އެމެރިކާގެ ޓެރަރިޒަމް ލިސްޓުގައި ދިވެހިން ތިބުމުން ލިބޭނެ ގެއްލުން ދިރާސާކުރަން ކޮމިޓީއަށް

ޓެރަރިޒަމްގެ ހަމަލާއަކާ ގުޅިގެން ސިފައިން ހަރަކާތްތެރި ވަނީ، މިއީ ބޭރުގެ ސަރުކާރަކުން ދިވެހިންގެ ތެރެއިން ބަޔަކާ މެދު މިފަދަ ނިންމުމެއް ރަސްމީކޮށް ނިންމި ފުރަތަމަ ފަހަރު - ފޮޓޯ: އަދަދު

ޓެރަރިޒަމްގެ ހަމަލާއަކާ ގުޅިގެން ސިފައިން ހަރަކާތްތެރި ވަނީ، މިއީ ބޭރުގެ ސަރުކާރަކުން ދިވެހިންގެ ތެރެއިން ބަޔަކާ މެދު މިފަދަ ނިންމުމެއް ރަސްމީކޮށް ނިންމި ފުރަތަމަ ފަހަރު - ފޮޓޯ: އަދަދު

އެމެރިކާއިން އެކުލަވާލީ ޓެރަރިޒްމް ލިސްޓުގައި 20 ދިވެއްސެއްގެ ނަން އޮތުމާއި ގުޅިގެން ރައްޔިތުންގެ މަޖިލީހަށް ހުށަހެޅި ގަރާރު އިތުރަށް ދިރާސާކުރުމަށް ސަލާމަތީ ހިދުމަތްތަކާ ބެހޭ ކޮމިޓީއަށް ފޮނުވުމަށް ފާސްކޮށްފި އެވެ.

މި ގަރާރު ފާސްކުރުމަށް 22 މެމްބަރަކު ވޯޓު ދެއްވި އެވެ. ނުފެންނަ ކަމަށް އެއްވެސް މެމްބަރަކު ވޯޓު ދެއްވާފައެއް ނުވެ އެވެ.

އެމްއެންޕީ އަދި ދަނގެތި ދާއިރާގެ މެމްބަރު އަހުމަދު ނާޒިމް ހުށަހެޅުއްވި މި ގަރާރުގައި އެމެރިކާ ސަރުކާރުން ޖުލައި 31، 2023 ގައި ކުރި އިއުލާނުގައި ބައިނަލްއަގުވާމީ ޓެރަރިޒަމްގައި އަމަލީ ގޮތުން 20 ދިވެއްސަކު ބައިވެރިވާކަން ހާމަކޮށްފައި ވާތީ އެކަމުގެ ސަބަބުން ކުރާ ނޭދެވޭ އަސަރު މަޖިލީހުން ދެނެގަތުމަށް ގޮވާލާފައިވެ އެވެ.

Advertisement

ގަރާރުގައި ފާހަގަކޮށްފައިވާ ގޮތުގައި، ޔޫއެސް ޑިޕާޓްމަންޓު އޮފް ދަ ޓްރެޝަރީން ޓެރަރިޒަމްގައި ބައިވެރިވާ ކަމަށް 20 ދިވެއްސެއްގެ ނަމާއި އެ މީހުންނާ ގުޅުން 29 ވިޔަފާރިއެއްގެ ނަން ހާމަކޮށްފައިވެ އެވެ. އަދި, އެ މީހުންނަށް ނިސްބަތްވާ މުދަލާއި ތަކެތި ބްލޮކްކޮށް، އެ މީހުންނާ އެކު މުއާމަލާތް ކުރާ މީހަކާ މެދުވެސް އެމެރިކާ ސަރުކާރުން ފިޔަވަޅު އަޅާނެކަން ހާމަކޮށްފައިވެ އެވެ.

މިކަމުގެ ސަބަބުން ރާއްޖޭގެ ނަމަށާއި ދިވެހީންނަށް އަދި އިގްތިސާދަށް، ހާއްސަކޮށް ފަތުރުވެރިކަމަށް ނެދެވޭ އަސަރު ކުރާނެ ކަން ގަރާރުގައި ފާހަގަކޮށްފައިވެ އެވެ. އެހެންކަމުން ޓެރަރިޒަމްގެ ބިރުވެރިކަން އޮތް މިންވަރު ދިރާސާކޮށް ބެލުމަށް ފަހު، އޭގެ އަސަރު ކުޑަވާނެ ގޮތަކަށް އަވަސް ފިޔަވަޅު އެޅުމަށް، ސަރުކާރު ޒިންމާދާރު ކުރުވުމުގެ މަސައްކަތް މަޖިލީހުން ކުރުމަށް ގަރާރުގައިވެ އެވެ.

އޭގެ އިތުރުން، އެމެރިކާގެ ބަޔާން ނެރުމުގެ ކުރިން ކުރީގެ ރައީސް މުހައްމަދު ނަޝީދަށް އަމާޒުކޮށް ދިން ހަމަލާގެ ޕާލިމަންޓްރީ އިންކުއަރީ އިންވެސް ޓެރަރިޒަމްގެ ބިރުވެރިކަން އޮތް މިންވަރު ވަޒަން ކޮށްފައިވާކަން ނާޒިމް ހުށަހެޅުއްވި ގަރާރުގައިވެ އެވެ.

އެ އިންކުއަރީން ފާހަގަވި ކަންކަމަށް ރިކޮމެންޑޭޝަންތަކެއް ދީފައިވާއިރު، އެ ރިކޮމެންޑޭޝަންތަކަށް އަމަލު ކޮށްފައިވާ މިންވަރާ ބެހޭ މައުލޫމާތު ސަރުކާރުން ހާމަކޮށްފައި ނުވާތީ، އެކަމުގެ ކަންބޮޑުވުން ވެސް ގަރާރުގައި ފާހަގަކޮށްފައިވެ އެވެ.

މިއީ ބޭރުގެ ސަރުކާރަކުން ދިވެހިންގެ ތެރެއިން ބަޔަކާ މެދު މިފަދަ ނިންމުމެއް ރަސްމީކޮށް ނިންމި ފުރަތަމަ ފަހަރުކަން ގަރާރުގައި ފާހަގަކޮށްފައިވެ އެވެ.

އެހެންކަމުން، މިކަމުގެ ސަބަބުން ރާއްޖޭގެ ނަމަށާއި އިގްތިސާދަށް އަތުވެދާނެ ކިލަނބުކަން ބަލާ އެއިން މިންޖުވުމުގެ ފިޔަވަޅު އެޅުމަށް ގަރާރުގައި ގޮވާލާފައިވެ އެވެ. އަދި, މިކަމުގައި ސަރުކާރު ޒިންމާދާރު ކުރުވުމަށް މަޖިލީހުން މަސައްކަތް ކުރުމަށް ވެސް ގޮވާލާފައިވެ އެވެ.

ކޮމެންޓް

ފަހުގެ ޚަބަރު

ދިރާގު ރޯޑް ރޭސް 5،500އަށްވުރެ ގިނަ ދުވުންތެރިންނާއެކު ބާއްވައިފި

ދިރާގު މޯލްޑިވްސް ރޯޑް ރޭހުގެ 17 ވަނަ އެޑިޝަން 5،500 އަށްވުރެ ގިނަ ދުވުންތެރިންނާއެކު ހުޅުމާލެ ސެންޓްރަލް ޕާކުގައި ވަނީ ބާއްވާފައެވެ. މި ދުވުމުގެ ލައިވް އަޕްޑޭޓްތަކާއި، ނަތީޖާ އަދި ދުވުންތެރިންގެ ރޭންކިންގ ބަލައިލުމުގެ ފުރުސަތު ދިރާގުން ވަނީ ޚާއްޞަ މޮބައިލް އެޕްލިކޭޝަނެއް މެދުވެރިކޮށް ފަހިކޮށްދީފައެވެ.

ޕީއެންސީގެ މެންބަރުންގެ އަދަދު ލައްކައަކަށްވުރެ ދަށަށް

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އެރިތާ 24 ގަޑިއިރު ނުވަނީސް، އަލުން އެ އަދަދު ލައްކައަކަށް ވުރެ ދަށަށް ގޮސްފިއެވެ. އިދިކޮޅު ފަރާތްތަކުން ތުހުމަތުކުރާ ގޮތުގައި މި އަދަދު ހަމަކުރުމަށްޓަކައި ވަޒީފާގެ ބިރުދެއްކުމާއި ރިޝްވަތުގެ ގޮތުގައި ފައިސާ ބޭނުންކޮށްފައިވެއެވެ. އީސީގެ ތަފާސްހިސާބުތަކުން ދައްކާގޮތުގައި އެ ޕާޓީގެ މެންބަރުންގެ އަދަދު މިހާރު ވަނީ 99,930 އަށް ތިރިވެފައެވެ.

ރަސްމާލޭގެ ޑީލުގައި ސޮއިނުކުރަން އެދި އަލައްބާރަށް ސިޓީއެއް

ރަސްމާލެ މަޝްރޫއުގެ މިހާރުގެ ޝަރުތުތަކާއި ގާނޫނުއަސާސީއާ ފުށުއެރުންތަކެއް ހުރި ކަމަށާއި، އެކަމުގައި އެކަށީގެންވާ ގޮތެއްގައި ރައްޔިތުންގެ ހިޔާލު ހޯދާފައި ނުވާތީ، ދެން އަންނަ ސަރުކާރަކުން ވެސް މި މަޝްރޫއުގެ އެއްބަސްވުން އަލުން މުރާޖައާކުރުމަށް ނުވަތަ އެއްކޮށް ބާތިލުކުރުމުގެ ފުރުސަތު އޮތް ކަމަށް އެ ސިޓީގައި ބުނެފައިވޭ.

"ރަސްމާލެ މައްސަލައިގައި މުއިއްޒު ވަނީ އަނގަވަތަށް ވެއްޓިފައި"

ރަސްމާލެ މަޝްރޫއަކީ ރާއްޖޭގެ ސިޔާދަތަށް އުނިކަންލިބޭ، ބޭރުގެ ފަރާތްތަކަށް ބިން ދިނުމަށް ހިންގާ ހީލަތްތެރި ރޭވުމެއް ކަމަށް ވިދާޅުވެ ކުރީގެ ރައީސް ޔާމީން ސަރުކާރަށް ވަރަށް ބޮޑަށް ފާޑުވިދާޅުވެއްޖެއެވެ. މި މަޝްރޫއުގެ ސަބަބުން ރައީސް މުއިއްޒު ރައްޔިތުންގެ ކުރިމަތީގައި ބޭޒާރުވެފައިވާ ކަމަށާއި، މި ސަރުކާރަށް ދެވަނަ ދައުރެއް ރައްޔިތުން ނުދޭނެ ކަމަށް ޔާމީން ވިދާޅުވިއެވެ.

ރަސްމާލެ ދޫކޮށްލުމާ ދެކޮޅުވެރިކަމެއް ނެތްކަމުގެ އިޝާރާތެއް

ރަސްމާލެއިން ބައެއް ބޭރުގެ ކުންފުންޏަކަށް ދޫކޮށްލުމާ ދެކޮޅު ހަދަނީ މަދު ބަޔަކު ކަމަށާއި، ދިވެހިން އަބަދުވެސް އިސްކުރަނީ ގައުމީ ތަރައްގީކަން މުއިއްޒު ފާހަގަކުރެއްވި. މީގެކުރިންވެސް ރާއްޖެއަށް އައި ބޮޑެތި ބަދަލުތަކާ ބައެއް މީހުން ދެކޮޅު ހެދި ނަމަވެސް، ގިނަ ރައްޔިތުން ތާއީދުކުރީ ގައުމީ ކުރިއެރުމަށްކަން އެމަނިކުފާނު ބަޔާންކޮށްދެއްވި.

ހުލާސާކޮށް އިއްޔެ: ސިޔާސީ ޕާޓީތަކުގެ ދަފްތަރަށް އައި ބޮޑު ބަދަލު

ޕީއެންސީގެ މެންބަރުންގެ އަދަދު އެއްލައްކައަށް އެރުމާއެކު، ޖުމްހޫރީ ޕާޓީ އާއި އަދާލަތު ޕާޓީ ފަދަ ދުވަސްވީ ޕާޓީތަކުން ގިނަ އަދަދެއްގެ މެންބަރުންނާއި އިސް ބޭފުޅުން ވަނީ ވަކިވެފައެވެ. މީގެ އިތުރުން، ރަސްމީ ޖަލްސާތަކުގެ ޕްރޮޓޮކޯލަށް ބަދަލުތަކެއް ގެނެސްފައިވާއިރު، ރަސްމާލެ މަޝްރޫއާ ގުޅޭގޮތުން އިލްމުވެރިންނާއި ސިޔާސީ ފަރާތްތަކުގެ މެދުގައި ވަނީ ޚިޔާލުތަފާތުވުންތަކެއް އުފެދިފައެވެ.

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

Newsletter

Get the latest news delivered straight to your inbox