ހުރިހާ ވަގުތެއްގައި ވެސް ފުޑް ކޯޓު ހިދުމަތުގައި

ފުޑް ކޯޓުގެ ކެފޭ އެއް: އެންމެ ބާެރު ބޮޑުވާ އެއް ގަޑިއަކީ ރޭގަނޑު 11:00 ގެ ފަސް -- އަދަދު ފޮޓޯ/ އަހުމަދު ސައީދު

ފުޑް ކޯޓުގެ ކެފޭ އެއް: އެންމެ ބާެރު ބޮޑުވާ އެއް ގަޑިއަކީ ރޭގަނޑު 11:00 ގެ ފަސް -- އަދަދު ފޮޓޯ/ އަހުމަދު ސައީދު

"އާދޭ .... ލަވާޒާ، އިލީ، ކާޑަމަން ޓީ ފްރީކޮށް ލިބޭނެ،" ހެނދު ސަޔަށް، ކަސްޓަމަރުން ވެއްދުމަށް ހާއްސަވެ ހުރި، އާ ހާބަރުގެ ފުޑް ކޯޓެއްގެ މުވައްޒަފަކު ބުންޏެވެ. "އެންމެ 75ރ. ހުރިހާ އެއްޗެއް ލިބޭނެ."

ކުރިން ވަރަށް އާދައިގެ ގޮތަކަށް ހުރި ހާބަރު "ކަޑަތައް"، ޒަމާނީ ފުޑް ކޯޓަކަށް ބަދަލުކޮށްލީ މީގެ ފަސް އަހަރު ކުރިން އެސްޓީއޯ އިން 32 މިލިއަން ރުފިޔާ ހަރަދުކޮށްގެންނެވެ. ދަގަނޑު ހޮޅި އާއި ސަތަރިން ހިތްގައިމު ޑިޒައިނަކަށް، ފުޑް ކޯޓުގައި 26 ޔުނިޓް ހަދާފައި އެބަހުއްޓެވެ. މިއީ މިހާރު ރެއާއި ދުވާލު، އެންމެ ގިނަ ބަޔަލު ކެއިން ބުއިމުގެ ހިދުމަތް ހޯދާ ތަނަށް ވާނެ އެވެ. އެތަނުގެ ގިނަ ކެފޭތައް 24 ގަޑިިއިރު ހިންގަ އެވެ.

އެއްކަހަލަ ގޮނޑި އާއި މޭޒު އަތުރާފައިވާ ފުޑް ކޯޓުގެ ހުރިހާ ޔުނިޓުތަކެއް ވެސް ހުންނަނީ ދާދި އެއްގޮތަށެވެ. ތަފާތު ކުލަތަކުން ދިއްލާފައިވާ ނަންބޯޑުތަކާއެކު، ކޮންމެ ޔުނިޓެއްގައި ވެސް ބޮޑު ޓީވީ އެއް ހުރެ އެވެ. މި ޓީވީތަކުން އާންމުކޮށް ދައްކަނީ ފުޓުބޯޅަ އެވެ. ހެނދުނުގެ ބްރެކްފާސްޓް އިން ފެށިގެން، މެންދުރާއި ރޭގަނޑުގެ ކެއުމަށް ނަން ހުސްކޮށް ބުފޭގައި ވައްތަރުތައް ތައްޔާރު ކުރެ އެވެ.

Advertisement

އެއްތަނެއްގައި ގިނަ ކެފޭ ތަކެއް ހުންނައިރު، ކަސްޓަމަރުން ހޯދުމުގައި ފުޑް ކޯޓުގައި އޮންނަ ވާދަވެރިކަން ބޮޑެވެ. ކޮންމެ ކެފޭއެއްގައި ވެސް ކަސްޓަމަރުން ހޯދުމަށް ހާއްސަ ސްޓާފަކު ބަހައްޓާފައި ހުރެ އެވެ. އޭނާގެ މަސައްކަތަކީ އެ ހިސާބުން ފެންނަ ކޮންމެ މީހަކާ ވާހަކަ ދައްކައި، ކެފޭއަށް ވެއްދުމެވެ. އެހެން ދިމާލަކަށް ދާނަމަ، ޑިސްކައުންޓެއް ދީގެން ވެސް ކަސްޓަމަރުން ހިފެހެއްޓުމަށް އެމީހުން މަސައްކަތް ކުރެ އެވެ.

"މީހުން ކައިރީ ބުނީމަ ދޯ އެނގެނީ، ބުނީމަ ވަރަށް ގިނަ ކަސްޓަމަރުން މަޑު ކުރޭ،" ކެފޭ އެއްގައި ސޭލް ހޯދަން ހުރި، ބަންގުލަދޭޝްގެ މުހައްމަދު ޖަމީލު ބުންނެވެ. "90 ޕަސެންޓް މީހުން ކަނީ ބުފޭ، އޭރުން އަވަސްވަނީ ދޯ."

ފުޑް ޚޯޓުގެ ކެޕޭ އެއްގެ ބުފޭ އެއް: ހުރިހާ ވަގުތެއްގައި ވެސް ބުފޭ ހުރޭ -- އަދަދު ފޮޓޯ/  އަހުމަދު ސައީދު
ފުޑް ޚޯޓުގެ ކެޕޭ އެއްގެ ބުފޭ އެއް: ހުރިހާ ވަގުތެއްގައި ވެސް ބުފޭ ހުރޭ -- އަދަދު ފޮޓޯ/ އަހުމަދު ސައީދު

ފުޑް ޚޯޓުގެ ކެޕޭ އެއްގެ ބުފޭ އެއް: ހުރިހާ ވަގުތެއްގައި ވެސް ބުފޭ ހުރޭ -- އަދަދު ފޮޓޯ/ އަހުމަދު ސައީދު

ހުރިހާ ކެފޭ އެއްގައިހެން މެންދުރާއި ރޭނގަޑުގެ ބުފޭ، ވިއްކަން ހުރީ 75ރ. ގެ ރޭޓުންނެވެ. ހެނދުނުގެ ނާސްތާ ބުފޭގެ އަގު ހުރީ 55ރ. އާއި 75ރ. އާ ދެމެދުގަ އެވެ. ވަކިން އެއްޗެއް އޯޑަރު ކުރާނަމަ، އެކި ވައްތަރުގެ ނޫޑްލްސް އާއި ރައިސް ފަދަ ބާވަތްތައް 55ރ. އިން ފެށިގެން 80ރ. އާ ދެމެދުގެ އަގެއްގައި ލިބެ އެވެ. ގިނަ ކެފޭ ތަކުގައި އެންމެ އަގު ބޮޑުކޮށް ހުރީ ސީފުޑް ހިމެނޭ ބާވަތްތަކެވެ.

އާންމުކޮށް ކޮންމެވެސް އެއް ވަގުތެއްގައި ފުޑް ކޯޓުން ކައިއުޅޭ މުހައްމަދު ޒިޔާދު، 44، ބުނީ އޭނާ އަބަދުވެސް ގޮސް އުޅެނީ އެއް ކެފޭއަކަށް ކަމަށެވެ. އަދި އަބަދުވެސް ކަނީ ބުފޭ އިން ކަމަށް އޭނާ ބުންޏެވެ.

"އަސްލު ބުފޭ ނަގަނީ ވަގުތު ސަލާމަތް ކުރަން، ބުފޭ ގައި ދިހަ ބާރަ ވައްތަރު އެބަ ހުރޭ، އަގުވެސް ގޯހެއް ނޫން،" އޭނާ ބުންޏެވެ.

ކުރިންސުރެ ދިވެހިން އާންމުކޮށް ރޭގަނޑު ކާ ގަޑިއަކީ އިޝާ ނަމާދުގެ ފަހުން 8:00 ޖަހާކަށްހާއިރެވެ. ފުޑް ކޯޓުގައި ރޭ 9:00 ޖެހިއިރު ވެސް މާގިނަ މީހުނެއް ނެތެވެ. ނަމަވެސް ރޭގަނޑު 11:00 ފަށުން މީހުން ގިނަ ވާން ފެށިގެ އެވެ. ކެފޭ ތަކުން ބުނި ގޮތުގައި ކޮންމެ މަހެއްގެ ވެސް ކުރީކޮޅު މަހުގެ ފަހު ކޮޅަށްވުރެ ވިޔަފާރި ރަނގަޅެވެ.

"ލަންޗު ގަޑީގަ މީހުން ގިނަ ވާނެ، ދެން ރޭގަނޑު 11:00 ފެށިގެން އެކެއް ދޭއް ޖަހަންދެން މީހުން އަންނާނެ،" ކުރިން ވާހަކަ ދެއްކި ޖަމީލު ބުންނެވެ.

ރޭ ދަންވަރުވެގެން އައިރު ފުޑް ކޯޓުގެ މޭޒު ތަކުގައި ގިނައިން ތިބީ، ދެމަފިރިންނާއި، އާއިލާ ނުވަތަ ރައްޓެހިންނާ އެކު ކާން ގޮސްތިބި މީހުންނެވެ. އޮފީހުގައި އުޅޭ އެކުވެރިންނާއެކު، މެންދުރުގެ ކެއުމަށް ވެސް ވަރަށް ގިނަ ބަޔަކު ފުޑް ކޯޓަށް ދެ އެވެ. އަދި އައިޖީއެމްއެޗް އާ ކައިރީ ހުންނަ ތަނަކަށް ވުމުން، ހޮސްޕިޓަލަށް ގޮސް އުޅޭ މީހުން ވެސް ފުދޭ ވަރަަކަށް ގިނައިން އެތަނުން ކައި ހަދަ އެވެ. ބައެއް މަޝްހޫރު ކެފޭތަކުގެ އައުޓްލެޓްތައް ހުރުމާއި ގިނަ ކެފޭ ތަކުން ޓޭ އަކޭ ހެދެން ހުރުމަކީ ވެސް، މީހުން އެތަނާ ގަޔާވާ ސަބަބެކެވެ.

"ހަފުތާ އަކު އެއްރޭ ކަހަލަ ގޮތަކަށް މިތަނަށް އަންނަން، މިތަން ހަމަ ވަރަށް ރަނގަޅު،" އަންހެނުން ގޮވައިގެން ކާން ގޮސް އިން އަލީ ރިޒާ ބުންޏެވެ.

ރޭގަނޑު އެހާ ލަސް ގަޑިއެއްގައި ކަނީ ކީއްވެތޯ އެހުމުން އޭނާ ބުނީ އަމިއްލަ ފިހާރައެއް ހިންގާ މީހަކަށް ވާތީ ވަގުތު ވަނީ 11:00 ފަހުން ކަމަށެވެ. އޭނާ ބުނީ ފުޑް ކޯޓު ކަމުދަނީ، ގިނަ ބާވަތްތަކެއްގެ ކެއުން ލިބެން ހުންނާތީ އާއި ހިދުމަތް ވެސް ރަނގަޅު ވީމަ ކަމަށެވެ.

އެކަހެރިކޮށް ހުނަން މޭޒު ތަކުގައި ކޮފީ ތަށި ހިފައިގެން، ސިނގިރޭޓު ބޯން ތިބޭ މީހުން މަދު މަދުން ފެނުނު ނަމަވެސް ފުޑް ކޯޓުގައި އުނދަގުލަކަށްވާ ވަރަށް ދުންފަތުގެ އިސްތިއުމާލެއް ނުކުރެ އެވެ. ކޮފީ އަށް ހާއްސަ މާހައުލަކަށްވުރެ އެއީ އެކުމަށް ހާއްސަ ތަނެކެވެ. ހުރިހާ ވަގުތެއްގައި ވެސް ހިދުމަތުގައި އޮތް ފުޑް ކޯޓު ހުސްވާ ވަގުތެއް ނާދެ އެވެ.

ފަހުގެ ޚަބަރު

ސިމްޑީގެ ވިޔަފާރި ހާދާލަށް ފުޅާކުރަނީ

ސިމްޑީ ގްރޫޕްގެ ވިޔަފާރި ހދ. އަތޮޅުގައި ފުޅާކުރުމަށްޓަކައި ކުޅުދުއްފުށީގެ "މިތުރު" ކުންފުންޏާއެކު ސަބް-ޑިސްޓްރިބިއުޝަން އެއްބަސްވުމެއްގައި މިއަދު ވަނީ ސޮއިކޮށްފައެވެ. މި ޕާޓްނަޝިޕްގެ ސަބަބުން ސިމްޑީން އެތެރެކުރާ ބައިނަލްއަގުވާމީ މަގުބޫލު ބްރޭންޑްތަކުގެ މުދާ އެ އަތޮޅުގެ ރީޓެއިލް ފިހާރަތަކަށާއި އާންމުންނަށް ފަސޭހަކަމާއެކު ލިބޭނެ އިންތިޒާމު ހަމަޖެހިގެންދާނެއެވެ.

ވިލާ ކޮލެޖާއި މާރޕް ގުޅިގެން މެންޓަރޝިޕް ޕްރޮގްރާމެއް

ވިލާ ކޮލެޖާއި މާރޕް ގުޅިގެން ވަޒީފާ އަދާކުރާ ފަރާތްތަކަށް ޚާއްޞަ މެންޓަރޝިޕް ޕްރޮގްރާމެއް ފަށާފައިވަނީ ދިވެހި ލީޑަރުން ބިނާކޮށް ސީނިއަރ މެނޭޖްމަންޓް މަޤާމުތަކަށް މީހުން ތައްޔާރުކުރުމަށެވެ. މި ޕްރޮގްރާމުގެ ދަށުން ތަޖުރިބާކާރުންގެ އެހީތެރިކަމާއެކު ގްރެޖުއޭޓުންނަށް ޢަމަލީ ހުނަރުތައް ދަސްކޮށްދީ، މަތީ ތަޢުލީމާއި އިންޑަސްޓްރީއާ ދެމެދު އޮތް ގުޅުން ވަރުގަދަކުރުމަށް ވަނީ އަމާޒު ހިފާފައެވެ.

ޓްރީ ޓޮޕް ހިތާނީ ކޭމްޕުގެ ރަޖިސްޓްރޭޝަން ހުޅުވާލައިފި

ޓްރީ ޓޮޕް ހޮސްޕިޓަލުގެ މިއަހަރުގެ ފުރަތަމަ ހިތާނީ ކޭމްޕުގައި ބައިވެރިވުމަށް ރަޖިސްޓަރީވުމުގެ ފުރުސަތު ޑިސެމްބަރު 17 ގެ ނިޔަލަށް ވަނީ ހުޅުވާލާފައެވެ. ތަޖުރިބާކާރު ޑޮކްޓަރުންގެ ޓީމަކުން ކުރިއަށްގެންދާ މި ކޭމްޕުގެ ހިތާނުކުރުމުގެ އޮޕަރޭޝަންތައް ކުރިއަށްދާނީ ޑިސެމްބަރު 12 އިން ޖެނުއަރީ 11 ގެ ނިޔަލަށެވެ. މި ޕެކޭޖުގެ ދަށުން ކޮންސަލްޓޭޝަނާއި، ލެބޯޓަރީ ޓެސްޓުތަކުގެ އިތުރުން އޮޕަރޭޝަނަށްފަހު ބޭނުންވާ ފަރުވާގެ ހިދުމަތްތައް ލިބިގެންދާނެއެވެ.

ޓޯޓަލް ފިޒިއޯއިން އެލައިޑްގެ ހިދުމަތް ގަބޫލުކުރަން ފަށައިފި

ފިޒިއޮތެރަޕީގެ ޚިދުމަތްދޭ "ޓޯޓަލް ފިޒިއޯ" ކްލިނިކުން ބަލިމީހުންނަށް ލުއިފަސޭހަކޮށްދިނުމުގެ ގޮތުން އެލައިޑް އިންޝުއަރެންސް ގަބޫލުކުރަން ފަށައިފިއެވެ. ޒަމާނީ ވަސީލަތްތަކާއެކު ފަރުވާދޭ މި ކްލިނިކުން މިހާރުވެސް ޕޮލިސް، އެމްއެންޑީއެފް އަދި ސޮލަރެލް އިންޝުއަރެންސްގެ ޚިދުމަތް ލިބޭއިރު، އިތުރު އިންޝުއަރެންސްތައް މެދުވެރިކޮށް ޚިދުމަތް ލިބޭނެ އިންތިޒާމު ހަމަޖެއްސުމަށް ދަނީ މަސައްކަތް ކުރަމުންނެވެ.

ލަކްސް ގްލޯގެ ދެވަނަ ފިހާރަ މަޖީދީމަގުގައި ހުޅުވައިފި

މަޝްހޫރު ކޮސްމެޓިކްސް ބްރޭންޑް "ލަކްސް ގްލޯ" ގެ ދެވަނަ ފިހާރަ މާލޭގެ މަޖީދީމަގުގައި ހުޅުވައިފިއެވެ. މި ފިހާރައިން ބައިނަލްއަގުވާމީ ބްރޭންޑްތަކުގެ ސްކިންކެއާ އަދި މޭކަޕް ސާމާނު ޓެސްޓުކޮށްލުމާއި، ފަންނީ ލަފާ ހޯދައިގެން ވަގުތުން ގަނެވޭނެ އިންތިޒާމު ވަނީ ހަމަޖެހިފައެވެ. ފިހާރަތަކުގެ އިތުރުން އެ ބްރޭންޑުގެ ވެބްސައިޓް މެދުވެރިކޮށް އޮންލައިންކޮށް އޯޑަރުކުރުމުގެ ފުރުސަތުވެސް ކަސްޓަމަރުންނަށް ވަނީ ހުޅުވާލެވިފައެވެ.

ކްލީވިއާ ރެސިޑެންސް: ޒަމާނީ ބޯހިޔާވަހިކަން އާ މަޝްރޫއެއް

ޕޭން ރިއަލް އެސްޓޭޓުން އަލަށް ތައާރަފްކުރި "ކްލީވިއާ ރެސިޑެންސް" މަޝްރޫއަކީ މެދުފަންތީގެ އާމްދަނީ ލިބޭ ފަރާތްތަކަށް އަމާޒުކޮށްގެން ހިންގާ އަތްފޯރާ އަގުތަކެއްގެ ބޯހިޔާވަހިކަމުގެ މަޝްރޫއެކެވެ. މި މަޝްރޫއުގެ ދަށުން ޒަމާނީ ފެންވަރުގެ އެއް ކޮޓަރި އަދި ދެ ކޮޓަރީގެ އެޕާޓްމަންޓްތައް ލިބޭއިރު، ފައިސާ ދެއްކުމުގައި ލުއި ގޮތްތަކެއް ވަނީ ހަމަޖައްސާފައެވެ.

ދިރާގު ރޯޑް ރޭސްގެ ބިބް އެކްސްޕޯ ބުދަ ދުވަހާ ހަމައަށް

ދިރާގު މޯލްޑިވްސް ރޯޑް ރޭސް 2026 ގެ ބިބް އެކްސްޕޯ ބީޖީ ޓާފް ދަނޑުގައި ކުރިއަށްދާއިރު، ބިބް އާއި ރޭސް ކިޓް ދޫކުރުމުގެ މުއްދަތު މި މަހުގެ 18 ވާ ބުދަ ދުވަހުގެ ނިޔަލަށް ވަނީ އިތުރުކޮށްފައެވެ. ފަސް ހާހަށްވުރެ ގިނަ ދުވުންތެރިން ބައިވެރިވާ މި ދުވުން އޮންނާނީ ކުރިއަށް އޮތް ހުކުރު ދުވަހު ހުޅުމާލޭ ސެންޓްރަލް ޕާކުގައެވެ.

Newsletter

Get the latest news delivered straight to your inbox