ކުނަހަންދޫ-ހިތަދޫ ކޯޒްވޭ ލަސްވާތީ ނުރުހި، ސާވޭ ކުރަން ދިޔަ ޓީމު ރަށުން ބާލައިފި

ކުނަހަންދޫ-ހިތަދޫ ކޯޒްވޭގެ ސާވޭއަށް ދިޔަ ޓީމު ރަށުން ބޭލުން

ކުނަހަންދޫ-ހިތަދޫ ކޯޒްވޭގެ ސާވޭއަށް ދިޔަ ޓީމު ރަށުން ބޭލުން

ލ. ކުނަހަންދުއާއި އެ އަތޮޅު ހިތަދޫ ގުޅުވާލާ ކޯޒްވޭގެ މަސައްކަތް ލަސްވާތީ, ރައްޔިތުން ނުރުހުން ފާޅުކޮށް، ސާވޭ ކުރަން ދިޔަ ޓީމް ރަށުން ބާލައިފި އެވެ.

އެ ކޯޒްވޭގެ މަސައްކަތަށް ބޭނުންވާ ސާވޭ ކުރުމަށް ހަވާލުކޮށްފައި ވަނީ ފޯސައިޓް ސާވޭޔާސް ކިޔާ އަމިއްލަ ކުންފުންޏަކަށެވެ. ސާވޭއަށްފަހު އެ މަސައްކަތް ކުރުމަށް މިއަހަރު ޖެނުއަރީ މަސް ތެރޭގައި ވަނީ އެމްޓީސީސީއާ ހަވާލުކޮށްފަ އެވެ.

ހިތަދޫ ކައުންސިލުގެ ރައީސް އިބްރާހިމް ޝަމްއޫން މިއަދު 'އަދަދު' އަށް ވިދާޅުވީ ރޭ ފޯސައިޓް ސާވޭޔާސްގެ ފަރާތުން ދިޔަ ދެ މީހުންގެ ޓީމް ރަށުން ބޭލީ, ކޯޒްވޭގެ މަސައްކަތް ލަސްވާތި އެކަމާ ރައްޔިތުން ހިތްހަމަ ނުޖެހިގެން ކަމަށެވެ.

Advertisement

އޭނާ ވިދާޅުވި ގޮތުގައި ކައުންސިލުގެ މި ދައުރުގައި ވެސް ސާވޭ ޓީމުން ގޮސްގެން ހަތަރު ސްޓޭކްހޯލްޑާސް މީޓީން ބާއްވާފައިވާ ކަމަށާއި, އޭގެ ކުރިން ވެސް މި ވެރިކަމުގައި މީޓިންތައް ބާއްވާފައިވާ ކަމަށެވެ. ނަމަވެސް މިހާތަނަށް އަމަލީ މަސައްކަތް ކުރިއަށް ނުދާއިރު, މީޓިން އަކުން ކޯޒްވޭ އަޅަން އުޅޭތީ ރައްޔިތުންގެ ކަންބޮޑުވާ ކަމަށެވެ.

"ރައްޔިތުންގެ ކަންބޮޑުވުމަކީ ސްޓޭކްހޯލްޑާ މީޓިން އަކުން ކޯޒްވޭ އަބަދު އަޅަން އުޅޭ އުޅުން. ލަސްވާތީ" ޝަމްއޫނު ވިދާޅުވި އެވެ.

ރޭ ހިތަދޫގައި ރައްޔިތުން މުޒާހަރާކޮށް, ހަމަނުޖެހުން ހިންގުމުގެ ސަބަބުން ސާވޭއަށް ދިޔަ ޓީމު ރަށުން ބޭލީ ފުލުހުން ހިމާޔަތް ދީގެންނެވެ.

"ސްޓޭކްހޯލްޑާ މީޓިންގައި އަޑުއިއްވުން ރަނގަޅު. އެކަމަކު ޕާސަނަލްވުން ރަނގަޅެއް ނޫން. މީޓިންގައި އަޑުއިއްވާފަ, މީޓިން ނިމުނީމަ އެމީހުންނަށް މިރަށުގައި އުޅެވެން ވާނެ. ކޮންމެއަކަށް އެއީ ދިވެހި ރައްޔިތުން" ސާވޭ ޓީމު ރަށުން ބޭލުން ކުށްވެރިކޮށް ޝަމްއޫން ވިދާޅުވި އެވެ.

މިކަމާ ގުޅިގެން. ކުނަހަންދޫ ކައުންސިލުގެ ނައިބު ރައީސް އަހުމަދު އާޒިމް މިއަދު 'އަދަދު' އަށް ވިދާޅުވީ ސާވޭ ކުރުމަށް އެ ކުންފުނިން އެރަށަށް ދިޔަ މިއީ 13 ވަނަ ފަހަރު ކަމަށެވެ. ކޮންމެ ފަހަރަކު ވެސް ރައްޔިތުންގެ ހިޔާލު ހޯދުމަށްފަހު ދަނީ ކަމަށާއި, ހަތަރު އަހަރުވާއިރު އެއްވެސް މަސައްކަތެއް ފެށިފައިވާ ނުވާ ކަމަށް އާޒިމް ވިދާޅުވި އެވެ.

"މިހާރު އެ އައީ 13 ވަނަ ފަހަރަށް ސާވޭއަށް. ސާވޭކޮށްކޮށް ނިންމައިގެން މިހާރު އެމްޓީސީސީއާ ހަވާލުކޮށްގެން 500 ދުވަސްތެރޭ ނިންމާގޮތަށް ހަވާލުކޮށްފައި އޮތްކަމެއް [ކޯޒްވޭގެ މަސައްކަތް] ކަމަކީ. އަދިވެސް ހަމަ ސާވޭ. މިއީ ދެން ބޮޑުވަރެއްނު?" ކޯޒްވޭގެ މަސައްކަތް ނުފެށި ލަސްވާތީ އެކަމާ ކަންބޮޑުވުން ފާޅުކުރައްވާ ކައުންސިލުގެ ނައިބު ރައީސް ވިދާޅުވި އެވެ.

ކުނަހަންދޫ ކައުންސިލުން އާޒިމް ވިދާޅުވި ގޮތުގައި ސާވޭއަށް އައިސް ރައްޔިތުންގެ ހިޔާލު ހޯދުމުން އެދިފައި ވާނީ ކޯޒްވޭގެ މަގު ރަށުތެރެއިން ނުގެންދިއުމަށެވެ.

"މި ރަށަކީ ފެންތިރި ރަށެއްވީމަ ހުރިހާ ފެނެއް ފައިބާނީ ދަށް ފަރާތަށް. އެހެންވީމަ ކޯޒްވޭ އެތނަުން ހަދައިފި ކަމަށްވާނަމަ އެއްކޮށް ރަށުތެރޭގައި ފެންގަނޑު ހަރުލާނެ. މި ރަށަކީ ވަރަށް ބޮޑު ފަޅެއް އޮންނަ ރަށަކަށް ވާތީ ވީހާވެސް ދުރުުން ގެނެސް އަވަށު ތެރެއަށް ވާގޮތަށް އަރުވައިދޭށޭ" ކޯޒްވޭ އެޅުމަށް ރައްޔިތުން ބޭނުންވާ ގޮތް ހާމަކުރައްވާ އާޒިމް ވިދާޅުވި އެވެ.

އާޒިމް ވިދާޅުވީ އެހެން އެދިފައިވީ ނަމަވެސް, މިހާރުވެސް ކޯޒްވޭގެ މަގު އޮތީ އަދިވެސް ރަށުގެ ކޮޅުން އައިސް ރަށުތެރެއަށް ވާގޮތަށް ކަމަށެވެ. އެގޮތަށް ކޯޒްވޭ އަޅައިފިނަމަ, ރަށުތެރޭގައި ފެންގަނޑު ހަރުލުން ފަދަ, އެރަށު ރައްޔިތުންނަށް ކުރިން ވެސް ދިމާވެފައިވާ ދަތިތައް އިތުރު އުނދަގުލަކަށް ވެދާނެކަން އޭނާ ވަނީ ފާހަގަކުރައްވާފަ އެވެ.

ރައްޔިތުންގެ ހިޔާލު ހޯދުމަށްފަހު އެ ހިޔަލާ އެއްގޮތަށް އަމަލު ނުކުރާތީ ހިތްހަމަނުޖެހުން ފާޅުކޮށް އާޒިމް ވިދާޅުވީ އިތުރަށް ސާވޭ ނުކުރިއަސް ކޯޒްވޭގެ މަސައްކަތް ކުރިއަށް ގެންދިއުމަށް އެދިފައިވާނެ ކަމަށެވެ.

އާޒިމް ވިދާޅުވި ގޮތުގައި, ސަރުކާރުން ކޯޒްވޭ އަޅަން ނޫޅޭކަން ރައްޔިތުންނަށް މިހާރު އެނގޭ ކަމަށެވެ. އަދި ސާވޭ ކުރުމަށްފަހު އެއްވެސް މަސައްކަތެއް ކުރިއަށް ނުދާނެ ކަމަށް ވިދާޅުވި އެވެ.

ކޮމެންޓް

ފަހުގެ ޚަބަރު

ދިރާގު ރޯޑް ރޭސް 5،500އަށްވުރެ ގިނަ ދުވުންތެރިންނާއެކު ބާއްވައިފި

ދިރާގު މޯލްޑިވްސް ރޯޑް ރޭހުގެ 17 ވަނަ އެޑިޝަން 5،500 އަށްވުރެ ގިނަ ދުވުންތެރިންނާއެކު ހުޅުމާލެ ސެންޓްރަލް ޕާކުގައި ވަނީ ބާއްވާފައެވެ. މި ދުވުމުގެ ލައިވް އަޕްޑޭޓްތަކާއި، ނަތީޖާ އަދި ދުވުންތެރިންގެ ރޭންކިންގ ބަލައިލުމުގެ ފުރުސަތު ދިރާގުން ވަނީ ޚާއްޞަ މޮބައިލް އެޕްލިކޭޝަނެއް މެދުވެރިކޮށް ފަހިކޮށްދީފައެވެ.

ޕީއެންސީގެ މެންބަރުންގެ އަދަދު ލައްކައަކަށްވުރެ ދަށަށް

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އެރިތާ 24 ގަޑިއިރު ނުވަނީސް، އަލުން އެ އަދަދު ލައްކައަކަށް ވުރެ ދަށަށް ގޮސްފިއެވެ. އިދިކޮޅު ފަރާތްތަކުން ތުހުމަތުކުރާ ގޮތުގައި މި އަދަދު ހަމަކުރުމަށްޓަކައި ވަޒީފާގެ ބިރުދެއްކުމާއި ރިޝްވަތުގެ ގޮތުގައި ފައިސާ ބޭނުންކޮށްފައިވެއެވެ. އީސީގެ ތަފާސްހިސާބުތަކުން ދައްކާގޮތުގައި އެ ޕާޓީގެ މެންބަރުންގެ އަދަދު މިހާރު ވަނީ 99,930 އަށް ތިރިވެފައެވެ.

ރަސްމާލޭގެ ޑީލުގައި ސޮއިނުކުރަން އެދި އަލައްބާރަށް ސިޓީއެއް

ރަސްމާލެ މަޝްރޫއުގެ މިހާރުގެ ޝަރުތުތަކާއި ގާނޫނުއަސާސީއާ ފުށުއެރުންތަކެއް ހުރި ކަމަށާއި، އެކަމުގައި އެކަށީގެންވާ ގޮތެއްގައި ރައްޔިތުންގެ ހިޔާލު ހޯދާފައި ނުވާތީ، ދެން އަންނަ ސަރުކާރަކުން ވެސް މި މަޝްރޫއުގެ އެއްބަސްވުން އަލުން މުރާޖައާކުރުމަށް ނުވަތަ އެއްކޮށް ބާތިލުކުރުމުގެ ފުރުސަތު އޮތް ކަމަށް އެ ސިޓީގައި ބުނެފައިވޭ.

"ރަސްމާލެ މައްސަލައިގައި މުއިއްޒު ވަނީ އަނގަވަތަށް ވެއްޓިފައި"

ރަސްމާލެ މަޝްރޫއަކީ ރާއްޖޭގެ ސިޔާދަތަށް އުނިކަންލިބޭ، ބޭރުގެ ފަރާތްތަކަށް ބިން ދިނުމަށް ހިންގާ ހީލަތްތެރި ރޭވުމެއް ކަމަށް ވިދާޅުވެ ކުރީގެ ރައީސް ޔާމީން ސަރުކާރަށް ވަރަށް ބޮޑަށް ފާޑުވިދާޅުވެއްޖެއެވެ. މި މަޝްރޫއުގެ ސަބަބުން ރައީސް މުއިއްޒު ރައްޔިތުންގެ ކުރިމަތީގައި ބޭޒާރުވެފައިވާ ކަމަށާއި، މި ސަރުކާރަށް ދެވަނަ ދައުރެއް ރައްޔިތުން ނުދޭނެ ކަމަށް ޔާމީން ވިދާޅުވިއެވެ.

ރަސްމާލެ ދޫކޮށްލުމާ ދެކޮޅުވެރިކަމެއް ނެތްކަމުގެ އިޝާރާތެއް

ރަސްމާލެއިން ބައެއް ބޭރުގެ ކުންފުންޏަކަށް ދޫކޮށްލުމާ ދެކޮޅު ހަދަނީ މަދު ބަޔަކު ކަމަށާއި، ދިވެހިން އަބަދުވެސް އިސްކުރަނީ ގައުމީ ތަރައްގީކަން މުއިއްޒު ފާހަގަކުރެއްވި. މީގެކުރިންވެސް ރާއްޖެއަށް އައި ބޮޑެތި ބަދަލުތަކާ ބައެއް މީހުން ދެކޮޅު ހެދި ނަމަވެސް، ގިނަ ރައްޔިތުން ތާއީދުކުރީ ގައުމީ ކުރިއެރުމަށްކަން އެމަނިކުފާނު ބަޔާންކޮށްދެއްވި.

ހުލާސާކޮށް އިއްޔެ: ސިޔާސީ ޕާޓީތަކުގެ ދަފްތަރަށް އައި ބޮޑު ބަދަލު

ޕީއެންސީގެ މެންބަރުންގެ އަދަދު އެއްލައްކައަށް އެރުމާއެކު، ޖުމްހޫރީ ޕާޓީ އާއި އަދާލަތު ޕާޓީ ފަދަ ދުވަސްވީ ޕާޓީތަކުން ގިނަ އަދަދެއްގެ މެންބަރުންނާއި އިސް ބޭފުޅުން ވަނީ ވަކިވެފައެވެ. މީގެ އިތުރުން، ރަސްމީ ޖަލްސާތަކުގެ ޕްރޮޓޮކޯލަށް ބަދަލުތަކެއް ގެނެސްފައިވާއިރު، ރަސްމާލެ މަޝްރޫއާ ގުޅޭގޮތުން އިލްމުވެރިންނާއި ސިޔާސީ ފަރާތްތަކުގެ މެދުގައި ވަނީ ޚިޔާލުތަފާތުވުންތަކެއް އުފެދިފައެވެ.

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

Newsletter

Get the latest news delivered straight to your inbox