ދެ ވަނަ ދައުރެއްގަ ސިޔާސީ މަގުސަދެއްގައި ކުރާނެ ކަމެއް ނޯންނާނެ ކަމަށް ރައީސް ވިދާޅުވެއްޖެ

ރައީސް ސޯލިހު މާޅެންދޫގައި ވާހަކަފުޅުދައްކަވަނީ -- ފޮޓޯ: މުހައްމަދު ޝާބިން/އަދަދު

ރައީސް ސޯލިހު މާޅެންދޫގައި ވާހަކަފުޅުދައްކަވަނީ -- ފޮޓޯ: މުހައްމަދު ޝާބިން/އަދަދު

ދެ ވަނަ ދައުރެއް ލިބިއްޖެ ނަމަ އެމަނިކުފާނު ސިޔާސީ މަގުސަދެއްގައި ކުރާނެ އެއްވެސް ކަމެއް ނެތް ކަމުގައި ރައީސުލްޖުމުހޫރިއްޔާ އިބްރާހީމް މުހައްމަދު ސޯލިހު މިއަދު ވިދާޅުވެއްޖެ އެވެ.

ސެޕްޓެމްބަރު 9، ގައި އޮންނަ ރިޔާސީ އިންތިހާބުގެ ކެމްޕެއިނުގައި ނ. މާޅެންދޫއަށް ވަޑައިގައިން ވާހަކަ ދައްކަވަމުން ރައީސް ވިދާޅުވީ ސިޔާސީ މައިދާނުގައި އެމަނިކުފާނަށް ހާސިލްނުވާ ކަމެއް މިހާރު ނެތް ކަމަށެވެ. އަދި ދެ ވަނަ ދައުރެއް ލިބިއްޖެ ނަމަ ސިޔާސީ މަގުސަދެއްގައި ކުރައްވާނެ އެއްވެސް ކަމެއް ނެތް ކަމަށާއި އަރާނެ އިތުރު ހަރުފަތެއް ވެސް ނެތް ކަމަށް ރައީސް ސޯލިހު ވިދާޅުވި އެވެ.

"އަޅުގަނޑު ސިޔާސީ ކަންތަކުގައި ދެން އަރާނެ އިތުރު ހަރުފަތެއް ނެތް. ސިޔާސީ މަގުސަދުގައި އަޅުގަނޑު ބޭނުންވާނެ އެއްވެސް ކަމެއް ދެން ނެތް. އިރާދަކުރެއްވީތީ މިއަދު މިހުރީ ރާއްޖޭގެ ރައީސުލްޖުމުހީރިއްޔާ ކަމުގައި. ކުރިއަށް އޮތް ދައުރުގަ އަޅުގަނޑު ސިޔާސީ މަގުސަދެއްގައި ކުރާނެ އެއް ވެސް ކަމެއް ނޯންނާނެ،" ރައީސް ވިދާޅުވި އެވެ.

Advertisement

އޭގެ އިތުރުން، އެމަނިކުފާނުގެ މަގުސަދަކީ އުފާވެރި އަމާން ރާއްޖެއެއް ބިނާކުރުން ކަމަށް ރައީސް ވިދާޅުވި އެވެ. އަދި ދެ ވަނަ ދައުރެއް ނިންމާފައި ވެރިކަމުން ފައިބައިވަޑައިގަންނަވާއިރު ފެންނާނީ އެ މަންޒަރުކަމުގެ ޔަގީންކަން އެމަނިކުފާަނު ދެއްވި އެވެ.

"އަޅުގަނޑުގެ މަގުސަދަކަށް ވާނީ އަޅުގަނޑުމެން ފަށާފައި އެހެރަ ހުރިހާ މަސައްކަތެއް ނިންމާ، ރައްޔިތުންނަށް އުފާވެރި އަމާން ދިރިއުޅުމެއް ހޯދައިދިނުން. އެ ނޫން އެއްވެސް މަގުސަދެއް އަޅުގަނޑުމެންގެ ނޯންނާނެ،" ރައީސް ސޯލިހު ފާހަގަކުރެއްވި އެވެ.

ރައީސް ނ. މާޅެންދޫގައި -- ފޮޓޯ: މުހައްމަދު ޝާބިން/އަދަދު
ރައީސް ނ. މާޅެންދޫގައި -- ފޮޓޯ: މުހައްމަދު ޝާބިން/އަދަދު

ރައީސް ނ. މާޅެންދޫގައި -- ފޮޓޯ: މުހައްމަދު ޝާބިން/އަދަދު

ރައީސް އިތުރަށް ވިދާޅުވީ ނ. އަތޮޅަށް މި ސަރުކާރުން އެތައް ބަދަލުތަކެއް ގެނެސް ނުކުރެވި، މަޑުޖެހިފައި ހުރި އުމްރާނީ ތަރައްގީގެ ގިނަ މަޝްރޫއުތަކެއް ނިންމާފައިވާ ކަމަށެވެ. މިގޮތުން މަޝްރޫއުތައް ނިންމުނީ މި ސަރުކާރުން ސިޔާސީ ހަލަބޮލިކަމެއްގެ ތެރެއަށް ދިޔުމުގެ ބަދަލުގައި ތަފާތު ހިޔާލުތަކުގެ މަޝްވަރާއަށް ޖާގަ ދީގެން މަސައްކަތް ކުރުމުން ކަމަށް ރައީސް ވިދާޅުވި އެވެ. އަދި ކުރީގެ ސަރުކާރުތަކުގައި އެ ފުރުސަތު ނުދޭކަން ވެސް އެމަނިކުފާނު ފާހަގަކުރެއްވި އެވެ.

"މީގެ ކުރީގެ ސަރުކާރުތަކުގަ، ހާއްސަކޮށް 2013 އިން 2018 އާއި ދޭތެރޭގައި އޮތް ސަރުކާރުގަ ކަންތައް ކުރަމުން ދިޔައީ މުޅިން އެހެން ގޮތަކަށް. ކިރިޔާވެސް ސަރުކާރާ ހިޔާލު ތަފާތުވާ ސިޔާސީ ބޭފުޅެއް ވެއްޖިއްޔާ ގެންގޮސް ލަނީ ޖަލަށް. ނަތީޖާއަކަށް ވީ ކުރަންހުރި އެތައް ކަމެއް ނުކުރެވި މަޑުޖެހިފަ ހުރުން،" ރައީސް ވިދާޅުވި އެވެ.

ރިޔާސީ އިންތިހާބުގެ ކެމްޕެއިނުގައި ރައީސް އެންމެފަހުން ވަޑައިގަތީ ގއ. އަދި ގދ. އަތޮޅަށެވެ.

ކޮމެންޓް

ފަހުގެ ޚަބަރު

ދިރާގު ރޯޑް ރޭސް 5،500އަށްވުރެ ގިނަ ދުވުންތެރިންނާއެކު ބާއްވައިފި

ދިރާގު މޯލްޑިވްސް ރޯޑް ރޭހުގެ 17 ވަނަ އެޑިޝަން 5،500 އަށްވުރެ ގިނަ ދުވުންތެރިންނާއެކު ހުޅުމާލެ ސެންޓްރަލް ޕާކުގައި ވަނީ ބާއްވާފައެވެ. މި ދުވުމުގެ ލައިވް އަޕްޑޭޓްތަކާއި، ނަތީޖާ އަދި ދުވުންތެރިންގެ ރޭންކިންގ ބަލައިލުމުގެ ފުރުސަތު ދިރާގުން ވަނީ ޚާއްޞަ މޮބައިލް އެޕްލިކޭޝަނެއް މެދުވެރިކޮށް ފަހިކޮށްދީފައެވެ.

ޕީއެންސީގެ މެންބަރުންގެ އަދަދު ލައްކައަކަށްވުރެ ދަށަށް

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އެރިތާ 24 ގަޑިއިރު ނުވަނީސް، އަލުން އެ އަދަދު ލައްކައަކަށް ވުރެ ދަށަށް ގޮސްފިއެވެ. އިދިކޮޅު ފަރާތްތަކުން ތުހުމަތުކުރާ ގޮތުގައި މި އަދަދު ހަމަކުރުމަށްޓަކައި ވަޒީފާގެ ބިރުދެއްކުމާއި ރިޝްވަތުގެ ގޮތުގައި ފައިސާ ބޭނުންކޮށްފައިވެއެވެ. އީސީގެ ތަފާސްހިސާބުތަކުން ދައްކާގޮތުގައި އެ ޕާޓީގެ މެންބަރުންގެ އަދަދު މިހާރު ވަނީ 99,930 އަށް ތިރިވެފައެވެ.

ރަސްމާލޭގެ ޑީލުގައި ސޮއިނުކުރަން އެދި އަލައްބާރަށް ސިޓީއެއް

ރަސްމާލެ މަޝްރޫއުގެ މިހާރުގެ ޝަރުތުތަކާއި ގާނޫނުއަސާސީއާ ފުށުއެރުންތަކެއް ހުރި ކަމަށާއި، އެކަމުގައި އެކަށީގެންވާ ގޮތެއްގައި ރައްޔިތުންގެ ހިޔާލު ހޯދާފައި ނުވާތީ، ދެން އަންނަ ސަރުކާރަކުން ވެސް މި މަޝްރޫއުގެ އެއްބަސްވުން އަލުން މުރާޖައާކުރުމަށް ނުވަތަ އެއްކޮށް ބާތިލުކުރުމުގެ ފުރުސަތު އޮތް ކަމަށް އެ ސިޓީގައި ބުނެފައިވޭ.

"ރަސްމާލެ މައްސަލައިގައި މުއިއްޒު ވަނީ އަނގަވަތަށް ވެއްޓިފައި"

ރަސްމާލެ މަޝްރޫއަކީ ރާއްޖޭގެ ސިޔާދަތަށް އުނިކަންލިބޭ، ބޭރުގެ ފަރާތްތަކަށް ބިން ދިނުމަށް ހިންގާ ހީލަތްތެރި ރޭވުމެއް ކަމަށް ވިދާޅުވެ ކުރީގެ ރައީސް ޔާމީން ސަރުކާރަށް ވަރަށް ބޮޑަށް ފާޑުވިދާޅުވެއްޖެއެވެ. މި މަޝްރޫއުގެ ސަބަބުން ރައީސް މުއިއްޒު ރައްޔިތުންގެ ކުރިމަތީގައި ބޭޒާރުވެފައިވާ ކަމަށާއި، މި ސަރުކާރަށް ދެވަނަ ދައުރެއް ރައްޔިތުން ނުދޭނެ ކަމަށް ޔާމީން ވިދާޅުވިއެވެ.

ރަސްމާލެ ދޫކޮށްލުމާ ދެކޮޅުވެރިކަމެއް ނެތްކަމުގެ އިޝާރާތެއް

ރަސްމާލެއިން ބައެއް ބޭރުގެ ކުންފުންޏަކަށް ދޫކޮށްލުމާ ދެކޮޅު ހަދަނީ މަދު ބަޔަކު ކަމަށާއި، ދިވެހިން އަބަދުވެސް އިސްކުރަނީ ގައުމީ ތަރައްގީކަން މުއިއްޒު ފާހަގަކުރެއްވި. މީގެކުރިންވެސް ރާއްޖެއަށް އައި ބޮޑެތި ބަދަލުތަކާ ބައެއް މީހުން ދެކޮޅު ހެދި ނަމަވެސް، ގިނަ ރައްޔިތުން ތާއީދުކުރީ ގައުމީ ކުރިއެރުމަށްކަން އެމަނިކުފާނު ބަޔާންކޮށްދެއްވި.

ހުލާސާކޮށް އިއްޔެ: ސިޔާސީ ޕާޓީތަކުގެ ދަފްތަރަށް އައި ބޮޑު ބަދަލު

ޕީއެންސީގެ މެންބަރުންގެ އަދަދު އެއްލައްކައަށް އެރުމާއެކު، ޖުމްހޫރީ ޕާޓީ އާއި އަދާލަތު ޕާޓީ ފަދަ ދުވަސްވީ ޕާޓީތަކުން ގިނަ އަދަދެއްގެ މެންބަރުންނާއި އިސް ބޭފުޅުން ވަނީ ވަކިވެފައެވެ. މީގެ އިތުރުން، ރަސްމީ ޖަލްސާތަކުގެ ޕްރޮޓޮކޯލަށް ބަދަލުތަކެއް ގެނެސްފައިވާއިރު، ރަސްމާލެ މަޝްރޫއާ ގުޅޭގޮތުން އިލްމުވެރިންނާއި ސިޔާސީ ފަރާތްތަކުގެ މެދުގައި ވަނީ ޚިޔާލުތަފާތުވުންތަކެއް އުފެދިފައެވެ.

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

Newsletter

Get the latest news delivered straight to your inbox