ވިލާ ކޮލެޖާއި ވިލާ ފައުންޑޭޝަން ގުޅިގެން، ވިލާ ކޮލެޖުގައި ހިންގުމަށް ހަމަޖެހިފައިވާ މެލޭޝިއާގެ ޓޭލާސް ޔުނިވާސިޓީގެ ޕްރޮގްރާމްތަކުގައި ކިޔެވުމަށް ހުޅުވާލާ ސްކޮލަޝިޕް ސްކީމަށް ކުރިމަތިލުމުގެ ފުރުސަތު މިއަދު ހުޅުވާލައިފި އެވެ.
މިސްކީމްގެ ދަށުން 50 ޕަސެންޓް ޓިއުޝަން ފީ ފްރީ 30 ފުރުސަތަށް ކުރިމަތިލުމަށް ވެސް ވަނީ ހުޅުވާލެވިފަ އެވެ. މި ސްކޮލާޝިޕްގެ ދަށުން ހޮވޭ ދަރިވަރުންގެ ކިޔެވުން ފެށުމަށް ހަމަޖިފައި ވަނީ ވިލާ ކޮލެޖުގެ ސެޕްޓެމްބަރު އިންޓޭކްގަ އެވެ.
އެގޮތުން, ފަސް ޕްރޮގްރާމަކުން ސްކޮލަޝިޕަށް ވިލާއިން ވަނީ ހުޅުވާލާފަ އެވެ. އޭގެ ތެރެގައި ހިމެނެނީ ޓޭލާސް ޔުނިވާސިޓީގެ ބެޗްލާ އޮފް ކަލިނަރީ މެނޭޖްމަންޓް (އޮނާސް)، ބެޗްލާ އޮފް މާސް ކޮމިއުނިކޭޝަން، ބެޗްލާ އޮފް އިންޓަނޭޝަނަލް ހޮސްޕިޓަލިޓީ މެނޭޖްމަންޓް، މާސްޓާ އޮފް އިންޓަނޭޝަނަލް ހޮސްޕިޓަލިޓީ މެނޭޖްމަންޓް، އަދި މާސްޓާ އޮފް މާސް ކޮމިއުނިކޭޝަން އެވެ.
ބެޗްލާސް ޕްރޮގްރާމުތަކުގެ މުއްދަތަކީ ތިން އަހަރެވެ. އަދި މާސްޓާސް ކޯސްތަކުގެ މުއްދަތަކީ އެއް އަހަރު ދުވަހެވެ. މި ޕްރޮގްރާމްތައް ކުރިއަށް ގެންދިއުމަށް ހަމަޖެހިފައިވަނީ ވިލާ ކޮލެޖުގެ ކިއުއައި ކެމްޕަހުގައި ދަރިވަރުން ކްލާހަށް ހާޒިރިވެގެން ކިޔަވުން ކުރިއަށް ގެންދާ ގޮތަށެވެ.
ބެޗްލާ އޮފް ކަލިނަރީ މެނޭޖްމަންޓް (އޮނާސް)
މި ކެޓަގަރީން ހުޅުވާލާފައިވަނީ ޖުމްލަ 10 ސްކޮލަޝިޕެވެ.
މި ޕްރޮގްރާމްގައި ބައިވެރިވުމުގެ ޝަރުތަތައް:
- އޭލެވެލް އިމްތިހާތުނުގައި މަދުވެގެން ދެ މާއްދާއިން އީ ފާހަށްވުރެ މަތިން ލިބިފައިވުން.
- ނުވަތަ، އެމްއެންކިއުއެފް ލެވެލް ހަތަރެއްގެ ސަނަދެއް ލިބިފައިވުމާއި އެކު އޯލެވެލް ނުވަތަ އެ ފެންވަރުގެ އެހެން ކޯހަކުން އިގިރޭސި މާއްދާއިން އޭ ފާހެއް ލިބިފައިވުން.
- ނުވަތަ، އޯލެވެލް އިމްތިހާނު ފެންވަރުގެ އެންޓުރީ އިމްތިހާނެއް ފުރިހަމަ ކޮށްފައިވުން.
- ނުވަތަ، މަތީ ސާނަވީ ތައުލީމު، އިނގިރޭސި މީޑިއަމަށް ކިޔަވާފައިވުން.
ބެޗްލާ އޮފް މާސް ކޮމިއުނިކޭޝަން
މި ކެޓަގަރީން ހުޅުވާލާފައިވަނީ ޖުމްލަ ފަސް ސްކޮލަޝިޕެވެ.
މި ޕްރޮގްރާމްގައި ބައިވެރިވުމުގެ ޝަރުތަތައް:
- އޭ-ލެވެލް އިމްތިހާނުން ތިން މާއްދާއިން ދަށް ވެގެން އީ ފާސް ލިބިފައި ވުމާއެކު މަތީ ސާނަވީ އިމްތިހާނު ފުރިހަމަ ކޮށްފައިވުން .
- އޯލެވެލް އިމްތިހާނުގައި އިނގިރޭސިން ސީ ފާހެއް ލިބިފައިވުން ނުވަތަ ގުޅޭ ދާއިރާއަކުން އެޑްވާންސް ސެޓުފިކެޓެއް ލިބިފައިވުން.
- އޯލެވެލް އިމްތިހާނުގައި ސީ ފާސް ލިބިފައިވުން.
ބެޗްލާ އޮފް އިންޓަނޭޝަނަލް ހޮސްޕިޓަލިޓީ މެނޭޖްމަންޓް
މި ކެޓަގަރީން ހުޅުވާލާފައިވަނީ ޖުމްލަ ފަސް ސްކޮލަޝިޕެވެ.
މި ޕްރޮގްރާމްގައި ބައިވެރިވުމުގެ ޝަރުތަތައް:
- އޭލެވެލް އިމްތިހާނުން މަދުވެގެން ދެ މާއްދާއިން އެންމެ ދަށްވެގެން އީ ފާސް ލިބިފައިވުން ނުވަތަ އެޑްވާންސް ސެޓުފިކެޓެއް ހާސިލުކޮށްފައިވުން.
މާސްޓާ އޮފް އިންޓަނޭޝަނަލް ހޮސްޕިޓަލިޓީ މެނޭޖްމަންޓް އަދި މާސްޓާ އޮފް މާސް ކޮމިއުނިކޭޝަން
މި ދެ ކެޓަގަރީގެ ތެރެއިން ކޮންމެ ކެޓަގަރީއަކުން ހުޅުވާލާފައިވަނީ ޖުމްލަ ފަސް ސްކޮލަޝިޕެވެ.
މި ޕްރޮގްރާމްގައި ބައިވެރިވުމުގެ ޝަރުތަތައް:
- ކޮލެޖުން ގަބޫލު ކުރާ ފެންވަރުގެ ބެޗުލާސް ޑިގުރީއަކުން ސީޖީޕީއޭ ނަތީޖާ 2.50 އަށްވުރެ މަތިން ހާސިލު ކޮށްފައިވުން. (ކޯހާއި ނުގުޅޭ ދާއިރާއަކުން ޑިގުރީ ހާސިލު ކޮށްފައިވާ ދަރިވަރުން އެމްކިއުއޭއިން ގަބޫލު ކުރާ ފެންވަރުގެ ޕްރީ މާސްޓާސް ޕުރޮގުރާމެއް ފުރިހަމަ ކުރަން ޖެހޭނެ)
- ނުވަތަ، މެލޭޝިއާއިން ނޫނީ ރާއްޖޭގެ ސަރުކާރުން ގަބޫލު ކުރާ ފެންވަރުގެ ބެޗުލާސް ޑިގުރީއަކުން ސީޖީޕީއޭ ނަތީޖާ 2.00 އާއި 2.50 އާ ދޭތެރޭގެ ނަތީޖާއެއް ހޯދާފައިވުމާ އެކު ގުޅު ހުރި ދާއިރާއެއްގައި މަދުވެގެން ފަސް އަހަރު ދުވަހު މަސައްކަތް ކޮށްފައިވުން. (ކޯހާއި ނުގުޅޭ ދާއިރާއަކުން ޑިގުރީ ހާސިލު ކޮށްފައިވާ ދަރިވަރުން އެމްކިއުއޭއިން ގަބޫލު ކުރާ ފެންވަރުގެ ޕްރީ މާސްޓާސް ޕުރޮގުރާމެއް ފުރިހަމަ ކުރަން ޖެހޭނެ)
- ނުވަތަ؛ ކޯހާއި ގުޅުން ހުރި ދާއިރާއަކުން ލެވެލް އަށެއްގެ ޑިޕްލޮމާއެއް ހާސިލު ކޮށްފައިވުން.
މި ސްކޮލާޝިޕްތަކަށް ކުރިމަތިލުމުގެ ފުރުސަތު ހުޅުވާލާފައިވަނީ އޮގަސްޓް 31، ގެ ނިޔަލަށެވެ.
ސްކޮލާޝިޕްތަކާއި ބެހޭ މައުލޫމާތާއި އެޕްލިކޭޝަން ފޯމް ވިލާ ކޮލެޖުގެ ވެބް ސައިޓް އަދި ކިއުއައި ކެމްޕަހުނެ ލިބެން ހުންނާ އެވެ.
ޓޭލާސް ޔުނިވާސިޓީ އަކީ ކިއުއެސް ރޭންކިންގައި މެލޭޝިއާގެ އެއްވަނަ ޕްރައިވެޓް ޔުނިވާސިޓީގެ ގޮތުގައި ދަރަޖަ ކުރެވިފައިވާ އަދި އޭޝިއާގެ އެންމެ މަތީ 50 ޔުނިވަރސިޓީގެ ތެރޭގައި ދަރަޖަ ކުރެވިފައިވާ ޔުނިވާސިޓީއެކެވެ. ޓެއިލާސް ޔުނިވާސިޓީގެ ޕްރޮގްރާމްތަކުގެ ތެރޭގައި ހިމެނޭ ހޮސްޕިޓާލަޓީ ޕްރޮގްރާމްތައް ވަނީ ކިޔުއެސް ރޭންކިންގައި ދުނިޔޭގެ 16 ވަނައަށް ރޭންކް ކުރެވިފަ އެވެ.
