ޑިމޮކްރެޓްސްގެ ރައީސަކަށް އަމްރު އަދި ނައިބަކަށް ޝިފާޒް ވާދަކުރައްވަނީ

Nov 1, 2023, 5:32 AM
ޝިފާޒް (ކ) އަދި އަމްރު: ދެ ބޭފުޅުން ވެސް ކުރިން އެމްޑީޕީގައި އިސްކޮށް މަސައްކަތްކުރެއްވި.

ޝިފާޒް (ކ) އަދި އަމްރު: ދެ ބޭފުޅުން ވެސް ކުރިން އެމްޑީޕީގައި އިސްކޮށް މަސައްކަތްކުރެއްވި.

ދަ ޑިމޮކްރެޓްސް ޕާޓީގެ ރައީސްގެ މަގާމަށް ހުސެއިން އަމްރު އަދި ނައިބް ރައީސްގެ މަގާމަށް މުހައްމަދު ޝިފާޒް ވާދަކުރައްވާކަން އިއުލާންކުރައްވައިފި އެވެ.

އެމްޑީޕީގެ ރިޔާސީ ޕްރައިމަރީން އެ ޕާޓީގެ ރައީސް މުހައްމަދު ނަޝީދަށް ނާކާމިޔާބުވެވަޑައިގަތުމުން، އެމަނިކުފާނު އެ ޕާޓީން ވަކިވެވަޑައިގެން އުފެއްދެވި ޑިމޮކްރެޓްސް ފުރަތަމަ ދައުރުގެ މަގާމުތަކަށް މީހުން ހޮވުމަށް ބާއްވާ އިންތިހާބު އޮންނާނީ ޑިސެމްބަރު 2 ވަނަ ދުވަހު އެވެ.

އަމްރުގެ އިތުރުން މިހާތަނަށް ޑިމޮކްރެޓްސްގެ ރައީސްގެ މަގާމަށް ކުރިމަތިލައްވާނެކަން އިއުލާންކުރައްވާފައިވަނީ ޕާޓީގެ އިންޓަރިމް ޗެއާޕާސަން ހަސަން ލަތީފެވެ.

Advertisement

އަމްރު އަކީ ނިމިގެން ދިޔަ ރިޔާސީ އިންތިހާބުގައި ވާދަކުރެއްވި ޑިމޮކްރެޓްސްގެ ކެންޑިޑޭޓް އިލްޔާސް ލަބީބުގެ ރަނިންމޭޓެވެ. އިންތިހާބުގެ ފުރަތަމަ ބުރުން ޑިމޮކްރެޓްސް ދިޔައީ ހަތް ޕަސެންޓް ވޯޓާ އެކު ތިން ވަނަ އަށެވެ.

ފެށުނީއްސުރެ އެމްޑީޕީގެ މެމްބަރަކަށް މަސައްކަތްކުރެއްވި އަމްރު އަކީ އެމްޑީޕީގެ މި ސަރުކާރުގައި އެސްޓީއޯގެ މެނޭޖިން ޑިރެކްޓަރެވެ. ނަމަވެސް ނަޝީދު އިސްކޮށް ހުންނަވައި އެމްޑީޕީގެ ތެރެއިން 'ފިކުރެއްގެ ދިރުން' ނަމުގައި ފެކްޝަނެއް ހަދައި، ރިޔާސީ އިންތިހާބަށް ކޯލިޝަން ހަދަން ޖުމްހޫރީ ޕާޓީއާ މަޝްވަރާތަކުގައި ބައިވެރިވުމުން އޭނާ މަގާމުން ވަކިކުރީ އެވެ.

އަމްރު ވިދާޅުވީ އޭނާގެ އެންމެ ބޮޑު އުއްމީދަކީ ޕާޓީ އިތުރު ހަރުފަތަކަށް ގެންގޮސް، މުޅި ރާއްޖެ އަށް ފަތުރާލައި، މިއީ ރާއްޖޭގެ އެންމެ ބިޔަ، އެންމެ ވަރުގަދަ ޕާޓީއަށް ހެއްދެވުން ކަމަށެވެ.

"މިކަން ކުރެވޭނީ ރޭވުންތެރިކަމާ އެކު މަސައްކަތްކޮށް، ރައްޔިތުން ބަލައިގަންނަ ފަދަ ހަރުދަނާ ސިޔާސަތުތަކެއް އެކުލަވާލައި، ދަ ޑިމޮކްރެޓްސްގެ ހަރަކާތްތައް ފުޅާކޮށް ހިންގިގެން،" އަމްރު ސޯޝަލް މީޑިއާގައި ލިޔުއްވި އެވެ.

ނައިބް ރައީސް ކަމަށް ވާދަކުރައްވާ ޝިފާޒަކީ އެމްޑީޕީގެ ކުރީގެ ނައިބް ރައީސެވެ. އޭނާ އަކީ މި ސަރުކާރުގައި ރައީސް އޮފީހުގެ މިނިސްޓަރުކަން ކުރެއްވި ބޭފުޅެކެވެ. ނަމަވެސް 'ފިކުރެއްގެ ދިރުން' ފެކްޝަނާ އެކު މަގާމުން ވަކިކުރީ އެވެ.

ޝިފާޒް ވިދާޅުވީ ރާއްޖޭގެ އުއްމީދީ ސިޔާސީ މުސްތަގުބަލަށް ޑިމޮކްރެޓްސް އިން ކުރާ މަސައްކަތާއެކު ޕާޓީގެ ނައިބު ރައީސްގެ މަގާމަށް ކުރިމަތިލީ ކަމަށާއި މިކަމުގައި މެމްބަރުންގެ ތާއީދަށް ވަރަށް ބޮޑަށް އެދޭ ކަމަށެވެ.

ޑިމޮކްރެކްޓްސްގެ ފުރަތަމަ އިންތިހާބުގައި ގައުމީ ފަށަލަ އަށް އިންތިހާބުކުރާނީ ރައީސް، ނައިބް ރައީސް (އާއްމު)، ނައިބް ރައީސް (އަންހެން)، ނައިބް ރައީސް (ޒުވާން)، ވިމެން ޑިމޮކްރެޓްސް ލީޑަރު، ވިމެން ޑިމޮކްރެޓްސް ޑެޕިއުޓީ ލީޑަރު، ޔަންގް ޑިމޮކްރެކްޓްސް ލީޑަރު އަދި ޔަންގް ޑިމޮކްރެޓްސް ޑެޕިއުޓީ ލީޑަރެވެ.

ޑިމޮކްރެޓްސް އިން ވަނީ މަގާމުތަކަށް ކުރިމަތިލުމުގެ ފުރުސަރު މިއަދު ފެށުނު ނޮވެމްބަރު 15 ވަނަ ދުވަހުގެ ނިޔަލަށް ހުޅުވާލައިފަ އެވެ.

ކޮމެންޓް

ފަހުގެ ޚަބަރު

ދިރާގު ރޯޑް ރޭސް 5،500އަށްވުރެ ގިނަ ދުވުންތެރިންނާއެކު ބާއްވައިފި

ދިރާގު މޯލްޑިވްސް ރޯޑް ރޭހުގެ 17 ވަނަ އެޑިޝަން 5،500 އަށްވުރެ ގިނަ ދުވުންތެރިންނާއެކު ހުޅުމާލެ ސެންޓްރަލް ޕާކުގައި ވަނީ ބާއްވާފައެވެ. މި ދުވުމުގެ ލައިވް އަޕްޑޭޓްތަކާއި، ނަތީޖާ އަދި ދުވުންތެރިންގެ ރޭންކިންގ ބަލައިލުމުގެ ފުރުސަތު ދިރާގުން ވަނީ ޚާއްޞަ މޮބައިލް އެޕްލިކޭޝަނެއް މެދުވެރިކޮށް ފަހިކޮށްދީފައެވެ.

ޕީއެންސީގެ މެންބަރުންގެ އަދަދު ލައްކައަކަށްވުރެ ދަށަށް

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އެރިތާ 24 ގަޑިއިރު ނުވަނީސް، އަލުން އެ އަދަދު ލައްކައަކަށް ވުރެ ދަށަށް ގޮސްފިއެވެ. އިދިކޮޅު ފަރާތްތަކުން ތުހުމަތުކުރާ ގޮތުގައި މި އަދަދު ހަމަކުރުމަށްޓަކައި ވަޒީފާގެ ބިރުދެއްކުމާއި ރިޝްވަތުގެ ގޮތުގައި ފައިސާ ބޭނުންކޮށްފައިވެއެވެ. އީސީގެ ތަފާސްހިސާބުތަކުން ދައްކާގޮތުގައި އެ ޕާޓީގެ މެންބަރުންގެ އަދަދު މިހާރު ވަނީ 99,930 އަށް ތިރިވެފައެވެ.

ރަސްމާލޭގެ ޑީލުގައި ސޮއިނުކުރަން އެދި އަލައްބާރަށް ސިޓީއެއް

ރަސްމާލެ މަޝްރޫއުގެ މިހާރުގެ ޝަރުތުތަކާއި ގާނޫނުއަސާސީއާ ފުށުއެރުންތަކެއް ހުރި ކަމަށާއި، އެކަމުގައި އެކަށީގެންވާ ގޮތެއްގައި ރައްޔިތުންގެ ހިޔާލު ހޯދާފައި ނުވާތީ، ދެން އަންނަ ސަރުކާރަކުން ވެސް މި މަޝްރޫއުގެ އެއްބަސްވުން އަލުން މުރާޖައާކުރުމަށް ނުވަތަ އެއްކޮށް ބާތިލުކުރުމުގެ ފުރުސަތު އޮތް ކަމަށް އެ ސިޓީގައި ބުނެފައިވޭ.

"ރަސްމާލެ މައްސަލައިގައި މުއިއްޒު ވަނީ އަނގަވަތަށް ވެއްޓިފައި"

ރަސްމާލެ މަޝްރޫއަކީ ރާއްޖޭގެ ސިޔާދަތަށް އުނިކަންލިބޭ، ބޭރުގެ ފަރާތްތަކަށް ބިން ދިނުމަށް ހިންގާ ހީލަތްތެރި ރޭވުމެއް ކަމަށް ވިދާޅުވެ ކުރީގެ ރައީސް ޔާމީން ސަރުކާރަށް ވަރަށް ބޮޑަށް ފާޑުވިދާޅުވެއްޖެއެވެ. މި މަޝްރޫއުގެ ސަބަބުން ރައީސް މުއިއްޒު ރައްޔިތުންގެ ކުރިމަތީގައި ބޭޒާރުވެފައިވާ ކަމަށާއި، މި ސަރުކާރަށް ދެވަނަ ދައުރެއް ރައްޔިތުން ނުދޭނެ ކަމަށް ޔާމީން ވިދާޅުވިއެވެ.

ރަސްމާލެ ދޫކޮށްލުމާ ދެކޮޅުވެރިކަމެއް ނެތްކަމުގެ އިޝާރާތެއް

ރަސްމާލެއިން ބައެއް ބޭރުގެ ކުންފުންޏަކަށް ދޫކޮށްލުމާ ދެކޮޅު ހަދަނީ މަދު ބަޔަކު ކަމަށާއި، ދިވެހިން އަބަދުވެސް އިސްކުރަނީ ގައުމީ ތަރައްގީކަން މުއިއްޒު ފާހަގަކުރެއްވި. މީގެކުރިންވެސް ރާއްޖެއަށް އައި ބޮޑެތި ބަދަލުތަކާ ބައެއް މީހުން ދެކޮޅު ހެދި ނަމަވެސް، ގިނަ ރައްޔިތުން ތާއީދުކުރީ ގައުމީ ކުރިއެރުމަށްކަން އެމަނިކުފާނު ބަޔާންކޮށްދެއްވި.

ހުލާސާކޮށް އިއްޔެ: ސިޔާސީ ޕާޓީތަކުގެ ދަފްތަރަށް އައި ބޮޑު ބަދަލު

ޕީއެންސީގެ މެންބަރުންގެ އަދަދު އެއްލައްކައަށް އެރުމާއެކު، ޖުމްހޫރީ ޕާޓީ އާއި އަދާލަތު ޕާޓީ ފަދަ ދުވަސްވީ ޕާޓީތަކުން ގިނަ އަދަދެއްގެ މެންބަރުންނާއި އިސް ބޭފުޅުން ވަނީ ވަކިވެފައެވެ. މީގެ އިތުރުން، ރަސްމީ ޖަލްސާތަކުގެ ޕްރޮޓޮކޯލަށް ބަދަލުތަކެއް ގެނެސްފައިވާއިރު، ރަސްމާލެ މަޝްރޫއާ ގުޅޭގޮތުން އިލްމުވެރިންނާއި ސިޔާސީ ފަރާތްތަކުގެ މެދުގައި ވަނީ ޚިޔާލުތަފާތުވުންތަކެއް އުފެދިފައެވެ.

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

Newsletter

Get the latest news delivered straight to your inbox