ކޮލަމްބޯ ސެކިއުރިޓީ ކޮންކްލޭވްގައި ބައިވެރިނުވީ ކުރީ ސަރުކާރުގެ އިހުމާލުން، ގުޅުމަށް ހީނަރުކަމެއް ނާންނާނެ: ސަރުކާރު

2022 ގައި ރާއްޖޭގައި ބޭއްވި ކޮލަމްބޯ ސެކިއުރިޓީ ކޮންކްލޭވް ބައްދަލުވުމެއްގެ ތެރެއިން : މި ސަރުކާރުން ބުނަނީ ކޮލަމްބޯ ސެކިއުރިޓީ ކޮންކްލޭވްގައި ބައިވެރިނުވީ ކުރީ ސަރުކާރުގެ އިހުމާލުން، ގުޅުމަކަށް ހީނަރުކަމެއް ނާންނާނެ - ފޮޓޯ: ޑިފެންސް މިނިސްޓްރީ

2022 ގައި ރާއްޖޭގައި ބޭއްވި ކޮލަމްބޯ ސެކިއުރިޓީ ކޮންކްލޭވް ބައްދަލުވުމެއްގެ ތެރެއިން : މި ސަރުކާރުން ބުނަނީ ކޮލަމްބޯ ސެކިއުރިޓީ ކޮންކްލޭވްގައި ބައިވެރިނުވީ ކުރީ ސަރުކާރުގެ އިހުމާލުން، ގުޅުމަކަށް ހީނަރުކަމެއް ނާންނާނެ - ފޮޓޯ: ޑިފެންސް މިނިސްޓްރީ

މިދިޔަ ހަފުތާ ބޭއްވި މި އަހަރުގެ ކޮލަމްބޯ ސެކިއުރިޓީ ކޮންކްލޭވް (ސީއެސްސީ) ގައި ރާއްޖެއިން ބައިވެރިނުވީ ނިމިދިޔަ ސަރުކާރުގެ އިހުމާލުން ކަމަށާއި އެކަން އެގޮތަށް ހިނގި ނަމަވެސް އެ ކޮންކްލޭވްގައި ބައިވެރިވާ ގައުމުތަކާއެކު ރާއްޖެއިން ބާއްވާ ގުޅުން ހީނަރުނުވާނެ ކަމަށް ސަރުކާރުން ބުނެފި އެވެ.

ސީއެސްސީގައި ރާއްޖެއިން ބައިވެރިނުވި ސަބަބު ސާފުކުރަން މި ނޫހުން ސުވާލުކުރުމުން ރައީސް އޮފީހުގެ ކޮމިއުނިކޭޝަން މިނިސްޓަރު އިބްރާހިމް ހަލީލު ވިދާޅުވީ، އެކަން އެގޮތަށް ހިނގީ ކޮންކްލޭވްގައި ބައިވެރިވުމަށް ކުރީގެ ސަރުކާރުން ފުރިހަމަކުރަންޖެހޭ އިދާރީ ބައެއް ކަންކަން ފުރިހަމަ ކޮށްފައި ނެތުމުން ކަމަށެވެ.

"ބައްދަލުވުމުގައި މިފަހަރު ބައިވެރި ނުވުމަކުން މިގައުމުތަކުގެ މެދުގައި ކުރިއަށްދާ އެއްވެސް ކަމަކަށް އަދި ގުޅުމަކަށް ހީނަރުކަމެއް ނާންނާނެ،" ހަލީލު އިތުރަށް ވިދާޅުވި އެވެ.

މި އަހަރުގެ ސީއެސްސީ ކުރިއަށް ގެންދިޔައީ ޑިސެމްބަރު 7، ގައި މޮރިޝަސްގަ އެވެ. މިއީ އިންޑިއާ ކަނޑުގެ ސަލާމަތީ ކަންކަމާމެދު މަޝްވަރާކުރުމަށް 2011 ވަނަ އަހަރު އެކުލަވާލި އެ ކޮންކްލޭވްގެ ހަ ވަނަ ބައްދަލުވުމެވެ. އެ ބައްދަލުވުމުގައި އިންޑިއާ، ސްރީ ލަންކާ އަދި މޮރިޝަސްގެ ނޭޝަނަލް ސެކިއުރިޓީ އެޑްވައިޒަރުން ބައިވެރިވި އެވެ. އޭގެ އިތުރުން ސީޝެލްސް އަދި ބަންގްލަދޭޝްގެ ދިފާއީ އޮފިސަރުން ވެސް ބައްދަލުވުމުގައި ބައިވެރިވި އެވެ.

މިއީ ރާއްޖެއިން މި ކޮންކްލޭވްގައި ބައިވެރިނުވި ފުރަތަމަ ފަހަރެވެ. ނަމަވެސް ހަމަ އެ ހަފުތާ ނައިބު ރައީސް ހުސައިން މުހައްމަދު ލަތީފް ވަނީ "ޗައިނާ-އިންޑިއަން އޯޝަން ރީޖަން ފޯރަމް އޮން ޑިވެލޮޕްމަންޓް ކޯޕަރޭޝަން" ގައި ބައިވެރިވެވަޑައިގަތުމަށް ޗައިނާއަށް ވަޑައިގެންފަ އެވެ.

ކޮމެންޓް

ފަހުގެ ޚަބަރު

ދިރާގު ރޯޑް ރޭސް 5،500އަށްވުރެ ގިނަ ދުވުންތެރިންނާއެކު ބާއްވައިފި

ދިރާގު މޯލްޑިވްސް ރޯޑް ރޭހުގެ 17 ވަނަ އެޑިޝަން 5،500 އަށްވުރެ ގިނަ ދުވުންތެރިންނާއެކު ހުޅުމާލެ ސެންޓްރަލް ޕާކުގައި ވަނީ ބާއްވާފައެވެ. މި ދުވުމުގެ ލައިވް އަޕްޑޭޓްތަކާއި، ނަތީޖާ އަދި ދުވުންތެރިންގެ ރޭންކިންގ ބަލައިލުމުގެ ފުރުސަތު ދިރާގުން ވަނީ ޚާއްޞަ މޮބައިލް އެޕްލިކޭޝަނެއް މެދުވެރިކޮށް ފަހިކޮށްދީފައެވެ.

ޕީއެންސީގެ މެންބަރުންގެ އަދަދު ލައްކައަކަށްވުރެ ދަށަށް

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އެރިތާ 24 ގަޑިއިރު ނުވަނީސް، އަލުން އެ އަދަދު ލައްކައަކަށް ވުރެ ދަށަށް ގޮސްފިއެވެ. އިދިކޮޅު ފަރާތްތަކުން ތުހުމަތުކުރާ ގޮތުގައި މި އަދަދު ހަމަކުރުމަށްޓަކައި ވަޒީފާގެ ބިރުދެއްކުމާއި ރިޝްވަތުގެ ގޮތުގައި ފައިސާ ބޭނުންކޮށްފައިވެއެވެ. އީސީގެ ތަފާސްހިސާބުތަކުން ދައްކާގޮތުގައި އެ ޕާޓީގެ މެންބަރުންގެ އަދަދު މިހާރު ވަނީ 99,930 އަށް ތިރިވެފައެވެ.

ރަސްމާލޭގެ ޑީލުގައި ސޮއިނުކުރަން އެދި އަލައްބާރަށް ސިޓީއެއް

ރަސްމާލެ މަޝްރޫއުގެ މިހާރުގެ ޝަރުތުތަކާއި ގާނޫނުއަސާސީއާ ފުށުއެރުންތަކެއް ހުރި ކަމަށާއި، އެކަމުގައި އެކަށީގެންވާ ގޮތެއްގައި ރައްޔިތުންގެ ހިޔާލު ހޯދާފައި ނުވާތީ، ދެން އަންނަ ސަރުކާރަކުން ވެސް މި މަޝްރޫއުގެ އެއްބަސްވުން އަލުން މުރާޖައާކުރުމަށް ނުވަތަ އެއްކޮށް ބާތިލުކުރުމުގެ ފުރުސަތު އޮތް ކަމަށް އެ ސިޓީގައި ބުނެފައިވޭ.

"ރަސްމާލެ މައްސަލައިގައި މުއިއްޒު ވަނީ އަނގަވަތަށް ވެއްޓިފައި"

ރަސްމާލެ މަޝްރޫއަކީ ރާއްޖޭގެ ސިޔާދަތަށް އުނިކަންލިބޭ، ބޭރުގެ ފަރާތްތަކަށް ބިން ދިނުމަށް ހިންގާ ހީލަތްތެރި ރޭވުމެއް ކަމަށް ވިދާޅުވެ ކުރީގެ ރައީސް ޔާމީން ސަރުކާރަށް ވަރަށް ބޮޑަށް ފާޑުވިދާޅުވެއްޖެއެވެ. މި މަޝްރޫއުގެ ސަބަބުން ރައީސް މުއިއްޒު ރައްޔިތުންގެ ކުރިމަތީގައި ބޭޒާރުވެފައިވާ ކަމަށާއި، މި ސަރުކާރަށް ދެވަނަ ދައުރެއް ރައްޔިތުން ނުދޭނެ ކަމަށް ޔާމީން ވިދާޅުވިއެވެ.

ރަސްމާލެ ދޫކޮށްލުމާ ދެކޮޅުވެރިކަމެއް ނެތްކަމުގެ އިޝާރާތެއް

ރަސްމާލެއިން ބައެއް ބޭރުގެ ކުންފުންޏަކަށް ދޫކޮށްލުމާ ދެކޮޅު ހަދަނީ މަދު ބަޔަކު ކަމަށާއި، ދިވެހިން އަބަދުވެސް އިސްކުރަނީ ގައުމީ ތަރައްގީކަން މުއިއްޒު ފާހަގަކުރެއްވި. މީގެކުރިންވެސް ރާއްޖެއަށް އައި ބޮޑެތި ބަދަލުތަކާ ބައެއް މީހުން ދެކޮޅު ހެދި ނަމަވެސް، ގިނަ ރައްޔިތުން ތާއީދުކުރީ ގައުމީ ކުރިއެރުމަށްކަން އެމަނިކުފާނު ބަޔާންކޮށްދެއްވި.

ހުލާސާކޮށް އިއްޔެ: ސިޔާސީ ޕާޓީތަކުގެ ދަފްތަރަށް އައި ބޮޑު ބަދަލު

ޕީއެންސީގެ މެންބަރުންގެ އަދަދު އެއްލައްކައަށް އެރުމާއެކު، ޖުމްހޫރީ ޕާޓީ އާއި އަދާލަތު ޕާޓީ ފަދަ ދުވަސްވީ ޕާޓީތަކުން ގިނަ އަދަދެއްގެ މެންބަރުންނާއި އިސް ބޭފުޅުން ވަނީ ވަކިވެފައެވެ. މީގެ އިތުރުން، ރަސްމީ ޖަލްސާތަކުގެ ޕްރޮޓޮކޯލަށް ބަދަލުތަކެއް ގެނެސްފައިވާއިރު، ރަސްމާލެ މަޝްރޫއާ ގުޅޭގޮތުން އިލްމުވެރިންނާއި ސިޔާސީ ފަރާތްތަކުގެ މެދުގައި ވަނީ ޚިޔާލުތަފާތުވުންތަކެއް އުފެދިފައެވެ.

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

Newsletter

Get the latest news delivered straight to your inbox