މުއިއްޒު "އަނިޔާވެރިކަން" ނައްތާލާނަމަ އެންމެން ތިބޭނީ ޖަލުގައި: ރައީސް

ރިޔާސީ އިންތިހާބުގެ ކެމްޕޭނުގައި ރައީސް ހދ. ފިނޭގައި; ވާދަވެރި ކެންޑިޑޭޓަށް ފާޑުކިއުން އަމާޒުކުރި -- ފޮޓޯ: މިރާން /އަދަދު

ރިޔާސީ އިންތިހާބުގެ ކެމްޕޭނުގައި ރައީސް ހދ. ފިނޭގައި; ވާދަވެރި ކެންޑިޑޭޓަށް ފާޑުކިއުން އަމާޒުކުރި -- ފޮޓޯ: މިރާން /އަދަދު

ވާދަވެރި ކެންޑިޑޭޓް ޑރ. މުހައްމަދު މުއިއްޒު, ރާއްޖެއިން 'އަނިޔާވެރިކަން' ނައްތާލަން ނިކުމެވަޑައިގެންފި ނަމަ އެންމެން ހިފާ ހައްޔަރުކޮށް ޖަލަށް ލާނެ ކަމަށް އެމްޑީޕީގެ ކެންޑިޑޭޓް ރައީސް އިބްރާހިމް މުހައްމަދު ސޯލިހު ތުހުމަތުކުރައްވައިފި އެވެ.

އަންނަ ހޮނިހިރު ދުވަހު ބާއްވާ ރިޔާސީ އިންތިހާބަށް ކެމްޕޭންކުރަން އެމްޑީޕީ އާއި ގުޅިފައިވާ ޕާޓީތަކުން ހދ. ފިނޭގައި ބޭއްވި ޖަލްސާގައި ރައީސް މިމޭރުމުން ވާހަކަފުޅު ދެއްކެވީ ވާދަވެރި ކެންޑިޑޭޓް މުއިއްޒު, ރޭގެ ރިޔާސީ ބަހުސްގައި ދެއްކެި ބައެއް ވާހަކަތަަކަށް ރައްދު ދެއްވުމުގެ ގޮތުންނެވެ.

ރޭގެ ބަހުސް ނިންމަވާލައްވަމުން މުއިއްޒު ވިދާޅުވީ ގައުމަށް މިހާރު ބޭނުންވާ ކަމަކީ އަނިޔާވެރިކަން ނިމިގެންގޮސް ހަމަޖެހުން އައުން ކަމަށެވެ. އެ ވާހަކައަށް ރައްދު ދެއްވަމުން, ރައީސް ސޯލިހު އިޝާރާތްކުރެއްވީ މުއިއްޒު އިސް މަގާމެއް ފުރުއްވި ކުރީގެ ރައީސް ޔާމީންގެ ވެރިކަމުގައި ރާއްޖޭގެ ހާލަތު އޮތް ގޮތަށެވެ.

އިންތިހާބުގައި ވާދަކުރަން ނިކުމެ ތިބި ކެންޑިޑޭޓުންނާމެދު ވިސްނުމަށް އިލްތިމާސް ކުރައްވާ ރައީސް ވިދާޅުވީ އޭގެ ތެރެއިން ގިނަ ބޭފުޅުންނަކީ މީގެ ކުރީގެ ސަރުކާރުތަކުގެ އިސް މަގާމުތަކުގައި ތިބި ނުވަތަ ނުފޫޒުގަދަ ބޭފުޅުން ކަމަށެވެ.

"މިއަދު އެ ބޭފުޅުން އަނިޔާވެރިކަން ނައްތާލަންށޭ ބޭނުންވަނީ ކިޔާފައި ނިކުމެއްޖިއްޔާ އެކަން ވެގެންދާނީ އަޅުގަނޑުމެން އެންމެން ގެންގޮސް ހިފާ ހައްޔަރުކޮށްގެން ޖަލަށްލުން." ނަން ވިދާޅުނުވެ, މުއިއްޒުގެ ވެރިކަމުގައި ރާއްޖޭގެ ހާލަތު އޮންނާނެ ގޮތް ތަސައްވަރު ކުރައްވަމުން ރައީސް ވިދާޅުވި އެވެ.

ރައީސް ވިދާޅުވީ މުއިއްޒުގެ ވެރިކަމެއްގައި ސަރުކާރާ ދެކޮޅަށް ހިޔާލުފާޅުކުރާ އެއްވެސް މީހަކަށް ފުރުސަތެއް ނޯންނާނެ ކަމަށެވެ. އެމަނިކުފާނު ވިދާޅުވި ގޮތުގައި މުއިއްޒު ކެމްޕޭން ކުރައްވަމުން ގެންދަވަނީ ވެސް އެގޮތަށް ކަމަށެވެ.

"ކެމްޕޭނުތަކުގައި ދަތުރުކުރާއިރު ވެސް ކިރިޔާވެސް ނުރުހޭ ވާހަކައެއް ބުނެފިއްޔާ އެއިން މީހަކާ ބައްދަލެއް ނުކުރޭ. އެކަހަލަ ގޮތަކަށް ކެމްޕޭންތައް އެ ގެންދަނީ" ރައީސް ވިދާޅުވި އެވެ.

ރައީސް ވިދާޅުވި ގޮތުގައި އެމަނިކުފާނު މިއަދުވެސް ގެންދަވަނީ ރައްޔިތުންގެ އަޑުއައްސަވައި, ރައްޔިތުންގެ އިހުސާސްތައް ދެނެގަނެ, އެކަންކަމަށް ހައްލު ހޯދޭނީ ކިހިނެތްތޯ ބައްލަވައި, އެއަށް ވަގުތުން ފިޔަވަޅު އަޅުއްވަމުންނެވެ. އަދި ކުރިއަށް އޮތްތަނުގައި ވެސް މަސައްކަތް ކުރާނީ އެގޮތަށް ކަމަށް ވެސް ވިދާޅުވި އެވެ.

އެއްވެސް މީހަކު ބާކީ ނުކޮށް, ތަފާތު ނުކޮށް ކަންކަން ކޮށްދިނުމަކީ އެމަނިކުފާނުގެ ސިޔާސަތު ކަން ފާހަގަކުރައްވަމުން ރައީސް ވިދާޅުވީ ސިޔާސީ ހިޔާލު ތަފާތުވުމަކީ ރާއްޖޭގެ ތަރައްގީއަށް އޮތް ހުރަހެއް ކަމަށް ދެކެވަޑައިނުގަންނަވާ ކަމަށެވެ.

ކޮމެންޓް

ފަހުގެ ޚަބަރު

ދިރާގު ރޯޑް ރޭސް 5،500އަށްވުރެ ގިނަ ދުވުންތެރިންނާއެކު ބާއްވައިފި

ދިރާގު މޯލްޑިވްސް ރޯޑް ރޭހުގެ 17 ވަނަ އެޑިޝަން 5،500 އަށްވުރެ ގިނަ ދުވުންތެރިންނާއެކު ހުޅުމާލެ ސެންޓްރަލް ޕާކުގައި ވަނީ ބާއްވާފައެވެ. މި ދުވުމުގެ ލައިވް އަޕްޑޭޓްތަކާއި، ނަތީޖާ އަދި ދުވުންތެރިންގެ ރޭންކިންގ ބަލައިލުމުގެ ފުރުސަތު ދިރާގުން ވަނީ ޚާއްޞަ މޮބައިލް އެޕްލިކޭޝަނެއް މެދުވެރިކޮށް ފަހިކޮށްދީފައެވެ.

ޕީއެންސީގެ މެންބަރުންގެ އަދަދު ލައްކައަކަށްވުރެ ދަށަށް

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އެރިތާ 24 ގަޑިއިރު ނުވަނީސް، އަލުން އެ އަދަދު ލައްކައަކަށް ވުރެ ދަށަށް ގޮސްފިއެވެ. އިދިކޮޅު ފަރާތްތަކުން ތުހުމަތުކުރާ ގޮތުގައި މި އަދަދު ހަމަކުރުމަށްޓަކައި ވަޒީފާގެ ބިރުދެއްކުމާއި ރިޝްވަތުގެ ގޮތުގައި ފައިސާ ބޭނުންކޮށްފައިވެއެވެ. އީސީގެ ތަފާސްހިސާބުތަކުން ދައްކާގޮތުގައި އެ ޕާޓީގެ މެންބަރުންގެ އަދަދު މިހާރު ވަނީ 99,930 އަށް ތިރިވެފައެވެ.

ރަސްމާލޭގެ ޑީލުގައި ސޮއިނުކުރަން އެދި އަލައްބާރަށް ސިޓީއެއް

ރަސްމާލެ މަޝްރޫއުގެ މިހާރުގެ ޝަރުތުތަކާއި ގާނޫނުއަސާސީއާ ފުށުއެރުންތަކެއް ހުރި ކަމަށާއި، އެކަމުގައި އެކަށީގެންވާ ގޮތެއްގައި ރައްޔިތުންގެ ހިޔާލު ހޯދާފައި ނުވާތީ، ދެން އަންނަ ސަރުކާރަކުން ވެސް މި މަޝްރޫއުގެ އެއްބަސްވުން އަލުން މުރާޖައާކުރުމަށް ނުވަތަ އެއްކޮށް ބާތިލުކުރުމުގެ ފުރުސަތު އޮތް ކަމަށް އެ ސިޓީގައި ބުނެފައިވޭ.

"ރަސްމާލެ މައްސަލައިގައި މުއިއްޒު ވަނީ އަނގަވަތަށް ވެއްޓިފައި"

ރަސްމާލެ މަޝްރޫއަކީ ރާއްޖޭގެ ސިޔާދަތަށް އުނިކަންލިބޭ، ބޭރުގެ ފަރާތްތަކަށް ބިން ދިނުމަށް ހިންގާ ހީލަތްތެރި ރޭވުމެއް ކަމަށް ވިދާޅުވެ ކުރީގެ ރައީސް ޔާމީން ސަރުކާރަށް ވަރަށް ބޮޑަށް ފާޑުވިދާޅުވެއްޖެއެވެ. މި މަޝްރޫއުގެ ސަބަބުން ރައީސް މުއިއްޒު ރައްޔިތުންގެ ކުރިމަތީގައި ބޭޒާރުވެފައިވާ ކަމަށާއި، މި ސަރުކާރަށް ދެވަނަ ދައުރެއް ރައްޔިތުން ނުދޭނެ ކަމަށް ޔާމީން ވިދާޅުވިއެވެ.

ރަސްމާލެ ދޫކޮށްލުމާ ދެކޮޅުވެރިކަމެއް ނެތްކަމުގެ އިޝާރާތެއް

ރަސްމާލެއިން ބައެއް ބޭރުގެ ކުންފުންޏަކަށް ދޫކޮށްލުމާ ދެކޮޅު ހަދަނީ މަދު ބަޔަކު ކަމަށާއި، ދިވެހިން އަބަދުވެސް އިސްކުރަނީ ގައުމީ ތަރައްގީކަން މުއިއްޒު ފާހަގަކުރެއްވި. މީގެކުރިންވެސް ރާއްޖެއަށް އައި ބޮޑެތި ބަދަލުތަކާ ބައެއް މީހުން ދެކޮޅު ހެދި ނަމަވެސް، ގިނަ ރައްޔިތުން ތާއީދުކުރީ ގައުމީ ކުރިއެރުމަށްކަން އެމަނިކުފާނު ބަޔާންކޮށްދެއްވި.

ހުލާސާކޮށް އިއްޔެ: ސިޔާސީ ޕާޓީތަކުގެ ދަފްތަރަށް އައި ބޮޑު ބަދަލު

ޕީއެންސީގެ މެންބަރުންގެ އަދަދު އެއްލައްކައަށް އެރުމާއެކު، ޖުމްހޫރީ ޕާޓީ އާއި އަދާލަތު ޕާޓީ ފަދަ ދުވަސްވީ ޕާޓީތަކުން ގިނަ އަދަދެއްގެ މެންބަރުންނާއި އިސް ބޭފުޅުން ވަނީ ވަކިވެފައެވެ. މީގެ އިތުރުން، ރަސްމީ ޖަލްސާތަކުގެ ޕްރޮޓޮކޯލަށް ބަދަލުތަކެއް ގެނެސްފައިވާއިރު، ރަސްމާލެ މަޝްރޫއާ ގުޅޭގޮތުން އިލްމުވެރިންނާއި ސިޔާސީ ފަރާތްތަކުގެ މެދުގައި ވަނީ ޚިޔާލުތަފާތުވުންތަކެއް އުފެދިފައެވެ.

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

Newsletter

Get the latest news delivered straight to your inbox