ހުލާސާކޮށް އިއްޔެ: މުއިއްޒުގެ މައްޗަށް ނިޔާޒުގެ ބޮޑު ތުހުމަތެއް

Sep 15, 2023, 1:24 AM
ޕީއެންސީގެ ރިޔާސީ ކެންޑިޑޭޓު މުއިއްޒު އާއި ރަނިންމޭޓު ހުސައިން މުހައްމަދު ލަތީފު އަދި ޕީއެންސީގެ ލީޑަރު އަބްދުއްރަހީމް. -- ފޮޓޯ: އަބްދުﷲ އިޔާން/ އަދަދު

ޕީއެންސީގެ ރިޔާސީ ކެންޑިޑޭޓު މުއިއްޒު އާއި ރަނިންމޭޓު ހުސައިން މުހައްމަދު ލަތީފު އަދި ޕީއެންސީގެ ލީޑަރު އަބްދުއްރަހީމް. -- ފޮޓޯ: އަބްދުﷲ އިޔާން/ އަދަދު

ޕީއެންސީގެ ރިޔާސީ ކެންޑިޑޭޓު ޑރ. މުހައްމަދު މުއިއްޒުގެ ހައުސިން މިނިސްޓަރު ކަމުގައި ދައުލަތުގެ ނިޒާމު ހަރާބުކުރަން ފުރުސަތު ދެއްވާފައި ކަމަށް ވިދާޅުވެ، ކުރީގެ އޮޑިޓަ ޖެނެރަލް ނިޔާޒު އިބްރާހިމް ޕީޕީއެމް/ޕީއެންސީ އާއި މުއިއްޒަށް ވަރަށް ބޮޑަށް ފާޑު ވިދާޅުވި ކަމަށް ރޭ ރިޕޯޓުކުރި އެވެ.

ކުރީގެ ރައީސް އަބްދުﷲ ޔާމީންގެ ވެރިކަމުގައި، އެމްއެމްޕީއާރުސީގެ އޮޑިޓް ރިޕޯޓު ނެރުމުން މަގާމުން ދުރުކުރި ނިޔާޒު، އޭނާގެ ފޭސްބުކް ޕޭޖުގައި ލިޔުއްވާފައި ވަނީ ޕީޕީއެމް/ޕީއެންސީގައި މިހާރު އިސްކޮށް ތިބި ފަރާތްތަކުގެ ތެރެއިން ސާފު، ކޮރަޕްޝަނުން އެއްކިބާވެފައިވާ ކެންޑިޑޭޓަކު ނުނެރެވޭނެކަން ކަށަވަރުވާ ކަމަށެވެ.

އެއީ ކޮރަޕްޓު އިއްތިހާދެއް ކަމަށް ތުހުމަތު ކުރެއްވުމަށް ފަހު ނިޔާޒު ވިދާޅުވީ އެ ދެ ޕާޓީން ނަޒާހަތްތެރި ސިޔާސީ ލީޑަރުން ނެރުމަށް ހައެއްކަ ޖީލުގެ މުއްދަތެއް ބޭނުންވާނެ ކަމަށެވެ.

މަގާމުގެ ގޮތުން ދައުލަތުގެ އެއްވެސް ހައިސިއްޔަތެއް ނެތް މީހަކު މުޅި ދައުލަތުގެ ނިޒާމުތައް ހަރާބުކުރަން ފުރުސަތު ދީ، އެ މީހާ [ރައީސް އަބްދުﷲ ޔާމީންގެ އަނބިކަނބަލުން ފާތުމަތު އިބްރާހިމް] ބުނި ގޮތަށް އޭނަގެ އަރިސް މީހުންނަށް، ނިކަމެތި ރައްޔިތުންނަށް ނުދީ ސޯޝަލް ހައުސިން ފްލެޓުތައް ބަހާލި މީހަކު/ބަޔަކު ނިކަމެތި ރައްޔިތުންނާ ދޭތެރޭ އަދުލުވެރި/އިންސާފުވެރި ވާނެ ކަމަށް ހީކުރުމަކީ ވަރަށް މޮޔަ ކަމެއް،" ނިޔާޒު ވިދާޅުވި އެވެ.

ނިޔާޒު އެ ދައްކަވާ ވާހަކަތައް ގުޅެނީ އޭރު ހައުސިން މިނިސްޓްރީން ބައެއް ފްލެޓުތައް މުލިއާގެއިން އަންގާ ގޮތަށް ދިން ކަމަށް ކުރެވޭ ތުހުމަތުތަކާއި ސޯޝަލް ހައުސިން ލިބޭ ލިސްޓަށް ލާރި ދިން މީހުން ލައި ދިން ކަމަށް ބުނާ ތުހުމަތުތަކާ އެވެ.

އެގޮތުން އެ ސަރުކާރުގެ ދުވަސްވަރު ދޫކުރި ޓާޓާ ފްލެޓުތަކާއި ޗައިނާ ސަރުކާރުގެ އެހީގައި ހުޅުމާލޭ ފޭސް އެކެއްގައި އިމާރާތްކުރުމަށް ފަހު ދޫކުރި ފްލެޓުތަކާއި ހިޔާ ފްލެޓުތައް މިގޮތަށް ދިން ކަމަށް އޭރު ގިނަ ވާހަކަތަކެއް ދެކެވުނެވެ. ނަމަވެސް މި މައްސަލަތައް ކަމާ ބެހޭ އެއްވެސް އިދާރާއަކުން ތަހުގީގު ކުރި ކަމުގެ މައުލޫމާތެއް ނުލިބެ އެވެ.

އެކަމަކު މި ސަރުކާރުން ވަނީ ފްލެޓު ކޮމިޓީއެއް އުފައްދައި ހިޔާ ފްލެޓުތައް ލިބުނީ ހައްގުވެރި ފަރާތްތަކަށްތޯ ރިވިއުކޮށްފަ އެވެ. އެ ކޮމިޓީން އެހެން އެއްވެސް ފްލެޓަކާ ގުޅޭ މައްސަލައެއް ނުބަލަ އެވެ.

މުހިންމު ބައެއް ހަބަރު

ކޮމެންޓް

ފަހުގެ ޚަބަރު

ލޯ ޑިގްރީ އިމްތިހާނަށް މާލެ އަންނާކަށް ނުޖެހޭނެ: ބާ ކައުންސިލް

ލޯ ޑިގްރީގެ އިމްތިހާނުތައް ހެދުމަށް މާލެއަށް ނުވަތަ ވަކި ހާއްސަ ރަށަކަށް ހާޒިރުވުން ލާޒިމު ނޫން ކަމަށާއި، ދަރިވަރުން ދިރިއުޅޭ ރަށެއްގެ ސްކޫލް ނުވަތަ ކައުންސިލް މެދުވެރިކޮށް އިމްތިހާނު ހެދޭނެ މަގު ބާ ކައުންސިލުން ފަހިކޮށްދީފިއެވެ. އަންނަ އަހަރުން ފެށިގެން އަމަލުކުރާ މި އުސޫލުގެ ދަށުން އިމްތިހާނު ހަދާ ގޮތަށް ބަދަލު އައި ނަމަވެސް، ކޯހުގެ މަންހަޖާއި ކިޔަވައިދޭ މުއްދަތަށް އެއްވެސް ބަދަލެއް ނާންނާނެއެވެ.

ތަރައްގީގެ އެއްވެސް ކަމެއް ކުރުމަށް ލާރިއެއް ނެތް: ޝާކިރު

އަންނަ އަހަރުގެ ބަޖެޓުގައި ރިކަރަންޓް ހަރަދަށް ކެނޑުމަށްފަހު ތަރައްގީގެ މަޝްރޫއުތަކަށް ފައިސާ ނެތް ކަމަށް ވިދާޅުވެ މެންބަރު އަހުމަދު ޝާކިރު ކަންބޮޑުވުން ފާޅުކުރައްވައިފިއެވެ. އޭނާ ވިދާޅުވީ ދައުލަތުގެ އާމްދަނީގެ ބޮޑުބައެއް ހަރަދުވަނީ ރިކަރަންޓް ކަންކަމަށް ކަމަށާއި، މަޝްރޫއުތައް ހިންގަން ޖެހެނީ އިތުރަށް ދަރަނި ނަގައިގެން ކަމަށެވެ. މީގެ އިތުރުން ސަރުކާރު ކުންފުނިތަކުން ބޮޑެތި ގެއްލުންވަމުންދާ ދިއުމަށްވެސް އޭނާ ވަނީ ފާޑުވިދާޅުވެފައެވެ.

"ސިޓިޒަންސް ކޮމްޕްލެއިންޓްސް" ލައުންޖުތަކެއް ގާއިމުކޮށްފި

ރައްޔިތުންގެ ޝަކުވާތަކާއި ކަންބޮޑުވުންތައް ސަރުކާރަށް ހުށަހެޅުމަށްޓަކައި މާލެ އާއި ހުޅުމާލޭގައި "ސިޓިޒަންސް ކޮމްޕްލެއިންޓްސް" ބިއުރޯގެ ދެ ލައުންޖެއް މިއަދު ވަނީ ހުޅުވައިފައެވެ. ސަރުކާރު ބަންދު ނޫން ކޮންމެ ދުވަހަކު ޚިދުމަތް ދޭ މި އޮފީސްތަކަކީ ރައީސުލްޖުމްހޫރިއްޔާގެ އޮފީހުގެ ދަށުން ހިންގާ، ރައްޔިތުންގެ މައްސަލަތަކަށް ހައްލު ހޯދައިދިނުމަށް ގާއިމުކުރި ތަންތަނެވެ.

ރިއަލް އެސްޓޭޓު ބިލު މަޖިލީހަށް ބަލައިގަނެފި

މި ބިލު ބަލައިގަންނަން ވޯޓު ދިނީ 42 މެންބަރުން. ބިލާ ދެކޮޅަށް ވޯޓު ދެއްވީ އެމްޑީޕީގެ 13 މެންބަރުން. މި ބިލު ދިރާސާކުރާނީ ގައުމީ ތަރައްގީ އާއި ތަރިކައިގެ ކޮމިޓީން. މިއީ ގާނޫނުއަސާސީގެ ހިމާޔަތްތައް ނައްތާލައި، ތާއަބަދަށް ނުވަތަ ހުސްނުވާ ގޮތަށް ބޭރު މީހުންނަށް ބިން މިލްކުކުރެވޭނެ ގޮތް ހެދުމަށް އިންތިޒާމުތަކެއް ހިމަނާފައިވާ ބިލެއް

ބޮޑެތި ޖޫރިމަނާތަކެއް ހިމަނާފައިވާ އަބުރުގެ ބިލު ކޮމިޓީއަށް

ސޯޝަލް މީޑިއާގައި މީހެއްގެ އަބުރާ ބެހޭ ފަދަ ޕޯސްޓެއް ހިއްސާކޮށްފިނަމަ 5 ލައްކަ ރުފިޔާއާ ހަމައަށް ޖޫރިމަނާ ކުރެވޭ ގޮތަށް ހުށަހެޅި އަބުރުގެ ބިލު މަޖިލީހަށް ބަލައިގަނެ ކޮމިޓީއަށް ފޮނުވައިފިއެވެ. މި ބިލުގައި ބަހާއި، ފޮޓޯއާއި، އިޝާރާތް އަދި ފިލްމު ފަދަ ވަސީލަތްތައް މެދުވެރިކޮށް އަބުރާ ބެހުމުގެ ދައުވާ ކުރެވޭނެ ގޮތްތައް ބަޔާންކޮށްފައިވެއެވެ.

މަރުގެ އަދަބު ތަންފީޒު ކުރާ ބިލު ބަލައިގެންފި

ދަންޖައްސައިގެން މަރުގެ އަދަބު ތަންފީޒުކުރާ ގޮތަށް ސަރުކާރުން ހުށަހެޅި ބިލު ރައްޔިތުންގެ މަޖިލީހަށް މިއަދު ބަލައިގެންފިއެވެ. މި ބިލުގައި މަރުގެ އަދަބު ތަންފީޒުކުރާނެ ގޮތާއި، އެކަން ހިންގާނެ ޕެނަލެއް އެކުލަވާލުމުގެ އިތުރުން، ބަލިވެއިނުމާއި ދަރިފުޅަށް ދެ އަހަރު ފުރުން ފަދަ އަދަބު ތަންފީޒުނުކުރެވޭނެ ހާލަތްތައް ބަޔާންކޮށްފައިވެއެވެ.

ތިން ކުންފުންޏެއްގެ މަނީ އެކްސްޗޭންޖު ލައިސަންސް ބާތިލްކޮށްފި

މަނީ ޗޭންޖިން ގަވާއިދާ ތަކުރާރުކޮށް ހިލާފުވި ތިން ކުންފުންޏެއްގެ ލައިސަންސް އެމްއެމްއޭ އިން ބާތިލުކޮށް، އެ ކުންފުނިތައް ބޮޑެތި އަދަދުތަކުން ޖޫރިމަނާކޮށްފިއެވެ. މި ފިޔަވަޅަކީ ބޭރު ފައިސާގެ ބާޒާރު ކޮންޓްރޯލްކޮށް، ގަވާއިދާ ހިލާފު މުއާމަލާތްތައް ހުއްޓުވުމަށް އެމްއެމްއޭ އިން ކުރަމުންދާ މަސައްކަތުގެ ތެރެއިން އެޅި ފިޔަވަޅެކެވެ.

Newsletter

Get the latest news delivered straight to your inbox