ބެޓިންގެ ތުހުމަތު އޭސީ މިލާންގެ ފްލޮރެންޒީ އަށް

Nov 16, 2023, 7:09 AM
ބެޓިންގެ ތުހުމަތު އޭސީ މިލާންގެ ފްލޮރެންޒީ އަށް

ރޯމް (ނޮވެމްބަރު 16) - އިޓަލީގެ ފުޓްބޯޅަ ފެޑެރޭޝަން (އެފްއައިޖީސީ) އިން ތަހުގީގު ކުރަމުން އަންނަ، ބެޓިންގެ މައްސަލައިގައި އޭސީ މިލާންގެ އަލެސަންދްރޯ ފްލޮރެންޒީ ބައިވެރިވެފައިވާތީ އޭނާއާ ސުވާލުކުރަން ނިންމައިފި އެވެ.

ގަވާއިދާ ހިލާފު ވެބްސައިޓްތަކެއްގައި ބެޓުކުރުމުގައި ހަރަކާތްތަކެއް މިދިޔަ ސީޒަންގައި ހިނގާފައިވާތީ އިޓަލީގެ ފުޓްބޯޅަ ފެޑެރޭޝަނާއި އިޓަލީގެ ފުލުހުން ގުޅިގެން ހިންގަމުން އަންނަ ތަހުގީގުގައި ގިނަ ކުޅުންތެރިންތަކަކާވަނީ ސުވާލުކޮށްފަ އެވެ. މިދިޔަ މަހުގެ ތެރޭގައި ފެންމަތިވި މައްސަލައިގައި އިޓަލީގެ ގައުމީ ޓީމްގެ ދެ ކުޅުންތެރިއަކަށްވަނީ ފިޔަވަޅު ވެސް އަޅައިފަ އެވެ.

އެ ގޮތުން ކުރިން އޭސީ މިލާނަށް ކުޅުނު ސަންދްރޯ ޓޮނާލީ 10 މަހަށް ސަސްޕެންޑްކުރިއިރު، ޔުވެންޓަސްގެ ނިކޮލޯ ފަޖިއޯލޯ ވަނީ ހަތް މަހަށް ސަސްޕެންޑްކޮށްފަ އެވެ.

އިޓަލީގެ އެކި ޑިވިޝަންތަކުގެ ގިނަ ކުޅުންތެރިންތަކެއް ބައިވެރިވެފައިވާ ކަމަށް ތުހުމަތުކުރެވޭ މި މައްސަލައިގެ ތަހުގީގަށް ދާދި ފަހުން ލިބުނު މައުލޫމާތުތަކަށް ބަލާއިރު، މިލާންގެ ފްލޮރެންޒީ އަށް ވެސް ވަނީ ތުހުމަތުތަކެއް ކުރެވިފަ އެވެ. ކުރިއަށް އޮތް ދެ ތިން ދުވަހެއްގެ ތެރޭގައި މިކަމާ ގުޅޭގޮތުން ފްލޮރެންޒީއާ ސުވާލުކުރާނެ އެވެ.

މިދިޔަ އަހަރު މިލާނަށް ބަދަލުވި ފްލޮރެންޒީ އަކީ މި މައްސަލައިގައި ބައިވެރިވެފައިވާކަމަށް ތުހުމަތުކުރެވޭ ޓޮނާލީއާ ގާތް ގުޅުމެއް އޮންނަ ކުޅުންތެރިއެކެވެ. އަދި މި މައްސަލައިގައި ކުރިން ފުލުހުން ހާޒިރުކުރި ޒަނިއޯލޯ އަކީވެސް ފްލޮރެންޒީގެ ގާތް އެކުވެރިއެކެވެ. ޒަނިއޯލޯއާ އެކު ރޯމާ އަށް ފްލޮރެންޒީ ކުޅުނުއިރުން ފެށިގެން ދެ ކުޅުންތެރިން ރޭގަނޑު ޕާޓީކުރަންދަނީ އެއްކޮށެވެ.

އިޓަލީގެ ފުޓްބޯޅަ ފެޑެރޭޝަނުން ފަށައިގެން އުޅޭ ތަހުގީގު އަވަހަށް ނިމޭނެކަމަށް ނުބެލެ އެވެ. އެ އިދާރާއިން ބުނީ ހީކުރިވަރަށްވުރެ ގިނަ ކުޅުންތެރިން މިކަމުގައި ބައިވެރިވެފައިވާކަމަށާއި، ތަހުގީގު ކުރިއަށްދާ ވަރަކުން ތަފްސީލްތައް ހާމަކުރާނެކަމަށެވެ.

ކޮމެންޓް

ފަހުގެ ޚަބަރު

ބްރޭކްތައް އަންނަ ގޮތުން "ލީގުގެ ފީލްއެއް ނީނދޭ": އާތީ

ދިވެހި ޕްރިމިއާ ލީގު މެދުކަނޑާލަން ޖެހުމުން ކުޅުންތެރިންގެ ފިޓްނަސް އާއި ޕާފޯމަންސަށް އަސަރުކޮށް، ލީގުގެ އަސްލު ފޯރި ނުލިބޭ ކަމަށް ޓީސީގެ ކޯޗު އާތީ ބުނެފި. އާތީ ފާހަގަކުރި ގޮތުގައި ގިނަ ދުވަސްތަކެއްގެ ބްރޭކްތަކުގެ ސަބަބުން ޓީމުތަކުގެ ކޮންޓިނިއުޓީ ގެއްލި، މެޗުތަކަށް ތައްޔާރުވުމުގައި ބޮޑެތި ގޮންޖެހުންތަކެއް ކުރިމަތިވޭ

ފީފާގެ އިންތިހާބުގައި އަރަބިންގެ ތާއީދު އިންފަންޓީނޯ އަށް

އަންނަ އަހަރު ބާއްވާ ފީފާގެ އިންތިހާބުގައި މިހާރުގެ ރައީސް ޖިއާނީ އިންފަންޓީނޯއަށް ތާއީދުކުރުމަށް 22 ގައުމު ހިމެނޭ އަރަބް ފުޓްބޯޅަ ޔޫނިއަން (ޔޫއޭއެފްއޭ) އިން ނިންމައިފިއެވެ. އިންފަންޓީނޯއާ އެކު ޖުމްލަ ތިން ކެންޑިޑޭޓުން ވާދަކުރާ މި އިންތިހާބުގައި، އޭޝިއާ އާއި އެފްރިކާގެ ގައުމުތަކުގެ ބޮޑު ތާއީދަކާއެކު އޭނާއަށް މަގާމު ދިފާއުކުރުމުގެ ފުރުސަތު ބޮޑުކަމަށް ބެލެވެއެވެ. ފީފާގެ އާ ރައީސަކު ހޮވުމަށް ވޯޓުލުން އޮންނާނީ އަންނަ އަހަރުގެ މާޗް މަހު މޮރޮކޯގައި ބާއްވާ ފީފާ ކޮންގްރެސްގައެވެ.

އިންޑިއާގެ ލެޖެންޑުން ފުޓްބޯޅަ ރައީސްގެ ޝަކުވާ ސަރުކާރަށް

އިންޑިއާގެ ފުޓްބޯޅަ ފެޑެރޭޝަންގެ ރައީސް ކަލްޔާން ޗޯބޭގެ އިތުބާރު ނެތްކަމުގެ މައްސަލަ، ބައިޗުން ބުޓިއާ ހިމެނޭހެން އެ ގައުމުގެ 14 ލެޖެންޑުން ސްޕޯޓްސް މިނިސްޓަރަށް ހުށަހަޅައިފި. މި ސިޓީގައި ފާހަގަކޮށްފައިވަނީ ފެޑެރޭޝަންގެ މާލީ ހާލަތު ގޯސްވެ ބަނގުރޫޓުވަމުންދާ ކަމަށް

ސުޒޭނާއި މޯހަންގެ ދުލުން: ބަދުނަސީބާއި ހައްލެއްގެ ވާހަކަ!

ސަރަހައްދުގެ އެހެން ގައުމުތަކުން ބޭރުގައި އުޅޭ އެ ގައުމުތަކުގެ ދަރިފަސްކޮޅުގެ ކުޅުންތެރިންނަށް ރަށްވެހިކަން ދީގެން ގައުމީ ޓީމުތައް ވަރުގަދަކުރަމުންދާއިރު، ރާއްޖެއަށް އެ ފުރުސަތު ކުޑަކަމަށް ކުރީގެ ކޯޗުން ފާހަގަކުރެއެވެ. މިކަމުގެ ސަބަބުން ރާއްޖޭގެ ފުޓްބޯޅައަށް ކުރިމަތިވެފައިވާ ގޮންޖެހުންތަކަށް ހައްލެއް ހޯދުމަށް އެކަށީގެންވާ ނިޒާމެއް ނެތްކަމުގެ ކަންބޮޑުވުން ވަނީ ފާޅުކޮށްފައެވެ.

ވޭގާގެ ނަމެއް ނެތް، ފީފާ އިންތިހާބުގައި ތިން ކެންޑިޑޭޓުން!

އަންނަ އަހަރު ބާއްވާ ފީފާގެ އިންތިހާބުގައި ވާދަކުރާ ތިން ކެންޑިޑޭޓުންގެ ނަން އިއުލާނުކުރިއިރު، ކުރީގެ ކުޅުންތެރިޔާ ރަމޮން ވޭގާގެ ނަން ޝަރުތު ހަމަނުވުމުގެ ސަބަބުން ވަނީ ބާކީވެފައި. މި އިންތިހާބުގައި ވާދަކުރައްވަނީ މިހާރުގެ ރައީސް އިންފަންޓީނޯގެ އިތުރުން ފްރާންސްގެ ފިލިޕޭ ޑިއާލޯ އަދި ޖަޕާނުގެ ކޯޒޯ ޓަޝީމާ

އަނިޔާއިން ރަނގަޅުވެ އިލާން އެނބުރި އަންނަން ތައްޔާރު

ކަކުލަށް ލިބުނު އަނިޔާއަކާ ގުޅިގެން ދެ މަހެއްހާ ދުވަހު ކުޅުމާ ދުރުގައި ހުރުމަށްފަހު، މާޒިޔާގެ ފޯވާޑް މުހައްމަދު އިލާން އިމްރާން އަލުން ކުޅުމަށް އެނބުރި އަންނަން ތައްޔާރުވެއްޖެ. މި އަނިޔާގެ ސަބަބުން އިލާނަށް ސާފް ޗެމްޕިއަންޝިޕާއި ލީގުގެ މުހިންމު މެޗުތަކެއް ގެއްލުނު ނަމަވެސް، އޭނާ މިހާރު ވަނީ ފަރިތަކުރުންތަކުގައި ބައިވެރިވާން ފަށާފައި

ފީފާ އިން ނޭޕާލްގެ ސަސްޕެންޝަން އުވާލަނީ؟

ފީފާގެ އެންގުންތަކަށް ބޯނުލެނބުމުގެ ސަބަބުން ނޭޕާލް ފުޓްބޯޅަ ފެޑެރޭޝަނަށް ދީފައިވާ ސަސްޕެންޝަން، ކުރިއަށް އޮތް މަހެއްހާ ދުވަސް ތެރޭގައި އުވާލާނެ ކަމަށް ނޭޕާލުން ވަނީ ބުނެފައި. މި ސަސްޕެންޝަން އުވާލުމަށް ނޭޕާލް ސަރުކާރުގެ މަންދޫބުން ފީފާ އާއި އޭއެފްސީއާ އެކު މަޝްވަރާކޮށްފައި

Newsletter

Get the latest news delivered straight to your inbox