އެއް ބޭންކުން އަނެއް ބޭންކަށް ކުރާ ޓްރާންސްފާތައް ވަގުތުން އެކައުންޓަށް ޖަމާވުން ފަދަ ޒަމާނީ ސިފަތައް ހިމެނޭ މޯލްޑިވްސް މަނިޓަރީ އޮތޯރިޓީ (އެމްއެމްއޭ)ގެ މޯލްޑިވްސް އިންސްޓަންޓް ޕޭމަންޓް ސިސްޓަމް 'ފަވަރަ' ރޭ ތައާރަފުކުރި އެވެ.
ފަވަރަ އިންސްޓަންޓް ޕޭމަންޓް ސިސްޓަމް އިފްތިތާހުކޮށްދެއްވީ އެކަމަށްޓަކައި ކްރޮސްރޯޑްސްގައި ބޭއްވި ރަސްމިއްޔާތެއްގައި ނައިބު ރައީސް ފައިސަލް ނަސީމެވެ. މި ރަސްމިއްޔާތުގައި އެމްއެމްއޭގެ ވެރިންނާއި ރާއްޖޭގެ ބޭންކުތަކުގެ ވެރިން ވެސް ބައިވެރިވެ ވަޑައިގެންނެވި އެވެ.
އެމްއެމްއޭއިން ބުނެފައިވާ ގޮތުގައި މިއީ ރާއްޖޭގެ ޕޭމަންޓް ސްޓްރަކްޗާއަށް މިފަހުން ގެނެވޭ އެންމެ ބޮޑު ބަދަލެވެ. އަދި މި ނިޒާމު ވުޖޫދަށް އައުމާ ގުޅިގެން މާލީ މުއާމަލާތްތައް ރައްކާތެރިކަމާ އެކީ ފަސޭހަވެ އަވަސްވެ، މުޅި މާލީ ނިޒާމަށް އީޖާދީ، އިންގިލާ ބަދަލުތަކެއް އަންނާނެ ކަމަށް ވެސް އެ އިދާރާއިން ބުނެފައި ވެ އެވެ.
ފަވަރަ އިންސްޓަންޓް ޕޭމަންޓް ސިސްޓަމުން ކުރެވޭ ކަންކަމުގެ ތެރޭގައި ހިމެނެނީ:
- އިންސްޓަންޓް ޕޭމަންޓްސް
- ރިކުއެސްޓް ޓު ޕޭ
- ސްމާޓް އެޑްރެސިން
- އެކައުންޓް ވެރިފިކޭޝަން
ނިޒާމު އެންމެ ފުރަތަމަ ބޭނުންކުރާނީ ބޭންކް އޮފް މޯލްޑިވްސް (ބީއެމްއެލް), ސްޓޭޓް ބޭންކް އޮފް އިންޑިއާ (އެސްބީއައި) އަދި މޯލްޑިވްސް އިސްލާމިކް ބޭންކް (އެމްއައިބީ) އެވެ.
އޭގެ އިތުރުން, އެހެން ބޭންކުތަކުން ވެސް މުސްތަގުބަލުގައި ސިސްޓަމް ބޭނުންކުރަން ފަށަން ކުރަން ޖެހޭ މަސައްކަތްތައް ކުރިއަށްދާއިރު އަހަރުގެ ނިޔަލަށް ރާއްޖޭގައި ތިބި ހުރިހާ ބޭންކަކުން މި ނިޒާމުގައި ބައިވެރިވާނެ އެވެ.
މި ނިޒާމުގެ މަސައްކަތް ފެށިގެން އައި ކިޔައިދެއްވަމުން، އެމްއެމްއޭގެ އެސިސްޓަންޓް ގަވަރުނަރު މަރިޔަމް ހުސެއިން ދީދީ ވިދާޅުވީ ރާއްޖޭގައި އުޅެނީ ސްމާޓް ފޯނާއި އިންޓަނެޓަށް އަހުލުވެރި ބަޔެއް ނަމަވެސް، ޑިޖިޓަލް ބޭންކިން ނިޒާމު ކުރިއަރާފައި ނެތުމުން ނަގުދު ފައިސާ އާއި ޗެކުތަކަށް ބަރޯސާވުން ބޮޑު ކަން ފާހަގަކުރެވުނު ކަމަށެވެ.
އެގޮތުން, ކުރެވުނު މަޝްވަރާތަކާއި ދިރާސާތަކަށް ފަހު މިއަދު އިފްތިތާހު ކުރެވުނު ނިޒާމަކީ ޑިޖިޓަލް ވަސީލަތްތައް މެދުވެރިކޮށް ޕޭމަންޓް ހެދޭނެ، ރާއްޖޭގެ މާހައުލާ ގުޅޭގޮތަށް ފަރުމާކޮށްފައިވާ ނިޒާމެއް ކަމަށް އޭނާ ވިދާޅުވި އެވެ. އަދި މިއާ އެކީ އަހަރުގެ ކޮންމެ ދުވަހަކު މެދުނުކެނޑި ބޭންކިން ހިދުމަތް ލިބިގެންދާނެ މަގުފަހި ވެގެން ގޮސްފި ކަމަށް ވެސް އޭނާ ވިދާޅުވި އެވެ.
އެމްއެމްއޭއިން އަދި އިފްތިތާހުކުރީ މި ޕޭމަންޓް ސިސްޓަމްގެ ފުރަތަމަ ފިޔަވައްސެވެ. ކައިރި މުސްތަގުބަލެއްގައި މި ސިސްޓަމްގެ ދެވަނަ ފިޔަވަހި ތައާރަފުކުރެވި އިތުރު ހިދުމަތްތަކަށް ހުޅުވިގެން ދާނެ ކަމަށް އެ އިދާރާއިން ވަނީ ބުނެފަ އެވެ.
މުހިންމު ބައެއް ހަބަރު
ދުވަހުގެ ކޯޓޭޝަން
ދަ ޑިމޮކްރެޓްސް ދޫކޮށް ދިޔަ މެމްބަރުންނަށް އެ ޕާޓީގެ ބާނީ މުހައްމަދު ނަޝީދު ރިޝްވަތުގެ ތުހުމަތުކޮށް، މަޖިލީހުގެ ރައީސްގެ ހައިސިއްޔަތުން އެ މައްސަލަ ބަލައި ދިނުމަށް އެދި ޕޮލިހަށް މައްސަލަ ހުށަހެޅުމާއެކު، ތޮއްޑޫ ދާއިރާގެ މެމްބަރު ހަސަން ޝިޔާން ވިދާޅުވީ،
ރައީސް ނަޝީދަށް އެނގިވަޑައިގަންނަވާނެ އަޅުގަނޑު އެފަދަ ކަމެއް ނުކުރާނެކަން. އެހެން ނަމަވެސް ދާއިރާގައި ނުފެށި ހުރި ބޮޑެތި މަޝްރޫއުތައް މިވަގުތު ވެސް ފެށުމަށް ކުރަން ޖެހޭ ކަމެއް ކުރުން އެއީ އަޅުގަނޑު ކުރަން ޖެހޭނެ ކަމެއް ކަން. މިއީ ރައީސް ނަޝީދުގެ ދަރިވަރެއް, އެމަނިކުފާނު އުފެއްދި ސިޔާސީ މީހެއް."
ދުވަހުގެ ފޮޓޯ
ޕީއެންސީގެ ރިޔާސީ ކެންޑިޑޭޓު މުހައްމަދު މުއިއްޒު އިއްޔެ ޓެކްސީ ޑްރައިވަރުންނާ ބޭއްވި ބައްދަލުވުމުގެ ތެރެއިން. -- ފޮޓޯ: އަބްދުﷲ އިޔާން/އަދަދު
