ނައިބް ރައީސް ފައިސަލްގެ ބަޔޯގްރަފީ ފޮތް ނެރެފި

Jul 20, 2023, 8:13 PM
ނައިބް ރައީސްގެ ފޮތް ޑރ. ޒާހިރު (ކ) ނެރެދެއްވާއިރު އެމަނިކުފާނު (މ) އަދި ފޮތް ލިޔުއްވި ސާއިލް (ވ) ކައިރީގައި. --ފޮޓޯ: އަބްދުﷲ އިޔާން/ އަދަދު

ނައިބް ރައީސްގެ ފޮތް ޑރ. ޒާހިރު (ކ) ނެރެދެއްވާއިރު އެމަނިކުފާނު (މ) އަދި ފޮތް ލިޔުއްވި ސާއިލް (ވ) ކައިރީގައި. --ފޮޓޯ: އަބްދުﷲ އިޔާން/ އަދަދު

ދިވެހިރާއްޖޭގެ ނައިބް ރައީސް ފައިސަލް ނަސީމްގެ ބަޔޯގްރަފީ ފޮތް މިރޭ ނެރެފި އެވެ.

އެމަނިކުފާނުގެ 50 ވަނަ އުފަން ދުވަސް ފާހަގަކުރުމަށް ގިޔާސުއްދީން ސްކޫލުގައި މިރޭ ބޭއްވި ހަފުލާގައި އެ ފޮތް ނެރެދެއްވީ އިސްލާމީ ޔުނިވާސިޓީގެ ޗާންސެލަރު އަދި ކުރީގެ ސްޕޯޓްސް މިނިސްޓަރު ޑރ. މުހައްމަދު ޒާހިރު ހުސެއިން އެވެ.

މި ފޮތް ލިޔުއްވާފައިވަނީ، ރާއްޖޭގެ ފާހަގަކޮށްލެވޭ ނޫސްވެރިޔާ އަހުމަދު ސާއިލް އަލީ އެވެ. މިއީ އޭނާ ލިޔުއްވި ދެ ވަނަ ފޮތެވެ. ފުރަތަމަ ފޮތަކީ ނަފުސާނީ މައްސަލަތަކާ ގުޅޭ ގޮތުން މިދިޔަ އަހަރު ލިޔުއްވި 'އެ ދުވަސް ގެނެވޭނެ' އެވެ.

Advertisement

މިރޭގެ ހަފުލާގައި ސާއިލް ވިދާޅުވި ގޮތުގައި އޭނާގެ ނޫސްވެރިކަމުގެ ކެރިއަރުގެ ވަރަށް ކުރީކޮޅުން ފެށިގެން ފައިސަލްގެ ހަބަރުތައް ކަވަރުކުރައްވާ ކަމަށާއި، އެގޮތުން އެމަނިކުފާނުގެ ފައުންޑޭޝަނުން ހިންގި ހަރަކާތްތަކާއި، ފަހުން ރައްޔިތުންގެ މަޖިލިސް މެމްބަރެއްގެ ގޮތުގައި ހުންނެވިއިރު ކުރެއްވި ކަންކަން ރިޕޯޓްކުރި ކަމަށެވެ.

ފޮތް ލިޔުއްވި ސާއިލް ވާހަކަދައްކަވަނީ. --ފޮޓޯ: އަބްދުﷲ އިޔާން/ އަދަދު
ފޮތް ލިޔުއްވި ސާއިލް ވާހަކަދައްކަވަނީ. --ފޮޓޯ: އަބްދުﷲ އިޔާން/ އަދަދު

ފޮތް ލިޔުއްވި ސާއިލް ވާހަކަދައްކަވަނީ. --ފޮޓޯ: އަބްދުﷲ އިޔާން/ އަދަދު

"އިއްތިފާގުން، މިދިޔަ ރިޔާސީ އިންތިހާބުގައި އެމަނިކުފާނު ރަނިން މޭޓަކަށް ނޮމިނޭޓްކުރަން ޖުމްހޫރީ ޕާޓީން ބޭއްވި ޖަލްސާ ވެސް އަޅުގަނޑަށް ކަވަރުކުރަން ލިބުނީ. އެ މަގާމަށް ނޮމިނޭޓްވެގެން، ފައިސަލް ދެއްވި ފުރަތަމަ އިންޓަވިއު ވެސް ދެއްވީ އަޅުގަނޑަށް،" ސާއިލް ވިދާޅުވި އެވެ.

ސާއިލް ވިދާޅުވި ގޮތުގައި، އެންމެ ޝައުގުވެރިވީ، ފައިސަލް، އަމިއްލަ ރަށް ފުވައްމުލަކާއި، އެހެން ވެސް ރަށްރަށާއި ޖަމިއްޔާތަކަށް ވެދެއްވި އެހީތަކަށް ކަމަށެވެ. އެކަންކަން އެނގި، ފައިސަލްގެ ހަޔާތާ ބެހޭގޮތުން ލިޔަން ބޭނުންވީ ކަމަށް އޭނާ ވިދާޅުވި އެވެ.

"އެ ޝައުގުގައި ހުއްޓާ އެމަނިކުފާނު އަޅުގަނޑަށް އެ ފުރުސަތު ދެއްވީ،" ސާއިލް ވިދާޅުވި އެވެ.

ސާއިލް ވިދާޅުވި ގޮތުގައި މި ފޮތުގައި، ފައިސަލްގެ ތުއްޕުޅުއިރުގެ ދުވަސްތަކާއި، މަދަރަސީ ދައުރުގެ ވާހަކަތަކުގެ އިތުރުން ޒުވާން އުމުރެއްގައި ރިސޯޓް މެނޭޖަރަކަށް ވެވަޑައިގެންނެވި ގޮތާއި، އޭގެ ފަހުން ސިޔާސީ މައިދާނުގައި ހޯއްދެއްވި ކާމިޔާބީޔަކުގެ ވާހަކަތައް ހިމެނޭނެ ކަމަށެވެ.

"ފައިސަލްއާ ބެހޭގޮތުން މީގެ ކުރިން އެނގިފައި ނެތް އެތައް ކަމެއް އެނގިގެން ދާނެ. ހާއްސަކޮށް ކާމިޔާބު މީހަކަށް ވުމަށްޓަކައި އެމަނިކުފާނު ކުރެއްވި ކަންކަމުގެ ތަފްސީލް މި ފޮތުގައި ހިމެނޭނެ،" ސާއިލް ވިދާޅުވި އެވެ.

ޑރ. ޒާހިރު (ކ) އަށް ފައިސަލް ފޮތް ހަދިޔާކުރައްވަނީ. --ފޮޓޯ: އަބްދުﷲ އިޔާން/ އަދަދު
ޑރ. ޒާހިރު (ކ) އަށް ފައިސަލް ފޮތް ހަދިޔާކުރައްވަނީ. --ފޮޓޯ: އަބްދުﷲ އިޔާން/ އަދަދު

ޑރ. ޒާހިރު (ކ) އަށް ފައިސަލް ފޮތް ހަދިޔާކުރައްވަނީ. --ފޮޓޯ: އަބްދުﷲ އިޔާން/ އަދަދު

ފައިސަލް މިރޭ ވިދާޅުވީ އޭނާގެ ހަޔާތުގައި ލިބުނު ހުރިހާ ކާމިޔާބެއްގެ ސިއްރަކީ އެކަންކަމުގައި އެހީތެރިވި އާއިލާ މެމްބަރުންނާއި އެކުވެރިން ކަމަށާއި، އެ ވާހަކަތައް ހިމަނައިގެން ފޮތެއް ނެރޭ މި މުނާސަބަތުގައި ބޭނުންވަނީ އެ ހުރިހާ މީހުންނަށް ޝުކުރުއަދާކުރަން ކަމަށެވެ.

މި ފޮތަށް، ރައީސް އިބްރާހިމް މުހައްމަދު ސޯލިހު ދެއްވި ބަޔާނުގައި ވިދާޅުވި ގޮތުގައި ރައްޔިތުންގެ ހާއްސަ މަޖިލީހުގެ ދުވަސްވަރު ފައިސަލްއާ ބައްދަލުވެ، އަމިއްލަ ބައެއް ވާހަކަތައް ކިޔައިދެއްވި ކަމަށާއި އެގޮތުގައި ދިރިއުޅުއްވުމުގައި ކުރިމަތިވެވަޑައިގެންނެވި ގޮންޖެހުންތަކާއި ހުރަސް ކުރައްވަން ޖެހިވަޑައިގެންނެވި އުނދަގޫތައް ވެސް ހިއްސާ ކުރެއްވި ކަމަށެވެ.

"އެ ވާހަކަތަކުން އަޅުގަނޑަށް އެނގުނީ، ކާމިޔާބު މީހަކަށް ވުމަށްޓަކައި ފައިސަލް އުފުއްލެވި ބުރަ އާއި ވެވަޑައިގެންނެވި ގުރުބާނީ،" ރައީސް ވިދާޅުވި އެވެ.

އަންނަ ދައުރުގައި ވެސް ރައީސްގެ ނައިބަކަށް ލައްވާނެ ކަމަށް ބެލެވޭ، ފައިސަލްއާ ބެހޭގޮތުން ރައީސް އިތުރަށް ވިދާޅުވި ގޮތުގައި އޭނާ އަކީ ކަންކަން ނިންމެވުމުގައި، ބަޔަކު ބުނާހާ ގޮތަކަށް އެއްބަސްވުމުގެ ބަދަލުގައި، އަމިއްލަ ވިސްނުންފުޅަށް ފެނިވަޑައިގަންނަވާ އެންމެ ރަނގަޅު އަދި އެންމެ މަސްލަަތު ހުރި ގޮތަށް ކަންކަން ނިންމަވާ ބޭފުޅެއް ކަމަށެވެ.

ފޮތް ނެރުމަށް މިރޭ ބޭއްވި ހަފުލާގެ ތެރެއިން --ފޮޓޯ: އަބްދުﷲ އިޔާން/ އަދަދު
ފޮތް ނެރުމަށް މިރޭ ބޭއްވި ހަފުލާގެ ތެރެއިން --ފޮޓޯ: އަބްދުﷲ އިޔާން/ އަދަދު

ފޮތް ނެރުމަށް މިރޭ ބޭއްވި ހަފުލާގެ ތެރެއިން --ފޮޓޯ: އަބްދުﷲ އިޔާން/ އަދަދު

"ހަވާލުވެވަޑައިގަންނަވާ ކޮންމެ ކަމެއްވެސް ވަރަށް ފަރުވާތެރިކަމާއި ތެދުވެރިކަމާއެކު ކުރައްވާނެ. ވަރަށް ބުރަކޮށް މަސައްކަތް ކުރައްވަން ޝައުޤުވެރިވެވަޑައިގަންނަވާ ތެދުވެރި ބޭފުޅެއް. ރަހުމަތްތެރިއެއްގެ ގޮތުގައި ބަލައިގަންނަން ވަރަށް ރަނގަޅު އެކުވެރިއެއް. އަދި އެކުގައި މަސައްކަތް ކުރުމަށް ވަރަށް ފަސޭހަ އަދި އެހާމެ އިތުބާރު ކުރެވޭ ބޭފުޅެއް،" ރައީސް ވިދާޅުވި އެވެ.

މިރޭގެ ހަފުލާގައި ވަނީ ފައިސަލްގެ ހަޔާތާ ގުޅޭ ގޮތުން ވީޑީއޯ ރިޕޯޓެއް ދައްކައިފަ އެވެ. އަދި ފައިސަލްއާ ބެހޭގޮތުން އޭނާގެ ދަރިފުޅު ވަނީ ލަވައެއް ކިޔުއްވައިފަ އެވެ.

މި ފޮތް ވިއްކުމަށް ހަމަޖެހިފައިވަނީ 300ރ. އަށެވެ. ނޮވެލްޓީ ބުކްޝޮޕުން ފޮތް ގަންނަން ލިބެން ހުންނާނެ އެވެ.

ކޮމެންޓް

ފަހުގެ ޚަބަރު

ދިރާގު ރޯޑް ރޭސް 5،500އަށްވުރެ ގިނަ ދުވުންތެރިންނާއެކު ބާއްވައިފި

ދިރާގު މޯލްޑިވްސް ރޯޑް ރޭހުގެ 17 ވަނަ އެޑިޝަން 5،500 އަށްވުރެ ގިނަ ދުވުންތެރިންނާއެކު ހުޅުމާލެ ސެންޓްރަލް ޕާކުގައި ވަނީ ބާއްވާފައެވެ. މި ދުވުމުގެ ލައިވް އަޕްޑޭޓްތަކާއި، ނަތީޖާ އަދި ދުވުންތެރިންގެ ރޭންކިންގ ބަލައިލުމުގެ ފުރުސަތު ދިރާގުން ވަނީ ޚާއްޞަ މޮބައިލް އެޕްލިކޭޝަނެއް މެދުވެރިކޮށް ފަހިކޮށްދީފައެވެ.

ޕީއެންސީގެ މެންބަރުންގެ އަދަދު ލައްކައަކަށްވުރެ ދަށަށް

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އެރިތާ 24 ގަޑިއިރު ނުވަނީސް، އަލުން އެ އަދަދު ލައްކައަކަށް ވުރެ ދަށަށް ގޮސްފިއެވެ. އިދިކޮޅު ފަރާތްތަކުން ތުހުމަތުކުރާ ގޮތުގައި މި އަދަދު ހަމަކުރުމަށްޓަކައި ވަޒީފާގެ ބިރުދެއްކުމާއި ރިޝްވަތުގެ ގޮތުގައި ފައިސާ ބޭނުންކޮށްފައިވެއެވެ. އީސީގެ ތަފާސްހިސާބުތަކުން ދައްކާގޮތުގައި އެ ޕާޓީގެ މެންބަރުންގެ އަދަދު މިހާރު ވަނީ 99,930 އަށް ތިރިވެފައެވެ.

ރަސްމާލޭގެ ޑީލުގައި ސޮއިނުކުރަން އެދި އަލައްބާރަށް ސިޓީއެއް

ރަސްމާލެ މަޝްރޫއުގެ މިހާރުގެ ޝަރުތުތަކާއި ގާނޫނުއަސާސީއާ ފުށުއެރުންތަކެއް ހުރި ކަމަށާއި، އެކަމުގައި އެކަށީގެންވާ ގޮތެއްގައި ރައްޔިތުންގެ ހިޔާލު ހޯދާފައި ނުވާތީ، ދެން އަންނަ ސަރުކާރަކުން ވެސް މި މަޝްރޫއުގެ އެއްބަސްވުން އަލުން މުރާޖައާކުރުމަށް ނުވަތަ އެއްކޮށް ބާތިލުކުރުމުގެ ފުރުސަތު އޮތް ކަމަށް އެ ސިޓީގައި ބުނެފައިވޭ.

"ރަސްމާލެ މައްސަލައިގައި މުއިއްޒު ވަނީ އަނގަވަތަށް ވެއްޓިފައި"

ރަސްމާލެ މަޝްރޫއަކީ ރާއްޖޭގެ ސިޔާދަތަށް އުނިކަންލިބޭ، ބޭރުގެ ފަރާތްތަކަށް ބިން ދިނުމަށް ހިންގާ ހީލަތްތެރި ރޭވުމެއް ކަމަށް ވިދާޅުވެ ކުރީގެ ރައީސް ޔާމީން ސަރުކާރަށް ވަރަށް ބޮޑަށް ފާޑުވިދާޅުވެއްޖެއެވެ. މި މަޝްރޫއުގެ ސަބަބުން ރައީސް މުއިއްޒު ރައްޔިތުންގެ ކުރިމަތީގައި ބޭޒާރުވެފައިވާ ކަމަށާއި، މި ސަރުކާރަށް ދެވަނަ ދައުރެއް ރައްޔިތުން ނުދޭނެ ކަމަށް ޔާމީން ވިދާޅުވިއެވެ.

ރަސްމާލެ ދޫކޮށްލުމާ ދެކޮޅުވެރިކަމެއް ނެތްކަމުގެ އިޝާރާތެއް

ރަސްމާލެއިން ބައެއް ބޭރުގެ ކުންފުންޏަކަށް ދޫކޮށްލުމާ ދެކޮޅު ހަދަނީ މަދު ބަޔަކު ކަމަށާއި، ދިވެހިން އަބަދުވެސް އިސްކުރަނީ ގައުމީ ތަރައްގީކަން މުއިއްޒު ފާހަގަކުރެއްވި. މީގެކުރިންވެސް ރާއްޖެއަށް އައި ބޮޑެތި ބަދަލުތަކާ ބައެއް މީހުން ދެކޮޅު ހެދި ނަމަވެސް، ގިނަ ރައްޔިތުން ތާއީދުކުރީ ގައުމީ ކުރިއެރުމަށްކަން އެމަނިކުފާނު ބަޔާންކޮށްދެއްވި.

ހުލާސާކޮށް އިއްޔެ: ސިޔާސީ ޕާޓީތަކުގެ ދަފްތަރަށް އައި ބޮޑު ބަދަލު

ޕީއެންސީގެ މެންބަރުންގެ އަދަދު އެއްލައްކައަށް އެރުމާއެކު، ޖުމްހޫރީ ޕާޓީ އާއި އަދާލަތު ޕާޓީ ފަދަ ދުވަސްވީ ޕާޓީތަކުން ގިނަ އަދަދެއްގެ މެންބަރުންނާއި އިސް ބޭފުޅުން ވަނީ ވަކިވެފައެވެ. މީގެ އިތުރުން، ރަސްމީ ޖަލްސާތަކުގެ ޕްރޮޓޮކޯލަށް ބަދަލުތަކެއް ގެނެސްފައިވާއިރު، ރަސްމާލެ މަޝްރޫއާ ގުޅޭގޮތުން އިލްމުވެރިންނާއި ސިޔާސީ ފަރާތްތަކުގެ މެދުގައި ވަނީ ޚިޔާލުތަފާތުވުންތަކެއް އުފެދިފައެވެ.

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

Newsletter

Get the latest news delivered straight to your inbox