ރައީސް ވިދާޅުވީ ނުފޫޒު ފޯރުވަން އެދުނަސް އެކަން ނުކުރައްވާނެ ކަމަށް

ރައީސް ސޯލިހް; ނުފޫޒު ފޯރުވަން އެދުނަސް އެކަން ނުކުރާނެ ކަމަށް ވިދާޅުވި -- ފޮޓޯ: އެމްޑީޕީ ކެމްޕޭން ޓީމް

ރައީސް ސޯލިހް; ނުފޫޒު ފޯރުވަން އެދުނަސް އެކަން ނުކުރާނެ ކަމަށް ވިދާޅުވި -- ފޮޓޯ: އެމްޑީޕީ ކެމްޕޭން ޓީމް

ޝަރުއީ ދާއިރާއާއި މިނިވަން މުއައްސަސާތަކަށް ނުފޫޒު ފޯރުވައި ދިނުމަށް އެދި ބައެއް ފަރާތްތަކުން ގުޅި ނަމަވެސް ނުފޫޒު ނުފޯރުވާނެ ކަމަށް ރައީސް އިބްރާހިމް މުހައްމަދު ސޯލިހު ވިދާޅުވެއްޖެ އެވެ.

ރިޔާސީ އިންތިހާބުގެ ކެމްޕޭނަށް ހއ. ކެލާއަށް ވަޑައިގެން ވާހަކަދައްކަވަމުން ރައީސް ވިދާޅުވީ އެމަނިކުފާނުގެ ސަރުކާރުގައި މިނިވަން މުއައްސަސާތައް މަސައްކަތް ކުރަމުން ގެންދަނީ ގާނޫނުގެ ތެރެއިން, ނުފޫޒެއް ނެތި ކަމަށެވެ.

"މިހާތަނަށް މިވީ ފަސް އަހަރު ތެރޭގައި މިނިވަން މުއައްސަސާތަކުން ކުރަމުންގެންދާ ކަންތައްތަކަށް އަޅުގަނޑުމެން ނުފޫޒެއް ނުފޯރުވަން. ކޮންމެ މުއައްސަސާއަކުން އެ މުއައްސަސާއަކަށް ލިބިފައިވާ ގާނޫނީ ބާރުގެ ތެރޭގައި އިހްތިޔާރު ކުރައްވައިގެން ކަންތައްތައް ކުރައްވަމުން ގެންދަވަންވީ." ރައީސް ވިދާޅުވި އެެވެ.

ރައީސް ވިދާޅުވި ގޮތުގައި, ޝަރުއީ ދާއިރާ, އޮޑިޓާ ޖެނެރަލް, އޭސީސީ އަދި ސިވިލް ސާވިސް ވިޔަސް ކަންތައް ކުރަމުން ގެންދަނީ ގާނޫނީގޮތުން ލިބިފައި އޮތް ބާރުގެ ތެރެއިން ކަމަށާއި އެއަށް ސަރުކާރުން ނުފޫޒު ނުފޯރުވާ ކަމަށެވެ. އެކަން އޮންނަން ޖެހޭނީ އެގޮތަށް ކަމަށް ވެސް ވިދާޅުވި އެވެ.

ވަކި ބޭފުޅެއްގެ ނަން ވިދާޅުނުވެ, ރައީސް ވިދާޅުވީ މިނިވަން މުއައްސަސާތަކަށް ނުފޫޒު ފޯރުވަން ބައެއް ބޭފުޅުން ގުޅުއްވާ ކަމަށެވެ.

"ބައެއް ފަހަރު ބައެއް ބޭފުޅުން ފޯނުކޮށްލާފައި އަޅުގަނޑު ކައިރީ އެބަ ވިދާޅުވޭ ރައީސް މިއިންތަނަކަށް ގުޅާލާފައި ބުނީމަ އެމީހުން ހުއްދަ ދޭނޭ. މިސާލަކަށް އޭސީސީގައި އޮންްނަ މައްސަލައެއް ނިންމަން އަޅުގަނޑު ކިހިނެތްތޯ ގުޅާފަ މިވެނި މައްސަލައެއް މިހެން ނިންމާށެ ބުނާނީ. އެއީ އަޅުގަނޑަށް ކުރެވޭނެ ކަމެއް ނޫން." ރައީސް ވިދާޅުވި އެވެ.

ރައީސް ވިދާޅުވީ އޭސީސީން ކަންތައް ކުރަން ޖެހޭނީ އޮންނަ ގާނޫނީ އިމުގެ ތެރެއިން ކަމަށާއި, ކަން ކުރަން ޖެހޭ ގޮތް އެމަނިކުފާނު ދަންނަވަން ޖެހިވަޑައިނުގަންނަވާ ކަމަށެވެ.

ވަކި ބޭފުޅެއްގެ ނަން ވިދާޅުނުވެ, މުއައްސަސާތަކަށް ނުފޫޒު ނުފޯރުވާނެ ކަމަށް ރައީސް ވިދާޅުވި އިރު, ދާދި ފަހުން އެމަނިކުފާނު ވަނީ ޖުމްހޫރީ ޕާޓީގެ ލީޑަރު ގާސިމަށް ވެސް އެ މޭރުމުން ރައްދު ދެއްވާފަ އެވެ.

ރައީސް ގާސިމަށް ރައްދު ދެއްވީ, ވިލާ ގްރޫޕަށް ދީފައި އޮތް ކ. ވާވެއްދި ފަޅު ވިއްކުން އޭސީސީން ހުއްޓުވި މައްސަލާގައި ޖޭޕީގެ ކައުންސިލް ބައްދަލުވުމެއްގެ ތެރެއިން ރައީސަށް ވަރަށް ބޮޑަށް ފާޑު ވިދާޅުވި ފަހުންނެވެ. އެގޮތުން ގާސިމް ވަނީ ސަރުކާރުން މިނިވަން މުއައްސަސާތަކަށް ނުފޫޒު ފޯރުވާ ކަމަށް ތުހުމަތު ކުރައްވާފަ އެވެ.

ވެރިކަން ކުރާ ކޯލިޝަނުގެ ބައިވެރިއެއް ގޮތުގައި އޮތް ޖޭޕީގެ ލީޑަރު, ގާސިމް މިއަހަރުގެ އިންތިހާބުގައި ވަކިން ވާދަކުރަން ނިންމި އެއް ސަބަބަކީ ވެސް އެއީ އެވެ. ނަމަވެސް މައްސަލަ ޖެހުނު ވާވެއްދި ފަޅު ވިއްކުން ހުއްޓުވަން އޭސީސީން ނެރުނު އަމުރު މިހާރު ވަނީ ބާތިލުކޮށްފަ އެވެ.

ގާސިމް އިތުރުން ވެސް އިދިކޮޅުގެ ބައެއް ފަރާތްތަކުން ގެންދަވަނީ ސަރުކާރުން ޝަރުއީ ދާއިރާ އަދި މިނިވަން މުއައްސަސާތަކަށް ނުފޫޒު ފޯރުވާ ކަމަށް ތުހުމަތު ކޮށްފަ އެވެ. އެގޮތުން އިދިކޮޅު ޕީޕީއެމުން ވެސް ދަނީ, ޖަލުގައި ހުންނެވި ކުރީގެ ރައީސް އަބްދުالله ޔާމީން މިނިވަން ކޮށްދިނުމަށް އެދި ތަކުރާރުކޮށް ރައީސަށް ދަންނަވާފަ އެވެ.

ނަމަވެސް އެކަމުގައި ވެސް ރައީސް ތަކުރާރުކޮށް ވިދާޅުވަމުން ގެންދަވަނީ ޝަރުއީ ދާއިރާ މަސައްކަތް ކުރަނީ މިނިވަންކަމާއެކު ކަމަށާއި, ސަރުކާރު އަދި އެމަނިކުފާނު ވެސް އެއްވެސް ނުފޫޒެއް ނުފޯރުވާނެ ކަމަށެވެ.

ކޮމެންޓް

ފަހުގެ ޚަބަރު

ދިރާގު ރޯޑް ރޭސް 5،500އަށްވުރެ ގިނަ ދުވުންތެރިންނާއެކު ބާއްވައިފި

ދިރާގު މޯލްޑިވްސް ރޯޑް ރޭހުގެ 17 ވަނަ އެޑިޝަން 5،500 އަށްވުރެ ގިނަ ދުވުންތެރިންނާއެކު ހުޅުމާލެ ސެންޓްރަލް ޕާކުގައި ވަނީ ބާއްވާފައެވެ. މި ދުވުމުގެ ލައިވް އަޕްޑޭޓްތަކާއި، ނަތީޖާ އަދި ދުވުންތެރިންގެ ރޭންކިންގ ބަލައިލުމުގެ ފުރުސަތު ދިރާގުން ވަނީ ޚާއްޞަ މޮބައިލް އެޕްލިކޭޝަނެއް މެދުވެރިކޮށް ފަހިކޮށްދީފައެވެ.

ޕީއެންސީގެ މެންބަރުންގެ އަދަދު ލައްކައަކަށްވުރެ ދަށަށް

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އެރިތާ 24 ގަޑިއިރު ނުވަނީސް، އަލުން އެ އަދަދު ލައްކައަކަށް ވުރެ ދަށަށް ގޮސްފިއެވެ. އިދިކޮޅު ފަރާތްތަކުން ތުހުމަތުކުރާ ގޮތުގައި މި އަދަދު ހަމަކުރުމަށްޓަކައި ވަޒީފާގެ ބިރުދެއްކުމާއި ރިޝްވަތުގެ ގޮތުގައި ފައިސާ ބޭނުންކޮށްފައިވެއެވެ. އީސީގެ ތަފާސްހިސާބުތަކުން ދައްކާގޮތުގައި އެ ޕާޓީގެ މެންބަރުންގެ އަދަދު މިހާރު ވަނީ 99,930 އަށް ތިރިވެފައެވެ.

ރަސްމާލޭގެ ޑީލުގައި ސޮއިނުކުރަން އެދި އަލައްބާރަށް ސިޓީއެއް

ރަސްމާލެ މަޝްރޫއުގެ މިހާރުގެ ޝަރުތުތަކާއި ގާނޫނުއަސާސީއާ ފުށުއެރުންތަކެއް ހުރި ކަމަށާއި، އެކަމުގައި އެކަށީގެންވާ ގޮތެއްގައި ރައްޔިތުންގެ ހިޔާލު ހޯދާފައި ނުވާތީ، ދެން އަންނަ ސަރުކާރަކުން ވެސް މި މަޝްރޫއުގެ އެއްބަސްވުން އަލުން މުރާޖައާކުރުމަށް ނުވަތަ އެއްކޮށް ބާތިލުކުރުމުގެ ފުރުސަތު އޮތް ކަމަށް އެ ސިޓީގައި ބުނެފައިވޭ.

"ރަސްމާލެ މައްސަލައިގައި މުއިއްޒު ވަނީ އަނގަވަތަށް ވެއްޓިފައި"

ރަސްމާލެ މަޝްރޫއަކީ ރާއްޖޭގެ ސިޔާދަތަށް އުނިކަންލިބޭ، ބޭރުގެ ފަރާތްތަކަށް ބިން ދިނުމަށް ހިންގާ ހީލަތްތެރި ރޭވުމެއް ކަމަށް ވިދާޅުވެ ކުރީގެ ރައީސް ޔާމީން ސަރުކާރަށް ވަރަށް ބޮޑަށް ފާޑުވިދާޅުވެއްޖެއެވެ. މި މަޝްރޫއުގެ ސަބަބުން ރައީސް މުއިއްޒު ރައްޔިތުންގެ ކުރިމަތީގައި ބޭޒާރުވެފައިވާ ކަމަށާއި، މި ސަރުކާރަށް ދެވަނަ ދައުރެއް ރައްޔިތުން ނުދޭނެ ކަމަށް ޔާމީން ވިދާޅުވިއެވެ.

ރަސްމާލެ ދޫކޮށްލުމާ ދެކޮޅުވެރިކަމެއް ނެތްކަމުގެ އިޝާރާތެއް

ރަސްމާލެއިން ބައެއް ބޭރުގެ ކުންފުންޏަކަށް ދޫކޮށްލުމާ ދެކޮޅު ހަދަނީ މަދު ބަޔަކު ކަމަށާއި، ދިވެހިން އަބަދުވެސް އިސްކުރަނީ ގައުމީ ތަރައްގީކަން މުއިއްޒު ފާހަގަކުރެއްވި. މީގެކުރިންވެސް ރާއްޖެއަށް އައި ބޮޑެތި ބަދަލުތަކާ ބައެއް މީހުން ދެކޮޅު ހެދި ނަމަވެސް، ގިނަ ރައްޔިތުން ތާއީދުކުރީ ގައުމީ ކުރިއެރުމަށްކަން އެމަނިކުފާނު ބަޔާންކޮށްދެއްވި.

ހުލާސާކޮށް އިއްޔެ: ސިޔާސީ ޕާޓީތަކުގެ ދަފްތަރަށް އައި ބޮޑު ބަދަލު

ޕީއެންސީގެ މެންބަރުންގެ އަދަދު އެއްލައްކައަށް އެރުމާއެކު، ޖުމްހޫރީ ޕާޓީ އާއި އަދާލަތު ޕާޓީ ފަދަ ދުވަސްވީ ޕާޓީތަކުން ގިނަ އަދަދެއްގެ މެންބަރުންނާއި އިސް ބޭފުޅުން ވަނީ ވަކިވެފައެވެ. މީގެ އިތުރުން، ރަސްމީ ޖަލްސާތަކުގެ ޕްރޮޓޮކޯލަށް ބަދަލުތަކެއް ގެނެސްފައިވާއިރު، ރަސްމާލެ މަޝްރޫއާ ގުޅޭގޮތުން އިލްމުވެރިންނާއި ސިޔާސީ ފަރާތްތަކުގެ މެދުގައި ވަނީ ޚިޔާލުތަފާތުވުންތަކެއް އުފެދިފައެވެ.

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

Newsletter

Get the latest news delivered straight to your inbox