ރައީސްގެ ގދ. ދަތުރު: އިއްޔެ ހަ ރަށަށް ގިނަ ވައުދުތަކެއް

ހުވަދޫއަށް ކުރައްވަމުން ގެންދަވާ ކެމްޕޭނު ދަތުރުގެ ތެރެއިން ރައީސް ސޯލިހު އިއްޔެ ގދ. ރަތަފަންދޫގައި - ފޮޓޯ: އަބްދުﷲ އިޔާން / އަދަދު

ހުވަދޫއަށް ކުރައްވަމުން ގެންދަވާ ކެމްޕޭނު ދަތުރުގެ ތެރެއިން ރައީސް ސޯލިހު އިއްޔެ ގދ. ރަތަފަންދޫގައި - ފޮޓޯ: އަބްދުﷲ އިޔާން / އަދަދު

މިހާރު ކުރިއަށްދާ ރިޔާސީ ކެމްޕޭނުގައި އެމްޑީޕީގެ ކެންޑިޑޭޓު، ރައީސް އިބްރާހިމް މުހައްމަދު ސޯލިހު އިއްޔެ ވަޑައިގަތީ ގދ. އަތޮޅުގެ ހަ ރަށަކަށެވެ. ހުވަދޫއަށް ވަޑައިގަތީ ދ. އަތޮޅުގެ ހުރިހާ ރަށަކަށް ކުރެއްވި ދަތުރުފުޅަށް ފަހު އެވެ.

ސެޕްޓެމްބަރު 9 ގައި ބާއްވާ ރިޔާސީ އިންތިހާބުގައި ވޯޓުލުމުގެ ހައްގު ލިބިފައިވާ ޖުމްލަ 26،244 މީހުން ތިބި ހުވަދު އަތޮޅަށް ރައީސް ކުރައްވާ މި ދަތުރުގައި ޖުމްލަ 17 ރަށަކަށް ވަޑައިގަންނަވާނެ އެވެ. މި ދެ އަތޮޅުން މި ދަތުރުގައި ރައީސް ވަޑައިނުގަންނަވާނީ ގދ. ތިނަދޫއަށެވެ. ފަހުގެ ތާރީހެއްގައި ހާއްސަ ކެމްޕޭން ދަތުރެއް އެ ރަށަށް ރޭވިފައިވާ ކަމަށް އެމްޑީޕީގެ ކެމްޕޭން ޓީމުން ބުނެ އެވެ.

ދެހާސް އަށާރައިގެ ރިޔާސީ އިންތިހާބުގައި ހުވަދު އަތޮޅުން، ހާއްސަކޮށް ގދ. އަތޮޅުން ރައީސް ސޯލިހު ބޮޑު ކާމިޔާބެއް ހޯއްދެވި އެވެ. މި އަހަރުގެ ރިޔާސީ އިންތިހާބަށް ނުކުންނަ ވާއިރު، ބަދަލުވެފައިވާ ސިޔާސީ މަޝްރަހުގެ އަސަރު ހުވަދޫން ފެނެ އެވެ.

Advertisement

titledesc

titledesc

ނަމަވެސް، މިހާތަނަށް ވަޑައިގެންނެވި މި އަތޮޅުގެ ހަ ރަށުން ވެސް ރައީސް ސޯލިހަށް ތާއީދު ބޮޑު ކަމަށް ފެނެ އެވެ. ރައީސް، ހުވަދޫގެ ފުރަތަމަ މަންޒިލެއްގެ ގޮތުގައި ވަޑައިގެންނެވީ ގދ. މަޑަވެއްޔަށެވެ.

މަޑަވެލި

މަޑަވެއްޔަށް ރައީސް ވަޑައިގެންފައިވަނީ އިއްޔެ އެމަނިކުފާނު އެ ރަށުގައި ޖަލްސާ ބޭއްވުމަށް ތައްޔާރުކުރި އެމްޑީޕީގެ ހަރުގޭގައި ހުޅުޖަހައި އަންދާލާފައިވަނިކޮށެވެ. އެ ސަބަބާއެކު ރައީސްގެ ކެމްޕޭން ޖަލްސާ ކުރިއަށް ގެންދެވީ މަޑަވެލީ ބަނދަރުމަތީގައި ހުރި ގަހެއްގެ ދަށުގަ އެވެ. ސަޕޯޓަރުންނަށް ނަސޭހަތް ދެއްވީ އިދިކޮޅު ފަރާތްތަކުން ކުރާ އެފަދަ ކަންކަމަށް ރައްދު ދިނުމުގެ ބަދަލުގައި އިންތިހާބަށް ސަމާލުކަން ދިނުމަށެވެ.

އެ ބައްދަލުވުމަށްފަހު ރައީސް ސޯލިހު ވަނީ މި ސަރުކާރުން އެ ރަށުގައި ގާއިމުކުރި ފެނުގެ ނިޒާމު އިފްތިތާހު ކޮށްދެއްވައި، ހެލްތު ސެންޓަރަށް އިތުރުކުރެވުނު އާ އިމަރާތް ހުޅުއްވައި ދެއްވައިފަ އެވެ.

މަޑަވެލީގެ ވޯޓުލެވޭ އާބާދީއަކީ 1,387 އެވެ. އެ ރަށަށް ފަހު ރައީސް ދެން ވަޑައިގަތީ ޖެހިގެން އޮތް ހޯނޑެއްދޫއަށެވެ.

ވައުދުތައް:

  • ބިން ހިއްކުން
  • ބޯހިޔާވަހިކަން ހައްލުކުރަން ގޯތި، ރޯހައުސް އަދި ފްލެޓު އެޅުން
  • އައިސް ޕްލާންޓެއް
  • އެއް ފަޅެެއްގައި އޮތް ހާދު އާ މަޑަވެލި އެއްކޮށްލުން
  • އޭޓީއެމް ބެހެއްޓުން

ހޯނޑެއްދޫ

ހޯނޑެއްދޫއަށް ވަޑައިގެން އެ ރަށުގެ އެމްޑީޕީ ހަރުގެ ރައީސް ސޯލިހު ހުޅުއްވައި ދެއްވި އެވެ. އެ ހަރުގޭގައި ބޭއްވި ބައްދަލުވުމުގައި އެ މަނިކުފާނު ވިދާޅުވީ ރިޔާސީ އިންތިހާބުގައި ވާދަކުރައްވާ ބައެއް ބޭފުޅުންނަކީ ކާމިޔާބު ނުވާނެކަން އެނގިވަޑައިގަންނަވާއިރު ވެސް ވޯޓް ބައިބައި ކުރައްވަން ވާދަ ކުރައްވާ ބޭފުޅުން ކަމަށެވެ.

"ނަމެއްގައި ކުރިމަތިލައިގެން ތިއްބެވި ބޭފުޅުން އެބަ ތިއްބި. ވޯޓްތައް ބައިބައިކޮށްލުމަށް ޓަކައި. އެމީހުންގެ މާބޮޑު ވިޝަންއެއް ނެތް. ހަމަ އެކަނި މަގުސަދަކީ އެ އައި ހިޔާލުތަފާތުވުން ތަކުގައި، ސިޔާސީ ހިޔާލުތަފާތުވުން ތަކުގައި ބަޔަކަށް ލިބެން އޮތް ފަސޭހައަކަށް ހުރަސް އެޅުން،" އެ މަނިކުފާނު ވިދާޅުވި އެވެ.

ވައުދުތައް:

  • ބޮޑެތި މަގުތައް ރަނގަޅު ފެންވަރަކަށް ތަރައްގީކުރުން
  • ހައުސިން ޔުނިޓު ސަރަހައްދުގައި އާ މިސްކިތެއް އެޅުން
  • އަންހެނުނަށް ހާއްސަ ވޮލީކޯޓެއް އަދި ފުޓްސަލް ދަނޑެއް
  • ބޮޑު ފުޓްބޯޅަ ދަނޑެއް
  • ގިރާ ސަރަހައްދު ހިމާޔަތް ކުރުން

ހޯނޑެއްދޫގެ ވޯޓުލެވޭ އާބާދީއަކީ 903 އެވެ. އެ ރަށަށްފަހު ރައީސް ދެން ވަޑައިގަންނަވާނީ އެ އަތޮޅު ނަޑެއްލާ އަށެވެ.

ނަޑެއްލާ

ނަޑެއްލާއަށް ވަޑައިގެން ރައީސް ވަނީ އެ ރަށުގައި މި ސަރުކާރުން އަޅައިދިން ފެނަކަ އޮފީހާއި އާ އިންޖީނުގެ ހުޅުވައި ދެއްވައިފަ އެވެ. ބަނދަރުގައި ތިބި އެ ރަށުގެ ގިނަ ރައްޔިތުންގެވެސް އެންމެ ބޮޑު އުފަލަކަށްވީ ކަރަންޓުގެ މައްސަލައަށް މި ސަރުކާރުން ގެނެސްދިން ހައްލެވެ.

ނަޑެއްލާގައި ބޭއްވި ބަނދަރު ބައްދަލުވުމުގެ ތެރެއިން - ފޮޓޯ:  އަބްދުﷲ އިޔާން / އަދަދު
ނަޑެއްލާގައި ބޭއްވި ބަނދަރު ބައްދަލުވުމުގެ ތެރެއިން - ފޮޓޯ: އަބްދުﷲ އިޔާން / އަދަދު

ނަޑެއްލާގައި ބޭއްވި ބަނދަރު ބައްދަލުވުމުގެ ތެރެއިން - ފޮޓޯ: އަބްދުﷲ އިޔާން / އަދަދު

ވައުދުތައް:

  • އައުޓްޑޯ ވޮލީ ކޯޓެއް
  • އައުޓްޑޯ ޖިމެއް
  • ގިރާ ސަރަހައްދު ހިމާޔަތް ކުރުން
  • ބޮޑެތި މަގުތައް ޒަމާނީ ފެންވަރަކަށް ތަރައްގީކުރުން
  • ބޯހިޔާ ވަހިކަން ހައްލުކުރުމަށް ރޯހައުސް އެޅުން
  • އެ ރަށު މިސްކިތުގެ ޖާގަ ބޮޑުކުރުން
  • ބަނދަރު ބޮޑުކުރުން
  • މަލްޓި ޕާޕޯސް ހޯލެއް ގާއިމުކުރުން

ނަޑެއްލާގެ ވޯޓުލެވޭ އާބާދީއަކީ 820 އެވެ.

ރަތަފަންދޫ

ރަތަފަންދޫއަށް ވަޑައިގެން ރައީސް ވަނީ އެ ރަށުގައި މި ސަރުކާރުން ގާއިމުކުރި ފެނަކަ އޮފީސް އިމާރާތް ހުޅުއްވައި ދެއްވާފަ އެވެ. އަދި، އެ ރަށު ރައްޔިތުން ގިނަ ދުވަސްތަކެއް އެދުމުން ދިޔަ ގޮތަށް އެރަށް، ކައިރި އޮތް ކެރެއްދޫއާ ގުޅާލާނެ ކަމަށް ރައީސް ވައުދުވެވަޑައިގަތެވެ.

ވައުދުތައް:

  • ރަތަފަންދޫ އާއި ކެރެއްދޫއާ ގުޅާލުން
  • މަގުތައް ޒަމާނީ ފެންވަރަށް ހެދުން
  • ޔޫތު ސެންޓަރެއް
  • އާ ސިއްހީ މަރުކަޒެއް
  • މަލްޓި ޕާޕޯސް ހޯލު
  • ބަނދަރު ޒަމާނީ ފެންވަރަށް ހެދުން

މި އަހަރުގެ އިންތިހާބުގައި ރަތަފަންދޫން ވޯޓުލާނީ 1,036 މީހުންނެވެ.

ފިޔޯރީ

ފިޔޯރީއަށް ވަޑައިގެން ރައީސް ވަނީ އެ ރަށުގައި މި ސަރުކާރުން އެޅި ފެނަކަ އޮފީސް ހުޅުއްވައި ދެއްވާފަ އެވެ. އެ ރަށުގެ އެމްޑީޕީ ހަރުގޭގައި ބޭއްވި ހަފުލާއެއްގައި އެ ރަށަށް ގިނަ ވައުދުތަކެއް ވެވަޑައިގެންފަ އެވެ.

ވައުުދުތައް:

  • ފިޔޯރީ ކައިރީގަ ޕިކްނިކް އައިލެންޑެއް
  • ސްކޫލަށް ދިމާވެފައިވާ ކަރަންޓުގެ މައްސަލަ ހައްލުކޮށް ސޯލާއިން ކަރަންޓު ނެގޭ ގޮތް ހެދުން
  • ބޮޑެތި މަގުތައް ޒަމާނީ ފެންވަރަކަށް ތަރައްގީކޮށް ތާރު އެޅުން
  • ހެލްތު ސެންޓަރުން 24 ގަޑިއިރު ހިދުމަތް ދެވޭނެ ގޮތް ހެދުން
  • ހެލްތު ސެންޓަރަށް އާ އިމާރާތެއް އިތުރުކުރުން
  • އެ ރަށުގެ ގެސްޓް ހައުސް އަށް ހާއްސަ ސަރަހައްދު ތަރައްގީކުރަން ލުއި ލޯނު ދިނުން
  • އެ ރަށު މިސްކިތް ބޮޑުކޮށް ޒަމާނީ ފެންވަރަކަށް ހެދުން
  • އައިސް ޕްލާންޓެއް އެޅުން
  • ފުޓްބޯޅަ އަދި ފުޓްސަލް ދަނޑުގައި ލައިޓު ހަރުކުރުން
  • ކަރަންޓުގެ މައްސަލަ ހައްލުކުރުމަށް 600 ކިލޯވޯޓުގެ އާ ގެނެރޭޓަރެއް ގެނައުން

ފިޔޯރީގެ ވޯޓުލެވޭ އާބާދީއަކީ 1،080 އެވެ. އެ ރަށަށް ފަހު ރައީސް ދެން ވަޑައިގެންނެވީ އިއްޔެގެ ފަހު ރަށް ކަަމަށްވާ މި އަތޮޅު ގައްދޫ އަށެވެ.

ގައްދޫ

ހެނދުނު ދ. އަތޮޅުން ފެށި ދަތުރުގައި ރައީސް ގައްދޫއަށް ވަޑައިގަތީ އިރުއޮއްސި 6:30 ހާއިރު އެވެ. ގިނަ ބަޔަކު މަރުހަބާ ކިޔަން ނިކުތް ގައްދޫގައި ސަޕޯޓަރުންނާ ސަލާމްކުރުމަށް ރައީސް ވަނީ ގަޑިއެއް ހާއިރު ހޭދަކުރައްވައިފަ އެވެ.

ރޭ ގައްދޫގައި ބޭއްވި ކެމްޕޭން ޖަލްސާގެ ތެރެއިން ރައީސް ސޯލިހު (ކ) އަދި ސަރުކާރާއި ކޯލިޝަނުގެ އިސް ފަރާތްތައް - ފޮޓޯ: އަބްދުﷲ އިޔާން / އަދަދު
ރޭ ގައްދޫގައި ބޭއްވި ކެމްޕޭން ޖަލްސާގެ ތެރެއިން ރައީސް ސޯލިހު (ކ) އަދި ސަރުކާރާއި ކޯލިޝަނުގެ އިސް ފަރާތްތައް - ފޮޓޯ: އަބްދުﷲ އިޔާން / އަދަދު

ރޭ ގައްދޫގައި ބޭއްވި ކެމްޕޭން ޖަލްސާގެ ތެރެއިން ރައީސް ސޯލިހު (ކ) އަދި ސަރުކާރާއި ކޯލިޝަނުގެ އިސް ފަރާތްތައް - ފޮޓޯ: އަބްދުﷲ އިޔާން / އަދަދު

ރަށުގައި "އުފާވެރި އަމާން ރާއްޖެ" ގެ ކެމްޕޭން ޖަލްސާއެއް ބޭއްވި އެވެ. ޖަލްސާގައި ރައީސް، ރަނިންމޭޓު އަދި ދައުލަތުގެ އެކި ވަޒީރުންނާއި ކޯލިޝަން ޕާޓްނަރުން ބައިވެރިވެވަޑައިގަތެވެ.

އެ ޖަލްސާގައި ރައީސް ސޯލިހު ވިދާޅުވީ މި ފަހަރުގެ އިންތިހާބުގައި ވާދަކުރައްވާ އެހެން ކެންޑިޑޭޓުންގެ މެނިފެސްޓޯ އަކަށް ވާނީ ވެރިކަން ކުރާ އެމްޑީޕީން ވާ ވައުދުތައް، ނުވާނެ ކަމަށް ބުނުން ކަމަށެވެ.

މިހާރު ވެސް އެމްޑީޕީއަށް ބޮޑު ތާއީދެއް އޮތް ގައްދޫއަށް ރައީސް ވަނީ ބޮޑެތި ވައުދުތަކެއް ވެވަޑައިގެންފަ އެވެ.

ވައުދުތައް:

  • މަގު ހެދުމުގެ ފޭސް ދޭއްގެ ދަށުން ގައްދޫގެ ހުރިހާ މަގެއް ހެދުން
  • އިތުރު 30 ހެކްޓަރު ބިން ހިއްކުން
  • އަލަށް ހިއްކާ ބިމުގައި 100 ރޯހައުސް އެޅުން
  • ޕޮލިޓެކްނިކް އާ އިމާރާތެއް އެޅުން
  • ގަމާއި ގައްދޫ ގުޅުވާލުން

މިއަދު ގދ. އަތޮޅުގެ ވާދޫ އަދި ފަރެސްމާތޮޑާއަށް ވަޑައިގަތުމަށްފަހު ރައީސް ވަޑައިގަންނަވާނީ ގއ. އަތޮޅުގެ ތިން ރަށަކަށެވެ.

ކޮމެންޓް

ފަހުގެ ޚަބަރު

ދިރާގު ރޯޑް ރޭސް 5،500އަށްވުރެ ގިނަ ދުވުންތެރިންނާއެކު ބާއްވައިފި

ދިރާގު މޯލްޑިވްސް ރޯޑް ރޭހުގެ 17 ވަނަ އެޑިޝަން 5،500 އަށްވުރެ ގިނަ ދުވުންތެރިންނާއެކު ހުޅުމާލެ ސެންޓްރަލް ޕާކުގައި ވަނީ ބާއްވާފައެވެ. މި ދުވުމުގެ ލައިވް އަޕްޑޭޓްތަކާއި، ނަތީޖާ އަދި ދުވުންތެރިންގެ ރޭންކިންގ ބަލައިލުމުގެ ފުރުސަތު ދިރާގުން ވަނީ ޚާއްޞަ މޮބައިލް އެޕްލިކޭޝަނެއް މެދުވެރިކޮށް ފަހިކޮށްދީފައެވެ.

ޕީއެންސީގެ މެންބަރުންގެ އަދަދު ލައްކައަކަށްވުރެ ދަށަށް

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އެރިތާ 24 ގަޑިއިރު ނުވަނީސް، އަލުން އެ އަދަދު ލައްކައަކަށް ވުރެ ދަށަށް ގޮސްފިއެވެ. އިދިކޮޅު ފަރާތްތަކުން ތުހުމަތުކުރާ ގޮތުގައި މި އަދަދު ހަމަކުރުމަށްޓަކައި ވަޒީފާގެ ބިރުދެއްކުމާއި ރިޝްވަތުގެ ގޮތުގައި ފައިސާ ބޭނުންކޮށްފައިވެއެވެ. އީސީގެ ތަފާސްހިސާބުތަކުން ދައްކާގޮތުގައި އެ ޕާޓީގެ މެންބަރުންގެ އަދަދު މިހާރު ވަނީ 99,930 އަށް ތިރިވެފައެވެ.

ރަސްމާލޭގެ ޑީލުގައި ސޮއިނުކުރަން އެދި އަލައްބާރަށް ސިޓީއެއް

ރަސްމާލެ މަޝްރޫއުގެ މިހާރުގެ ޝަރުތުތަކާއި ގާނޫނުއަސާސީއާ ފުށުއެރުންތަކެއް ހުރި ކަމަށާއި، އެކަމުގައި އެކަށީގެންވާ ގޮތެއްގައި ރައްޔިތުންގެ ހިޔާލު ހޯދާފައި ނުވާތީ، ދެން އަންނަ ސަރުކާރަކުން ވެސް މި މަޝްރޫއުގެ އެއްބަސްވުން އަލުން މުރާޖައާކުރުމަށް ނުވަތަ އެއްކޮށް ބާތިލުކުރުމުގެ ފުރުސަތު އޮތް ކަމަށް އެ ސިޓީގައި ބުނެފައިވޭ.

"ރަސްމާލެ މައްސަލައިގައި މުއިއްޒު ވަނީ އަނގަވަތަށް ވެއްޓިފައި"

ރަސްމާލެ މަޝްރޫއަކީ ރާއްޖޭގެ ސިޔާދަތަށް އުނިކަންލިބޭ، ބޭރުގެ ފަރާތްތަކަށް ބިން ދިނުމަށް ހިންގާ ހީލަތްތެރި ރޭވުމެއް ކަމަށް ވިދާޅުވެ ކުރީގެ ރައީސް ޔާމީން ސަރުކާރަށް ވަރަށް ބޮޑަށް ފާޑުވިދާޅުވެއްޖެއެވެ. މި މަޝްރޫއުގެ ސަބަބުން ރައީސް މުއިއްޒު ރައްޔިތުންގެ ކުރިމަތީގައި ބޭޒާރުވެފައިވާ ކަމަށާއި، މި ސަރުކާރަށް ދެވަނަ ދައުރެއް ރައްޔިތުން ނުދޭނެ ކަމަށް ޔާމީން ވިދާޅުވިއެވެ.

ރަސްމާލެ ދޫކޮށްލުމާ ދެކޮޅުވެރިކަމެއް ނެތްކަމުގެ އިޝާރާތެއް

ރަސްމާލެއިން ބައެއް ބޭރުގެ ކުންފުންޏަކަށް ދޫކޮށްލުމާ ދެކޮޅު ހަދަނީ މަދު ބަޔަކު ކަމަށާއި، ދިވެހިން އަބަދުވެސް އިސްކުރަނީ ގައުމީ ތަރައްގީކަން މުއިއްޒު ފާހަގަކުރެއްވި. މީގެކުރިންވެސް ރާއްޖެއަށް އައި ބޮޑެތި ބަދަލުތަކާ ބައެއް މީހުން ދެކޮޅު ހެދި ނަމަވެސް، ގިނަ ރައްޔިތުން ތާއީދުކުރީ ގައުމީ ކުރިއެރުމަށްކަން އެމަނިކުފާނު ބަޔާންކޮށްދެއްވި.

ހުލާސާކޮށް އިއްޔެ: ސިޔާސީ ޕާޓީތަކުގެ ދަފްތަރަށް އައި ބޮޑު ބަދަލު

ޕީއެންސީގެ މެންބަރުންގެ އަދަދު އެއްލައްކައަށް އެރުމާއެކު، ޖުމްހޫރީ ޕާޓީ އާއި އަދާލަތު ޕާޓީ ފަދަ ދުވަސްވީ ޕާޓީތަކުން ގިނަ އަދަދެއްގެ މެންބަރުންނާއި އިސް ބޭފުޅުން ވަނީ ވަކިވެފައެވެ. މީގެ އިތުރުން، ރަސްމީ ޖަލްސާތަކުގެ ޕްރޮޓޮކޯލަށް ބަދަލުތަކެއް ގެނެސްފައިވާއިރު، ރަސްމާލެ މަޝްރޫއާ ގުޅޭގޮތުން އިލްމުވެރިންނާއި ސިޔާސީ ފަރާތްތަކުގެ މެދުގައި ވަނީ ޚިޔާލުތަފާތުވުންތަކެއް އުފެދިފައެވެ.

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

Newsletter

Get the latest news delivered straight to your inbox