ރައީސް ސޯލިހު ހޮވަންޖެހޭ ސަބަބު އިޔާދު ކިޔައި ދެއްވީ ކޮވިޑުން އަރައިގަތް ގޮތުގެ މިސާލުން!

އިކޮނޮމިކް މިނިސްޓްރީގެ ސްޓޭޓު މިނިސްޓަރު މުހައްމަދު އިޔާދު ގަމު ޖަލްސާގައި ވާހަކަ ދައްކަވަނީ. -- ފޮޓޯ: އެމްޑީޕީ

އިކޮނޮމިކް މިނިސްޓްރީގެ ސްޓޭޓު މިނިސްޓަރު މުހައްމަދު އިޔާދު ގަމު ޖަލްސާގައި ވާހަކަ ދައްކަވަނީ. -- ފޮޓޯ: އެމްޑީޕީ

ކޮވިޑުގެ ބަލިމަޑުކަމުން ކުރިމަތިވި ދަތި ހާލަތުން އަރައިގަތުމަށް ރައީސް އިބްރާހީމް މުހައްމަދު ސޯލިހު ދެއްކެވި ލީޑަޝިޕަކީ ދެ ވަނަ ދައުރަކަށް އެ މަނިކުފާނު ހޮވަންޖެހޭ ސަބަބެއް ކަމަށް އިކޮނޮމިކް މިނިސްޓްރީގެ ސްޓޭޓު މިނިސްޓަރު މުހައްމަދު އިޔާދު ރޭ ވިދާޅުވެއްޖެ އެވެ.

ރައީސް ސޯލިހުގެ ކެމްޕޭނުގައި ރޭ ލ. ގަމުގައި ބޭއްވި ޖަލްސާގައި، އަދާލަތު ޕާޓީގެ ނައިބު ރައީސްގެ ގޮތުގައި ވެސް ހުންނެވި އިޔާދު ވިދާޅުވީ ސެޕްޓެމްބަރު ނުވައެއްގައި ބާއްވާ ރިޔާސީ އިންތިހާބުގައި ވާދަ ކުރައްވާ ކެންޑިޑޭޓުންގެ ތަޖުރިބާ އަޅައި ކިޔާލަންޖެހޭ ކަމަށާއި ރައީސް ސޯލިހާ ކައިރިކޮށްލެވޭ ވަރުގެ ކެންޑިޑޭޓެއް ވެސް ނެތް ކަމަށެވެ.

ޕީޕީއެމްގެ ސަރުކާރާއި މި ސަރުކާރުން ކަންކަން ހާސިލު ކުރެވުނު މިންވަރުގެ ބައެއް މިސާލު އޭނާ ދެއްވި އެވެ. މަގު ހެދުމުގެ މަޝްރޫއުތަކާއި، ބިން ހިއްކުމުގެ މަޝްރޫއުތައް މި ސަރުކާރުން ހިންގި މިންވަރު ދެ ގުނަ ކަމަށާއި، އެސްއެމްއީ ލޯނު ދޫކުރި މިންވަރު ހަތް ގުނަ އަދި ކްލާސްރޫމްތައް އެޅި މިންވަރު 10 ގުނަ އިތުރު ކަމަށް އިޔާދު ވިދާޅުވި އެވެ.

"ތަރައްގީގެ މަޝްރޫއު ހިންގުމުގައި ރައީސް ސޯލިހު އުޅުއްވަނީ ކުރީގައި. ދިވެހިން ބޭނުންވަނީ ކަންކަން ކުރަން އެނގޭ، ކަންކަން ކުރަން ކެރޭ، ނަތީޖާ ނެރުއްވާ ލީޑަރެއް. އެ ބޭފުޅަކީ ރައީސް އިބޫ،" އިޔާދު ވިދާޅުވި އެވެ.

"މިއަދު ދިވެހިން ބޭނުން ވަނީ އަތޮޅުތަކުގެ ރަށްތައް ބާކީ ނުކޮށް މުޅި ރާއްޖެ ތަރައްގީ ކުރައްވާނެ ކެންޑިޑޭޓެއް. އެ ކެންޑިޑޭޓަކީ ރައީސް އިބޫ."

ޒިޔާރަތްކުރާ ކޮންމެ ރަށަކުން އިވެމުން ދަނީ ޕީޕީއެމްގެ ސަރުކާރުގައި އެ ރަށް ބާކީކޮށްފައި އޮތް ވާހަކަ ކަމަށާއި ނަމަވެސް މިހާރު، 40 އަހަރު ނާންނަ މިންވަރުގެ ތަރައްގީގެ މަޝްރޫއު އެ ރަށްރަށުގައި ހިންގަމުން އަންނަ ވާހަކަ ދައްކާ ކަމަށް އިޔާދު ފާހަގަ ކުރެއްވެވި އެވެ.

މިފަދަ މިސާލުތަކަށް ފަހު ވިދާޅުވީ ރައީސް ސޯލިހުގެ ލީޑަޝިޕް ކޮވިޑުގެ އާލަމީ ވަބާގެ ތެރޭގައި ފުރިހަމަ އަށް ފެނިދިޔަ ދިޔަ ކަމަށެވެ. އެ ބަލިމަޑުކަމުން ރާއްޖެ އަރައިގަތީ ހަރުދަނާ ނިންމުންތަކުގެ ސަބަބުން ކަމަށާއި އެ ނިންމުންތައް ނިންމީ އިދިކޮޅު ފަރާތްތަކުން ޖެއްސުމާއި އަޅަމުންދިޔަ ހުރަސްތަކުގެ ތެރޭގައިކަން ވެސް އިޔާދު ފާހަގަ ކުރެއްވި އެވެ.

އިދިކޮޅު ފަރާތްތަކުން ފުރަތަމަ ބޭނުންވީ ބޯޑަރު ބަންދު ނުކުރުމަށް ކަމަށާއި އެގޮތަށް އަމަލުކުރި ނަމަ އެތައް ހާސް ބަޔަކު މަރުވުމުގެ ފުރުސަތު އޮންނާނެ ކަމަށް ވިދާޅުވި އެވެ. އެ ދުވަސްވަރު އިދިކޮޅު ފަރާތްތަކުން ބޭނުންވި ގޮތަށް ތަރައްގީގެ މަޝްރޫއުތައް ހުއްޓައިލި ނަމަ އިގުތިސޯދު ވެސް ފުނޑުފުނޑުވެގެން ދިޔައީސް ކަމަށް އޭނާ ވިދާޅުވި އެވެ.

"އެ މަންޒަރު އަޅުގަނޑުމެންގެ އަވަށްޓެރި ގައުމުތަކުން ފެނިގެން ދިޔައީ. މިއަދު ވެސް އެ ގައުމުތަކުން އެ އުޅެނީ އެ ފުން ވަޅުގަނޑުން އަރައި ނުގަނެވިގެން،" އިޔާދު ވިދާޅުވި އެވެ.

"އެ ދުވަހު އިދިކޮޅު ފަރާތްތަކުން ބުނި ގޮތަށް ކަންކުރި ނަމަ ރާއްޖޭގެ އިގުތިސޯދު ވެސް އޮތީހީ އެ ހާލަތުގައި. އެ ހާލަތަށް ނުގޮސް ރާއްޖޭގެ އިގުތިސޯދު، މުޅި ދުނިޔޭގައި އެންމެ އަވަހަށް ރިކަވާވި އިގުތިސޯދުގެ ގޮތުގައި ވެގެން ދިޔައީ ރައީސް އިބޫ ނިންމެވި ހިތްވަރުގަދަ ނިންމެވުންތަކުގެ ސަބަބުން."

ކޮވިޑުތެރޭގައި ތަރައްގީގެ މަޝްރޫއުތައް ހުއްޓާނުލައި، ވަޒީފާ ގެއްލުނު ފަރާތްތަކަށް އެލަވަންސް ދީ، ވިޔަފާރިތަކަށް ލުއި ލޯނު ވެސް ދޫކޮށް، އަދި ކަރަންޓު ބިލުން ޑިސްކައުންޓު ވެސް ދިންކަން އިޔާދު ހަނދާން ކޮށް ދެއްވި އެވެ.

ކޮމެންޓް

ފަހުގެ ޚަބަރު

ދިރާގު ރޯޑް ރޭސް 5،500އަށްވުރެ ގިނަ ދުވުންތެރިންނާއެކު ބާއްވައިފި

ދިރާގު މޯލްޑިވްސް ރޯޑް ރޭހުގެ 17 ވަނަ އެޑިޝަން 5،500 އަށްވުރެ ގިނަ ދުވުންތެރިންނާއެކު ހުޅުމާލެ ސެންޓްރަލް ޕާކުގައި ވަނީ ބާއްވާފައެވެ. މި ދުވުމުގެ ލައިވް އަޕްޑޭޓްތަކާއި، ނަތީޖާ އަދި ދުވުންތެރިންގެ ރޭންކިންގ ބަލައިލުމުގެ ފުރުސަތު ދިރާގުން ވަނީ ޚާއްޞަ މޮބައިލް އެޕްލިކޭޝަނެއް މެދުވެރިކޮށް ފަހިކޮށްދީފައެވެ.

ޕީއެންސީގެ މެންބަރުންގެ އަދަދު ލައްކައަކަށްވުރެ ދަށަށް

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އެރިތާ 24 ގަޑިއިރު ނުވަނީސް، އަލުން އެ އަދަދު ލައްކައަކަށް ވުރެ ދަށަށް ގޮސްފިއެވެ. އިދިކޮޅު ފަރާތްތަކުން ތުހުމަތުކުރާ ގޮތުގައި މި އަދަދު ހަމަކުރުމަށްޓަކައި ވަޒީފާގެ ބިރުދެއްކުމާއި ރިޝްވަތުގެ ގޮތުގައި ފައިސާ ބޭނުންކޮށްފައިވެއެވެ. އީސީގެ ތަފާސްހިސާބުތަކުން ދައްކާގޮތުގައި އެ ޕާޓީގެ މެންބަރުންގެ އަދަދު މިހާރު ވަނީ 99,930 އަށް ތިރިވެފައެވެ.

ރަސްމާލޭގެ ޑީލުގައި ސޮއިނުކުރަން އެދި އަލައްބާރަށް ސިޓީއެއް

ރަސްމާލެ މަޝްރޫއުގެ މިހާރުގެ ޝަރުތުތަކާއި ގާނޫނުއަސާސީއާ ފުށުއެރުންތަކެއް ހުރި ކަމަށާއި، އެކަމުގައި އެކަށީގެންވާ ގޮތެއްގައި ރައްޔިތުންގެ ހިޔާލު ހޯދާފައި ނުވާތީ، ދެން އަންނަ ސަރުކާރަކުން ވެސް މި މަޝްރޫއުގެ އެއްބަސްވުން އަލުން މުރާޖައާކުރުމަށް ނުވަތަ އެއްކޮށް ބާތިލުކުރުމުގެ ފުރުސަތު އޮތް ކަމަށް އެ ސިޓީގައި ބުނެފައިވޭ.

"ރަސްމާލެ މައްސަލައިގައި މުއިއްޒު ވަނީ އަނގަވަތަށް ވެއްޓިފައި"

ރަސްމާލެ މަޝްރޫއަކީ ރާއްޖޭގެ ސިޔާދަތަށް އުނިކަންލިބޭ، ބޭރުގެ ފަރާތްތަކަށް ބިން ދިނުމަށް ހިންގާ ހީލަތްތެރި ރޭވުމެއް ކަމަށް ވިދާޅުވެ ކުރީގެ ރައީސް ޔާމީން ސަރުކާރަށް ވަރަށް ބޮޑަށް ފާޑުވިދާޅުވެއްޖެއެވެ. މި މަޝްރޫއުގެ ސަބަބުން ރައީސް މުއިއްޒު ރައްޔިތުންގެ ކުރިމަތީގައި ބޭޒާރުވެފައިވާ ކަމަށާއި، މި ސަރުކާރަށް ދެވަނަ ދައުރެއް ރައްޔިތުން ނުދޭނެ ކަމަށް ޔާމީން ވިދާޅުވިއެވެ.

ރަސްމާލެ ދޫކޮށްލުމާ ދެކޮޅުވެރިކަމެއް ނެތްކަމުގެ އިޝާރާތެއް

ރަސްމާލެއިން ބައެއް ބޭރުގެ ކުންފުންޏަކަށް ދޫކޮށްލުމާ ދެކޮޅު ހަދަނީ މަދު ބަޔަކު ކަމަށާއި، ދިވެހިން އަބަދުވެސް އިސްކުރަނީ ގައުމީ ތަރައްގީކަން މުއިއްޒު ފާހަގަކުރެއްވި. މީގެކުރިންވެސް ރާއްޖެއަށް އައި ބޮޑެތި ބަދަލުތަކާ ބައެއް މީހުން ދެކޮޅު ހެދި ނަމަވެސް، ގިނަ ރައްޔިތުން ތާއީދުކުރީ ގައުމީ ކުރިއެރުމަށްކަން އެމަނިކުފާނު ބަޔާންކޮށްދެއްވި.

ހުލާސާކޮށް އިއްޔެ: ސިޔާސީ ޕާޓީތަކުގެ ދަފްތަރަށް އައި ބޮޑު ބަދަލު

ޕީއެންސީގެ މެންބަރުންގެ އަދަދު އެއްލައްކައަށް އެރުމާއެކު، ޖުމްހޫރީ ޕާޓީ އާއި އަދާލަތު ޕާޓީ ފަދަ ދުވަސްވީ ޕާޓީތަކުން ގިނަ އަދަދެއްގެ މެންބަރުންނާއި އިސް ބޭފުޅުން ވަނީ ވަކިވެފައެވެ. މީގެ އިތުރުން، ރަސްމީ ޖަލްސާތަކުގެ ޕްރޮޓޮކޯލަށް ބަދަލުތަކެއް ގެނެސްފައިވާއިރު، ރަސްމާލެ މަޝްރޫއާ ގުޅޭގޮތުން އިލްމުވެރިންނާއި ސިޔާސީ ފަރާތްތަކުގެ މެދުގައި ވަނީ ޚިޔާލުތަފާތުވުންތަކެއް އުފެދިފައެވެ.

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

Newsletter

Get the latest news delivered straight to your inbox