ކުޑަހުވަދޫ 'ކުޑަކުދިންގެ ރެޒިޑެންޝަލް މަރުކަޒު' މި މަސް ނިމުމުގެ ކުރިން ހުޅުވަނީ

ކުޑަހުވަދޫގައި ސަރުކާރުން ގާއިމުކުރާ ކުޑަކުދިންގެ ރެޒިޑެންޝަލް މަރުކަޒު---

ކުޑަހުވަދޫގައި ސަރުކާރުން ގާއިމުކުރާ ކުޑަކުދިންގެ ރެޒިޑެންޝަލް މަރުކަޒު---

ދ. ކުޑަހުވަދޫގައި ސަރުކާރުން ގާއިމުކުރާ ކުޑަކުދިންގެ ރެޒިޑެންޝަލް މަރުކަޒުގެ މަސައްކަތް ނިންމައި މި މަސްތެރޭ ހުޅުވާނެ ކަމަށް ހޯމް މިނިސްޓަރު އިމްރާން އަބްދުﷲ ވިދާޅުވެއްޖެ އެެވެ.

މިނިސްޓަރު މިފަދައިން ވިދާޅުވީ ރައީސް އިބްރާހިމް މުހައްމަދު ސޯލިހުގެ ކެމްޕޭނަށް ހދ. މަކުނޫދޫގައި ރޭ ބޭއްވި ޖަލްސާގަ އެވެ.

އެ ޖަލްސާގައި އިމްރާން ވިދާޅުވީ ކުށުގެ ވެއްޓަށް ހުށަހަޅިފައިތިބި ކުދިން އިސްލާހުކޮށް އުފެއްދުންތެރި ޒުވާނުން ގޮތުގައި އަނބުރާ މުޖުތަމައަށް ގެންނާނެ ގޮތް ރައީސް ސޯލިހަށް އެނގިވަޑައިގަންނަވާ ކަމަށެވެ. އަދި އެކަން ހާސިލުކުރުމަށް ގާނޫނު ބަދަލުކޮށް ފަރުވާދޭ މަރުކަޒުތައް އަޅައި އުފެއްދުންތެރި މިސްރާބަކަށްް މި ސަރުކާރުން އަމާޒު ހިފާފައިވާ ކަމަށް ވިދާޅުވި އެެވެ.

އެގޮތުން ކުރިން މާފުށީގައި ހިންގި އިސްލާހިއްޔާގެ މަސައްކަތް ހުއްޓުނުތާ 20 އަހަރު ފަހުން މި ސަރުކާރުން އަލުން އެ މަސައްކަތް ފަށަން ތައްޔާރުވެފައިވާ ކަމަށާއި އެ ބޭނުމަށް ކުޑަހުވަދޫގައި ގާއިމުކޮށްފައިވާ ސެންޓަރު މި ސެޕްޓެމްބަރު މަސް ނިމުމުގެ ކުރިން ހުޅުވައި ހިދުމަތް ދޭން ފަށާނޭ ކަމަށް އިމްރާން ވިދާޅުވި އެވެ.

"އިރާދަކުރެއްވިއްޔާ ސެޕްޓެމްބަރު މަސް ނިމޭއިރުގަ، މީގެ 20 އަހަރު ކުރިން ހުއްޓިފައި ހުރި މަސައްކަތް އަޅުގަނޑުމެން މި ފަށައިގަންނަނީ. 20 އަހަރު ކުރިން މާފުށީގައި ހުރި އިސްލާހިއްޔާ ވަނީ އުވާލެވިފަ. އެއްގޮތަކަށްވެސް އަތްނުލެވި އޮތް މަސައްކަތް، މި ސެޕްޓެމްބަރު މަސް ނިމޭއިރު އިރާދަކުރެއްވިއްޔާ އަޅުގަނޑުމެން ކުޑަހުވަދޫ ސެންޓަރުގައި ފަށައިގަންނާނަން" އިމްރާން ވިދާޅުވި އެވެ.

ކުޑަކުދިންގެ އަދުލުގެ ގާނޫނުގެ ދަށުން، ކުޑަކުދިންނަށް ފަރުވާ ދީ، އެ ކުދިން ބެލެހެއްޓުމަށް ކުޑަކުދިންގެ ކަރެކްޝަނަލް މަރުކަޒުތަކެއް އަޅަން ޖެހެ އެވެ. އަދުލުގެ ގާނޫނުގެ ދަށުން ކުށުގެ ވެށިން ގެންނަ ކުއްޖެއްގެ މައްސަލަ ފުލުހުން ތަހުގީގުކޮށް، އަދި ޕީޖީން އެ މައްސަަލަ ކޯޓަށް ފޮނުވައި ކުށް ސާބިތުވެއްޖެ ނަމަ ފިޔަވަޅެއްގެ ގޮތުން ދެން އެ ކުއްޖާ ގެންދާނީ އިސްލާހު ކުރުމަށް ފަރުވާ ދޭ ކޮންމެވެސް މަރުކަޒަކަށެވެ. އޭގެ ތެރޭގައި ރެސިޑެންޝަލް ޓްރީޓްމެންޓްގެ އިތުރުން، ޖުވެނައިލް ޑިޓެންޝަލް ސެންޓަރާއި ލޯންގްޓާމް ސެކިއޯ ފެސިލިޓީ ހިމެނެ އެވެ.

އެގޮތުން މި ސެންޓަރު ބޭނުންކުރާނީ ކުޑަކުދިން އިސްލާހުކޮށްގެން އަލުން މުޖުތަމައަށް ނެރުން ބޭނުންވާ ޕްރޮގްރާމްތައް ހިންގުމަށެވެ. މިތަނުގައި ބައިތިއްބާ ކުދިންނަކީ ކުށުގެ ރެކޯޑަށް ބަލާފައި މުޖުތަމައުން އެކަހެރިކޮށްގެން ރިހެބިލިޓޭޓް ކުރަން ޖެހޭ ގިންތީގެ ކުދިންނެވެ. އަދި މިތަނުގައި ކުދިން ބައިތިއްބާނީ ފުރިހަމަ ކުރަން ޖެހޭ ޕްރޮގްރާމްތައް ނިމެންދެންނެވެ.

ކޮމެންޓް

ފަހުގެ ޚަބަރު

ރަސްމާލޭގެ ބަދަލު ދޭނީ މެންބަރުންނާއި ވެރިންގެ މުދަލުން: ފައްޔާޒު

ފައްޔާޒު ވަނީ މި މަޝްރޫއަށް މަގުފަހިކުރަން ހުށަހަޅާފައިވާ ބިލަކީ ގާނޫނުއަސާސީއާ ހިލާފަށް، ބޭރުގެ ފަރާތްތަކަށް ރާއްޖޭގެ ބިންތައް ދާއިމީކޮށް މިލްކުވާ ގޮތަށް އޮތް ބިލެއް ކަމަށް ވިދާޅުވެފަ. އަދި މިނިވަން ކޯޓެއް އޮތް ނަމަ ވުޖޫދުކުރަން އުޅޭ ގާނޫނާއީ ބިލު ވެސް ބާތިލުކުރާނެ ކަމަށް އޭނާ ވިދާޅުވި.

ކްރެކް ނުކުރެވިގެން ޖުމާންގެ ފޯނު ރާއްޖެއިން ބޭރަށް ފޮނުވަނީ

ޓެރަރިޒަމްގެ ތުހުމަތުގައި ހައްޔަރުކުރި އަލީ ޖުމާންގެ ފޯނު ހުޅުވަން އޭނާ އިންކާރުކުރުމުން، އެ ފޯނު ތަހުލީލުކުރުމަށް ރާއްޖެއިން ބޭރަށް ފޮނުވުމުގެ މަސައްކަތް ފުލުހުން ދަނީ ކުރަމުން. ސޯޝަލް މީޑިއާގައި ހުޅުޖެހުމަށާއި މުދަލަށް ގެއްލުންދޭން ހިތްވަރުދިން ކަމުގެ ތުހުމަތު އޮތް ޖުމާން، ބަންދުގައި ބެހެއްޓުމަށް ކޯޓުން ވަނީ އިތުރު 15 ދުވަސް ދީފަ.

މިއީ މިހާރު ހަމަ ކާޓޫނަކަށް ވެއްޖެ: ނަޝީދު

ނަޝީދު ވަނީ މި މައްސަލައިގައި ސަރުކާރަށް ފާޑުވިދާޅުވަމުން ވެރިކަމަށް ވަޑައިގަތީ ރައީސް ޔާމީންގެ ނަންފުޅު ބޭނުންކުރައްވައިގެން ކަމަށާއި، ނަމަވެސް މިހާރު ޔާމީނާއި ތަޖުރިބާކާރު ބޭފުޅުން އެއްކައިރިކޮށްފައިވާ ކަމަށް ވެސް ތުހުމަތުކުރައްވާފަ.

ނުރައްކާވާ މިންވަރަށް އުތުރާއި މެދުރާއްޖެއަށް ދުންފުހުގެ އަސަރު

ސިއްހަތަށް ނުރައްކާވާ މިންވަރަށް މާލެއާއި ކުޅުދުއްފުއްޓަށް ދުންފުނީގެ އަސަރުކޮށް، ވައި ނުސާފުވެފައިވާތީ ރައްކާތެރިކަމުގެ ފިޔަވަޅުތައް އެޅުމަށް އެޗްޕީއޭއިން ވަނީ އިލްތިމާސްކޮށްފައި. މެޓް އޮފީހުން ލަފާކުރާ ގޮތުގައި ކުރިއަށް އޮތް ދުވަސްތަކުގައިވެސް ރާއްޖޭގެ އެކި ސަރަހައްދުތަކަށް ދުންފުނީގެ އަސަރު ފޯރާނެ.

އީގަލް ހިލްސްއާއެކު ސޮއިކުރި ކޮމާޝަލް ޓާމްސް އެގްރީމެންޓެއް ނެތް

މި މައުލޫމާތު ހޯދަން "އަދަދު" ނޫހުން އެދުމުން މިނިސްޓްރީން ޖަވާބު ދިނީ އެއީ އެ މިނިސްޓްރީން ބަލަހައްޓާ މައުލޫމާތު ނޫން ކަމަށާއި، މަޝްރޫއުގެ މައިގަނޑު އެއްބަސްވުމުގައި އަދި ސޮއިނުކުރާ ކަމަށް ބުނެ އެވެ.

ނޮވެމްބަރު 26، ގައި އެމްޑީޕީން މަގުމައްޗަށް ނުކުންނަނީ

ރަސްމާލެ މަޝްރޫޢުގެ ބޮޑު ބައެއް ބޭރު ކުންފުންޏަކަށް ދޫކޮށްލުމާ ގުޅޭގޮތުން ރައްޔިތުންގެ ފެންނަ ނުފެންނަ ވޯޓެއް ނެގުމަށް ގޮވާލައި، މި މަހުގެ 26 ގައި މަގުމައްޗަށް ނުކުމެ އިހުތިޖާޖުކުރަން އެމްޑީޕީން ވަނީ ނިންމާފައި. އެ ޕާޓީން ބުނާގޮތުގައި މި މަޝްރޫޢަކީ ރައްޔިތުންނަށް ސާފުނުވާ ގިނަ ކަންތައްތަކެއް ހުރި މަޝްރޫއެއް.

މުއިއްޒު އަންނަ މަހު ބަންގްލަދޭޝްއަށް ވަޑައިގަންނަވަނީ

ރައީސް މުޙައްމަދު މުޢިއްޒު އަންނަ ޑިސެމްބަރު މަހުގެ 13 ވަނަ ދުވަހު ބަންގްލަދޭޝްއަށް ފުރަމާނަ ދަތުރުފުޅެއް ކުރެއްވުމަށް ވަނީ ހަމަޖެހިފައެވެ. ތިން ދުވަހުގެ މި ދަތުރުފުޅުގައި ދެ ގައުމުގެ ގުޅުން ބަދަހިކުރުމަށާއި، ރާއްޖޭގައި އުޅޭ ބަންގްލަދޭޝް މަސައްކަތްތެރިންގެ ހައްގުތަކާ ގުޅޭގޮތުން މަޝްވަރާކުރުމަށް ވަނީ ރޭވިފައެވެ.

Newsletter

Get the latest news delivered straight to your inbox