ރިޔާސީ އިންތިހާބުގެ ވޯޓުލާން ރަސްމީކޮށް ހުޅުވާލި ވަގުތު ހަމަވެ، ވޯޓުލާން ކިޔުއަށް އެރުން ބަންދުކޮށްފި އެވެ.
މިއަދު ކުރިއަށްދާ ރިޔާސީ އިންތިހާބުގައި ވޯޓުލުމުގެ ހައްގު 282,395 މީހުންނަށް ލިބޭއިރު އޭގެ ތެރެއިން 63 ޕަސެންޓު މީހުން މިހާތަނަށް ވޯޓު ލައިފި އެވެ.
މާލޭގެ ވޯޓުލާ ބައެއް މަރުކަޒުތަކުގެ ކިޔުޖެހިފައިވީ ނަމަވެސް ވޯޓުލާން ހުޅުވާލި ވަގުތު އިތުރު ނުކުރާނެ ކަމަށް އިލެކްޝަންސް ކޮމިޝަނުން ބުނެ އެވެ. ނަމަވެސް މިހާރު ވެސް ކިޔުތަކުގައި ޖެހިފައި ތިބި މީހުންނަށް ވޯޓުލުމުގެ ފުރުސަތު އޮންނާނެ އެވެ.
މި ރިޔާސީ އިންތިހާބުގައި ޖުމްލަ 574 ވޯޓުފޮށި އިލެކްޝަންސް ކޮމިޝަނުން ބެހެއްޓި އެވެ. އެއީ މާލެ ސަރަހައްދުގައި ބެހެއްޓި 176 ފޮއްޓާއި އަތޮޅު ތެރޭގައި ބެހެއްޓި 319 ފޮށިީގެ އިތުރުން، ރިސޯޓުތަކުގައި ބެހެއްޓި 65 ފޮއްޓާއި ރާއްޖެއިން ބޭރުގައި ބެހެއްޓި އަށް ފޮށި، އަދި ޖަލުތަކާއި ސިނާއި ރަށްރަށުގައި ބެހެއްޓި ހަ ފޮއްޓެވެ.
