އެމްޑީޕީން ބުނީ މެންބަރުންނަށް ރިޝްވަތުގެ ހުށަހެޅުން ލިބުނުކަން އެނގުނު ނަމަވެސް އޭސީސީއަށް ނުދާނެ ކަމަށް

މިއަދު ބޭއްވި އެމްޑީޕީ ޕީޖީގެ ނޫސްވެރިންގެ ބައްދަލުވުނުގައި އަނދުން ހުސެއިން އަދި ނިޔާ -- ފޮޓޯ: ޝަހުޒާން/ އަދަދު

މިއަދު ބޭއްވި އެމްޑީޕީ ޕީޖީގެ ނޫސްވެރިންގެ ބައްދަލުވުނުގައި އަނދުން ހުސެއިން އަދި ނިޔާ -- ފޮޓޯ: ޝަހުޒާން/ އަދަދު

އެމްޑީޕީއަށް ނިސްބަތްވާ 12 މަޖިލިސް މެންބަރުން އެ ޕާޓީން ވަކިވެ, ޕީއެންސީއާ ގުޅުނީ ހުށަހެޅުންތަކެއް ލިބިގެންކަން އެނގޭ ކަމަށާއި ނަމަވެސް އެ މެންބަރުންގެ މައްސަލަ އެންޓި ކޮރަޕްޝަން ކޮމިޝަން (އޭސީސީ) އަށް ހުށަހެޅުމުގެ ވިސްނުން ނުގެންގުޅޭ ކަމަށް އެ ޕާޓީން ޕާލިމަންޓްރީ ގްރޫޕުން ބުނެފި އެވެ.

އެމްޑީޕީ ޕީޖީން މިއަދު ބޭއްވި ނޫސްވެރިންގެ ބައްދަލުވުމުގައި ޕީޖީ ގްރޫޕުގެ ނައިބު އަދި ހެންވޭރު ދެކުނު ދާއިރާގެ މެމްބަރު ހުސައިން ޝަހީމް (އަނދުން ހުސައިން) ވިދާޅުވީ ގިނަ އަހަރުތަކެއް ވަންދެން އެކުގައި މަސައްކަތް ކުރި މެންބަރުންތަކެއް ޕާޓީން ވަކިވި ނަމަވެސް, އެ މެންބަރުންނާ އޮތް ގުޅުން ވަކިނުވާ ކަމަށެވެ.

"އެބަހުރި އެ ބޭފުޅުންނަށް އައި ހުށަހެޅުންތަކާއި, ވީ ބައެއް ކަންކަމާއި, ލިބޭނެ ސިޔާސީ ވަޒީފާތަކުގެ އަދަދުތަކާ އެކަހަލަ ވާހަކަތައް ދައްކާފައި. އެހެންވީމަ މިވަގުތުގެ ހާލަތު ހުރި ގޮތުން ދާންޖެހިގެން ދިޔަ ކަމަށް،" އަނދުން ހުސެއިން ވިދާޅުވި އެވެ.

މިއަދުގެ ނޫސްވެރިންގެ ބައްދަލުވުމުގައި އަނދުން ހުސެއިން މިހެން ވިދާޅުވެފައިވާއިރު, އޭނާ ވަނީ މީގެ ކުރިން ވެސް, މަޖިލިސް މެންބަރުން ޕީއެންސީއަށް ގެންދަން ރިޝްވަތު ހުށަހަޅަމުންދާ ކަމުގެ ތުހުމަތު ކުރައްވާފަ އެވެ.

މެންބަރުންނަށް ރިޝްވަތު ހުށަހަޅާ ކަމަށް ތުހުމަތު ވާއިރު, އެ މައްސަލަތައް އެންޓި ކޮރަޕްޝަން ކޮމިޝަނަށް ހުށަހަޅާނެތޯ ސުވާލު ކުރުމުން ހުޅުމާލެ ދާއިރާގެ މެންބަރު އަލީ ނިޔާޒް ވިދާޅުވީ, އެފަދަ މަޝްވަރާއެއްް ޕީޖީ ގްރޫޕުން ކޮށްފައި ނުވާ ކަމަށެވެ.

"އެންޓި-ކޮރަޕްޝަނަށް ދިއުމާ މިކަންކަމުގެ ވާހަކައެއް އަޅުގަނޑުމެން ތެރޭގައެއް ނުދެކެވޭ. ދެން އަޅުގަނޑު ގަބޫލު ކުރާ ގޮތުގައި ޕީޖީ ގްރޫޕުން އިސް ނަގައިގެން ކުރާނެ ކަމެއް ނޫން އެއީކީ،" ނިޔާޒް ވިދާޅުވި އެވެ.

އޭނާ ވިދާޅުވި ގޮތުގައި އޭސީސީއަށް ދިޔުމުގެ މަޝްވަރާ ނުކުރަނީ މެންބަރު ނިސްބަތްވާ ދާއިރާގެ ރައްޔިތުންނަށް އިހްތިރާމް ކުރުމުގެ ގޮތުންނެވެ. އެހެންކަމުން, އޭސީސީއަށް ގޮސް މެންބަރުގެ ގޮނޑި ގެއްލުވާލުމުގެ ބަދަލުގައި ވޯޓުދީ, މެންބަރު މަޖިލީހަށް ހޮވި ދާއިރާގެ ރައްޔިތުންނަށް ފަސް އަހަރު ދުވަހުގެ ތެރޭގައި އިހްތިރާމް ކުރަން ޖެހެ އެވެ.

ރައްޔިތުންގެ މަޖިލީހުގެ އިންތިހާބު ގާތްވެފައި އޮތްކަން ފާހަގަކުރައްވާ ނިޔާޒް ވިދާޅުވީ, މެންބަރުންނާ މެދު ކަންތައް ކުރަންވާ ގޮތް ވިސްނަންވާނީ ދާއިރާގެ ރައްޔިތުން ކަމަށެވެ.

ކޮމެންޓް

ފަހުގެ ޚަބަރު

ދިރާގު ރޯޑް ރޭސް 5،500އަށްވުރެ ގިނަ ދުވުންތެރިންނާއެކު ބާއްވައިފި

ދިރާގު މޯލްޑިވްސް ރޯޑް ރޭހުގެ 17 ވަނަ އެޑިޝަން 5،500 އަށްވުރެ ގިނަ ދުވުންތެރިންނާއެކު ހުޅުމާލެ ސެންޓްރަލް ޕާކުގައި ވަނީ ބާއްވާފައެވެ. މި ދުވުމުގެ ލައިވް އަޕްޑޭޓްތަކާއި، ނަތީޖާ އަދި ދުވުންތެރިންގެ ރޭންކިންގ ބަލައިލުމުގެ ފުރުސަތު ދިރާގުން ވަނީ ޚާއްޞަ މޮބައިލް އެޕްލިކޭޝަނެއް މެދުވެރިކޮށް ފަހިކޮށްދީފައެވެ.

ޕީއެންސީގެ މެންބަރުންގެ އަދަދު ލައްކައަކަށްވުރެ ދަށަށް

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އެރިތާ 24 ގަޑިއިރު ނުވަނީސް، އަލުން އެ އަދަދު ލައްކައަކަށް ވުރެ ދަށަށް ގޮސްފިއެވެ. އިދިކޮޅު ފަރާތްތަކުން ތުހުމަތުކުރާ ގޮތުގައި މި އަދަދު ހަމަކުރުމަށްޓަކައި ވަޒީފާގެ ބިރުދެއްކުމާއި ރިޝްވަތުގެ ގޮތުގައި ފައިސާ ބޭނުންކޮށްފައިވެއެވެ. އީސީގެ ތަފާސްހިސާބުތަކުން ދައްކާގޮތުގައި އެ ޕާޓީގެ މެންބަރުންގެ އަދަދު މިހާރު ވަނީ 99,930 އަށް ތިރިވެފައެވެ.

ރަސްމާލޭގެ ޑީލުގައި ސޮއިނުކުރަން އެދި އަލައްބާރަށް ސިޓީއެއް

ރަސްމާލެ މަޝްރޫއުގެ މިހާރުގެ ޝަރުތުތަކާއި ގާނޫނުއަސާސީއާ ފުށުއެރުންތަކެއް ހުރި ކަމަށާއި، އެކަމުގައި އެކަށީގެންވާ ގޮތެއްގައި ރައްޔިތުންގެ ހިޔާލު ހޯދާފައި ނުވާތީ، ދެން އަންނަ ސަރުކާރަކުން ވެސް މި މަޝްރޫއުގެ އެއްބަސްވުން އަލުން މުރާޖައާކުރުމަށް ނުވަތަ އެއްކޮށް ބާތިލުކުރުމުގެ ފުރުސަތު އޮތް ކަމަށް އެ ސިޓީގައި ބުނެފައިވޭ.

"ރަސްމާލެ މައްސަލައިގައި މުއިއްޒު ވަނީ އަނގަވަތަށް ވެއްޓިފައި"

ރަސްމާލެ މަޝްރޫއަކީ ރާއްޖޭގެ ސިޔާދަތަށް އުނިކަންލިބޭ، ބޭރުގެ ފަރާތްތަކަށް ބިން ދިނުމަށް ހިންގާ ހީލަތްތެރި ރޭވުމެއް ކަމަށް ވިދާޅުވެ ކުރީގެ ރައީސް ޔާމީން ސަރުކާރަށް ވަރަށް ބޮޑަށް ފާޑުވިދާޅުވެއްޖެއެވެ. މި މަޝްރޫއުގެ ސަބަބުން ރައީސް މުއިއްޒު ރައްޔިތުންގެ ކުރިމަތީގައި ބޭޒާރުވެފައިވާ ކަމަށާއި، މި ސަރުކާރަށް ދެވަނަ ދައުރެއް ރައްޔިތުން ނުދޭނެ ކަމަށް ޔާމީން ވިދާޅުވިއެވެ.

ރަސްމާލެ ދޫކޮށްލުމާ ދެކޮޅުވެރިކަމެއް ނެތްކަމުގެ އިޝާރާތެއް

ރަސްމާލެއިން ބައެއް ބޭރުގެ ކުންފުންޏަކަށް ދޫކޮށްލުމާ ދެކޮޅު ހަދަނީ މަދު ބަޔަކު ކަމަށާއި، ދިވެހިން އަބަދުވެސް އިސްކުރަނީ ގައުމީ ތަރައްގީކަން މުއިއްޒު ފާހަގަކުރެއްވި. މީގެކުރިންވެސް ރާއްޖެއަށް އައި ބޮޑެތި ބަދަލުތަކާ ބައެއް މީހުން ދެކޮޅު ހެދި ނަމަވެސް، ގިނަ ރައްޔިތުން ތާއީދުކުރީ ގައުމީ ކުރިއެރުމަށްކަން އެމަނިކުފާނު ބަޔާންކޮށްދެއްވި.

ހުލާސާކޮށް އިއްޔެ: ސިޔާސީ ޕާޓީތަކުގެ ދަފްތަރަށް އައި ބޮޑު ބަދަލު

ޕީއެންސީގެ މެންބަރުންގެ އަދަދު އެއްލައްކައަށް އެރުމާއެކު، ޖުމްހޫރީ ޕާޓީ އާއި އަދާލަތު ޕާޓީ ފަދަ ދުވަސްވީ ޕާޓީތަކުން ގިނަ އަދަދެއްގެ މެންބަރުންނާއި އިސް ބޭފުޅުން ވަނީ ވަކިވެފައެވެ. މީގެ އިތުރުން، ރަސްމީ ޖަލްސާތަކުގެ ޕްރޮޓޮކޯލަށް ބަދަލުތަކެއް ގެނެސްފައިވާއިރު، ރަސްމާލެ މަޝްރޫއާ ގުޅޭގޮތުން އިލްމުވެރިންނާއި ސިޔާސީ ފަރާތްތަކުގެ މެދުގައި ވަނީ ޚިޔާލުތަފާތުވުންތަކެއް އުފެދިފައެވެ.

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

Newsletter

Get the latest news delivered straight to your inbox