ތިނަދޫ ކައުންސިލަށް ސިޓީގެ ހައިސިއްޔަތު ނުލިބޭ ކަމަށް ގާނޫނީ ލަފާ، ކޮމިޓީން ނިންމީ ގާނޫނު ބަދަލު ކުރަން

މަޖިލީހުގެ ކައުންސިލަ ޖެނެރަލް ފާތިމަތު ފިލްޒާ: ތިނަދޫގެ މިހާރުގެ ކައުންސިލަށް ސިޓީގެ ހައިސިއްޔަތު ނުލިބޭ ކަމަށް ގާނޫނީ ލަފާ ދެއްވައިފި - ފޮޓޯ: މަޖިލީސް

މަޖިލީހުގެ ކައުންސިލަ ޖެނެރަލް ފާތިމަތު ފިލްޒާ: ތިނަދޫގެ މިހާރުގެ ކައުންސިލަށް ސިޓީގެ ހައިސިއްޔަތު ނުލިބޭ ކަމަށް ގާނޫނީ ލަފާ ދެއްވައިފި - ފޮޓޯ: މަޖިލީސް

ރަށު ކައުންސިލުގެ ދައުރުގެ މެދު ތެރެއިން، ސިޓީއެއްގެ ދަރަޖަ ދީފައިވާ ގދ. ތިނަދޫގެ މިހާރުގެ ކައުންސިލަށް ސިޓީ ކައުންސިލެއްގެ ހައިސިއްޔަތު ގާނޫނު އޮތް ގޮތުން ނުދެވޭނެ ކަމަށް ރައްޔިތުންގެ މަޖިލީހުގެ ކައުންސިލަ ޖެނެރަލް ގާނޫނީ ލަފައެއް މަޖިލީހުގެ ލާމަރުކަޒީ ކޮމިޓީއަށް އަރުވައިފި އެވެ.

ތިނަދޫގައި މިހާރު އޮތް ކައުންސިލަށް ސިޓީ ކައުންސިލަކަށް ލިބިދޭ ބާރުތަކާއި އެ ހައިސިއްޔަތު ވަގުތުން ލިބުމަށް ހުރި އިދާރީ އަދި ގާނޫނީ ގޮންޖެހުންތައް ހައްލު ކޮށްދިނުމަށް އެދި އެ ރަށުގެ ކައުންސިލުން މަޖިލީހަށް ސިޓީއެއް ފޮނުވި އެވެ.

އެ މައްސަލާގައި މަޖިލީހުގެ ލާމަރުކަޒީ ކޮމިޓީން އިއްޔެ ނިންމީ ސިޓީ ކައުންސިލްގެ ހައިސިއްޔަތު ލިބިދޭ ކަމަށެވެ. ނަމަވެސް ކޮމިޓީގެ އެ ނިންމުން ރަނގަޅު ނޫން ކަން ފާހަގަކޮށް، މަޖިލީހުގެ ކަުންސިލަ ޖެނެރަލް ފާތިމަތު ފިލްޒާގެ ލިޔުމެއް ކޮމިޓީއަށް ފޮނުވާފައިވެ އެވެ.

Advertisement

މިއަދު ކޮމިޓީ ބައްދަލުވެ، ފިލްޒާގެ ގާނޫނީ ލަފައާ މެދު މަޝްވަރާކުރި އެވެ.

ފިލްޒާ ކޮމިޓީގައި ވިދާޅުވީ ލާމަރުކަޒީ ގާނޫނުގައި ބަޔާން ކުރަނީ ރަށު ކައުންސިލްގެ ދައުރުގެ މެދު ތެރެއިން ސިޓީއަކަށް އެ ރަށް ބަދަލުކޮށްފިނަމަ ސިޓީ ކައުންސިލްގެ މަސްއޫލިއްޔަތުތައް ވަގުތީ ގޮތުން ހިންގުމަށް ރަށު ކައުންސިލާ ހަވާލުކުރުމަށެވެ.

އެ އިންތިގާލީ މުއްދަތުގެ ތެރޭގައި ރަށު ކައުންސިލްގެ ރައީސް، ސިޓީ މޭޔަރަކަށް ބަދަލު ނުވާ ކަމަށް އަދި ރަށު ކައުންސިލަރުން ސިޓީ ކައުންސިލަރުންނަށް ބަދަލުވެގެންދާ ކަމަށް ގާނޫނުގެ މާއްދާތައް ކިޔުމުން ދޭހަނުވާ ކަމަށް ފިލްޒާ ތަކުރާރުކޮށް ވިދާޅުވި އެވެ.

"އެ ބޭފުޅުން އެ ތިއްބެވީ ރަށު ކައުންސިލްގެ މަގާމުގައި، އެ މަގާމަށް އިންތިހާބުކޮށްފައި، އެ މަގާމުގެ ހުވާ ކޮށްގެން، ރަށު ކައުންސިލްގެ ގޮތުގައި ދެމި އޮންނާނީ، ސިޓީ ކައުންސިލްގެ ހައިސިއްޔަތެއް ނުދެވޭނެ، އެކަމަކު ރައްޔިތުންނަށް ސިޓީއެއްގެ ހިދުމަތްތައް ދޭން ވަގުތީ ގޮތުން އެ މަސްއޫލިއްޔަތުތައް ދެނީ،" ފިލްޒާ ވިދާޅުވި އެވެ.

ނަމަވެސް, ވަގުތުން ސިޓީ ކައުންސިލްގެ ހައިސިއްޔަތާއި، މޭޔަރުގެ ބާރުތަކާ އެކު ސިޓީ ކައުންސިލް ހިންގަން މެންބަރުންނަށް ފެންނަ ނަމަ ގާނޫނަށް އިސްލާހެއް ގެންނަން ޖެހޭނެ ކަމަށް ފިލްޒާ ވިދާޅުވި އެވެ.

ފިލްޒާގެ ގާނޫނީ ލަފާ އެރުވުމުން، ނުރަސްމީކޮށް ކޮމިޓީގެ މެންބަރުން ގިނަ އިރުތަކެއް ވަން ދެން މަޝްވަރާކުރެއްވި އެވެ. ނުރަސްމީ މަޝްވަރާތަކަށް ވުމުން، ލައިވް ސްޓްރީމުން މެންބަރުންގެ އަޑު އެ ވަގުތު ނުލިބެ އެވެ.

އޭގެ ފަހުން ކޮމިޓީ ބައްދަލުވުން ނިންމާލައްވަމުން، ކޮމިޓީގެ މުގައްރިރު އަދި ހުޅުމާލެ ދާއިރާގެ މެންބަރު އަލީ ނިޔާޒު ވިދާޅުވީ ކޮމިޓީގެ މެންބަރުންގެ ވިސްނުން ހުރީ ގާނޫނަށް އިސްލާހު ގެނައުމަށް މަޖިލީހުގެ ތަޅުމަށް ފޮނުވުމަށެވެ. އެހެންކަމުން ކޮމިޓީ ރިޕޯޓަށް އެ އިސްލާހު ގެންނާނެ ކަމަށް މުގައްރިރު ވިދާޅުވި އެވެ.

titledesc

ތިނަދޫއަށް ސިޓީއެއްގެ ދަރަޖަ ދިނީ އޮގަސްޓް 31، ގަ އެވެ. އެ ނިންމުން ކުރީގެ ރައީސް އިބްރާހިމް މުހައްމަދު ސޯލިހު އިއުލާން ކުރެއްވީ އެމަނިކުފާނުގެ ރިޔާސީ ކެމްޕެއިންގެ ތެރެއިން ތިނަދޫއަށް ވަޑައިގެން ބޭއްވި ޖަލްސާއެއްގަ އެވެ.

ތިނަދޫއަށް ސިޓީއެއްގެ ދަރަޖަ ދިނުމަކީ މިހާރުގެ ރައީސް ޑރ. މުހައްމަދު މުއިއްޒުގެ ވެސް ރިޔާސީ ވައުދެކެވެ. މުއިއްޒު އެ ވައުދު ހުށަހަޅުއްވާފައިވަނިކޮށް، ކުރީގެ ސަރުކާރުން ތިނަދޫއަށް ސިޓީގެ ދަރަޖަ ދިނުމަށް ނިންމި ނިންމުމަށް އިހުތިރާމު ކުރާނެ ކަމަށް އާ ސަރުކާރުން ވެސް ވަނީ ބުނެފަ އެވެ.

ސިޓީއެއްގެ ދަރަޖަ ދެވެނީ، އެ ކަމަށް އެދި ހުށަހަޅާ ރަށް ނުވަތަ ރަށްތަކެއް ހިމެނޭ ސަރަހައްދުގައި މަދުވެގެން 10،000 މީހުންގެ އާބާދީއެއް އޮވެގެނެވެ.

ގދ. އަތޮޅު ވެރިކަންކުރާ ރަށް، ތިނަދޫއަށް ސިޓީގެ ދަރަޖަ ދިން ވަގުތު އެ ނިސްބަތަށް ރަޖިސްޓްރީ އާބާދީ އޮތް ކަމާ މެދު ވެސް ސުވާލުތަކެއް އުފެދިފައިވެ އެވެ. އެއީ އޭގެ އަހަރެއްހާ ދުވަސް ކުރިން، އެ ރަށު ކައުންސިލުން އެ ކަމަށް އެދި ހުށަހެޅި އިރު ރަޖިސްޓްރީ އާބާދީ އުޅުނީ 7،000 ގަ އެވެ.

ރައީސް ސޯލިހު ގދ. ތިނަދޫގައި ސިޓީއެއްގެ ދަރަޖަ ދެއްވި ކަން އިއުލާން ކުރެއްވި އިރު ވެސް ޑިޕާޓްމަންޓް އޮފް ނެޝަނަލް ރަޖިސްޓްރޭޝަން އިން ވެސް ދައްކަނީ ރަށުގެ ރަޖިސްޓްރީގައި ހިމެނެނީ 7،906 މީހުން ކަމަށެވެ.

ނަމަވެސް އޭގެ ފަހުން އިލެކްޝަންސް ކޮމިޝަން (އީސީ) އިން 20 ވަނަ ރައްޔިތުންގެ މަޖިލީހުގެ އިދާރީ ދާއިރާތައް ކަނޑައެޅުމަށް މި ފަހުން އެކުލަވާލި ރިޕޯޓުގައިވާ ގޮތުން ތިނަދޫގެ ރަޖިސްޓްރީ އާބާދީއަކީ 10،150 އެވެ. އެއީ އެ ރަށުގެ އުތުރު ދާއިރާއަށް 5،076 މީހުން އަދި ދެކުނު ދާއިރާއަށް 5،074 މީހުން ކަމަށެވެ.

ތިނަދޫއަކީ ރާއްޖޭގައި ކަނޑައެޅުނު ފަސްވަނަ ސިޓީ އެވެ. ތިނަދޫގެ އިތުރުން، ސިޓީއެއްގެ ދަރަޖަ ދީފައިވަނީ ވެރިކަންކުރާ މާލެ ސަރަހައްދަށާއި، އެންމެ ދެކުނުުގައިވާ އައްޑު އަތޮޅަށާއި، ފުވައްމުލައް އަދި ހދ. ކުޅުދުއްފުއްޓަށެވެ.

ކޮމެންޓް

ފަހުގެ ޚަބަރު

ދިރާގު ރޯޑް ރޭސް 5،500އަށްވުރެ ގިނަ ދުވުންތެރިންނާއެކު ބާއްވައިފި

ދިރާގު މޯލްޑިވްސް ރޯޑް ރޭހުގެ 17 ވަނަ އެޑިޝަން 5،500 އަށްވުރެ ގިނަ ދުވުންތެރިންނާއެކު ހުޅުމާލެ ސެންޓްރަލް ޕާކުގައި ވަނީ ބާއްވާފައެވެ. މި ދުވުމުގެ ލައިވް އަޕްޑޭޓްތަކާއި، ނަތީޖާ އަދި ދުވުންތެރިންގެ ރޭންކިންގ ބަލައިލުމުގެ ފުރުސަތު ދިރާގުން ވަނީ ޚާއްޞަ މޮބައިލް އެޕްލިކޭޝަނެއް މެދުވެރިކޮށް ފަހިކޮށްދީފައެވެ.

ޕީއެންސީގެ މެންބަރުންގެ އަދަދު ލައްކައަކަށްވުރެ ދަށަށް

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އެރިތާ 24 ގަޑިއިރު ނުވަނީސް، އަލުން އެ އަދަދު ލައްކައަކަށް ވުރެ ދަށަށް ގޮސްފިއެވެ. އިދިކޮޅު ފަރާތްތަކުން ތުހުމަތުކުރާ ގޮތުގައި މި އަދަދު ހަމަކުރުމަށްޓަކައި ވަޒީފާގެ ބިރުދެއްކުމާއި ރިޝްވަތުގެ ގޮތުގައި ފައިސާ ބޭނުންކޮށްފައިވެއެވެ. އީސީގެ ތަފާސްހިސާބުތަކުން ދައްކާގޮތުގައި އެ ޕާޓީގެ މެންބަރުންގެ އަދަދު މިހާރު ވަނީ 99,930 އަށް ތިރިވެފައެވެ.

ރަސްމާލޭގެ ޑީލުގައި ސޮއިނުކުރަން އެދި އަލައްބާރަށް ސިޓީއެއް

ރަސްމާލެ މަޝްރޫއުގެ މިހާރުގެ ޝަރުތުތަކާއި ގާނޫނުއަސާސީއާ ފުށުއެރުންތަކެއް ހުރި ކަމަށާއި، އެކަމުގައި އެކަށީގެންވާ ގޮތެއްގައި ރައްޔިތުންގެ ހިޔާލު ހޯދާފައި ނުވާތީ، ދެން އަންނަ ސަރުކާރަކުން ވެސް މި މަޝްރޫއުގެ އެއްބަސްވުން އަލުން މުރާޖައާކުރުމަށް ނުވަތަ އެއްކޮށް ބާތިލުކުރުމުގެ ފުރުސަތު އޮތް ކަމަށް އެ ސިޓީގައި ބުނެފައިވޭ.

"ރަސްމާލެ މައްސަލައިގައި މުއިއްޒު ވަނީ އަނގަވަތަށް ވެއްޓިފައި"

ރަސްމާލެ މަޝްރޫއަކީ ރާއްޖޭގެ ސިޔާދަތަށް އުނިކަންލިބޭ، ބޭރުގެ ފަރާތްތަކަށް ބިން ދިނުމަށް ހިންގާ ހީލަތްތެރި ރޭވުމެއް ކަމަށް ވިދާޅުވެ ކުރީގެ ރައީސް ޔާމީން ސަރުކާރަށް ވަރަށް ބޮޑަށް ފާޑުވިދާޅުވެއްޖެއެވެ. މި މަޝްރޫއުގެ ސަބަބުން ރައީސް މުއިއްޒު ރައްޔިތުންގެ ކުރިމަތީގައި ބޭޒާރުވެފައިވާ ކަމަށާއި، މި ސަރުކާރަށް ދެވަނަ ދައުރެއް ރައްޔިތުން ނުދޭނެ ކަމަށް ޔާމީން ވިދާޅުވިއެވެ.

ރަސްމާލެ ދޫކޮށްލުމާ ދެކޮޅުވެރިކަމެއް ނެތްކަމުގެ އިޝާރާތެއް

ރަސްމާލެއިން ބައެއް ބޭރުގެ ކުންފުންޏަކަށް ދޫކޮށްލުމާ ދެކޮޅު ހަދަނީ މަދު ބަޔަކު ކަމަށާއި، ދިވެހިން އަބަދުވެސް އިސްކުރަނީ ގައުމީ ތަރައްގީކަން މުއިއްޒު ފާހަގަކުރެއްވި. މީގެކުރިންވެސް ރާއްޖެއަށް އައި ބޮޑެތި ބަދަލުތަކާ ބައެއް މީހުން ދެކޮޅު ހެދި ނަމަވެސް، ގިނަ ރައްޔިތުން ތާއީދުކުރީ ގައުމީ ކުރިއެރުމަށްކަން އެމަނިކުފާނު ބަޔާންކޮށްދެއްވި.

ހުލާސާކޮށް އިއްޔެ: ސިޔާސީ ޕާޓީތަކުގެ ދަފްތަރަށް އައި ބޮޑު ބަދަލު

ޕީއެންސީގެ މެންބަރުންގެ އަދަދު އެއްލައްކައަށް އެރުމާއެކު، ޖުމްހޫރީ ޕާޓީ އާއި އަދާލަތު ޕާޓީ ފަދަ ދުވަސްވީ ޕާޓީތަކުން ގިނަ އަދަދެއްގެ މެންބަރުންނާއި އިސް ބޭފުޅުން ވަނީ ވަކިވެފައެވެ. މީގެ އިތުރުން، ރަސްމީ ޖަލްސާތަކުގެ ޕްރޮޓޮކޯލަށް ބަދަލުތަކެއް ގެނެސްފައިވާއިރު، ރަސްމާލެ މަޝްރޫއާ ގުޅޭގޮތުން އިލްމުވެރިންނާއި ސިޔާސީ ފަރާތްތަކުގެ މެދުގައި ވަނީ ޚިޔާލުތަފާތުވުންތަކެއް އުފެދިފައެވެ.

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

Newsletter

Get the latest news delivered straight to your inbox