އައްޑޫން ރައީސް އަށް ހޫނު މަރުހަބާއެއް، ސަޕޯޓަރުން ބުނަނީ މިއީ އިންތިހާބުގެ ބޮޑު މަންޒަރުކަމަށް

ރައީސް އިބްރާހިމް މުހައްމަދު ސޯލިހު އައްޑޫގައި : އެމަނިކުފާނަށް މަރުހަބާ ކިޔަން އައްޑޫ އެއާޕޯޓުގައި ރެކޯޑު އަދަދަކަށް މީހުން އެއްވި - ފޮޓޯ: މިރާން ނާޝިމް / އަދަދު

ރައީސް އިބްރާހިމް މުހައްމަދު ސޯލިހު އައްޑޫގައި : އެމަނިކުފާނަށް މަރުހަބާ ކިޔަން އައްޑޫ އެއާޕޯޓުގައި ރެކޯޑު އަދަދަކަށް މީހުން އެއްވި - ފޮޓޯ: މިރާން ނާޝިމް / އަދަދު

މިއަދު އިރުއޮއްސެމުން ދިޔަ ވަގުތު ޖައްވަން ވެރިވި ރަން ރީނދޫކުލައާއެކު އައްޑޫގައި ފަވާލާފައި އޮތީ ހޮނިހިރު ދުވަހު ބާއްވާ ރިޔާސީ އިންތިހާބުގައި އެ ސިޓީގެ ތާއިދު ރަންރީނދުލުގެ އެމްޑީޕީއަށް އޮތް ކަމުގެ ސަފެވެ.

އިންތިހާބަށް ދެ ދުވަހަށް ވެފައިވާއިރު މިއަދު ހަވީރު އެމްޑީޕީގެ ރިޔާސީ ކެންޑިޑޑޭޓު ރައީސް އިބްރާހީމް މުހައްމަދު ސޯލިހު އައްޑޫ ސިޓީއަށް ވަޑައިގަތުމުން އެ މަނިކުފާނަށް މަރުހަބާ ކިޔުމަށް އެތައް ހާސް ބައެއް ނުކުތެވެ. އެއީ މި ރިޔާސީ އިންތިހާބުގެ ކެމްޕޭނު ފެށުނު ފަހުން އައްޑޫން ފެނުނު އެންމެ ހޫނު މަރުހަބާ އެވެ.

ރައީސަށް މަރުހަބާ ދެންނެވުމަށް ގަން އިންޓަނޭޝަލް އެއާޕޯޓުގައި ދަމާލާފައިވާ ސަފުގެ ދިގުމިނުންވެސް ދައްކުވައިދިނީ އެ މަނިކުފާނަށް އޮތް ލޯތްބާއި ތާއީދެވެ. އެ ސަފުގައި ތިބި އައްޑޫގެ ކުދި ބޮޑު އެންމެންނާ ސަލާންކުރެއްވުމަށް ރައީސް ގާތްގަނޑަކަށް ދޮޅު ގަޑިއެއްހާއިރު ހޭދަ ކުރެއްވި އެވެ.

Advertisement

"އައްޑޫ ރައްޔިތުން ރައީސް ސޯލިހަށް ދެ ވަނަ ދައުރެއް ދޭން ބޭނުންވާ ސަބަބުތައް އެބަ ފެނޭ، އެބަ އަތްލެވޭ، އައްޑޫގެ ރައްޔިތުން އެދުނު ހުރިހާ ކަމެއް މިދަނީ ވަމުން، ނިމެމުން، އެހެންވީމަ އައްޑޫ ސިޓީ ރައްޔިތުން އެކަންކަން ފުރިހަމަ ކުރަން ވަރަށް ބޮޑަށް ބޭނުންވާތީ ރައީސަށް ދެވަނަ ދައުރެއް ދޭން ބޭނުންވަނީ،" ރައީސް ސޯލިހަށް މަރުހަބާ ކިޔުމަށް ނުކުމެ ތިބި މީހުންގެ ސަފުގައި ހުންނެވި ހިތަދޫ ދެކުނު ދާއިރާގެ މެންބަރު އިބްރާހިމް ނާޒިލް ވިދާޅުވި އެވެ.

އައްޑޫ، ގަން އެއާޕޯޓުގައި ރައީސް ސޯލިހަށް މަރުހަބާ ކިޔުމަށް ދަމާލި ދޮޅު މޭލުގެ ސަފު - ފޮޓޯ: މިރާން ނާޝިމް / އަދަދު
އައްޑޫ، ގަން އެއާޕޯޓުގައި ރައީސް ސޯލިހަށް މަރުހަބާ ކިޔުމަށް ދަމާލި ދޮޅު މޭލުގެ ސަފު - ފޮޓޯ: މިރާން ނާޝިމް / އަދަދު

އައްޑޫ، ގަން އެއާޕޯޓުގައި ރައީސް ސޯލިހަށް މަރުހަބާ ކިޔުމަށް ދަމާލި ދޮޅު މޭލުގެ ސަފު - ފޮޓޯ: މިރާން ނާޝިމް / އަދަދު

އައްޑޫއަށް ނިސްބަތްވާ އެންވަޔަރަމަންޓު މިނިސްޓަރު އައިމިނަތު ޝައުނާ ވިދާޅުވީ އެއާޕޯޓުން ފެނިގެންދަނީ ހޮނިހިރު ދުވަހުގެ އިންތިހާބު ބޮޑުތަކުން ރައީސް ސޯލިހު ކާމިޔާބު ކުރައްވާ މަންޒަރު ކަމަށެވެ.

"ވަރަށް ފުރިހަމައަށް އެބަ ފެނޭ ބޮޑު މަންޒަރު، ހޮނިހިރު ދުވަހު މި ބޭއްވޭ އިންތިހާބުގެ ނަތީޖާވެސް، އައްޑޫގެ ނަތީޖާ އިރާދަކުރެއްވިއްޔާ އަޅުގަނޑުމެންނަށް ބޮޑުތަނުން ކާމިޔާބު ކުރެވޭ މަންޒަރު މި ފެންނަނީ" މިނިސްޓަރު ޝައުނާ

ރައްޔިތުންގެ މަޖިލީހުގެ ފޭދޫ ދާއިރާގެ މެންބަރު މުހައްމަދު ނިހާދު ވެސް، އެއާޕޯޓު ސަރަހައްދުގައި ދާއިރާގެ މެންބަރުންނާއެކު ފޯރި ނަންގަވަމުން ގެންދެވި އެވެ. ވިދާޅުވީ މިއީ ތާރީހީ ރެއެއް ކަމަށެވެ.

"އައްޑޫގެ ތާރީހުގައިވެސް އެންމެ ގިނައިން ސިޔާސީ ހަރަކާތެއްގައި ރައީސަކު ނުވަތަ ޕާޓީގެ ރައީސަކުވިޔަސް ރިސީވްކުރަން، މިހާ ގިނަ އަދަދެއްގެ ބަޔަކު ނިކުމެފައެއް ނުވޭ، މިއީ ހަމަ ރެކޯޑެއް، ރެކޯޑު އަދަދެއް،"

ރައީސް އައްޑޫގައި، އެ ސިޓީއިން ސަރުކާރުގެ މަޝްރޫއުތައް ބަލައިގަނެ ބޮޑު ތަރުހީބެއް - ފޮޓޯ: މިރާން ނާޝިމް / އަދަދު
ރައީސް އައްޑޫގައި، އެ ސިޓީއިން ސަރުކާރުގެ މަޝްރޫއުތައް ބަލައިގަނެ ބޮޑު ތަރުހީބެއް - ފޮޓޯ: މިރާން ނާޝިމް / އަދަދު

ރައީސް އައްޑޫގައި، އެ ސިޓީއިން ސަރުކާރުގެ މަޝްރޫއުތައް ބަލައިގަނެ ބޮޑު ތަރުހީބެއް - ފޮޓޯ: މިރާން ނާޝިމް / އަދަދު

އައްޑޫގެ މުޅި ޗާޓު ބަދަލުކޮށްލާ ބިޔަ ޕްރޮޖެކްޓާ އަދި އެހެން އެއްވެސް ސަރުކާރެއްގައި ކޮށް ނުދޭހާ ގިނަ ޕްރޮޖެކްޓުތައް މި ސަރުކާރުން އެ ސިޓީގައި ހިނަގަމުންދާތީ އެ ސިޓީގެ ރައްޔިތުން ސިފަކުރަނީ ރައީސް ސޯލިހަކީ އައްޑޫ ދަރިޔެއްގެ ގޮތުގައި އެވެ.

"އައްޑޫން މިހާ ގިނަ ރައްޔިތުން ނުކުތް ސަބަބަކީ، ރައީސް ސޯލިހު އައްޑޫގެ ދަރިޔެއްގެ ގޮތުގައި ދެކޭތީ. އައްޑޫގެ ތާރީހުގައިވެސް މީގެ ކުރިން ނުގެނެވޭހާ ތަރައްގީ އެމަނިކުފާނުގެ ވެރިކަމުގައި މި ސިޓީ އަށް ގެނެސްފި،" މެމްބަރު ނިހާދު ވިދާޅުވި އެވެ.

އޭނާ ގަބޫލު ކުރައްވާ ގޮތުގައި އައްޑޫ ފުރިހަމަ ސިޓީއެއްގެ ގޮތަށް ބަދަލުކޮށްލުމުގެ ވިސްނުން ގެންގުޅުއްވަނީ ރައީސް ސޯލިހެވެ.

ކޮމެންޓް

ފަހުގެ ޚަބަރު

ދިރާގު ރޯޑް ރޭސް 5،500އަށްވުރެ ގިނަ ދުވުންތެރިންނާއެކު ބާއްވައިފި

ދިރާގު މޯލްޑިވްސް ރޯޑް ރޭހުގެ 17 ވަނަ އެޑިޝަން 5،500 އަށްވުރެ ގިނަ ދުވުންތެރިންނާއެކު ހުޅުމާލެ ސެންޓްރަލް ޕާކުގައި ވަނީ ބާއްވާފައެވެ. މި ދުވުމުގެ ލައިވް އަޕްޑޭޓްތަކާއި، ނަތީޖާ އަދި ދުވުންތެރިންގެ ރޭންކިންގ ބަލައިލުމުގެ ފުރުސަތު ދިރާގުން ވަނީ ޚާއްޞަ މޮބައިލް އެޕްލިކޭޝަނެއް މެދުވެރިކޮށް ފަހިކޮށްދީފައެވެ.

ޕީއެންސީގެ މެންބަރުންގެ އަދަދު ލައްކައަކަށްވުރެ ދަށަށް

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އެރިތާ 24 ގަޑިއިރު ނުވަނީސް، އަލުން އެ އަދަދު ލައްކައަކަށް ވުރެ ދަށަށް ގޮސްފިއެވެ. އިދިކޮޅު ފަރާތްތަކުން ތުހުމަތުކުރާ ގޮތުގައި މި އަދަދު ހަމަކުރުމަށްޓަކައި ވަޒީފާގެ ބިރުދެއްކުމާއި ރިޝްވަތުގެ ގޮތުގައި ފައިސާ ބޭނުންކޮށްފައިވެއެވެ. އީސީގެ ތަފާސްހިސާބުތަކުން ދައްކާގޮތުގައި އެ ޕާޓީގެ މެންބަރުންގެ އަދަދު މިހާރު ވަނީ 99,930 އަށް ތިރިވެފައެވެ.

ރަސްމާލޭގެ ޑީލުގައި ސޮއިނުކުރަން އެދި އަލައްބާރަށް ސިޓީއެއް

ރަސްމާލެ މަޝްރޫއުގެ މިހާރުގެ ޝަރުތުތަކާއި ގާނޫނުއަސާސީއާ ފުށުއެރުންތަކެއް ހުރި ކަމަށާއި، އެކަމުގައި އެކަށީގެންވާ ގޮތެއްގައި ރައްޔިތުންގެ ހިޔާލު ހޯދާފައި ނުވާތީ، ދެން އަންނަ ސަރުކާރަކުން ވެސް މި މަޝްރޫއުގެ އެއްބަސްވުން އަލުން މުރާޖައާކުރުމަށް ނުވަތަ އެއްކޮށް ބާތިލުކުރުމުގެ ފުރުސަތު އޮތް ކަމަށް އެ ސިޓީގައި ބުނެފައިވޭ.

"ރަސްމާލެ މައްސަލައިގައި މުއިއްޒު ވަނީ އަނގަވަތަށް ވެއްޓިފައި"

ރަސްމާލެ މަޝްރޫއަކީ ރާއްޖޭގެ ސިޔާދަތަށް އުނިކަންލިބޭ، ބޭރުގެ ފަރާތްތަކަށް ބިން ދިނުމަށް ހިންގާ ހީލަތްތެރި ރޭވުމެއް ކަމަށް ވިދާޅުވެ ކުރީގެ ރައީސް ޔާމީން ސަރުކާރަށް ވަރަށް ބޮޑަށް ފާޑުވިދާޅުވެއްޖެއެވެ. މި މަޝްރޫއުގެ ސަބަބުން ރައީސް މުއިއްޒު ރައްޔިތުންގެ ކުރިމަތީގައި ބޭޒާރުވެފައިވާ ކަމަށާއި، މި ސަރުކާރަށް ދެވަނަ ދައުރެއް ރައްޔިތުން ނުދޭނެ ކަމަށް ޔާމީން ވިދާޅުވިއެވެ.

ރަސްމާލެ ދޫކޮށްލުމާ ދެކޮޅުވެރިކަމެއް ނެތްކަމުގެ އިޝާރާތެއް

ރަސްމާލެއިން ބައެއް ބޭރުގެ ކުންފުންޏަކަށް ދޫކޮށްލުމާ ދެކޮޅު ހަދަނީ މަދު ބަޔަކު ކަމަށާއި، ދިވެހިން އަބަދުވެސް އިސްކުރަނީ ގައުމީ ތަރައްގީކަން މުއިއްޒު ފާހަގަކުރެއްވި. މީގެކުރިންވެސް ރާއްޖެއަށް އައި ބޮޑެތި ބަދަލުތަކާ ބައެއް މީހުން ދެކޮޅު ހެދި ނަމަވެސް، ގިނަ ރައްޔިތުން ތާއީދުކުރީ ގައުމީ ކުރިއެރުމަށްކަން އެމަނިކުފާނު ބަޔާންކޮށްދެއްވި.

ހުލާސާކޮށް އިއްޔެ: ސިޔާސީ ޕާޓީތަކުގެ ދަފްތަރަށް އައި ބޮޑު ބަދަލު

ޕީއެންސީގެ މެންބަރުންގެ އަދަދު އެއްލައްކައަށް އެރުމާއެކު، ޖުމްހޫރީ ޕާޓީ އާއި އަދާލަތު ޕާޓީ ފަދަ ދުވަސްވީ ޕާޓީތަކުން ގިނަ އަދަދެއްގެ މެންބަރުންނާއި އިސް ބޭފުޅުން ވަނީ ވަކިވެފައެވެ. މީގެ އިތުރުން، ރަސްމީ ޖަލްސާތަކުގެ ޕްރޮޓޮކޯލަށް ބަދަލުތަކެއް ގެނެސްފައިވާއިރު، ރަސްމާލެ މަޝްރޫއާ ގުޅޭގޮތުން އިލްމުވެރިންނާއި ސިޔާސީ ފަރާތްތަކުގެ މެދުގައި ވަނީ ޚިޔާލުތަފާތުވުންތަކެއް އުފެދިފައެވެ.

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

Newsletter

Get the latest news delivered straight to your inbox