ރައީސްގެ ފާޑުވިދާޅުވުން މުއިއްޒުގެ މެނިފެސްޓޯއަށް: "އަކުރާއި ފިލި ބަދަލުކޮށްގެން އިއުލާންކުރީ ނިންމާފައިވާ ކަންކަން"

ރައީސް ސޯލިހު ބ. ފެހެންދޫގައި ވާހަކަދައްކަވަނީ; ވާދަވެރި ކެންޑިޑޭޓް މުއިއްޒަށް ފާޑުކިއުން އަމާޒުކުރެއްވި -- ފޮޓޯ: އެމްޑީޕީ ކެމްޕޭން ޓީމް

ރައީސް ސޯލިހު ބ. ފެހެންދޫގައި ވާހަކަދައްކަވަނީ; ވާދަވެރި ކެންޑިޑޭޓް މުއިއްޒަށް ފާޑުކިއުން އަމާޒުކުރެއްވި -- ފޮޓޯ: އެމްޑީޕީ ކެމްޕޭން ޓީމް

ރިޔާސީ އިންތިހާބަށް ޕީއެންސީގެ ފަރާތުން ވާދަކުރައްވާ ކެންޑިޑޭޓް ޑރ. މުހައްމަދު މުއިއްޒުގެ މެނިފެސްޓޯގައި "ތާކުންތާކު ޖެހޭ އެއްވެސް އެއްޗެއް ނެތް" ކަމަށާއި އެއީ އެމްޑީޕީގެ މެނިފެސްޓޯގައިވާ އަކުރާއި ފިލި ބަދަލުކޮށްގެން އިއުލާންކޮށްފައިވާ ސިޔާސަތުތަކެއް ކަމަށް ވިދާޅުވެ, ރައީސް އިބްރާހިމް މުހައްމަދު ސޯލިހު ފާޑު ވިދާޅުވެއްޖެ އެވެ.

ރިޔާސީ އިންތިހާބުގެ ކެމްޕޭނުގައި ބ. ފެހެންދުއަށް ވަޑައިގެން ރައީސް ވިދާޅުވީ, ރިޔާސީ އިންތިހާބުގެ އެންމެ ފަހު ދުވަސްތައް ގުނަމުން ދާއިރު, ކެންޑިޑޭޓުން ތަފާތު ވައުދުތައް ވަމުންދާނެ ކަމަށެވެ. ނަމަވެސް ކުޑަކޮށް ވެސް ބަލާލަން ޖެހޭ ބަޔަކަށް ތިބޭނީ ޕީއެންސީ ކަމަށް ވިދާޅުވި އެވެ.

"ޕީއެންސީން އެ ހުށަހަޅާ މެނިފެސްޓޯގައި އެ ކިޔާ އެއްޗެއް ކޮންމެވެސް ވަރަކަށް އަޅުގަނޑުމެން ބަލާލަން ޖެހޭނެ. ދެނެއް ނެތް, އަޅުގަނޑަކަށް ނުފެނޭ މާބޮޑު ވިޝަނެއް އޮވެގެނެއް, ސިޔާސަތުތަކެއް އޮވެގެންނެން ކުރިމަތިލައިގެން އުޅޭ ބޭފުޅުންނެއް ތިބިހެންނެއް," ޕީއެންސީއަކީ އަލަަށް އައިސްގެން އުޅޭ ޕާޓީއެއްކަން ކިޔައިދެއްވަމުން ރައީސް ވިދާޅުވި އެވެ.

ރައީސް ވިދާޅުވީ, މުއިއްޒުގެ މެނިފެސްޓޯގައި އަކީ, އެމްޑީޕީގެ މެނިފެސްޓޯގައި ހުރި ބައެއް އަކުރުތަކާއި ފިލިތައް ބަދަލުކޮށްގެން އެކުލަވާލާފައިވާ މެނިފެސްޓޯއެއް ކަމަށެވެ. އަދި ހައުސިން ބޭންކު ފަދަ ކަންކަމަކީ އެމްޑީޕީން އިއުލާނުކޮށް ނިންމާފައި ހުރި ކަންކަން ކަމަށް ރައީސް ވިދާޅުވި އެވެ.

"ވާދަވެރިން ރޭގަ ވިދާޅުވި ހައުސިން ބޭންކެއްގެ ވާހަކަ. ބަލަ އަޅުގަނޑުމެން އިއުލާންކޮށް ނިންމައިފީމޭ އެވާހަކަ. ލުއި ލޯނު ދޭނެ ވާހަކައާ އެއްޗެހި. އޭގަ ހުރި ބައެއް އަކުރު ބަދަލުކޮށްލާފަ, ފިލި ބަދަލުކޮށްލާފަ އެބަ ވިދާޅުވޭ. އެކަމަކު ވެސް އެ ދައްކަވަނީ އަޅުގަނޑުމެން އިއުލާނުކޮށް ނިންމާފައި ހުރި ކަންތައްތަކުގެ ވާހަކަ." ރައީސް ވިދާޅުވި އެވެ.

ޕީއެންސީގެ މެނިފެސްޓޯގައި ހުރި ކަންތައްތަކަށް ފާޑު ވިދާޅުވުން އަމާޒުކުރައްވައި ރައީސް ވަނީ, އިދިކޮޅު ކެންޑިޑޭޓް މުއިއްޒު މިދިޔަ ހަފްތާގައި ކުޑަހުވަދޫއަށް ވަޑައިގެން ސްކޫލު ބޮޑު ޗުއްޓީ ބަދަލުކުރުމާ ގުޅޭގޮތުން ދެއްކެވި ވާހަކައަށް އިޝާރާތް ކުރައްވާފަ އެވެ.

"މީގެ ދެތިން ދުވަސްކުރިން ހަމަ ނިކުމެވަޑައިގެން ވިދާޅުވީ ތިމަންނަ ހަމަ އަންނަ ގޮތަށް އައިސް އެ ބަދަލުކޮށްލާނަމޭ. ޖެހިގެން އައި ދުވަހު ވިދާޅުވީ ކުރީގައި އޮތް ގޮތަށް އަނެއްކާވެސް ތިމަންނަ ބަދަލުކުރާނަމޭ. އެއްވެސް ބަދަލެއް ދެން ތިމަންނަ ނުގެންނާނަމޭ," ރައީސް ވިދާޅުވި އެވެ.

އެމަނިކުފާނު ވިދާޅުވީ މި ސަރުކާރުން ބޮޑު ޗުއްޓީ އަހަރުގެ މެދުތެރެއަށް ހެދީ, ޓޫރިޒަމް އިންޑަސްޓްރީގައި މަސައްކަތް ކުރާ މީހުންނާ މަޝްވަރާ ކުރުމަށްފަހު ކަމަށެވެ.

ބޮޑު ޗުއްޓީގެ އިތުރުން ރައީސް ވަނީ މުއިއްޒު, ރަށްރަށުގެ އަސާސީ ހިދުމަތްތައް ފުރިހަމަ ކޮށްދެއްވާނެ ކަމަށް ވައުދުވެ ވަޑައިގެންނަވާއިރު. ހަތް އަހަރު ޕްލޭނިން މިނިސްޓަރު ކަމުގައި ހުންނަވާ އެކަން ނުކުރައްވާ ކަމަށް ވިދާޅުވެ ބަހުގެ ހަމަލާ އަމާޒުކުރައްވާފަ އެވެ.

"ކުރިއަކުން ނުފެނޭތޯ މިރަށުގައި ފެނާއި ނަރުދަމާ ނެތްތަނެއް؟ ކަރަންޓުގެ ހިދުމަތް ނުލިބިގެން މީހުންގެ ޓީވީތަކާއި އަައިސްއަލަމާރިތަކާއި, އެއާ ކޮންޑިޝަންތަކާ ފުނޑުފުނޑުވެގެން ދިޔަތަނެއް," ރައީސް ވިދާޅުވި އެވެ.

ރައީސް ސޯލިހާއި ތުޅާދޫ ދާއިރާގެ މެންބަރު ހިސާން; ރިޔާސީ ކެމްޕޭނުގައި ފެހެންދުއަށް ވަޑައިގެން ވާދަވެރި ކެންޑިޑޭޓަށް ފާޑުވިދާޅުވި -- ފޮޓޯ: އެމްޑީޕީ ކެމްޕޭން ޓީމް
ރައީސް ސޯލިހާއި ތުޅާދޫ ދާއިރާގެ މެންބަރު ހިސާން; ރިޔާސީ ކެމްޕޭނުގައި ފެހެންދުއަށް ވަޑައިގެން ވާދަވެރި ކެންޑިޑޭޓަށް ފާޑުވިދާޅުވި -- ފޮޓޯ: އެމްޑީޕީ ކެމްޕޭން ޓީމް

ރައީސް ސޯލިހާއި ތުޅާދޫ ދާއިރާގެ މެންބަރު ހިސާން; ރިޔާސީ ކެމްޕޭނުގައި ފެހެންދުއަށް ވަޑައިގެން ވާދަވެރި ކެންޑިޑޭޓަށް ފާޑުވިދާޅުވި -- ފޮޓޯ: އެމްޑީޕީ ކެމްޕޭން ޓީމް

ދެން ރައީސް ފާހަގަކުރެއްވީ ގުޅިފަޅުން މިހާރު ދީފައި ހުރި ގޯތިތަކުގައި ގެ އަޅައިދެއްވުމަށް މުއިއްޒު ވެވަޑައިގެންނެވި ވައުދެވެ. އެކަމާ ގުޅުވައި ރައީސް ވަނީ, މީގެ ކުރިން ގުޅީފަޅުން ދީފައިވާ ގޯތިތައް މުއިއްޒުގެ މިނިސްޓަރު ކަމުގައި އަތުލިކަން ފާހަގަކުރައްވާފަ އެވެ.

"ކީއްތޯ ކުރެއްވީ އެމަނިކުފާނު ކުރީގައި މިނިސްޓަރު ކަމުގައި ހުންނަވައިގެން. އެތަނުން [ގުޅީފަޅުން] ކުރީ ސަރުކާރުން ދީފައި ހުރި ގޯތިތައް ނެގީއޭ. ނަގާފަ ބަދަލެއް ވެސް ދިނީއަކީ ނޫން. އޭރުގަ އެމްޑީޕީގެ ސަރުކާރުން އެތަން ހިއްކީ ބަޔަކާ ކޮންޓްރެކްޓެއް ހަދައިގެން. އެމީހުންނަށް ދޭން އޮތް ލާރި ވެސް ނުދިން. ނުދީ އޭރު ދޫކޮށްފައި ހުރި ފްލެޓުތައް ވެސް އަނބުރާ ނެގީ." ރައީސް ވިދާޅުވި އެވެ.

ގުޅީފަޅުން ގޯއްޗާއި ފްލެޓު ލިބުނު މީހުންނަށް ބަދަލު ދޭން ޖެހުނީ ވެސް މި ސަރުކާރުން ކަން ފާހަގަކުރައްވާ ރައީސް ވިދާޅުވީ, މުއިއްޒު ދައްކާ ވާހަކަ ގަބޫލު ކުރެވެން ނެތް ކަމަށެވެ. އަދި އިންތިހާބާ ދެމެދު ހުރި ދުވަސްތަކުގައި އެކަންކަމާމެދު ރައްޔިތުން ވިސްނުމަށް ރައީސް ވަނީ އިލްތިމާސް ކުރައްވާފަ އެވެ.

"ފަހަރަކު އެއްޗެއް ފަހަރަކު އެއްޗެއް ކިޔައިލެވިދާނެ. އެއްގޮތަކަށް ވެސް ނެތް އޭގައި ތާކުންތާކު ޖެހޭ ހަމަ އެއްޗެއް. ގަބޫލުފުޅު ނުކުރައްވައްޗޭ," މުއިއްޒުގެ މެނިފެސްޓޯއަށް ވަރަށް ބޮޑަށް ފާޑު ވިދާޅުވެ ރައީސް ވަނީ ކުރިއަށް އޮތް ފަސް އަހަރު ތެރޭގައި ވެސް ރައްޔިތުންނަށް ހެޔޮ ހިތުން ކަމެއް ކޮށްދޭނެ ޕާޓީއަކީ އެމްޑީޕީ ކަން ފާހަގަކުރައްވާފަ އެވެ.

ރޭ ބޭއްވި ޖަލްސާއެއްގައި މުއިއްޒު ވަނީ އޭނާ އިންތިހާބަށް ހުށަހަޅާ "ދިވެހީންގެ ރާއްޖެ" މެނިފެސްޓޯ ލޯންޗުކޮށްފަ އެވެ. އެ މެނިފެސްޓޯގައި މައިގަނޑު ގޮތެއްގައި އިސްކަން ދީފައިވަނީ ބޯހިޔާވަހިކަމުގެ މައްސަލަ ހައްލުކޮށް ހުރިހާ ރައްޔިތުން ގެދޮރުވެރި ކުރުވުމަށެވެ.

ރައީސް ސޯލިހު އެމްޑީޕީގެ ފަރާތުން ހުށަހަޅާ "އުފާވެރި އަމާންރާއްޖެ" މެނިފެސްޓޯގެ ތިން ސިޔާސަތެއް މިހާތަނާށް ވަނީ ހާމަކޮށްފަ އެވެ. އަދި އިތުރު ދެ ސިޔާސަތެއް އެ ޕާޓީން ރައްޔިތުންނަށް ހުށަހަޅާނެ އެވެ. އެމަނިކުފާނު ސިފަކުރައްވާ ގޮތުގައި މުއިއްޒުއަކީ މި އިންތިހާބުގެ އެންމެ ވާދަވެރި ކެންޑިޑޭޓަށް ވާނެ ބޭފުޅާ އެވެ.

ކޮމެންޓް

ފަހުގެ ޚަބަރު

ދިރާގު ރޯޑް ރޭސް 5،500އަށްވުރެ ގިނަ ދުވުންތެރިންނާއެކު ބާއްވައިފި

ދިރާގު މޯލްޑިވްސް ރޯޑް ރޭހުގެ 17 ވަނަ އެޑިޝަން 5،500 އަށްވުރެ ގިނަ ދުވުންތެރިންނާއެކު ހުޅުމާލެ ސެންޓްރަލް ޕާކުގައި ވަނީ ބާއްވާފައެވެ. މި ދުވުމުގެ ލައިވް އަޕްޑޭޓްތަކާއި، ނަތީޖާ އަދި ދުވުންތެރިންގެ ރޭންކިންގ ބަލައިލުމުގެ ފުރުސަތު ދިރާގުން ވަނީ ޚާއްޞަ މޮބައިލް އެޕްލިކޭޝަނެއް މެދުވެރިކޮށް ފަހިކޮށްދީފައެވެ.

ޕީއެންސީގެ މެންބަރުންގެ އަދަދު ލައްކައަކަށްވުރެ ދަށަށް

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އެރިތާ 24 ގަޑިއިރު ނުވަނީސް، އަލުން އެ އަދަދު ލައްކައަކަށް ވުރެ ދަށަށް ގޮސްފިއެވެ. އިދިކޮޅު ފަރާތްތަކުން ތުހުމަތުކުރާ ގޮތުގައި މި އަދަދު ހަމަކުރުމަށްޓަކައި ވަޒީފާގެ ބިރުދެއްކުމާއި ރިޝްވަތުގެ ގޮތުގައި ފައިސާ ބޭނުންކޮށްފައިވެއެވެ. އީސީގެ ތަފާސްހިސާބުތަކުން ދައްކާގޮތުގައި އެ ޕާޓީގެ މެންބަރުންގެ އަދަދު މިހާރު ވަނީ 99,930 އަށް ތިރިވެފައެވެ.

ރަސްމާލޭގެ ޑީލުގައި ސޮއިނުކުރަން އެދި އަލައްބާރަށް ސިޓީއެއް

ރަސްމާލެ މަޝްރޫއުގެ މިހާރުގެ ޝަރުތުތަކާއި ގާނޫނުއަސާސީއާ ފުށުއެރުންތަކެއް ހުރި ކަމަށާއި، އެކަމުގައި އެކަށީގެންވާ ގޮތެއްގައި ރައްޔިތުންގެ ހިޔާލު ހޯދާފައި ނުވާތީ، ދެން އަންނަ ސަރުކާރަކުން ވެސް މި މަޝްރޫއުގެ އެއްބަސްވުން އަލުން މުރާޖައާކުރުމަށް ނުވަތަ އެއްކޮށް ބާތިލުކުރުމުގެ ފުރުސަތު އޮތް ކަމަށް އެ ސިޓީގައި ބުނެފައިވޭ.

"ރަސްމާލެ މައްސަލައިގައި މުއިއްޒު ވަނީ އަނގަވަތަށް ވެއްޓިފައި"

ރަސްމާލެ މަޝްރޫއަކީ ރާއްޖޭގެ ސިޔާދަތަށް އުނިކަންލިބޭ، ބޭރުގެ ފަރާތްތަކަށް ބިން ދިނުމަށް ހިންގާ ހީލަތްތެރި ރޭވުމެއް ކަމަށް ވިދާޅުވެ ކުރީގެ ރައީސް ޔާމީން ސަރުކާރަށް ވަރަށް ބޮޑަށް ފާޑުވިދާޅުވެއްޖެއެވެ. މި މަޝްރޫއުގެ ސަބަބުން ރައީސް މުއިއްޒު ރައްޔިތުންގެ ކުރިމަތީގައި ބޭޒާރުވެފައިވާ ކަމަށާއި، މި ސަރުކާރަށް ދެވަނަ ދައުރެއް ރައްޔިތުން ނުދޭނެ ކަމަށް ޔާމީން ވިދާޅުވިއެވެ.

ރަސްމާލެ ދޫކޮށްލުމާ ދެކޮޅުވެރިކަމެއް ނެތްކަމުގެ އިޝާރާތެއް

ރަސްމާލެއިން ބައެއް ބޭރުގެ ކުންފުންޏަކަށް ދޫކޮށްލުމާ ދެކޮޅު ހަދަނީ މަދު ބަޔަކު ކަމަށާއި، ދިވެހިން އަބަދުވެސް އިސްކުރަނީ ގައުމީ ތަރައްގީކަން މުއިއްޒު ފާހަގަކުރެއްވި. މީގެކުރިންވެސް ރާއްޖެއަށް އައި ބޮޑެތި ބަދަލުތަކާ ބައެއް މީހުން ދެކޮޅު ހެދި ނަމަވެސް، ގިނަ ރައްޔިތުން ތާއީދުކުރީ ގައުމީ ކުރިއެރުމަށްކަން އެމަނިކުފާނު ބަޔާންކޮށްދެއްވި.

ހުލާސާކޮށް އިއްޔެ: ސިޔާސީ ޕާޓީތަކުގެ ދަފްތަރަށް އައި ބޮޑު ބަދަލު

ޕީއެންސީގެ މެންބަރުންގެ އަދަދު އެއްލައްކައަށް އެރުމާއެކު، ޖުމްހޫރީ ޕާޓީ އާއި އަދާލަތު ޕާޓީ ފަދަ ދުވަސްވީ ޕާޓީތަކުން ގިނަ އަދަދެއްގެ މެންބަރުންނާއި އިސް ބޭފުޅުން ވަނީ ވަކިވެފައެވެ. މީގެ އިތުރުން، ރަސްމީ ޖަލްސާތަކުގެ ޕްރޮޓޮކޯލަށް ބަދަލުތަކެއް ގެނެސްފައިވާއިރު، ރަސްމާލެ މަޝްރޫއާ ގުޅޭގޮތުން އިލްމުވެރިންނާއި ސިޔާސީ ފަރާތްތަކުގެ މެދުގައި ވަނީ ޚިޔާލުތަފާތުވުންތަކެއް އުފެދިފައެވެ.

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

Newsletter

Get the latest news delivered straight to your inbox