ޒެމްބިއާ އިންޓަނޭޝަނަލް ސީރީސްގެ ޑަބަލްސް އިން އަޖުފާން އާއި ނިބާލް ބްރޯންޒް މެޑަލް ހޯދައިފި

Nov 19, 2023, 7:38 AM
ބައިނަލްއަގްވާމީ މުބާރާތެއްގެ ޑަބަލްސް އިވެންޓެއްގައި ނިބާލް އާއި އަޖުފާން ކުޅެނީ - ފޮޓޯ: އެމްއޯސީ

ބައިނަލްއަގްވާމީ މުބާރާތެއްގެ ޑަބަލްސް އިވެންޓެއްގައި ނިބާލް އާއި އަޖުފާން ކުޅެނީ - ފޮޓޯ: އެމްއޯސީ

ޒެމްބިއާގައި ލުސާކާގައި ކުރިއަށްދާ ޒެމްބިއާ އިންޓަނޭޝަނަލް ބެޑްމިންޓަން ސީރީސްގެ ޑަބަލްސް އިވެންޓުގައި ވާދަކޮށް ރާއްޖޭގެ މުހައްމަދު އަޖުފާން ރަޝީދު އާއި ނިބާލް އަހުމަދު ބްރޯންޒް މެޑަލް ހޯދައިފި އެވެ.

މި މަހުގެ 11-19 އަށް ޒެމްބިއާގައި ކުރިއަށްދާ މުބާރާތުގައި ރާއްޖެއިން ވާދަކުރަނީ އަޖުފާން އާއި ނިބާލް އެކަންޏެވެ. މި ދެ ކުޅުންތެރިން މުބާރާތުގައި ވަނީ ޑަބަލްސްގެ އިތުރުން ފިރިހެން ސިންގަލްސްގައި ވެސް ވާދަކޮށްފަ އެވެ.

ފިރިހެން ޑަބަލްސްގެ ބްރޯންޒް މެޑަލް އަޖުފާން އާއި ނިބާލް އަށް ލިބުނީ ސެމީ ފައިނަލުގައި މެލޭޝިއާގެ ޗޮކް ކެން ވެއި އާއި އެންޑީ ޔޫ ޓޮންގެ ޕެއާ އަތުން ބަލިވުމުންނެވެ. މި މެޗުގެ ސެޓުތައް މެލޭޝިއާގެ ޕެއާ އިން ގެންދިޔައީ 21-11 އަދި 21-14 އިންނެވެ.

ޑަބަލްސް އިވެންޓުގެ ސެމީ ފައިނަލުން އަޖުފާން އާއި ނިބާލް ޖާގަ ހޯދީ ކުއާޓާ ފައިނަލުގައި ޒެމްބިއާގެ ޕެއާއެއް ކަމަށް ޓަކޮންޑްވާ ޖުބްވޫ އާއި ޕީޓާ ޕޮހޯގެ ޕެއާ ދެ ސެޓުން ބަލިކޮށްގެންނެވެ. މެޗުގެ ސެޓުތައް ދިޔައީ 21-10، 21-08 އިންނެވެ.

މުބާރާތުގެ ސިންގަލްސް ބައިގައި ނިބާލް އާއި އަޖުފާން ވާދަކުރީ މެއިން ޑްރޯގަ އެވެ. ސިންގަލްސް އިން ނިބާލް ކެޓީ ތައިލެންޑުގެ ރަޗަޕޯލް ސްރިތޮން އަތުން ދެ ސެޓުން ބަލިވުމުންނެވެ. ރަނގަޅު ކުޅުމެއް ނިބާލް ދެއްކި މި މެޗުގެ ސެޓުތައް އޭނާއަށް ގެއްލުނީ 21-17 އަދި 21-16 އިންނެވެ.

އަޖުފާން ސިންގަލްސްގައި ކެޓީ ދެ ވަނަ ބުރުގައި އެމެރިކާގެ އާރޮން ބައި އަތުންނެވެ. މެޗުގެ ފުރަތަމަ ސެޓު ވާދަވެރި ކުޅުމަކަށްފަހު 21-19 އިން އެމެރިކާ ކުޅުންތެރިޔާ ކާމިޔާބުކުރިއިރު، ދެ ވަނަ ސެޓު ގެންދިޔައީ 21-5 އިންނެނެވެ.

އަޖުފާން އާއި ނިބާލްގެ ޕެއާ މި ވަގުތު އުޅެނީ ދުނިޔޭގެ ރޭންކިންގެ 132 ވަނައިގައި އެވެ. ޒެމްބިއާ އިންޓަނޭޝަނަލް ބެޑްމިންޓަން ސީރީސް އިން ހޯދި މެޑަލްއާ އެކު ދެ ކުޅުންތެރިންގެ ރޭންކިން ކުރިއަށް ޖެހިލާނެކަމަށް ބެލެވެ އެވެ.

ކޮމެންޓް

ފަހުގެ ޚަބަރު

ބްރޭކްތައް އަންނަ ގޮތުން "ލީގުގެ ފީލްއެއް ނީނދޭ": އާތީ

ދިވެހި ޕްރިމިއާ ލީގު މެދުކަނޑާލަން ޖެހުމުން ކުޅުންތެރިންގެ ފިޓްނަސް އާއި ޕާފޯމަންސަށް އަސަރުކޮށް، ލީގުގެ އަސްލު ފޯރި ނުލިބޭ ކަމަށް ޓީސީގެ ކޯޗު އާތީ ބުނެފި. އާތީ ފާހަގަކުރި ގޮތުގައި ގިނަ ދުވަސްތަކެއްގެ ބްރޭކްތަކުގެ ސަބަބުން ޓީމުތަކުގެ ކޮންޓިނިއުޓީ ގެއްލި، މެޗުތަކަށް ތައްޔާރުވުމުގައި ބޮޑެތި ގޮންޖެހުންތަކެއް ކުރިމަތިވޭ

ފީފާގެ އިންތިހާބުގައި އަރަބިންގެ ތާއީދު އިންފަންޓީނޯ އަށް

އަންނަ އަހަރު ބާއްވާ ފީފާގެ އިންތިހާބުގައި މިހާރުގެ ރައީސް ޖިއާނީ އިންފަންޓީނޯއަށް ތާއީދުކުރުމަށް 22 ގައުމު ހިމެނޭ އަރަބް ފުޓްބޯޅަ ޔޫނިއަން (ޔޫއޭއެފްއޭ) އިން ނިންމައިފިއެވެ. އިންފަންޓީނޯއާ އެކު ޖުމްލަ ތިން ކެންޑިޑޭޓުން ވާދަކުރާ މި އިންތިހާބުގައި، އޭޝިއާ އާއި އެފްރިކާގެ ގައުމުތަކުގެ ބޮޑު ތާއީދަކާއެކު އޭނާއަށް މަގާމު ދިފާއުކުރުމުގެ ފުރުސަތު ބޮޑުކަމަށް ބެލެވެއެވެ. ފީފާގެ އާ ރައީސަކު ހޮވުމަށް ވޯޓުލުން އޮންނާނީ އަންނަ އަހަރުގެ މާޗް މަހު މޮރޮކޯގައި ބާއްވާ ފީފާ ކޮންގްރެސްގައެވެ.

އިންޑިއާގެ ލެޖެންޑުން ފުޓްބޯޅަ ރައީސްގެ ޝަކުވާ ސަރުކާރަށް

އިންޑިއާގެ ފުޓްބޯޅަ ފެޑެރޭޝަންގެ ރައީސް ކަލްޔާން ޗޯބޭގެ އިތުބާރު ނެތްކަމުގެ މައްސަލަ، ބައިޗުން ބުޓިއާ ހިމެނޭހެން އެ ގައުމުގެ 14 ލެޖެންޑުން ސްޕޯޓްސް މިނިސްޓަރަށް ހުށަހަޅައިފި. މި ސިޓީގައި ފާހަގަކޮށްފައިވަނީ ފެޑެރޭޝަންގެ މާލީ ހާލަތު ގޯސްވެ ބަނގުރޫޓުވަމުންދާ ކަމަށް

ސުޒޭނާއި މޯހަންގެ ދުލުން: ބަދުނަސީބާއި ހައްލެއްގެ ވާހަކަ!

ސަރަހައްދުގެ އެހެން ގައުމުތަކުން ބޭރުގައި އުޅޭ އެ ގައުމުތަކުގެ ދަރިފަސްކޮޅުގެ ކުޅުންތެރިންނަށް ރަށްވެހިކަން ދީގެން ގައުމީ ޓީމުތައް ވަރުގަދަކުރަމުންދާއިރު، ރާއްޖެއަށް އެ ފުރުސަތު ކުޑަކަމަށް ކުރީގެ ކޯޗުން ފާހަގަކުރެއެވެ. މިކަމުގެ ސަބަބުން ރާއްޖޭގެ ފުޓްބޯޅައަށް ކުރިމަތިވެފައިވާ ގޮންޖެހުންތަކަށް ހައްލެއް ހޯދުމަށް އެކަށީގެންވާ ނިޒާމެއް ނެތްކަމުގެ ކަންބޮޑުވުން ވަނީ ފާޅުކޮށްފައެވެ.

ވޭގާގެ ނަމެއް ނެތް، ފީފާ އިންތިހާބުގައި ތިން ކެންޑިޑޭޓުން!

އަންނަ އަހަރު ބާއްވާ ފީފާގެ އިންތިހާބުގައި ވާދަކުރާ ތިން ކެންޑިޑޭޓުންގެ ނަން އިއުލާނުކުރިއިރު، ކުރީގެ ކުޅުންތެރިޔާ ރަމޮން ވޭގާގެ ނަން ޝަރުތު ހަމަނުވުމުގެ ސަބަބުން ވަނީ ބާކީވެފައި. މި އިންތިހާބުގައި ވާދަކުރައްވަނީ މިހާރުގެ ރައީސް އިންފަންޓީނޯގެ އިތުރުން ފްރާންސްގެ ފިލިޕޭ ޑިއާލޯ އަދި ޖަޕާނުގެ ކޯޒޯ ޓަޝީމާ

އަނިޔާއިން ރަނގަޅުވެ އިލާން އެނބުރި އަންނަން ތައްޔާރު

ކަކުލަށް ލިބުނު އަނިޔާއަކާ ގުޅިގެން ދެ މަހެއްހާ ދުވަހު ކުޅުމާ ދުރުގައި ހުރުމަށްފަހު، މާޒިޔާގެ ފޯވާޑް މުހައްމަދު އިލާން އިމްރާން އަލުން ކުޅުމަށް އެނބުރި އަންނަން ތައްޔާރުވެއްޖެ. މި އަނިޔާގެ ސަބަބުން އިލާނަށް ސާފް ޗެމްޕިއަންޝިޕާއި ލީގުގެ މުހިންމު މެޗުތަކެއް ގެއްލުނު ނަމަވެސް، އޭނާ މިހާރު ވަނީ ފަރިތަކުރުންތަކުގައި ބައިވެރިވާން ފަށާފައި

ފީފާ އިން ނޭޕާލްގެ ސަސްޕެންޝަން އުވާލަނީ؟

ފީފާގެ އެންގުންތަކަށް ބޯނުލެނބުމުގެ ސަބަބުން ނޭޕާލް ފުޓްބޯޅަ ފެޑެރޭޝަނަށް ދީފައިވާ ސަސްޕެންޝަން، ކުރިއަށް އޮތް މަހެއްހާ ދުވަސް ތެރޭގައި އުވާލާނެ ކަމަށް ނޭޕާލުން ވަނީ ބުނެފައި. މި ސަސްޕެންޝަން އުވާލުމަށް ނޭޕާލް ސަރުކާރުގެ މަންދޫބުން ފީފާ އާއި އޭއެފްސީއާ އެކު މަޝްވަރާކޮށްފައި

Newsletter

Get the latest news delivered straight to your inbox