އިލްޔާސްގެ މެނިފެސްޓޯ؛ ގްރޭޓާ މާލޭގެ އިހުތިސޯސަށް ތުލުސްދޫ، ހުރާ، ހިންމަފުށި ވައްދަނީ

ޑިމޮކްރެޓްސްގެ މެނިފެސްޓޯ ލޯންޗުކުރުމަށް ބޭއްވި ޖަލްސާއެއްގެ ތެރެއިން - ފޮޓޯ: މުހައްމަދު ޝާބިން / އަދަދު

ޑިމޮކްރެޓްސްގެ މެނިފެސްޓޯ ލޯންޗުކުރުމަށް ބޭއްވި ޖަލްސާއެއްގެ ތެރެއިން - ފޮޓޯ: މުހައްމަދު ޝާބިން / އަދަދު

ޑިމޮކްރެޓްސްގެ ރިޔާސީ ކެންޑިޑޭޓު އިލްޔާސް ލަބީބުގެ ސަރުކާރެއްގައި ގްރޭޓާ މާލެ އޭރިއާގެ އިހުތިސޯސްގެ ތެރޭގައި ކ. އަތޮޅު ތުލުސްދޫ، ހުރާ، އަދި ހިންމަފުށި ހިމަނަން އެ ޕާޓީން ލޯންޗުކުރި "ވެށިފަހި މާލެ މެނިފެސްޓޯ" ގައި ހިމަނައިފި އެވެ.

ރައްޔިތުންގެ މަޖިލީހުގެ ރައީސް، ކުރީގެ ރައީސް މުހައްމަދު ނަޝީދު އިސްވެ އުފެއްދެވި ޕާޓީން ނެރުނު މެނިސްޓޯގައި ބުނެފައިވަނީ ގުޅީފަޅުންނާއި ގިރާވަރުފަޅުން ހިއްކާ ބިމުގެ ސަރަހައްދުގައި އަސާސީ ހިދުމަތްތައް ގާއިމުކޮށް މީހުން ރަނގަޅަށް ދިރިއުޅޭން ފަށަން އަދި ދިގު މުއްދަތެއް ނަގާނެ ކަމަށެވެ.

އެ ގޮތަށް އަންދާޒާ ކުރި ސަބަބަކީ ހުޅުމާލެ މަޝްރޫއު ކަމަށް ވެސް މެނިފެސްޓޯގައި ބުނެފައިވެ އެވެ.

Advertisement

"ހުޅުމާލެ މަޝްރޫއުން ފެންނާން އޮތީ ބިން ހިއްކާ، ތޮށިޖަހާ، ހޮޅި ވަޅުލާ، މަގު ހަދާ، އަދި ދިރިއުޅެން ބޭނުން ވާނެ އެހެނިހެން އަސާސީ ހިދުމަތްތަކާއި ވަސީލަތްތައް ގާއިމުކުރަން، ބިން ހިއްކަން ނަގާ މުއްދަތުގެ އިތުރުން ރަނގަޅު ދިހަފަނަރަ އަހަރު ހޭދަވާނެ ކަމެއް،" މެނިފެސްޓޯގައި ބުނެފައިވެ އެވެ.

އިލްޔާސް ގަބޫލުކުރައްވާ ގޮތުގައި އެ ފަޅުތައް ހިއްކައި ނިމި، އަސާސީ ހިދުމަތްތަކާއި އުމްރާނީ ތަރައްގީގެ ބިނާތައް ގާއިމުވެ ނިމެންދެން މަޑުކޮށްގެން ތިބެފިނަމަ އާއިލާތައް އިތުރަށް ނިކަމެތިވެގެން ދާނެ އެވެ. އެ ގޮތަށް ބަޔާންކުރީ ވެސް ހުޅުމާލެ މަޝްރޫއުގެ ތަޖުރިބާއަށް ބަލާފައި ކަމަށް މެނިފެސްޓޯގައިވެ އެވެ.

އޭގެ ހައްލެއް ގޮތުގައި މެނިފެސްޓޯ ހިމަނާފައި ވަނީ މާލެ އަތޮޅުގައި މިހާރު ވެސް މީހުން ދިރިއުޅޭ ތިން ރަށެއް ގްރޭޓާ މާލެ އޭރިއޭގެ އިހުތިސޯސްގެ ތެރޭގައި ހިމެނުމަށެވެ. އެއީ އަތޮޅުގެ ވެރިކަންކުރާ ރަށް ތުލުސްދޫގެ އިތުރަށް ހިންމަފުއްޓާއި ހުރާ އެވެ.

އެ ގޮތަށް ހަމަޖެއްސުމަށް ފަހު އަމާޒަކީ ފަސް އަހަރު ދުވަހުގެ ތެރޭގައި 25،000 އާއިލާއަށް ބޯހިޔާވަހިކަން ހަމަޖައްސައިދިނުމެވެ.

މާލެ ތޮއްޖެހުމުގެ މައްސަލަ ހައްލުކުރުމަށް، އެންމެ ތޮއްޖެހިފައިހުރި ކޮށިތަކުގައި ހުރި ގޯތިގެދޮރަށް އެއްބަސްވެވޭ އަދުލުވެރި ބަދަލެއް ދިނުމަށް ފަހު އެ ގޭގޭގެ މީހުނަށް ގޯތި ނުވަތަ ކޮންޑޮމީނިއަމް ޔުނިޓެއް ފޯރުކޮށްދިނުން ވެސް ސިޔާސަތެއްގެ ގޮތުގައި ހިމަނާފައިވެ އެވެ.

އެ ސިޔާސަތުގެ ބޭނުމަކީ، އެ ކޮށިތަކުގައި ކޮންކްރީޓް ގޮޅިތަކަކަށް ދިރިއުޅުން މެހިފައި ތިބި ރައްޔިތުންނަށް ތަނަވަސް ބޯހިޔާވަހިކަމެއް ހަމަޖައްސައިދިނުމެވެ. އަދި ތޮއްޖެހި ފުރިބާރުވެފައިވާ ކޮށިތައް ހުސްކޮށް، ހާސްކަމާއި ނުތަނަވަސްކަމުން އަރައިގަތުން ކަމަށް އޭގައި ބުނެފައިވެ އެވެ.

ކޮމެންޓް

ފަހުގެ ޚަބަރު

ދިރާގު ރޯޑް ރޭސް 5،500އަށްވުރެ ގިނަ ދުވުންތެރިންނާއެކު ބާއްވައިފި

ދިރާގު މޯލްޑިވްސް ރޯޑް ރޭހުގެ 17 ވަނަ އެޑިޝަން 5،500 އަށްވުރެ ގިނަ ދުވުންތެރިންނާއެކު ހުޅުމާލެ ސެންޓްރަލް ޕާކުގައި ވަނީ ބާއްވާފައެވެ. މި ދުވުމުގެ ލައިވް އަޕްޑޭޓްތަކާއި، ނަތީޖާ އަދި ދުވުންތެރިންގެ ރޭންކިންގ ބަލައިލުމުގެ ފުރުސަތު ދިރާގުން ވަނީ ޚާއްޞަ މޮބައިލް އެޕްލިކޭޝަނެއް މެދުވެރިކޮށް ފަހިކޮށްދީފައެވެ.

ޕީއެންސީގެ މެންބަރުންގެ އަދަދު ލައްކައަކަށްވުރެ ދަށަށް

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އެރިތާ 24 ގަޑިއިރު ނުވަނީސް، އަލުން އެ އަދަދު ލައްކައަކަށް ވުރެ ދަށަށް ގޮސްފިއެވެ. އިދިކޮޅު ފަރާތްތަކުން ތުހުމަތުކުރާ ގޮތުގައި މި އަދަދު ހަމަކުރުމަށްޓަކައި ވަޒީފާގެ ބިރުދެއްކުމާއި ރިޝްވަތުގެ ގޮތުގައި ފައިސާ ބޭނުންކޮށްފައިވެއެވެ. އީސީގެ ތަފާސްހިސާބުތަކުން ދައްކާގޮތުގައި އެ ޕާޓީގެ މެންބަރުންގެ އަދަދު މިހާރު ވަނީ 99,930 އަށް ތިރިވެފައެވެ.

ރަސްމާލޭގެ ޑީލުގައި ސޮއިނުކުރަން އެދި އަލައްބާރަށް ސިޓީއެއް

ރަސްމާލެ މަޝްރޫއުގެ މިހާރުގެ ޝަރުތުތަކާއި ގާނޫނުއަސާސީއާ ފުށުއެރުންތަކެއް ހުރި ކަމަށާއި، އެކަމުގައި އެކަށީގެންވާ ގޮތެއްގައި ރައްޔިތުންގެ ހިޔާލު ހޯދާފައި ނުވާތީ، ދެން އަންނަ ސަރުކާރަކުން ވެސް މި މަޝްރޫއުގެ އެއްބަސްވުން އަލުން މުރާޖައާކުރުމަށް ނުވަތަ އެއްކޮށް ބާތިލުކުރުމުގެ ފުރުސަތު އޮތް ކަމަށް އެ ސިޓީގައި ބުނެފައިވޭ.

"ރަސްމާލެ މައްސަލައިގައި މުއިއްޒު ވަނީ އަނގަވަތަށް ވެއްޓިފައި"

ރަސްމާލެ މަޝްރޫއަކީ ރާއްޖޭގެ ސިޔާދަތަށް އުނިކަންލިބޭ، ބޭރުގެ ފަރާތްތަކަށް ބިން ދިނުމަށް ހިންގާ ހީލަތްތެރި ރޭވުމެއް ކަމަށް ވިދާޅުވެ ކުރީގެ ރައީސް ޔާމީން ސަރުކާރަށް ވަރަށް ބޮޑަށް ފާޑުވިދާޅުވެއްޖެއެވެ. މި މަޝްރޫއުގެ ސަބަބުން ރައީސް މުއިއްޒު ރައްޔިތުންގެ ކުރިމަތީގައި ބޭޒާރުވެފައިވާ ކަމަށާއި، މި ސަރުކާރަށް ދެވަނަ ދައުރެއް ރައްޔިތުން ނުދޭނެ ކަމަށް ޔާމީން ވިދާޅުވިއެވެ.

ރަސްމާލެ ދޫކޮށްލުމާ ދެކޮޅުވެރިކަމެއް ނެތްކަމުގެ އިޝާރާތެއް

ރަސްމާލެއިން ބައެއް ބޭރުގެ ކުންފުންޏަކަށް ދޫކޮށްލުމާ ދެކޮޅު ހަދަނީ މަދު ބަޔަކު ކަމަށާއި، ދިވެހިން އަބަދުވެސް އިސްކުރަނީ ގައުމީ ތަރައްގީކަން މުއިއްޒު ފާހަގަކުރެއްވި. މީގެކުރިންވެސް ރާއްޖެއަށް އައި ބޮޑެތި ބަދަލުތަކާ ބައެއް މީހުން ދެކޮޅު ހެދި ނަމަވެސް، ގިނަ ރައްޔިތުން ތާއީދުކުރީ ގައުމީ ކުރިއެރުމަށްކަން އެމަނިކުފާނު ބަޔާންކޮށްދެއްވި.

ހުލާސާކޮށް އިއްޔެ: ސިޔާސީ ޕާޓީތަކުގެ ދަފްތަރަށް އައި ބޮޑު ބަދަލު

ޕީއެންސީގެ މެންބަރުންގެ އަދަދު އެއްލައްކައަށް އެރުމާއެކު، ޖުމްހޫރީ ޕާޓީ އާއި އަދާލަތު ޕާޓީ ފަދަ ދުވަސްވީ ޕާޓީތަކުން ގިނަ އަދަދެއްގެ މެންބަރުންނާއި އިސް ބޭފުޅުން ވަނީ ވަކިވެފައެވެ. މީގެ އިތުރުން، ރަސްމީ ޖަލްސާތަކުގެ ޕްރޮޓޮކޯލަށް ބަދަލުތަކެއް ގެނެސްފައިވާއިރު، ރަސްމާލެ މަޝްރޫއާ ގުޅޭގޮތުން އިލްމުވެރިންނާއި ސިޔާސީ ފަރާތްތަކުގެ މެދުގައި ވަނީ ޚިޔާލުތަފާތުވުންތަކެއް އުފެދިފައެވެ.

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

Newsletter

Get the latest news delivered straight to your inbox