އަދުރޭ ވިދާޅުވަނީ ވަހީދު ޓިކެޓް ހޯދަން "ޖެހިގަތީ ބާޒެއް ހެން" ކަމަށް

ކުރީގެ ރައީސް ޑރ.މުހައްމަދު ވަހީދު ހަސަން މަނިކާއި ޕީއެންސީގެ ރައީސް އަބްދުއް ރަހީމް(މ). ފޮޓޯ: އަބްދުﷲ އިޔާން/އަދަދު

ކުރީގެ ރައީސް ޑރ.މުހައްމަދު ވަހީދު ހަސަން މަނިކާއި ޕީއެންސީގެ ރައީސް އަބްދުއް ރަހީމް(މ). ފޮޓޯ: އަބްދުﷲ އިޔާން/އަދަދު

ޕީޕީއެމް/ޕީއެންސީގެ ރިޔާސީ ޓިކެޓް ހޯއްދަވަން ކުރީގެ ރައީސް ޑރ. މުހައްމަދު ވަހީދު ހަސަން މަނިކު ވަޑައިގެންނެވީ އެ ދެޕާޓީއަށް އެއްވެސް ކަމެއް ކޮށްނުދެއްވައި ހުންނަވާފައި "ބާޒެއް އައިސް ޖެހިގަންނަހެން" ކަމަށް ވިދާޅުވެ، ޕީއެންސީގެ ރައީސް އަބްދުއް ރަހީމް އަބްދުﷲ (އަދުރޭ) އެމަނިކުފާނަށް ރައްދު ދެއްވައިފި އެވެ.

ސެޕްޓެމްބަރު 9.، ގައި ބާއްވާ ރިޔާސީ އިންތިހާބަށް ކެމްޕެއިން ޖުމްހޫރީ ޕާޓީން ކުޅުދުއްފުށީގައި ބޭއްވި ޖަލްސާގައި ޑރ.ވަހީދު ވިދާޅުވީ ރީގެ ރައީސް އަބްދުالله ޔާމީނަށް އިންތިހާބަށް ކުރިމަތިނުލެވިއްޖެ ހާލަތެއްގައި އަމަލުކުރަން އެމަނިކުފާނު އިރުޝާދު ދެއްވި ގޮތަށް ޕީޕީއެމް/ޕީއެންސީ ކޯލިޝަނުން އަމަލުކޮށްފައި ނުވާ ކަމަށެވެ.

ޕީޕީއެންސީގެ ރިޔާސީ ކެންޑިޑޭޓް ޑރ.މުހައްމަދު މުއިއްޒުގެ ކެމްޕެއިނަށް ވ. ފެލިދޫގައި މިއަދު ބޭއްވި ޖަލްސާގައި ވަހީދަށް ރައްދު ދެއްވަމުން އަދުރޭ ސުވާލުކުރެއްވީ ޕީޕީއެމް/ޕީއެންސީގެ ލީޑަޝިޕް މިދިޔަ ފަސް އަހަރު ވަރަށް ހިތްދަތިކަމުގައި ހޭދަކުރި އިރު ވަހީދު އުޅުއްވީ ކޮންތާކުތޯ އެވެ.

"ކީއްތޯ ޕާޓީއަށް ކޮށްދެއްވީ؟ ރައީސް ޔާމީނުގެ ހައްގުގައި، ދިފާއުގައި ކޮން ކަމެއްތޯ ކޮށްދެއްވީ؟ ހަމަ ކުށްލިއަކަށް، ރައީސް ޔާމީނަށް [ރިޔާސީ އިންތިހާބަށް] ކުރިމަތި ނުލެވޭނެ ކަމަށް ސުޕްރީމްކޯޓުން ހުކުމްކުރުމާ އެކީގައި، އަނެއް ދުވަހު އަޅުގަނޑުމެން ލީޑަޝިޕް މީޓިން ބޭއްވި ގަޑީގައި، އަޅުގަނޑު އައިސް އޮފީހަށް ވަނތް އިރު ކޮޅުގޮނޑީގައި އައިސް އިށީނދެވަޑައިގެން އިންނެވީ،" ރިޔާސީ ޓިކެޓް ހޯއްދަވަން ވަހީދު ވަޑައިގެންނެވި ގޮތް ސިފަކުރައްވަމުން އަދުރޭ ވިދާޅުވި އެވެ.

އެގޮތަށް ވަޑައިގެންނެވި އިރު ވަހީދަކީ ޕީޕީއެމް/ޕީއެންސީގެ ލީޑަޝިޕްގައި ހިމެނިވަޑައިގަންނަވާ ބޭފުޅެއް ނޫން ކަމަށް ވެސް އަދުރޭ ވިދާޅުވި އެވެ.

ރައީސް ޔާމީނު ޖަލުގައި ހުންނަވާތާ 1،000 އަށް ވުރެ ގިނަ ދުވަސް ވީ އިރު އެމަނިކުފާނު މިނިވަންކުރައްްވަން ވަހީދު އެއްވެސް މަސައްކަތެއް ނުކުރައްވާ ކަމަށް ވެސް އަދުރޭ ވިދާޅުވި އެވެ. ކުރީގެ ރައީސެއްގެ ހައިސިއްޔަތުން އޮތް ގުޅުންތައް ބޭނުން ކުރައްވައިގެން އެ މަސައްކަތް ނުކުރައްވާ ކަމަށާއި ބަޔާނެއް ވެސް ނުނެރުއްވާ ކަމަށް ވެސް އޭނާ ވިދާޅުވި އެވެ.

"މީގެން އެއްވެސް ކަމެއް ނުކުރައްވާ ހުންނަވާފައި، ބަންކިޔާފައި އައިސް ބާޒެއް ހެން އަޅުގަނޑުމެންގެ މައްޗަށް ޖެހިގަނެފައި، ޓިކެޓް ހޯދާށޭ މިއައީ [ވިދާޅުވީ]،" އަދުރޭ ވިދާޅުވި އެވެ.

އަދުރޭ ވިދާޅުވި ގޮތުގައި އޭނާ ހުންނެވީ ޕީޕީއެެމް/ޕީއެންސީގެ ރިޔާސީ ޓިކެޓާ ބެހޭ ގޮތުން ވަހީދު ދައްކަވާ ވާހަކަފުޅުތަކަށް ރައްދެއް ނުދެއްވަން ކަމަށެވެ. އެހެން ނަމަވެސް މިއަދު އެވާހަކަފުޅުތަކަށް ރައްދު ދެެއްވީ އަދުރޭ ވިދާޅުވި ގޮތުގައި "ތަންކޮޅެއް ލަދުހަޔާތް ކުޑަކޮށް" އެވާހަކަ ދެއްކީމަ އެވެ.

ކޮމެންޓް

ފަހުގެ ޚަބަރު

ދިރާގު ރޯޑް ރޭސް 5،500އަށްވުރެ ގިނަ ދުވުންތެރިންނާއެކު ބާއްވައިފި

ދިރާގު މޯލްޑިވްސް ރޯޑް ރޭހުގެ 17 ވަނަ އެޑިޝަން 5،500 އަށްވުރެ ގިނަ ދުވުންތެރިންނާއެކު ހުޅުމާލެ ސެންޓްރަލް ޕާކުގައި ވަނީ ބާއްވާފައެވެ. މި ދުވުމުގެ ލައިވް އަޕްޑޭޓްތަކާއި، ނަތީޖާ އަދި ދުވުންތެރިންގެ ރޭންކިންގ ބަލައިލުމުގެ ފުރުސަތު ދިރާގުން ވަނީ ޚާއްޞަ މޮބައިލް އެޕްލިކޭޝަނެއް މެދުވެރިކޮށް ފަހިކޮށްދީފައެވެ.

ޕީއެންސީގެ މެންބަރުންގެ އަދަދު ލައްކައަކަށްވުރެ ދަށަށް

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އެރިތާ 24 ގަޑިއިރު ނުވަނީސް، އަލުން އެ އަދަދު ލައްކައަކަށް ވުރެ ދަށަށް ގޮސްފިއެވެ. އިދިކޮޅު ފަރާތްތަކުން ތުހުމަތުކުރާ ގޮތުގައި މި އަދަދު ހަމަކުރުމަށްޓަކައި ވަޒީފާގެ ބިރުދެއްކުމާއި ރިޝްވަތުގެ ގޮތުގައި ފައިސާ ބޭނުންކޮށްފައިވެއެވެ. އީސީގެ ތަފާސްހިސާބުތަކުން ދައްކާގޮތުގައި އެ ޕާޓީގެ މެންބަރުންގެ އަދަދު މިހާރު ވަނީ 99,930 އަށް ތިރިވެފައެވެ.

ރަސްމާލޭގެ ޑީލުގައި ސޮއިނުކުރަން އެދި އަލައްބާރަށް ސިޓީއެއް

ރަސްމާލެ މަޝްރޫއުގެ މިހާރުގެ ޝަރުތުތަކާއި ގާނޫނުއަސާސީއާ ފުށުއެރުންތަކެއް ހުރި ކަމަށާއި، އެކަމުގައި އެކަށީގެންވާ ގޮތެއްގައި ރައްޔިތުންގެ ހިޔާލު ހޯދާފައި ނުވާތީ، ދެން އަންނަ ސަރުކާރަކުން ވެސް މި މަޝްރޫއުގެ އެއްބަސްވުން އަލުން މުރާޖައާކުރުމަށް ނުވަތަ އެއްކޮށް ބާތިލުކުރުމުގެ ފުރުސަތު އޮތް ކަމަށް އެ ސިޓީގައި ބުނެފައިވޭ.

"ރަސްމާލެ މައްސަލައިގައި މުއިއްޒު ވަނީ އަނގަވަތަށް ވެއްޓިފައި"

ރަސްމާލެ މަޝްރޫއަކީ ރާއްޖޭގެ ސިޔާދަތަށް އުނިކަންލިބޭ، ބޭރުގެ ފަރާތްތަކަށް ބިން ދިނުމަށް ހިންގާ ހީލަތްތެރި ރޭވުމެއް ކަމަށް ވިދާޅުވެ ކުރީގެ ރައީސް ޔާމީން ސަރުކާރަށް ވަރަށް ބޮޑަށް ފާޑުވިދާޅުވެއްޖެއެވެ. މި މަޝްރޫއުގެ ސަބަބުން ރައީސް މުއިއްޒު ރައްޔިތުންގެ ކުރިމަތީގައި ބޭޒާރުވެފައިވާ ކަމަށާއި، މި ސަރުކާރަށް ދެވަނަ ދައުރެއް ރައްޔިތުން ނުދޭނެ ކަމަށް ޔާމީން ވިދާޅުވިއެވެ.

ރަސްމާލެ ދޫކޮށްލުމާ ދެކޮޅުވެރިކަމެއް ނެތްކަމުގެ އިޝާރާތެއް

ރަސްމާލެއިން ބައެއް ބޭރުގެ ކުންފުންޏަކަށް ދޫކޮށްލުމާ ދެކޮޅު ހަދަނީ މަދު ބަޔަކު ކަމަށާއި، ދިވެހިން އަބަދުވެސް އިސްކުރަނީ ގައުމީ ތަރައްގީކަން މުއިއްޒު ފާހަގަކުރެއްވި. މީގެކުރިންވެސް ރާއްޖެއަށް އައި ބޮޑެތި ބަދަލުތަކާ ބައެއް މީހުން ދެކޮޅު ހެދި ނަމަވެސް، ގިނަ ރައްޔިތުން ތާއީދުކުރީ ގައުމީ ކުރިއެރުމަށްކަން އެމަނިކުފާނު ބަޔާންކޮށްދެއްވި.

ހުލާސާކޮށް އިއްޔެ: ސިޔާސީ ޕާޓީތަކުގެ ދަފްތަރަށް އައި ބޮޑު ބަދަލު

ޕީއެންސީގެ މެންބަރުންގެ އަދަދު އެއްލައްކައަށް އެރުމާއެކު، ޖުމްހޫރީ ޕާޓީ އާއި އަދާލަތު ޕާޓީ ފަދަ ދުވަސްވީ ޕާޓީތަކުން ގިނަ އަދަދެއްގެ މެންބަރުންނާއި އިސް ބޭފުޅުން ވަނީ ވަކިވެފައެވެ. މީގެ އިތުރުން، ރަސްމީ ޖަލްސާތަކުގެ ޕްރޮޓޮކޯލަށް ބަދަލުތަކެއް ގެނެސްފައިވާއިރު، ރަސްމާލެ މަޝްރޫއާ ގުޅޭގޮތުން އިލްމުވެރިންނާއި ސިޔާސީ ފަރާތްތަކުގެ މެދުގައި ވަނީ ޚިޔާލުތަފާތުވުންތަކެއް އުފެދިފައެވެ.

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

Newsletter

Get the latest news delivered straight to your inbox