އައިއޯއައިޖީ 2023: ކުޑަ ރިޒާ އާއި ފަޒީލް 800 މީޓަރު ދުވުމުގެ ފައިނަލަށް

އައިއޯއައިޖީ 2023: ކުޑަ ރިޒާ އާއި ފަޒީލް 800 މީޓަރު ދުވުމުގެ ފައިނަލަށް

މަޑަގަސްކަރާގައި މިހާރު ކުރިއަށްދާ އިންޑިއަން އޯޝަން އައިލެންޑް ގޭމްސް (އައިއޯއައިޖީ)ގެ ފިރިހެނުންގެ 800 މީޓަރު ދުވުމުގެ ފައިނަލުން ހުސައިން ފަޒީލް ހާރޫން (ފްލޭޝް) އާއި ހުސައިން ރިޒާ (ކުޑަރިޒާ) ޖާގަ ހޯދައިފި އެވެ.

އެތުލެޓިކްސްގެ ފިރިހެނުންގެ 800 މީޓަރު ދުވުމުގެ ފައިނަލުން ފަޒީލް ޖާގަ ހޯދީ އޭނާ ދުވި ހީޓުގެ ގަދަ ތިން ދުވުންތެރިންގެ ތެރޭގައި ހިމެނިގެންނެވެ. ކުޑަރިޒާ ފައިނަލަށް ދަތުރުކުރީ އޭނާ ދުވި ހީޓުން ހަތަރު ވަނަ ލިބުނު ނަމަވެސް ޓައިމިން އަށް ބަލައިގެން ފައިނަލުން ފުރުސަތު ލިބުނު ދެ ދުވުންތެރިންގެ ތެރޭގައި ހިމެނިގެންނެވެ.

މިއަދު ބޭއްވި 800 މީޓަރު ދުވުމުގައި ރާއްޖޭގެ ކުޑަރިޒާ ވާދަކުރަނީ.--- ފޮޓޯ: ސުއާދު އަބްދުލް ސައްތާރު/ މޯލްޑިވްސް އޮލިމްޕިކް ކޮމިޓީ

Advertisement

ހަތް ދުވުންތެރިން ވާދަކުރި ހީޓުގެ ހަތަރު ވަނަ އަށް ކުޑަރިޒާ ދިޔައީ ވާދަވެރި ރޭހަކަަށްފަހުގަ އެވެ. އޭނާ ރޭސް ނިންމީ އެއް މިނެޓު 55.14 ސިކުންތުން ރޭސް ނިންމައިގެންނެވެ. މި ހީޓުގެ އެއް ވަނަ އަށް ދިޔަ މަޑަގަސްކަރައިގެ ސޯޒަރާ ލަހީވްއާ ރިޒާއާ ދެމެދު އޮތީ ކުޑަކުޑަ ފަރަގެކެވެ. ސޯޒަރާ ރޭސް ނިންމީ އެއް މިނެޓު 54.66 ސިކުންތުންނެވެ.

ފަޒީލް ދުވީ ހީޓު ދޭއްގަ އެވެ. މި ހިޓުގައި ފަޒީލްއާ އެކު ފަސް ދުވުންތެރިން ވާދަކުރިއިރު، ތިން ވަނައިގައި ފަޒީލް ރޭސް ނިންމީ އެއް މިނެޓު 59.12 ސިކުންތުންނެވެ. މި ހީޓުން އެއް ވަނަ ހޯދި މަޑަގަސްކަރައިގެ ފްރެޑީ ރަޒާފިނަނާނާ ރޭސް ނިންމީ އެއް މިނެޓު 57.79 ސިކުންތުންނެވެ.

މިއަދުގެ 800 މީޓަރު ރޭހުގައި ފަޒީޅް ދުވަނީ.: ފަޒީލް ވަނީ އެ އިވެންޓްގެ ފައިނަލަށް ދަތުރުކޮށްފައި.---- ފޮޓޯ: ސުއާދު އަބްދުލް ސައްތާރު/ މޯލްޑިވްސް އޮލިމްޕިކް ކޮމިޓީ

މިއަދުގެ ރޭސް ނިންމުމަށް ފަހު ހުސައިން ރިޒާ ބުނީ އޭނާގެ އަމާޒަކީ ފައިނަލުގެ ގަދަ ތިނެއްގައި ހިމެނި މެޑަލްއެއް ކާމިޔާބުކުރުން ކަމަށާއި، ގައުމީ ރެކޯޑަކާ އެކު ފައިނަލް ނިންމާލަން މަސައްކަތް ކުރާނެ ކަމަށެވެ.

ފަޒީލް ބުނީ ފެންވަރުގެ ގޮތުން ބަލާއިރު މި ސަރަހައްދުގެ ދުވުންތެރިން ވަރުގަދަ ކަމަށާއި، ނަމަވެސް އެ އެތުލީޓުންނާ ދެކޮޅަށް ހޯދުނު ނަތިޖާއާ މެދު ވަރަށް ހިތްހަމަޖެހޭ ކަމަށެވެ. ކޮންމެ ރޭހަކަށް ނުކުންނައިރު ވެސް ވިސްނަނީ މެޑަލަށް ކަމަށް ފަޒީލް ވަނީ ބުނެފަ އެވެ.

ރިޒާ އާއި ފަޒީލް ވާދަކުރާ 800 މީޓަރު ދުވުމުގެ ފައިނަލް ހީޓު އޮންނާނީ މާދަމާ އެވެ.

އައިއޯއައިޖީގެ މިއަދުގެ މެންދުރު ފަހު ސެޝަންގައި 200 މީޓަރުގެ ހީޓުތަކާއި އަންހެނުންގެ 400 މީޓަރު ދުވުމުގެ ފައިނަލް އޮންނާނެ އެވެ. އަންހެނުންގެ 200 މީޓަރު ދުވުމުގައި ވާދަކުރަނީ އައިމިނަތު ލަޔާނާ މުހައްމަދު އާއި އައިޝަތު ޝަބާ ސަލީމް އެވެ. ފިރިހެނުންގެ 200 މީޓަރު ރޭހުގައި ވާދަކުރަނީ ހަސަން ސާއިދު، މުހައްމަދު މިންހާލް ޝާމިން އަދި އިބްރާހިމް ނާހިލް ނިޒާރު އެވެ. އަންހެނުންގެ 400 މީޓަރު ފައިނަލުގައި ދުވަނީ ލަޔާނާގެ އިތުރުން އައިޝަތު ހިމްނާ ހަސަން އަދި ޒިވާ މޫސާ ޝަފީއު އެވެ.

ކޮމެންޓް

ފަހުގެ ޚަބަރު

ބްރޭކްތައް އަންނަ ގޮތުން "ލީގުގެ ފީލްއެއް ނީނދޭ": އާތީ

ދިވެހި ޕްރިމިއާ ލީގު މެދުކަނޑާލަން ޖެހުމުން ކުޅުންތެރިންގެ ފިޓްނަސް އާއި ޕާފޯމަންސަށް އަސަރުކޮށް، ލީގުގެ އަސްލު ފޯރި ނުލިބޭ ކަމަށް ޓީސީގެ ކޯޗު އާތީ ބުނެފި. އާތީ ފާހަގަކުރި ގޮތުގައި ގިނަ ދުވަސްތަކެއްގެ ބްރޭކްތަކުގެ ސަބަބުން ޓީމުތަކުގެ ކޮންޓިނިއުޓީ ގެއްލި، މެޗުތަކަށް ތައްޔާރުވުމުގައި ބޮޑެތި ގޮންޖެހުންތަކެއް ކުރިމަތިވޭ

ފީފާގެ އިންތިހާބުގައި އަރަބިންގެ ތާއީދު އިންފަންޓީނޯ އަށް

އަންނަ އަހަރު ބާއްވާ ފީފާގެ އިންތިހާބުގައި މިހާރުގެ ރައީސް ޖިއާނީ އިންފަންޓީނޯއަށް ތާއީދުކުރުމަށް 22 ގައުމު ހިމެނޭ އަރަބް ފުޓްބޯޅަ ޔޫނިއަން (ޔޫއޭއެފްއޭ) އިން ނިންމައިފިއެވެ. އިންފަންޓީނޯއާ އެކު ޖުމްލަ ތިން ކެންޑިޑޭޓުން ވާދަކުރާ މި އިންތިހާބުގައި، އޭޝިއާ އާއި އެފްރިކާގެ ގައުމުތަކުގެ ބޮޑު ތާއީދަކާއެކު އޭނާއަށް މަގާމު ދިފާއުކުރުމުގެ ފުރުސަތު ބޮޑުކަމަށް ބެލެވެއެވެ. ފީފާގެ އާ ރައީސަކު ހޮވުމަށް ވޯޓުލުން އޮންނާނީ އަންނަ އަހަރުގެ މާޗް މަހު މޮރޮކޯގައި ބާއްވާ ފީފާ ކޮންގްރެސްގައެވެ.

އިންޑިއާގެ ލެޖެންޑުން ފުޓްބޯޅަ ރައީސްގެ ޝަކުވާ ސަރުކާރަށް

އިންޑިއާގެ ފުޓްބޯޅަ ފެޑެރޭޝަންގެ ރައީސް ކަލްޔާން ޗޯބޭގެ އިތުބާރު ނެތްކަމުގެ މައްސަލަ، ބައިޗުން ބުޓިއާ ހިމެނޭހެން އެ ގައުމުގެ 14 ލެޖެންޑުން ސްޕޯޓްސް މިނިސްޓަރަށް ހުށަހަޅައިފި. މި ސިޓީގައި ފާހަގަކޮށްފައިވަނީ ފެޑެރޭޝަންގެ މާލީ ހާލަތު ގޯސްވެ ބަނގުރޫޓުވަމުންދާ ކަމަށް

ސުޒޭނާއި މޯހަންގެ ދުލުން: ބަދުނަސީބާއި ހައްލެއްގެ ވާހަކަ!

ސަރަހައްދުގެ އެހެން ގައުމުތަކުން ބޭރުގައި އުޅޭ އެ ގައުމުތަކުގެ ދަރިފަސްކޮޅުގެ ކުޅުންތެރިންނަށް ރަށްވެހިކަން ދީގެން ގައުމީ ޓީމުތައް ވަރުގަދަކުރަމުންދާއިރު، ރާއްޖެއަށް އެ ފުރުސަތު ކުޑަކަމަށް ކުރީގެ ކޯޗުން ފާހަގަކުރެއެވެ. މިކަމުގެ ސަބަބުން ރާއްޖޭގެ ފުޓްބޯޅައަށް ކުރިމަތިވެފައިވާ ގޮންޖެހުންތަކަށް ހައްލެއް ހޯދުމަށް އެކަށީގެންވާ ނިޒާމެއް ނެތްކަމުގެ ކަންބޮޑުވުން ވަނީ ފާޅުކޮށްފައެވެ.

ވޭގާގެ ނަމެއް ނެތް، ފީފާ އިންތިހާބުގައި ތިން ކެންޑިޑޭޓުން!

އަންނަ އަހަރު ބާއްވާ ފީފާގެ އިންތިހާބުގައި ވާދަކުރާ ތިން ކެންޑިޑޭޓުންގެ ނަން އިއުލާނުކުރިއިރު، ކުރީގެ ކުޅުންތެރިޔާ ރަމޮން ވޭގާގެ ނަން ޝަރުތު ހަމަނުވުމުގެ ސަބަބުން ވަނީ ބާކީވެފައި. މި އިންތިހާބުގައި ވާދަކުރައްވަނީ މިހާރުގެ ރައީސް އިންފަންޓީނޯގެ އިތުރުން ފްރާންސްގެ ފިލިޕޭ ޑިއާލޯ އަދި ޖަޕާނުގެ ކޯޒޯ ޓަޝީމާ

އަނިޔާއިން ރަނގަޅުވެ އިލާން އެނބުރި އަންނަން ތައްޔާރު

ކަކުލަށް ލިބުނު އަނިޔާއަކާ ގުޅިގެން ދެ މަހެއްހާ ދުވަހު ކުޅުމާ ދުރުގައި ހުރުމަށްފަހު، މާޒިޔާގެ ފޯވާޑް މުހައްމަދު އިލާން އިމްރާން އަލުން ކުޅުމަށް އެނބުރި އަންނަން ތައްޔާރުވެއްޖެ. މި އަނިޔާގެ ސަބަބުން އިލާނަށް ސާފް ޗެމްޕިއަންޝިޕާއި ލީގުގެ މުހިންމު މެޗުތަކެއް ގެއްލުނު ނަމަވެސް، އޭނާ މިހާރު ވަނީ ފަރިތަކުރުންތަކުގައި ބައިވެރިވާން ފަށާފައި

ފީފާ އިން ނޭޕާލްގެ ސަސްޕެންޝަން އުވާލަނީ؟

ފީފާގެ އެންގުންތަކަށް ބޯނުލެނބުމުގެ ސަބަބުން ނޭޕާލް ފުޓްބޯޅަ ފެޑެރޭޝަނަށް ދީފައިވާ ސަސްޕެންޝަން، ކުރިއަށް އޮތް މަހެއްހާ ދުވަސް ތެރޭގައި އުވާލާނެ ކަމަށް ނޭޕާލުން ވަނީ ބުނެފައި. މި ސަސްޕެންޝަން އުވާލުމަށް ނޭޕާލް ސަރުކާރުގެ މަންދޫބުން ފީފާ އާއި އޭއެފްސީއާ އެކު މަޝްވަރާކޮށްފައި

Newsletter

Get the latest news delivered straight to your inbox