އަނުރަދަޕޫރާ އަތުން ގައުމީ ކްރިކެޓް ޓީމް މޮޅުވެއްޖެ

އަނުރަދަޕޫރާ އަތުން ގައުމީ ކްރިކެޓް ޓީމް މޮޅުވެއްޖެ

އައިސީސީ ޓީ20 ވޯލްޑް ކަޕް ކޮލިފައިންގައި ވާދަކުރުމުގެ ކުރިން ގައުމީ ކްރިކެޓް ޓީމުން ސްރީ ލަންކާގައި ކުރިއަށްގެންދާ ތަމްރީންތަކުގައި، ލަންކާގެ އަނުރަދަޕުރާ ކްރިކެޓް ކުލަބު އަތުން ރާއްޖޭގެ ގައުމީ ކްރިކެޓް ޓީމް މޮޅުވެއްޖެ އެވެ.

އައިސީސީ ޓީ20 ވޯލްޑް ކަޕް ކޮލިފައިން މެޗުތައް ގަތަރުގައި އޮންނާނީ މި މަހުގެ 25 އިން އަންނަ މަހުގެ ހަ ވަނަ ދުވަހުގެ ނިޔަލަށެވެ. މި މުބާރާތަށް ތައްޔާރުވަމުން އަންނަ ގައުމީ ޓީމުން ލަންކާގައި ހަދާ ތަމްރީންތަކުގެ ތެރެއިން ހަތަރު މެޗެއް ކުޅުމަށް ވަނީ ހަމަޖެހިފަ އެވެ.

މިއަދު ކުޅުނު މެޗުގައި ރާއްޖެއިން ލަންކާގެ އަނުރަދަޕުރާ ކްރިކެޓް ކުލަބު އަތުން މޮޅުވީ ހަތަރު ވިކެޓުންނެވެ.

މެޗުގެ ފުރަތަމަ އިނިންގްސްގައި ކުޅެން އަރާ އަނުރަދަޕުރާގެ ޓީމުން 20 އޯވަރުގައި ނުވަ ކުޅުންތެރިން ނުބައިވެގެން 126 ލަނޑު ހެދި އެވެ. މި އިނިންގްސްގައި އެޓީމުން އެންމެ މޮޅަށް ކުޅުނީ 34 ބޯޅައިން 25 ލަނޑު ހެދި ޗަމޮދްޔާ އިންދުވަރާ އެވެ.

ރާއްޖޭގެ އުކުންތެރިން މޮޅު ކުޅުމެއް ދެއްކި މި އިނިންގްސްގައި ކެޕްޓަން އާދަމް ނަސިފް އުމަރު ހަތަރު އޯވަރުގައި 29 ލަނޑަށް ދެ ވިކެޓު ނެގި އެވެ. މީގެ އިތުރުން ބާރު އުކުންތެރިޔާ ހަސަން އިބްރާހިމް 4 އޯވަރުގައި 30 ލަނޑަށް އެއް ވިކެޓު ނެގި އެވެ. ރާއްޖޭގެ އަމީލްވެސް މި އިނިންގްސްގައި ވިކެޓެއް ނެގި އެވެ.

ރާއްޖޭގެ ޓީމުން ކުޅެން އަރާ، 3 ބޯޅަ ބާކީ އުކަން އޮއްވާ 130 ލަނޑު ހަދައި މެޗު ކާމިޔާބުކުރި އެވެ. ފަހު އޯވަރަށް ދިޔައިރު ރާއްޖެއަށް މެޗު ކާމިޔާބުކުރަން ބޭނުންވަނީ 10 ލަނޑެވެ. އޭރު ބެޓުކުރަން އަރާ ހުރި އިބްރާހިމް ނަޝާތު ވަނީ ފަހު އޯވަރުގެ ފުރަތަމަ ބޯޅަ ހަޔަކަށް ޖަހައި އަދި ތިންވަނަ ބޯޅަ ހަތަރަކަށް ޖަހައި މެޗުން ރާއްޖެ މޮޅުކޮށްދީފަ އެވެ.

ރާއްޖޭގެ ޓީމުން އެންމެ ރަނގަޅަށް ކުޅުނީ 49 ބޯޅައިން 48 ލަނޑު ހެދި ޔޫސުފް އަޒްޔާން ފަރުހަތު އެވެ. މީގެ އިތުރުން ވިކެޓްކީޕަރު މުހައްމަދު އައްޒާމް ވަނީ 35 ބޯޅައިން 30 ލަނޑު ހަދާފަ އެވެ.

ލަންކާގައި ހަދަމުން އަންނަ ތަމްރީންތަކުގެ ތެރެއިން ގައުމީ ކްރިކެޓް ޓީމް ކުޅުނު ފުރަތަމަ މެޗުގައިވަނީ ސިގްނަލް ކްރިކެޓް ކުލަބު އަތުން ހަތް ވިކެޓުން ބަލިވެފަ އެވެ. މި މެޗުގައި ކެޕްޓަން ނާސިފް، ވިކެޓު ކީޕަރު އައްޒާމް އަދި ބާރު އުކުންތެރިޔާ ހަސަންއެއް ނުކުޅެ އެވެ.

އައިސީސީ ޓީ20 ވޯލްޑް ކަޕް ކޮލިފައިންގައި ރާއްޖޭގެ ޓީމަށް އިރުޝާދުދޭނީ ސްރީ ލަންކާގެ ކޯޗު، ޕަސިންދު ލިޔަނާރަޗީ އެވެ. މިދިޔަ ޖޫން މަހު ގައުމީ ޓީމާ ގުޅި އޭނާގެ ބެލުމުގެ ދަށުން ބޮޑު ސްކޮޑަކާއިއެކު ގައުމީ ޓީމް ވަނީ ތިން މުބާރާތަކަށް ޕްރެކްޓިސްކޮށްފަ އެވެ. އެއީ ވޯލްޑް ކަޕް ކޮލިފައިން، އޭޝިއަން ގޭމްސް އަދި 19 އަހަރުން ދަށުގެ އޭސީސީ ޗެލެންޖް މުބާާރާތެވެ.

ކޮމެންޓް

ފަހުގެ ޚަބަރު

ބްރޭކްތައް އަންނަ ގޮތުން "ލީގުގެ ފީލްއެއް ނީނދޭ": އާތީ

ދިވެހި ޕްރިމިއާ ލީގު މެދުކަނޑާލަން ޖެހުމުން ކުޅުންތެރިންގެ ފިޓްނަސް އާއި ޕާފޯމަންސަށް އަސަރުކޮށް، ލީގުގެ އަސްލު ފޯރި ނުލިބޭ ކަމަށް ޓީސީގެ ކޯޗު އާތީ ބުނެފި. އާތީ ފާހަގަކުރި ގޮތުގައި ގިނަ ދުވަސްތަކެއްގެ ބްރޭކްތަކުގެ ސަބަބުން ޓީމުތަކުގެ ކޮންޓިނިއުޓީ ގެއްލި، މެޗުތަކަށް ތައްޔާރުވުމުގައި ބޮޑެތި ގޮންޖެހުންތަކެއް ކުރިމަތިވޭ

ފީފާގެ އިންތިހާބުގައި އަރަބިންގެ ތާއީދު އިންފަންޓީނޯ އަށް

އަންނަ އަހަރު ބާއްވާ ފީފާގެ އިންތިހާބުގައި މިހާރުގެ ރައީސް ޖިއާނީ އިންފަންޓީނޯއަށް ތާއީދުކުރުމަށް 22 ގައުމު ހިމެނޭ އަރަބް ފުޓްބޯޅަ ޔޫނިއަން (ޔޫއޭއެފްއޭ) އިން ނިންމައިފިއެވެ. އިންފަންޓީނޯއާ އެކު ޖުމްލަ ތިން ކެންޑިޑޭޓުން ވާދަކުރާ މި އިންތިހާބުގައި، އޭޝިއާ އާއި އެފްރިކާގެ ގައުމުތަކުގެ ބޮޑު ތާއީދަކާއެކު އޭނާއަށް މަގާމު ދިފާއުކުރުމުގެ ފުރުސަތު ބޮޑުކަމަށް ބެލެވެއެވެ. ފީފާގެ އާ ރައީސަކު ހޮވުމަށް ވޯޓުލުން އޮންނާނީ އަންނަ އަހަރުގެ މާޗް މަހު މޮރޮކޯގައި ބާއްވާ ފީފާ ކޮންގްރެސްގައެވެ.

އިންޑިއާގެ ލެޖެންޑުން ފުޓްބޯޅަ ރައީސްގެ ޝަކުވާ ސަރުކާރަށް

އިންޑިއާގެ ފުޓްބޯޅަ ފެޑެރޭޝަންގެ ރައީސް ކަލްޔާން ޗޯބޭގެ އިތުބާރު ނެތްކަމުގެ މައްސަލަ، ބައިޗުން ބުޓިއާ ހިމެނޭހެން އެ ގައުމުގެ 14 ލެޖެންޑުން ސްޕޯޓްސް މިނިސްޓަރަށް ހުށަހަޅައިފި. މި ސިޓީގައި ފާހަގަކޮށްފައިވަނީ ފެޑެރޭޝަންގެ މާލީ ހާލަތު ގޯސްވެ ބަނގުރޫޓުވަމުންދާ ކަމަށް

ސުޒޭނާއި މޯހަންގެ ދުލުން: ބަދުނަސީބާއި ހައްލެއްގެ ވާހަކަ!

ސަރަހައްދުގެ އެހެން ގައުމުތަކުން ބޭރުގައި އުޅޭ އެ ގައުމުތަކުގެ ދަރިފަސްކޮޅުގެ ކުޅުންތެރިންނަށް ރަށްވެހިކަން ދީގެން ގައުމީ ޓީމުތައް ވަރުގަދަކުރަމުންދާއިރު، ރާއްޖެއަށް އެ ފުރުސަތު ކުޑަކަމަށް ކުރީގެ ކޯޗުން ފާހަގަކުރެއެވެ. މިކަމުގެ ސަބަބުން ރާއްޖޭގެ ފުޓްބޯޅައަށް ކުރިމަތިވެފައިވާ ގޮންޖެހުންތަކަށް ހައްލެއް ހޯދުމަށް އެކަށީގެންވާ ނިޒާމެއް ނެތްކަމުގެ ކަންބޮޑުވުން ވަނީ ފާޅުކޮށްފައެވެ.

ވޭގާގެ ނަމެއް ނެތް، ފީފާ އިންތިހާބުގައި ތިން ކެންޑިޑޭޓުން!

އަންނަ އަހަރު ބާއްވާ ފީފާގެ އިންތިހާބުގައި ވާދަކުރާ ތިން ކެންޑިޑޭޓުންގެ ނަން އިއުލާނުކުރިއިރު، ކުރީގެ ކުޅުންތެރިޔާ ރަމޮން ވޭގާގެ ނަން ޝަރުތު ހަމަނުވުމުގެ ސަބަބުން ވަނީ ބާކީވެފައި. މި އިންތިހާބުގައި ވާދަކުރައްވަނީ މިހާރުގެ ރައީސް އިންފަންޓީނޯގެ އިތުރުން ފްރާންސްގެ ފިލިޕޭ ޑިއާލޯ އަދި ޖަޕާނުގެ ކޯޒޯ ޓަޝީމާ

އަނިޔާއިން ރަނގަޅުވެ އިލާން އެނބުރި އަންނަން ތައްޔާރު

ކަކުލަށް ލިބުނު އަނިޔާއަކާ ގުޅިގެން ދެ މަހެއްހާ ދުވަހު ކުޅުމާ ދުރުގައި ހުރުމަށްފަހު، މާޒިޔާގެ ފޯވާޑް މުހައްމަދު އިލާން އިމްރާން އަލުން ކުޅުމަށް އެނބުރި އަންނަން ތައްޔާރުވެއްޖެ. މި އަނިޔާގެ ސަބަބުން އިލާނަށް ސާފް ޗެމްޕިއަންޝިޕާއި ލީގުގެ މުހިންމު މެޗުތަކެއް ގެއްލުނު ނަމަވެސް، އޭނާ މިހާރު ވަނީ ފަރިތަކުރުންތަކުގައި ބައިވެރިވާން ފަށާފައި

ފީފާ އިން ނޭޕާލްގެ ސަސްޕެންޝަން އުވާލަނީ؟

ފީފާގެ އެންގުންތަކަށް ބޯނުލެނބުމުގެ ސަބަބުން ނޭޕާލް ފުޓްބޯޅަ ފެޑެރޭޝަނަށް ދީފައިވާ ސަސްޕެންޝަން، ކުރިއަށް އޮތް މަހެއްހާ ދުވަސް ތެރޭގައި އުވާލާނެ ކަމަށް ނޭޕާލުން ވަނީ ބުނެފައި. މި ސަސްޕެންޝަން އުވާލުމަށް ނޭޕާލް ސަރުކާރުގެ މަންދޫބުން ފީފާ އާއި އޭއެފްސީއާ އެކު މަޝްވަރާކޮށްފައި

Newsletter

Get the latest news delivered straight to your inbox