ގާޒާއިން މަރުވާ އާންމުންގެ އަދަދު "މާބޮޑަށް މަތި" ކަމަށް އެމެރިކާއިން ބުނެފި

ގާޒާއިން މަރުވާ އާންމުންގެ އަދަދު "މާބޮޑަށް މަތި" ކަމަށް އެމެރިކާއިން ބުނެފި

ގާޒާގައި މަރުވާ އާންމުންގެ އަދަދު "މާބޮޑަށް މަތި" ކަމަށް އެމެރިކާއިން ބުނެފި އެވެ.

ގުދުސްގައި އިއްޔެ އޮތް ނޫސްވެރިންގެ ބައްދަލުވުމެއްގައި ވާހަކަދައްކަވަމުން އެމެރިކާގެ ސެކްރެޓަރީ އޮފް ސްޓޭޓް، އެންތަނީ ބްލިންކެން ވިދާޅުވީ ގާޒާ ހަނގުރާމައިގައި މަރުވާ މީހުންގެ ތެރޭގައި ކުޑަކުދިންގެ އަދަދު އާދަޔާ ހިލާފަށް އިތުރު ކަމަށެވެ. އަދި ގާޒާއަށް ބޭނުންވާ އެހީ މިހާރަށްވުރެ ފުރިހަމައަށް ފޯރުކޮށްދިނުމަށް ބްލިންކެން ގޮވާލެއްވި އެވެ.

ނަމަވެސް އޭނާ ވަނީ އެމެރިކާ އަދިވެސް އޮތީ އޮކްޓޫބަރު 7، ދެވަނަ ފަހަރަށް ތަކުރާރު ނުވާނެ ގޮތެއް ހޯދުމަށް އިޒްރޭލުން ކުރަމުން އަންނަ މަސައްކަތުގައި އެއްބާރުލުން ދޭގޮތަށް ކަމަށާއި ހަނގުރާމަ މެދުއިރުމައްޗަށް އިތުރަށް ފެތުރިގެން ދިޔަ ނުދިނުމަށް މަސައްކަތް ކުރައްވަމުން ގެންދަވާ ކަމަށް ވިދާޅުވާ ވާހަކަ ތަކުރާރު ކުރައްވައިފަ އެވެ.

Advertisement

ބްލިންކެން ވިދާޅުވީ ގާޒާގެ ރައްޔިތުންނަށް އެހީ ފޯރުކޮށްދެވޭކަން އިޒްރޭލުން ކަށަވަރު ކޮށްފައިވާ ކަމަށެވެ. ގާޒާއަށް އެހީ ފޯތުރުކޮށްދިނުން އިތުރު ކުރުމަށް ކަރިމް ޝެލޮމް ބޯޑަރު ހުޅުވައިލުން އޭނާ ފާހަގަ ކުރެއްވި އެވެ.

ހަނގުރާމަ ފެށުނުފަހުން މެދުއިރުމައްޗަށް ކުރައްވާ ހަތަރު ވަނަ ދަތުރުގައި މިހާރު އުޅުއްވާ ބްލިންކެން ވަނީ އިޒްރޭލަށް ވަޑައިގަތުމުގެ ކުރިން ތުރުކީއާއި ގްރީސްއާއި އުރުދުންގެ އިތުރުން ސައުދީއަރަބިއްޔާއާއި މިސްރު އަދި ގަތަރާއި ޔޫއޭއީއަށް ދަތުރު ކުރައްވައިފަ އެވެ.

ބްލިންކެންގެ ދަތުރުގައި ހަމައެކަނި ރާމަﷲއަށާއި ގުދުސްއަށް ދަތުރު ކުރެއްވުމުން ހަމާސްއިން ވަނީ އެކަމަށް ފާޑުކިޔައިފަ އެވެ. ހަމާސްއިން ބުނެފައި ވަނީ ބްލިންކެންގެ ދަތުރަކީ އިޒްރޭލަށް ތާއީދުކޮށް ވާގިވެރިވުމުގެ ގޮތުން ކުރެއްވި ދަތުރެއް ކަމަށެވެ.

މެދުއިރުމައްޗަށް ބްލިންކެން އަނެއްކާ ވެސް ދަތުރެެއް ކުރައްވާފައި މިވަނީ ފަލަސްތީނު ހަނގުރާމައިގެ ހޫނު މުޅި މެދުއިރުމައްޗަށް ފެތުރިފައިވާ ދަނޑުވަޅެއްގަ އެވެ. 17 އަހަރުފަހުން އިޒްރޭލުން ލުބުނާނުގެ ވެރިރަށަށް ހަމަލާއެއްގައި ހަމާސްގެ ޑެޕިއުޓީ ލީޑަރު ޝަހީދުކޮށްލުމާ ގުޅިގެން ލުބުނާނުގައި ހަރަކާތްތެރިވާ ހިޒްބުﷲ ޖަމާއަތާ އިޒްރޭލާ ދެމެދު ބަދަލު ކުރާ ހަމަލާތައް ވަނީ އިތުރުވެފަ އެވެ.

ކޮމެންޓް

ފަހުގެ ޚަބަރު

ސްޕޭސްއެކްސްއަށް ފަންޑިން ހުއްޓުވުމުގެ އިންޒާރު

ޔޫކްރެއިންގައި ބޭނުންކުރާ ސްޓާޝީލްޑްގެ ޚިދުމަތަށް ބަދަލުތަކެއް އައި މައްސަލައިގައި، ސްޕޭސްއެކްސްއަށް ދޭ ފަންޑިން ހުއްޓާލާނެ ކަމުގެ އިންޒާރު އެމެރިކާގެ ކޮންގްރެސް މެންބަރު ޖިމް ހައިމްސް ދެއްވައިފިއެވެ. އޭނާ އެދިވަޑައިގަންނަވަނީ މި ބަދަލުތަކަކީ ކުންފުނިން އަމިއްލައަށް ނިންމި ނިންމުމެއްތޯ ނުވަތަ ސަރުކާރުގެ އެންގުމަކަށް ކުރި ކަމެއްތޯ ސާފުކޮށްދިނުމަށެވެ. ސަރުކާރުގެ ފުރިހަމަ ކޮންޓްރޯލް ނެތް ނިޒާމުތަކަށް ފައިސާ ދޫނުކުރާނެ ކަމަށް ވިދާޅުވެ، މިކަމާ ގުޅޭގޮތުން އީލޮން މަސްކާ ބައްދަލުކުރުމަށްވެސް ހައިމްސް ވަނީ އެދިވަޑައިގެންފައެވެ.

ރަޝިޔާ އާއެކު މަޝްވަރާއަށް ތައްޔާރު: ޔޫރަޕުގެ ލީޑަރުން

ޔޫކްރެއިން ހަނގުރާމަ ހުއްޓާލުމަށް ރަޝިޔާއާއެކު މަޝްވަރާކުރުމަށް ތައްޔާރަށް ތިބިކަން ޔޫރަޕުގެ ލީޑަރުން ހާމަކޮށްފައިވާއިރު، މި މަޝްވަރާތަކުގައި ވިލާތުގެ ބައިވެރިވުން ހިމެނުމަށް އެމެރިކާއިން ދަނީ ބާރުއަޅަމުންނެވެ. ރަޝިޔާގެ ރައީސް ޕޫޓިން ވަނީ ވިލާތުގެ ގައުމުތަކުގެ ސިޔާސަތުތައް ސާފުކުރުމަށްޓަކައި މޮސްކޯއަށް ޒިޔާރަތްކުރުމަށް އެ ގައުމުތަކަށް ދައުވަތު ދެއްވާފައެވެ.

އެންތްރޮޕިކް 1.76 ޓްރިލިއަން ޑޮލަރުގެ ކުންފުންޏަކަށް

އޭއައި ކުންފުނި އެންތްރޮޕިކް ހިއްސާގެ ބާޒާރަށް ނުކުތުމާއެކު، އެ ކުންފުނީގެ އަގު 1.76 ޓްރިލިއަން ޑޮލަރަށް އަރައި ދުނިޔޭގެ އެންމެ އަގުބޮޑު ކުންފުނިތަކުގެ ތެރޭގައި ހިމެނިއްޖެއެވެ. ހިއްސާގެ އަގަށް އައި ކުރިއެރުމާއެކު އޭއައި ދާއިރާއަށް އޮތް ބޮޑު ޝައުގުވެރިކަން ހާމަވީ ނަމަވެސް، މިއީ އިގްތިސާދީ "ބަބުލް" އެއްގެ ގޮތުގައި ބައެއް މާހިރުން ސިފަކުރެއެވެ. ކްލޯޑް ޗެޓްބޮޓް އުފެއްދި މި ކުންފުނިން އެންމެ ބޮޑު އިސްކަމެއް ދެނީ އޭއައިގެ ރައްކާތެރިކަމަށެވެ.

ވެން ގޯގެ ކުރެހުމެއް 190 މިލިއަން ޑޮލަރަށް ވިއްކާލައިފި

ވިންސެންޓް ވެން ގޯގެ "ޗެސްޓްނަޓް ޓްރީޒް އިން ބްލޮސަމް" ކުރެހުން 190.4 މިލިއަން ޑޮލަރަށް ވިއްކާލައި، ދުނިޔޭގެ އާ ރެކޯޑެއް ގާއިމުކޮށްފިއެވެ. މި ކުރެހުން ނީލަމުގައި ވިއްކާލާފައިވަނީ، ނާޒީންގެ ދުވަސްވަރު މަޖުބޫރުވެގެން މި ކުރެހުން ވިއްކާލަން ޖެހުނު އާއިލާއާއި މިހާރުގެ މިލްކުވެރިންގެ މެދުގައި އުފެދުނު ގާނޫނީ މައްސަލައަށް ހައްލެއް ހޯދުމަށްފަހުގައެވެ.

ރޮހިންޔާ ގަތުލުއާންމުގައި މިޔަންމާ ކުށްވެރިވެއްޖެ

މި މައްސަލައިގައި ދަ ގެމްބިއާއަށް ތާއީދުކޮށް، ރާއްޖެއިން ވަނީ ބައިނަލްއަގުވާމީ ވަކީލުންނާއެކު ކޯޓުގައި މިޔަންމާއާ ދެކޮޅަށް ވަކާލާތުކޮށް އިސް ދައުރެއް އަދާކޮށްފަ. ކޯޓުގެ ހުކުމުގައި މިޔަންމާ ކުށްވެރިކޮށް، ގެއްލުމުގެ ބަދަލު ދިނުމުގެ ޕްރޮގްރާމެއް އެކުލަވާލުމަށް ވެސް ވަނީ އަމުރުކޮށްފަ.

ޕެޓިންސަން ހަތްވަނަ ބޮންޑަށް ހޮވުމުގައި ބޭޒޯސްގެ ބޮޑު ދައުރެއް

އާ ޖޭމްސް ބޮންޑުގެ ރޯލަށް އެކްޓަރު ރޮބަޓް ޕެޓިންސަން ހަމަޖެއްސުމުގައި އެމެޒޯންގެ ޗެއާމަން ޖެފް ބޭޒޯސް މުހިންމު ދައުރެއް އަދާކޮށްފައިވާކަން އޭނާ ހާމަކުރައްވައިފިއެވެ. ޑެނިއަލް ކްރެއިގްގެ ފަހުން ހަތްވަނަ ބޮންޑުގެ ގޮތުގައި ޕެޓިންސަން ފެނިގެންދާ 26 ވަނަ ފިލްމު، ޑެނިސް ވިލެނޫވްގެ ޑައިރެކްޝަނުގެ ދަށުން 2028 ވަނަ އަހަރު ރިލީޒްކުރުމަށް ވަނީ ތާވަލުކޮށްފައެވެ.

އެންތްރޮޕިކް އުފެއްދި 7 ބާނީން ބިލިއަނަރުންގެ ލިސްޓަށް

އޯޕަން އޭއައި އިން ވަކިވި ހަތް މީހަކު 2021 ވަނަ އަހަރު އުފެއްދި އެންތްރޮޕިކް ކުންފުނި ހިއްސާގެ ބާޒާރަށް ނެރުމާއެކު، އެ ކުންފުނީގެ ބާނީން ބިލިއަނަރުންގެ ލިސްޓަށް އެރުމަށް ވަނީ ތައްޔާރުވެފައެވެ. އޭއައިގެ ރައްކާތެރިކަމަށް އިސްކަންދޭ މި ޒުވާން ޓީމުގެ ކުންފުނިން އުފެއްދި "ކްލޯޑް" އާއެކު، އެންތްރޮޕިކް މިހާރު ވަނީ ޓެކްނޮލޮޖީގެ ދާއިރާގެ ބޮޑު ބާރަކަށް ބަދަލުވެފައެވެ.

Newsletter

Get the latest news delivered straight to your inbox