދިމާކޮށް ފެށިއިރު ޕާޓީގެ މަސައްކަތްތަކުގައި ޒުވާނުންނަށް ވަރަށް ބޮޑަށް ފުރުސަތު ދީފައިވެ އެވެ. އަދި ޕާޓީއަކީ ޒުވާނުންގެ ޕާޓީއެއްކަމަށް ޕާޓީންނާއި ޕާޓީގެ މެމްބަރުން ވަރަށް ބޮޑަށް އެވާހަކަ ދައްކާފައިވެ އެވެ.

"ޒުވާން ޖީލެއްގެ ހަގީގީ ބޭނުންތަކާއި އުންމީދުތައް ދެނެގަނެވޭ، ނުވަތަ ކުރިއަރާފައިވާ އަދި ކުރިއަށް ވިސްނާ ޒުވާން ޖީލެއް ބިނާކުރުމުގެ ތަސައްވުރެއް އޮތް ބަޔަކަށް ޒުވާނުން ހެދުމަށާއި، މި ޕާޓީގެ ލީޑަރޝިޕްގެ މަގާމުތަކާއި، ހުރިހާ ކޮމިޓީތަކަކާއި، އިންތިހާބީ މަގާމުތަކުގައި ޒުވާނުން ތަމްސީލުވާނޭހެން، ޕާޓީގެ ހުރިހާ ފެންވަރެއްގައި ޒުވާނުންނަށް ޖާގަދިނުމަށް" ޕާޓީގެ އަސާސީ ގަވާއިދުގައި ޔަންގް ޑެމްސްއާ ގުޅޭގޮތުން ލިޔެފައިވެ އެވެ.

އެތައް މައްސަލައެއް ފެންމަތިވި އަދި ޕާޓީގެ މެމްބަރުންގެ ފާޑު ކިޔުން ވެސް އަމާޒުވި، ޑިމޮކްރެޓްސްގެ އެތެރޭގެ އިންތިހާބުގެ ނަތީޖާ ހާމަ ކުރީ ވެސް ވޯޓުލައި ނިމުނުތާ އެއް ދުވަސް ފަހުންނެވެ. އެކަމުގެ ސަބަބުން ޕާޓީގެ އާންމު މެމްބަރުން ވެސް ނުރުހުން ފާޅު ކޮށްފައިވެ އެވެ.

ޔަންގް ޑެމްސް އިންތިހާބުގެ ނަތީޖާގެ އިތުރުން 13 ރަށެއްގެ ނަތީޖާ އާއި ނ. އަތޮޅުގެ ނަތީޖާ ވެސް އެ ޕާޓީން ބާތިލު ކުރި އެވެ. އެހެންނަމަވެސް މިއިން އެއްވެސް ދާއިރާއެއްގެ އިންތިހާބެއް އަލުން ބާއްވާނެ ތާރީހެއް އެ ޕާޓީން ހާމަކޮށްފައެއް ނުވެ އެވެ.

ކޮމެންޓް

ފަހުގެ ޚަބަރު

ދިރާގު ރޯޑް ރޭސް 5،500އަށްވުރެ ގިނަ ދުވުންތެރިންނާއެކު ބާއްވައިފި

ދިރާގު މޯލްޑިވްސް ރޯޑް ރޭހުގެ 17 ވަނަ އެޑިޝަން 5،500 އަށްވުރެ ގިނަ ދުވުންތެރިންނާއެކު ހުޅުމާލެ ސެންޓްރަލް ޕާކުގައި ވަނީ ބާއްވާފައެވެ. މި ދުވުމުގެ ލައިވް އަޕްޑޭޓްތަކާއި، ނަތީޖާ އަދި ދުވުންތެރިންގެ ރޭންކިންގ ބަލައިލުމުގެ ފުރުސަތު ދިރާގުން ވަނީ ޚާއްޞަ މޮބައިލް އެޕްލިކޭޝަނެއް މެދުވެރިކޮށް ފަހިކޮށްދީފައެވެ.

ޕީއެންސީގެ މެންބަރުންގެ އަދަދު ލައްކައަކަށްވުރެ ދަށަށް

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އެރިތާ 24 ގަޑިއިރު ނުވަނީސް، އަލުން އެ އަދަދު ލައްކައަކަށް ވުރެ ދަށަށް ގޮސްފިއެވެ. އިދިކޮޅު ފަރާތްތަކުން ތުހުމަތުކުރާ ގޮތުގައި މި އަދަދު ހަމަކުރުމަށްޓަކައި ވަޒީފާގެ ބިރުދެއްކުމާއި ރިޝްވަތުގެ ގޮތުގައި ފައިސާ ބޭނުންކޮށްފައިވެއެވެ. އީސީގެ ތަފާސްހިސާބުތަކުން ދައްކާގޮތުގައި އެ ޕާޓީގެ މެންބަރުންގެ އަދަދު މިހާރު ވަނީ 99,930 އަށް ތިރިވެފައެވެ.

ރަސްމާލޭގެ ޑީލުގައި ސޮއިނުކުރަން އެދި އަލައްބާރަށް ސިޓީއެއް

ރަސްމާލެ މަޝްރޫއުގެ މިހާރުގެ ޝަރުތުތަކާއި ގާނޫނުއަސާސީއާ ފުށުއެރުންތަކެއް ހުރި ކަމަށާއި، އެކަމުގައި އެކަށީގެންވާ ގޮތެއްގައި ރައްޔިތުންގެ ހިޔާލު ހޯދާފައި ނުވާތީ، ދެން އަންނަ ސަރުކާރަކުން ވެސް މި މަޝްރޫއުގެ އެއްބަސްވުން އަލުން މުރާޖައާކުރުމަށް ނުވަތަ އެއްކޮށް ބާތިލުކުރުމުގެ ފުރުސަތު އޮތް ކަމަށް އެ ސިޓީގައި ބުނެފައިވޭ.

"ރަސްމާލެ މައްސަލައިގައި މުއިއްޒު ވަނީ އަނގަވަތަށް ވެއްޓިފައި"

ރަސްމާލެ މަޝްރޫއަކީ ރާއްޖޭގެ ސިޔާދަތަށް އުނިކަންލިބޭ، ބޭރުގެ ފަރާތްތަކަށް ބިން ދިނުމަށް ހިންގާ ހީލަތްތެރި ރޭވުމެއް ކަމަށް ވިދާޅުވެ ކުރީގެ ރައީސް ޔާމީން ސަރުކާރަށް ވަރަށް ބޮޑަށް ފާޑުވިދާޅުވެއްޖެއެވެ. މި މަޝްރޫއުގެ ސަބަބުން ރައީސް މުއިއްޒު ރައްޔިތުންގެ ކުރިމަތީގައި ބޭޒާރުވެފައިވާ ކަމަށާއި، މި ސަރުކާރަށް ދެވަނަ ދައުރެއް ރައްޔިތުން ނުދޭނެ ކަމަށް ޔާމީން ވިދާޅުވިއެވެ.

ރަސްމާލެ ދޫކޮށްލުމާ ދެކޮޅުވެރިކަމެއް ނެތްކަމުގެ އިޝާރާތެއް

ރަސްމާލެއިން ބައެއް ބޭރުގެ ކުންފުންޏަކަށް ދޫކޮށްލުމާ ދެކޮޅު ހަދަނީ މަދު ބަޔަކު ކަމަށާއި، ދިވެހިން އަބަދުވެސް އިސްކުރަނީ ގައުމީ ތަރައްގީކަން މުއިއްޒު ފާހަގަކުރެއްވި. މީގެކުރިންވެސް ރާއްޖެއަށް އައި ބޮޑެތި ބަދަލުތަކާ ބައެއް މީހުން ދެކޮޅު ހެދި ނަމަވެސް، ގިނަ ރައްޔިތުން ތާއީދުކުރީ ގައުމީ ކުރިއެރުމަށްކަން އެމަނިކުފާނު ބަޔާންކޮށްދެއްވި.

ހުލާސާކޮށް އިއްޔެ: ސިޔާސީ ޕާޓީތަކުގެ ދަފްތަރަށް އައި ބޮޑު ބަދަލު

ޕީއެންސީގެ މެންބަރުންގެ އަދަދު އެއްލައްކައަށް އެރުމާއެކު، ޖުމްހޫރީ ޕާޓީ އާއި އަދާލަތު ޕާޓީ ފަދަ ދުވަސްވީ ޕާޓީތަކުން ގިނަ އަދަދެއްގެ މެންބަރުންނާއި އިސް ބޭފުޅުން ވަނީ ވަކިވެފައެވެ. މީގެ އިތުރުން، ރަސްމީ ޖަލްސާތަކުގެ ޕްރޮޓޮކޯލަށް ބަދަލުތަކެއް ގެނެސްފައިވާއިރު، ރަސްމާލެ މަޝްރޫއާ ގުޅޭގޮތުން އިލްމުވެރިންނާއި ސިޔާސީ ފަރާތްތަކުގެ މެދުގައި ވަނީ ޚިޔާލުތަފާތުވުންތަކެއް އުފެދިފައެވެ.

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

Newsletter

Get the latest news delivered straight to your inbox