ހުޅުމާލޭ މުނިސިޕަލް ހިދުމަތްތައް ސިޓީ ކައުންސިލަށް ބަދަލުނުކުރެވުނީ ހަރަދުގެ އަރައިރުމުގައި: ނިޔާޒް

ރައްޔިތުންގެ މަޖިލީހުގެ ހުޅުމާލެ ދާއިރާގެ މެމްބަރު އަލީ ނިޔާޒް: ހުޅުމާލޭގެ މުނިސިޕަލް ހިދުމަތްތައް މާލެ ސިޓީ ކައުންސިލުގެ ދަށަށް ބަދަލުކުރަން ގިނަ މަސައްކަތްތަކެއް ކުރެވުނު ކަމަށް އޭނާ ވިދާޅުވި -- ފޮޓޯ/ރައްޔިތުންގެ މަޖިލިސް

ރައްޔިތުންގެ މަޖިލީހުގެ ހުޅުމާލެ ދާއިރާގެ މެމްބަރު އަލީ ނިޔާޒް: ހުޅުމާލޭގެ މުނިސިޕަލް ހިދުމަތްތައް މާލެ ސިޓީ ކައުންސިލުގެ ދަށަށް ބަދަލުކުރަން ގިނަ މަސައްކަތްތަކެއް ކުރެވުނު ކަމަށް އޭނާ ވިދާޅުވި -- ފޮޓޯ/ރައްޔިތުންގެ މަޖިލިސް

ހުޅުމާލޭގައި އާބަންކޯއިން ފޯރުކޮށްދޭ މުނިސިޕަލް ހިދުމަތްތައް މާލެ ސިޓީ ކައުންސިލުގެ ދަށަށް ބަދަލު ނުކުރެވުނީ އެކަމަށް ހިނގާ ހަރަދަށް ވާނެ ގޮތުގެ އަރައިރުމުގައި ކަމަށް ރައްޔިތުންގެ މަޖިލީހުގެ ހުޅުމާލެ ދާއިރާގެ މެމްބަރު އަލީ ނިޔާޒް މިއަދު ވިދާޅުވެއްޖެ އެވެ.

ބަޖެޓު ބަހުސްގެ ތެރެއިން ނިޔާޒް މިހެން ވިދާޅުވީ ހުޅުމާލޭގެ މުނިސިޕަލް ހިދުމަތްތައް މާލެ ސިޓީ ކައުންސިލާ ހަވާލުކުރަން ސަރުކާރުގެ ފުރަތަމަ 100 ދުވަހުގެ ޕްލޭނުގައި ހިމަނާފައިވާތީ، އެކަމަށް މަރުހަބާ ވިދާޅުވެ، ދެެއްކެވި ވާހަކައިގަ އެވެ.

ރައީސް އޮފީހުން އިއްޔެ ވަނީ މިކަމުގެ އިދާރީ މަސައްކަތް ފަށާފަ އެވެ.

Advertisement

ސަރުކާރުން މިކަން ކުރަން އަތުކުރި އޮޅާލައި، މަސައްކަތް ފެށި ނަމަވެސް ސިޓީ ކައުންސިލުގެ ދަށަށް މުނިސިޕަލް ހިދުމަތްތައް ބަދަލުކުރަން ފަސޭހަ ނުވާނެ ކަމަށް ނިޔާޒް ވިދާޅުވި އެވެ. އޭނާގެ މި ރައުޔު ބިނާކުރެއްވީ މިކަން ކުރަން އޭނާ އިސްވެ ހުންނަވައި ކުރި މަސައްކަތް ނާކާމިޔާބުވެ، ލިބުނު ތަޖުރިބާގެ މައްޗަށެވެ.

ނިޔާޒް ވިދާޅުވި ގޮތުން މާލެ ސިޓީ ކައުންސިލާ މި ހިދުމަތްތައް ހަވާލުކުރަން އެއްވެސް ގާނޫނީ ހުރަހެއް ނެތެވެ. އެގޮތުން އެއީ ސަރުކާރުގެ ސިޔާސަތަށް ގެނެވޭ ބަދަލަކުން ކުރެވޭނެ ކަމެއް ކަމަށާއި އެ މަގުން މަސައްކަތްތަކެއް ކޮށްގެން، އެއްބަސްވުންތައް ވެސް ބަދަލުކުރެވުނު ކަމަށެވެ.

"ފެނުނު އެންމެ ރަނގަޅު ހައްލަކީ މުނިސިޕަލް ހިދުމަތްތައް އެއްބަސްވުމެއްގެ ދަށުން ކައުންސިލުން ހިދުމަތް ދިނުން. އެކަމުގެ މަޝްވަރާކޮށް، ސިޓީބިޓީ ބަދަލުކުރެވި، އެއްބަސްވުންތައް ވެސް ބަދަލުކުރެވުނު." އޭނާ ވިދާޅުވި އެވެ.

މިކަން ހުއްޓުނީ މިކަމަށް ހިނގާ ހަރަދު ކުރާނެ ގޮތަކާ މެދު ދެބަސްވީ ހިސާބުންނެވެ. ނިޔާޒް ވިދާޅުވީ ހުޅުމާލޭގައި މުނިސިޕަލް ހިދުމަތްތަކަށް 500 މިލިއަން ރުފިޔާ ހަރަދުވާ ކަމަށާއި ބަހުސް ކުރީ މި ފައިސާއަށް ހަދާނެ ގޮތަކާ މެދު ކަމަށެވެ.

"500 މިލިއަން ރުފިޔާ ކައުންސިލަށް ޖަމާކުރާނީތޯ. ޖަމާކުރާ ކަމަށް ވާނަމަ އެކަމުގައި އިދާރީ ގޮތުން އޮންނަން ޖެހޭ އިންތިޒާމަކީ ނުވަތަ މާލީ ގޮތުން އޮންނަން ޖެހޭ އިންތިޒާމަކީ ކޮބައިތޯ، މިކަމަށް ވެވުނު އަރައިރުން ހަގީގަތުގައި މިކަން ބަދަލު ނުވެ އޮތް ސަބަބަކީ." އޭނާ ވިދާޅުވި އެވެ.

މިއީ އާބަންކޯ ވަރަށް ފައިސާ ލިބޭ ކުންފުންޏަކަށް ކުރެވިދާނެ ހަރަދެއް ނަމަވެސް، ސިޓީ ކައުންސިލުން މި ހަރަދު ކުރާނެ ގޮތަކާ މެދު ނިޔާޒް ސުވާލު އުފެއްދި އެވެ. ހަމައެހެންމެ، މުނިސިޕަލް ހިދުމަތް ދިނުމުގައި ހަރަކާތްތެރިވާ މުވައްޒަފުންނަށް ވާނެ ގޮތަކާ މެދު ވެސް އޭނާ ސުވާލު އުފެއްދި އެވެ.

ނިޔާޒްގެ އެންމެ ބޮޑު ކަންބޮޑުވުމަކަށްވީ، އާބަންކޯގެ ކުންފުނީގެ މުސާރައިގެ އޮނިގަނޑުގެ ތެރެއިން ދެމުންދާ ވަރުގެ މުސާރައެއް ނުލިބިދާނެތީ އެވެ. އެގޮތުން ސިޓީ ކައުންސިލަށް ބަދަލުވާ މުވައްޒަފުންނަށް ސިވިލް ސާވިސްގެ އޮނިގަނޑުގެ ތެރެއިން އާބަންކޯއިން ދޭ ވަރުގެ މުސާރައެއް ނުދެވޭނެ ކަމަށް އޭނާ ވިދާޅުވި އެވެ. އަދި މި ކަންބޮޑުވުން މުވައްޒަފުން އޭނާއާ ހިއްސާކުރަމުން އަންނަ ކަމަށް ނިޔާޒު ވިދާޅުވި އެވެ.

މުނިސިޕަލް ހިދުމަތްތަކުގެ މައްސަލައިގައި ނިޔާޒު ހުށަހެޅުއްވީ ހައްލަކީ ސިޓީ ކައުންސިލުން އެބަސްވުމެއްގެ ދަށުން އާބަންކޯއާ މަސައްކަތް ހަވާލުކުރުމެވެ. އަދި މިހެން ދެވޭ ހިދުމަތްތަކުގައި ރައްޔިތުންގެ އަޑު އިއްވޭނެ އިންތިޒާމު ހަމަޖެއްސުމުގެ ގޮތުން ހުޅުމާލޭ ދާއިރާގެ ކައުންސިލަރު ބާރު ހިނގާ، އާންމު ރައްޔިތުން ބައިވެރިވާ ކޮމިޓީއެއް ހެދޭނެ ކަމަށް އޭނާ ވިދާޅުވި އެވެ.

މާލޭ ހުރިހާ އަވަށެއްގެ މުނިސިޕަލް ހިދުމަތްތައް ސަރުކާރުން ސަރުކާރުން މިހާތަނަށް އަދި މިކަން ކުރާނެ ގޮތުގެ ޕްލޭނެއް އާންމެއް ނުކުރެ އެވެ. އެކަމަކު ރިޔާސީ އިންތިހާބުގެ ކެމްޕެއިން ދުވަސްވަރު ރައީސުލްޖުމްހޫރިއްޔާ ޑރ. މުހައްމަދު މުއިއްޒު ވަނީ މި ބަދަލުގެ ނޭދެވޭ އަސަރު މުވައްޒަފަކަށް ނުކުރާނެ ކަމުގެ ޔަގީންކަން ދެއްވާފަ އެވެ.

ކޮމެންޓް

ފަހުގެ ޚަބަރު

ދިރާގު ރޯޑް ރޭސް 5،500އަށްވުރެ ގިނަ ދުވުންތެރިންނާއެކު ބާއްވައިފި

ދިރާގު މޯލްޑިވްސް ރޯޑް ރޭހުގެ 17 ވަނަ އެޑިޝަން 5،500 އަށްވުރެ ގިނަ ދުވުންތެރިންނާއެކު ހުޅުމާލެ ސެންޓްރަލް ޕާކުގައި ވަނީ ބާއްވާފައެވެ. މި ދުވުމުގެ ލައިވް އަޕްޑޭޓްތަކާއި، ނަތީޖާ އަދި ދުވުންތެރިންގެ ރޭންކިންގ ބަލައިލުމުގެ ފުރުސަތު ދިރާގުން ވަނީ ޚާއްޞަ މޮބައިލް އެޕްލިކޭޝަނެއް މެދުވެރިކޮށް ފަހިކޮށްދީފައެވެ.

ޕީއެންސީގެ މެންބަރުންގެ އަދަދު ލައްކައަކަށްވުރެ ދަށަށް

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އެރިތާ 24 ގަޑިއިރު ނުވަނީސް، އަލުން އެ އަދަދު ލައްކައަކަށް ވުރެ ދަށަށް ގޮސްފިއެވެ. އިދިކޮޅު ފަރާތްތަކުން ތުހުމަތުކުރާ ގޮތުގައި މި އަދަދު ހަމަކުރުމަށްޓަކައި ވަޒީފާގެ ބިރުދެއްކުމާއި ރިޝްވަތުގެ ގޮތުގައި ފައިސާ ބޭނުންކޮށްފައިވެއެވެ. އީސީގެ ތަފާސްހިސާބުތަކުން ދައްކާގޮތުގައި އެ ޕާޓީގެ މެންބަރުންގެ އަދަދު މިހާރު ވަނީ 99,930 އަށް ތިރިވެފައެވެ.

ރަސްމާލޭގެ ޑީލުގައި ސޮއިނުކުރަން އެދި އަލައްބާރަށް ސިޓީއެއް

ރަސްމާލެ މަޝްރޫއުގެ މިހާރުގެ ޝަރުތުތަކާއި ގާނޫނުއަސާސީއާ ފުށުއެރުންތަކެއް ހުރި ކަމަށާއި، އެކަމުގައި އެކަށީގެންވާ ގޮތެއްގައި ރައްޔިތުންގެ ހިޔާލު ހޯދާފައި ނުވާތީ، ދެން އަންނަ ސަރުކާރަކުން ވެސް މި މަޝްރޫއުގެ އެއްބަސްވުން އަލުން މުރާޖައާކުރުމަށް ނުވަތަ އެއްކޮށް ބާތިލުކުރުމުގެ ފުރުސަތު އޮތް ކަމަށް އެ ސިޓީގައި ބުނެފައިވޭ.

"ރަސްމާލެ މައްސަލައިގައި މުއިއްޒު ވަނީ އަނގަވަތަށް ވެއްޓިފައި"

ރަސްމާލެ މަޝްރޫއަކީ ރާއްޖޭގެ ސިޔާދަތަށް އުނިކަންލިބޭ، ބޭރުގެ ފަރާތްތަކަށް ބިން ދިނުމަށް ހިންގާ ހީލަތްތެރި ރޭވުމެއް ކަމަށް ވިދާޅުވެ ކުރީގެ ރައީސް ޔާމީން ސަރުކާރަށް ވަރަށް ބޮޑަށް ފާޑުވިދާޅުވެއްޖެއެވެ. މި މަޝްރޫއުގެ ސަބަބުން ރައީސް މުއިއްޒު ރައްޔިތުންގެ ކުރިމަތީގައި ބޭޒާރުވެފައިވާ ކަމަށާއި، މި ސަރުކާރަށް ދެވަނަ ދައުރެއް ރައްޔިތުން ނުދޭނެ ކަމަށް ޔާމީން ވިދާޅުވިއެވެ.

ރަސްމާލެ ދޫކޮށްލުމާ ދެކޮޅުވެރިކަމެއް ނެތްކަމުގެ އިޝާރާތެއް

ރަސްމާލެއިން ބައެއް ބޭރުގެ ކުންފުންޏަކަށް ދޫކޮށްލުމާ ދެކޮޅު ހަދަނީ މަދު ބަޔަކު ކަމަށާއި، ދިވެހިން އަބަދުވެސް އިސްކުރަނީ ގައުމީ ތަރައްގީކަން މުއިއްޒު ފާހަގަކުރެއްވި. މީގެކުރިންވެސް ރާއްޖެއަށް އައި ބޮޑެތި ބަދަލުތަކާ ބައެއް މީހުން ދެކޮޅު ހެދި ނަމަވެސް، ގިނަ ރައްޔިތުން ތާއީދުކުރީ ގައުމީ ކުރިއެރުމަށްކަން އެމަނިކުފާނު ބަޔާންކޮށްދެއްވި.

ހުލާސާކޮށް އިއްޔެ: ސިޔާސީ ޕާޓީތަކުގެ ދަފްތަރަށް އައި ބޮޑު ބަދަލު

ޕީއެންސީގެ މެންބަރުންގެ އަދަދު އެއްލައްކައަށް އެރުމާއެކު، ޖުމްހޫރީ ޕާޓީ އާއި އަދާލަތު ޕާޓީ ފަދަ ދުވަސްވީ ޕާޓީތަކުން ގިނަ އަދަދެއްގެ މެންބަރުންނާއި އިސް ބޭފުޅުން ވަނީ ވަކިވެފައެވެ. މީގެ އިތުރުން، ރަސްމީ ޖަލްސާތަކުގެ ޕްރޮޓޮކޯލަށް ބަދަލުތަކެއް ގެނެސްފައިވާއިރު، ރަސްމާލެ މަޝްރޫއާ ގުޅޭގޮތުން އިލްމުވެރިންނާއި ސިޔާސީ ފަރާތްތަކުގެ މެދުގައި ވަނީ ޚިޔާލުތަފާތުވުންތަކެއް އުފެދިފައެވެ.

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

Newsletter

Get the latest news delivered straight to your inbox